Dagur - 15.03.1979, Side 4

Útgefandi: ÚTGÁFUFÉLAG DAGS
Skrifstofur Tryggvabraut 12, Akureyri
Ritstjórnarsímar: 24166 og 23207
Sími auglýsinga og afgreiöslu: 24167
Ritstjóri (ábm.): ERLINGUR DAVÍÐSSON
Blaöamaöur: ÁSKELL ÞÓRISSON
Augl. og afgr.: JÓHANN KARL SIGURÐSSON
Prentun: Prentverk Odds Björnssonar hf.
Hvar er valdið?
í útvarpsumræöum frá Alþingi fyr-
ir rúmri viku bar Ingvar Gíslason
fram spurningar um, hvar væri að
finna „valdið“ í þjóðfélaginu?
Spurning þessi er ekki út í bláinn,
því ekki virðist alltaf Ijóst, hverjir
fara með hið raunverulega vald.
Svo virðist, sem Alþingi sé stór-
lega valdskert stofnun og ríkis-
stjórnin virðist heldur ekki hafa
það vald, sem flestir vilja trúa.
Þessar staðreyndir rifjast upp
þegar litið er til stórviðburða síð-
ustu daga á stjórnmálasviðinu.
Flest bendir nú til, að ríkisstjórn
sú, sem mynduð var af vinstri
flokkunum síðastliðið haust,
standi nú höllum fæti, þó ekkert
verði fullyrt um afgreiðslu Alþing-
is á efnahagsmálafrumvarpi Ólafs
Jóhannessonar, sem hann mun
nú leggja fram á Alþingi, sem eig-
ið frumvarp en ekki stjórnarfrum-
varp. Ef ríkisstjórnin fellur á efna-
hagsfrumvarpinu, er látið svo, að
það sé vegna fyrirhugaðra að-
gerða í efnahagsmálum. En hið
furðulega er það, að hér er ekki
um málefnaágreining meðal ráð-
herra ríkisstjórnarinnar að ræða.
Hið sanna er, að fulit sam-
komulag var innan ríkisstjórnar-
innar sunnudaginn 11. þ.m. um
efni og form frumvarps til laga um
efnahagsmál. Ráðherrar Alþýðu-
bandalagsins, Svavar Gestsson,
Hjörleifur Guttormsson og Ragnar
Arnalds, samþykktu fyrirvaralaust
stuðning sinn við frumvarpið og
stóðu að því með samráðherrum
sínum, að fela forsætisráðherra
að flytja málið sem stjórnarfrum-
varp. Ráðherrar Alþýðubanda-
lagsins voru frumvarpinu fyllilega
meðmæltir, enda hafði forsætis-
ráðherra tekið margt inn í greinar
þess samkvæmt ósk þeirra. Þetta
margrædda frumvarp var sameig-
inlegt framlag allra ráðherranna til
lausnar á efnahagsvandanum.
En Þjóðin átti eftir að verða vitni
að því, að ráðherrar Alþýðu-
bandalagsins eru ekki sjálfráðir
gerða sinna. Þeir reyndust valda-
og áhrifalausir gagnvart öflum ut-
an Alþingis og ríkisstjórnar. Þeir
urðu að beygja sig fyrir fámennri
klíku, stjórnar Alþýðusambands
Islands, undir forystu Ásmundar
Stefánssonar hagfræðings. Hans
virðist valdið en ekki ráðherra.
Það er nærtækt, að bregða ráð-
herrum Alþýðubandalagsins um
geðleysi, en svo þarf þó ekki að
vera. Verið getur, að þeir séu leik-
soppar öfugsnúins ástands í
stjórnmálum og brenglaðra
valdahlutfalla í þjóðfélaginu, þar
sem hagfræðingur ASI' hefur meiri
völd en þrír ráðherrar eða heil rík-
isstjórn.
Búnaðarþing lauk störfum 10.
mars og hafði þá setið á rök-
stólum í þrjár vikur og afgreitt
51 mál af 55, sem á dagskrá
komu. Áttatíu ár eru frá stofnun
Búnaðarfélags fslands og er
þetta því tímamótaár í sögu
þess, en einnig hafði það nú til
meðferðar yfirgripsmeiri og
flóknari mál en oftast áður.
Þingið sitja 25 kjörnir fulitrúar
búnaðarsambandanna, auk
Stefán Halldórsson.
stjórnar og starfsmanna sam-
takanna. Blaðið leitaði fregna
af þinginu hjá Stefáni Halldórs-
syni, bónda á Hlöðunt, eyfirsk-
um fulltrúa á þinginu og hafði
hann þá m.a. eftirfarandi að
segja í stuttu viðtali:
Að þessu sinni voru mörg mál til
umræðu og afgreiðslu og sum
óvenjulega umfangsmikil og sein-
unnin. Var þetta eitt vinnufrekasta
þing, sem ég hef setið. En hæst bar
framleiðslu-og markaðsmál land-
búnaðarins.
Markaðs- og fram-
leiðskimál
Tvö erindi lágu fyrir þinginu um
markaðsmálin, raunar að mestu
um sama efni. Fyrst og fremst var
það frumvarp landbúnaðarráð-
herra, sem hann lagði fram á al-
þingi rétt fyrir jólin og byggt var að
mestu á niðurstöðum sjömanna-
nefndarinnar, sem menn kannast
nú við. Það frumvarp er fram
komið vegna knýjandi vanda land-
búnaðarins um þessar mundir og
snertir einkum það, sem kallað
hefur verið offramleiðsluvanda-
mál. En hitt erindið er frumvarp,
sem landbúnaðarráðherra hefur
látið semja og það fjallar um
heildarbreytingar á lögum um
framleiðsluráð og er það viðamikill
bálkur, sem ekki hefur verið lagður
fram á Alþingi, og var nú vísað til
Búnaðarþings, að mestu í formi
nefndarálits fimm manna, sem um
þetta hafa fjallað síðan 1976 og
landbúnaðarráðherra skipaði þá til
þessara starfa. Nefndin var þannig
skipuð, að þrír voru frá bænda-
samtökunum og tveir frá aðilum
vinnumarkaðarins.
Þessi nefnd klofnaði og skilaði
tveim tillögum. Búnaðarþing tók
undir álit meirihlutans, skipuðum
fulltrúum frá bændasamtökunum,
en áliti minnihlutans var hafnað.
Greinargerðir og álit voru nokkuð
á annað hundrað blaðsíður og gefst
tæplega rúm til að rekja það í ein-
stökum atriðum að þessu sinni, þótt
þar sé ýmislegt merkilegt að finna.
En mál þetta, ásamt frumvarpi
ráðherra, sem fram var lagt fyrir
jólin, tók mikinn tíma Búnaðar-
þingsins, sem eðlilegt er. Þá lá enn
fyrir álit landbúnaðarnefndar
neðrideildar Alþingis um breyting-
ar, sem fylgiskjal. Það mál var
einnig afgreitt í þá veru, sem land-
búnaðarnefndin lagði til, ásamt at-
hugasemdum, sem ekki voru mjög
veigamiklar.
Lausaskuldir í föst
lán?
Nefna má, að samþykkt var
frumvarp, sem samið hefur verið
um að breyta lausaskuldum bænda
í föst lán, í formi bankavaxtabréfa,
sem veðdeild Búnaðarbankans á að
gefa út og á að vera aðstoð við þá
bændur, sem hafa á sér mikið af
lausaskuldum vegna framkvæmda
á síðustu árum.
Eigumvið
aðflytja
út kiöt á
láguverði?
til að geta haldið áfram útflutningi á
ullar- og skinnavörunum vinsælu?
Stefán Halldórsson segir frá
nýafstöðnu Búnaðarþingi
INGOLFUR GUÐBRANDSSON, FORSTJÓRI ÚTSÝNAR:
UTSYNARKVÖLDIÐ I
S JÁLFST ÆÐISHÚSINU
Eftir 24 ára starf sem er vel
þekkt og metið af alþjóð getur
Ferðaskrifstofan Otsýn ekki
talist neinn viðvaningur,
hvorki í skipuiagningu ferða-
laga né ferðakynninga. Ferða-
kynningar með skemmtiþátt-
um eru fastur liður í starfsemi
Útsýnar í Reykjavík og Útsýn-
arkvöldin á Hótel Sögu mega
einnig teljast landsþekkt og
svo vinsæl eru þau og eftirsótt
og hafa að margra dómi stuðl-
að að bættri skemmtanamenn-
ingu. í meira en áratug hefur
Útsýn gengist fyrir ferðakynn-
ingu einu sinni á ári í samvinnu
við Sjálfstæðishúsið á Akur-
eyri og umboð sitt þar, Bókval.
Hafa samkomur þessar jafnan
farið vel fram og árekstralaust.
Að þessu sinni var venju frem-
ur ástæða til að vænta góðs af
slíkri kynningu og var mér
sérstakt tilhlökkunarefni að
heimsækja vini og viðskipta-
menn á Akureyri og kynna
þeim fyrstum landsmanna ný-
útkomna ferðaáætlun ársins
með fjölbreyttum og hag-
kvæmum ferðamöguieikum.
Fkkert var heldur til sparað af
hálfu Útsýnar að gera kvöldið
sem ánægjulegast, enda fékk
bæði ferðakynning og
skemmtiatriði ágætar undir-
tektir.
Ekki virðist öllum vera ljóst að
Útsýn var ekki leigutaki að Sjálf-
stæðishúsinu umrætt kvöld, enda
er mér rekstur þess með öllu
óviðkomandi. Útsýn auglýsti
samkomuna á eigin kostnað og
bar allan kostnað af dagskránni,
en húsið lagði til hljómsveit, veit-
ingar og þjónustu á eigin ábyrgð
og fyrir eigin reikning og runnu
allar tekjur kvöldsins, að bingó-
sölu undanskilinni, óskiptar til
hússins. Þar sem telja verður
Sjálfstæðishúsið á Akureyri einn
þekktasta veitinga- og skemmti-
stað landsins utan Reykjavíkur,
má hiklaust gera til þess fyllstu
kröfur um gæði veitinga og þjón-
ustu, enda hefur það verið reynsla
mín hingað til.
Þegar ég kom að Sjálfstæðis-
húsinu kl. 20 að kvöldi sunnudags
varð nokkur bið á að mér væri
hleypt inn í húsið. Mér varð fljótt
Ijóst að ekki var allt með felldu af
hússins hálfu. Hver smuga var
full af fólki sem beið eftir þjón-
ustu. Ráðstöfun borða í húsinu
var á ábyrgð forstjóra þess, en í
samráði við hann tók umboðs-
maður Útsýnar, Aðalsteinn Jós-
epsson, frá nokkur borð og gerði í
tæka tíð fulla grein fyrir þeim
pöntunum við starfsfólk hússins.
Svo virðist sem enginn hafi vitað
hvað annar aðhafðist í þessum
sökum og þótt búið væri að ráð-
stafa svo mörgum borðum að
ekki var einu sinni rúm fyrir
starfsfólk Útsýnar. Var fólki
svarað á þá leið síðdegis á
sunnudag að það skyldi bara
koma um 7 leytið þá fengi það
borð. Niðurstaðan varð sú að
fjölda fólks var vísað frá við
mikla óánægju og formælingar —
einnig í garð Útsýnar, en aðrir
hlutu ófullnægjandi þjónustu.
Mér varð það fyrst ljóst síðar að
framkvæmdastjórinn mun hafa
ætlað að spara í innkaupum sín-
um til kvöldsins, þótt ljóst væri
hvert stefndi með aðsókn og mun
hvergi nærri hafa verið til nóg
hráefni til matargerðar fyrir slík-
an fjölda fólks, enda munu sumir
hafa fengið allt annan mat en
auglýstur var og orðið svo að
segja að borða hann úr kjöltu sér
vegna þrengsla. Kvöldverður átti
að hefjast stundvíslega klukkan
20 og var húsið þá sneisafullt en
ekkert bólaði á matnum. Dróst
það í klukkustund fram yfir aug-
lýstan tíma að maturinn væri
fram borinn. Ekki var gerð nein
grein fyrir þessum drætti og því
ekki hægt að hefjast handa um
önnur dagskráratriði á meðan.
Skemmtiatriðin fóru fram með
miklum ágætum og við góðar
undirtektir, enda var teflt fram
frábærum gítarleikara, Erni Ara-
syni, og Ómari Ragnarssyni, vin-
sælasta skemmtikrafti landsins.
Þegar að myndasýningu kom var
ekkert til reiðu af hússins hálfu og
var þó vel kunnugt hvað til stóð.
Þegar loks fékkst straumur á sýn-
ingarvél var hljóðnemi úr sam-
bandi og tók nærri hálftíma að
koma honum í lag með aðstoð
(Framhald ábls. 6).
4.DAGUR
Þá kom frá landbúnaðarráð-
herra tillaga um breytingu á jarð-
ræktarlögum, þess efnis að þau
yrðu sveigjanlegri og mætti sam-
kvæmt þeim beina fjármagni til
fleiri þátta en nú er og miðast það
við nýja stöðu landbúnaðar. Bún-
aðarþing klofnaði um þetta mál,
þannig, að nefnd, sem um þetta
fjallaði, skilaði tveimur álitum.
Búnaðarþing var fremur í andstöðu
við breytinguna, nema fulltryggt
væri, að fé, sem veitt er samkvæmt
jarðræktarlögum, þjónaði sömu
markmiðum og áður og landbún-
aðurinn nyti þess. Búnaðarþing var
þó meðmælt því, að nota bæri fjár-
magnið til framleiðsiuhvetjandi
þátta, eftir því sem þörf krefði á
hverjum tíma Þar var m.a. rætt um
nauðsyn þess að hvetja til bættrar
heyverkunar, en það vinnur tvennt
í senn: Bætir fóðrið og dregur úr
nauðsyn á kjarnfóðurkaupum.
Breyttir búhættir
En í framhaldi af þessu er vert að
geta um erindi, sem lagt var fyrir
Búnaðarþing um aukna aðstoð við
súgþurrkun. Það var samþykkt
ályktun, sem felur í sér fjögur at-
riði:
í fyrsta lagi, að ríkisframlag til
súgþurrkunar verði greitt fyrr, í
öðru lagi að unnt væri að fá hag-
stæðari lán en nú fást til fram-
kvæmdanna og í þriðja lagi er lögð
áhersla á auknar leiðbeiningar.
Síðast en ekki síst þarf að byggja
upp rafveitukerfið Þó menn hafi
ágæt tæki til súgþurrkunar og af-
kastamikla blásara, vantar rafork-
una til að þetta nýtist. Bæði eru
línurnar orðnar gamlar og þær
einfasa. Það er meginmálið í þessu
sambandi, að fá næga raforku til að
geta súgþurrkað heyið.
Samþykkt var sú áskorun til
stjómvalda, að þau hlutist til um að
veitt verði árlega á næstu 8-10 ár-
um, einn milljarður króna til að
endurbyggja dreifikerfi raforkunn-
ar í dreifbýlinu, miðað við verðlag
þessa árs.
Samþykkt var ályktun um
stuðning við nýja búgrein, refarækt
og í því efni samþykkt breyting á
lögum um loðdýrarækt frá 1969
þess efnis að taka upp loðdýrarækt
sem hliðargrein við búskapinn
Talað var um refarækt fremur en
minkarækt, þar sem sú grein þykir
einfaldari í framkvæmd. En loð-
dýrarækt byggist á innlendu fóðri
að mestu og gefur mikinn gjaldeyri
í aðra hönd. Talið er, að sumir
bændur geti notað þau mannvirki,
t.d. hlöður, sem fyrir eru, sem hús-
næði fyrir refi. Áætlaður s.tofn-
kostnaður við 100-150 refalæðubú
er áætlaður 16 milljónir króna, auk
dýranna sjálfra. Búnaðarþing hefur
lagt til, að lögum verði breytt á
þann veg, að þau standi ekki í vegi
fyrir breytingum í búskapnum, þar
sem nýjar búgreinar geta hugsan-
lega leyst hinar eldri af hólmi í
einhverjum mæli, sem nú er talin
nauðsyn vegna offramleiðslunnar.
Nýr mælikvarði
Búnaðarþing samþykkti ályktun
um rannsókn á þurrefnisinnihaldi
mjólkur, með tilliti til breyttra út-
borgunarreglna. Búið er að kanna
þessi mál verulega í Vestur-Evrópu
og tvær Norðurlandaþjóðirnar ætla
strax á næsta ári að greiða mjólkina
jöfnum höndum eftir eggjahvítu-
innihaldi og fitu. Þessar þjóðir eru
Noregur og Finnland. Tæki eru
engin til að annast afgreiðslu á
fjöldasýnum af þessu tagi og rætt
var um, að koma þessari aðstöðu
upp hjá mjólkursamlögum landsins
eða hjá Osta-og smjörsölunni og
nota það dreifikerfi, sem fyrir
hendi er, Búnaðarþingið samþykkti
„að stefna bæri að þessari breyt-
ingu, sem byggjast þarf á rann-
sóknum og síðan á aukinni og
breyttri tækni.“
En út frá þessu sjónarmiði vakna
ýmsar spurningar um, hvað fram-
undan sé í mjólkurframleiðslunni,
og á hvern hátt sé unnt að ná fram
æskilegum breytingum á mjólk,
með tilliti til markaðsaðstæðna. En
um þessar mundir gengur erfiðlega
að selja mjólkurfituna, en mun
betur gengur að selja eggjahvítu, í
gegnum ostana til dæmis. Má segja,
að ályktun þessi sé verulega
stefnumarkandi.
Staða sauðf jár-
ræktar
Búnaðarþing lagði til, að rjúpan
yrði alfriðuð næstu þrjú árin. Sam-
þykkt var ályktun um stöðu sauð-
fjárræktar í landinu, miðað við
þjóðarhagsmuni og hvort ekki væri
rétt, þrátt fyrir allt, að miða sauð-
fjárræktina við verulegan útflutn-
ing á kjöti, vegna þess hve mikla
atvinnu hún skapar í úrvinnslu, í
ullar-og skinnaiðnaðinum og hve
gjaldeyrisskapandi útfluttar ull-
ar-og skinnavörur eru.
Talið er, að hver bóndi veiti
fjórum mönnum atvinnu í úr-
vinnslugreinum. Mætti þá álíta, að
16 þús. menn og fjölskyldur þeirra
hafi framfæri sitt af þessari úr-
vinnslu og þjónustu, auk bænda-
fólksins sjálfs. Hér er átt við land-
búnaðinn í heild, þótt úrvinnslu-
greinarnar séu að stærstum hluta
frá sauðfjárræktinni.
Þó ekki fáist nema um 40% af
grundvallarverði kindakjöts á er-
lendum mörkuðum, verður að
svara þeirri spurningu, hvort þjóð-
in megi vera án þessa gjaldeyris,
sem sauðfjárframleiðslan í heild
skapar, ekki aðeins í kjöti, heldur
einnig í ullar-og skinnavörum. En
þessi útflutningur gaf sl. ár rúma 9
milljarða í erlendum gjaldeyri.
Spurningin er sú, hvort ekki sé
þjóðhagslega hagkvæmt að flytja út
verulegt magn af kjöti á lágu verði
til þess að geta flutt út ullar-og
skinnavörurnar eftirsóttu. Um það
á úttektin m.a. að gefa svör.
Þegar fyrsta Búnaðarþing hvers
fjögurra ára kjörtímabils kemur
saman, er stjórn þess kosin. Að
þessu sinni gaf Einar Ólafsson í
Lækjarhvammi ekki kost á sér í
stjórnina og í hans stað var kosinn
Steinþór Gestsson á Hæli. Aðrir í
stjórn eru: Ásgeir Bjarnason, for-
maður og Hjörtur E. Þórarinsson.
Blaðið þakkar Stefáni Halldórssyni
á Hlöðum þessar upplýsingar frá
nýloknu Búnaðarþingi.
Sigursælir júdókappar
Síðari hluti fslandsmótsins í
júdó var háður í íþróttahúsi
Kennaraháskólans sunnu-
daginn 11. mars. Keppt var í
opnum flokki karla, opnum
flokki kvenna og í flokkum
unglinga. Meðal keppenda
voru fjórir júdómenn frá Ak-
ureyri, en þeir voru: Broddi
Andrésar
Andar
leikarnir
um helgina
Eins og áður hefur verið sagt
frá verða Andrésar Andar-
leikarnir um helgina. Það er
skíðamót í Alpagreinum fyrir
12 ára og yngri. 245 kepp-
endur verða á mótinu alls-
staðar af að landinu. Þá
verður einn kcppandi frá
Noregi. Annars verður dag-
skrá leikanna þessi:
F östudagur 16. mars:
Kl. 19.00 Skrúðganga keppenda
frá Búnaðarbankahúsinu,
inn miðbæinn og upp í
kirkju.
Kl. 19.20 Helgistund í kirkjunni.
Prestur séra Pétur Sigur-
geirsson.
Kl. 19.35. Bæjarstjóri Helgi
Bergs setur leikana.
Kl. 19.45 Mótseldur kveiktur.
Kl. 19.50 flugeldum skotið.
(Hjálparsveit skáta).
Laugardagur 17. mars:
KI. 10.00 Við Stromp. Stórsvig
10, 11 og 12 ára. Við Hjalla-
braut Stórsvig 7, 8 og 9 ára.
Kl. 19.30. Kvöldskemmtun í
Dynheimum. Verðlaunaaf-
hending fyrir stórsvig.
Skemmtiatriði. Dans.
Kl. 22.00 Fararstjóra og starfs-
mannahóf í Galtalæk í boði
framkvæmdastjórnar.
Sunnudagur 18. mars:
Kl. 10.00 Við Stromp. Svig 10,
11 og 12 ára. Við Hjallabraut
svig 7, 8 og 9 ára. Verð-
launaafhending fyrir svig
við Skíðahótelið að lokinni
keppni. Mótsslit.
Magnússon, Kristján Frið-
riksson, Þorsteinn Hjaltason
og Ásgerður Ólafsdóttir.
Keppendur á mótinu voru alls
11 og voru margar viðureign-
ir mjög harðar og tvísýnar. í
úrslitum vann Bjarni Frið-
riksson, Ármanni, með 3
stigum (koka).
Þeir Broddi, Kristján og Þor-
steinn kepptu í flokki 15 til 17
ára, en Ásgerður keppti í opn-
um flokki kvenna. Urslit urðu
þau að Þorsteinn vann þyngsta
flokkinn, en Kristján varð í 5.
sæti í sama flokki. Broddi varð í
3. sæti í léttasta flokknum og
Ásgerður varð í öðru sæti í sín-
um flokki.
Fyrri hluti íslandsmótsins var
háður þann 4. mars og keppti þá
Brynjar Aðalsteinsson í flokki
karla undir 65 kílóum. Hann
hafnaði í 4. sæti.
islandsmót í lyftingum
Um helgina verður haldið í Reykjavík íslandsmót í lyftingum
fullorðinna. Stór hópur akureyrskra lyftingarmanna fer á
mótið og kemur vonandi með mörg verðlauna. í fyrra hlutu
Akureyringar fjóra fslandsmeistara og takmarkið er að
halda a.m.k. þeirr: tölu. Sagt verður frá úrslitum mótsins í
næstu viku.
KÁ - Þór í
kvöld
f kvöld fimmtudag kl. 20.00
leika í íþróttaskemmunni Þór
og KA í annarri deild karla i
handbolta. Leikur þessi er
mjög þýðingarmikill fyrir
bæði félögin því ekkert má
tapast ef þau ætla að vera
með í toppbaráttunni.
Reiknað er með að bæði liðin
stilli upp sínum sterkustu liðum,
en þó er vitað að Aðalsteinn
Sigurgeirsson er meiddur á fæti
og leikur því ekki með Þór að
þessu sinni.
Þórsarar hafa frekar efni á að
tapa þessum leik en KA því þeir
hafa aðeins tapað 7 stigum, eða
fæst allra liða í deildinni. Þeir
hafa hins vegar leikið einum
leik færra en KA og eiga þrjá
eftir fyrir þennan leik. Auk KA
eiga þeir eftir að leika við Þrótt
á útivelli þann 23. mars og síðan
við KR daginn eftir. Ef Þórsur-
um tekst að vinna alla þessa
leiki verða þeir efstir í deildinni
og leika í fyrstu deild á næsta
ári. Þeir geta einnig sigrað þótt
þeir tapi einum leik, en senni-
lega vonlausir um fyrstu deildar
sæti ef þeir tapa tveimur leikj-
um.
KA á eftir að leika við Stjörn-
una á heimavelli þann 24. mars,
eftir að þeir hafa leikið við Þór.
Ef þeim tekst að vinna Þór og
síðan Stjörnuna líka, eiga þeir
möguleika á að lenda í öðru sæti
ásamt einhverju öðru félagi og
þá síðan að leika aukaleik við
það félag. Ef sá leikur vinnst
einnig hafa þeir möguleika á að
vinna fyrstu deildar sæti með
því að vinna síðan næst neðsta
lið fyrstu deildar.
Eins og sjá má á þessu er
staðan í deildinni mjög óljós og
ennþá getur ýmislegt gerst. Eitt
er þó víst í öllum þessum dansi
að bæði liðin þ.e.a.s. Þór og KA
eru ekki í fallhættu í deildinni,
en það eru ennþá þrjú lið.
DAGUR.5