Dagur - 29.03.1979, Blaðsíða 1
TRÚLOFUNAR-
HRINGAR
AFGREIDDIR
SAMDÆGURS
GULLSMIÐIR
SIGTRYGGUR & PÉTUR
AKUREYRI
DAGUR
LXII. árg.
Akureyri, fimmtudagur 29. mars 1979
22. tölublað
Hækkar áburður
um 56,2%?
Stjórn Áburðarverk-
smiðju ríkisins hefur
farið fram á að áburðar-
verð hækki um 56.2%.
Beiðni verksmiðjunnar
verður nú tekin fyrir í 3ja
manna nefnd, sem verð-
lagsstjóri veitir forstöðu,
en umsögn hennar síðan
tekin fyrir í ríkisstjórn-
inni.
Jafnið
ágreininginn
Um s.l. heigi var haldinn
aðalfundur Iðju, félags
verksmiðjufólks á Akur-
eyri. í ályktun fundarins
segir m.a. að aðalfund-
urinn skori á stjórnar-
flokkana að jafna
ágreining sinn um frum-
varp til laga um efna-
hagsaðgerðir, sem nú
liggur fyrir Alþingi.
Taldi fundurinn að eng-
um launþega sé greiði
gerður með því að rjúfa
stjórnarsamstarfið og
velta öllu út í óðaverð-
bólgu.
Að lokum segir í
ályktuninni: „Hins veg-
ar telur fundurinn að
herða beri tökin á há-
tekjumönnum og stór-
eignamönnum, en hlífa í
sama mæli lægst laun-
uðu séttum þjóðfélags-
ins við kjaraskerðingu.“
Harpa og Sjöfn
selja lakk til
Sovétríkjanna
Nú hafa verið undirrit-
aðir samningar við
Sovétmenn um sölu á
1000 tonnum af hvítu
lakki, en söluaðilar eru
Harpa og Efnaverk-
smiðjan Sjöfn. Harpa
selur 650 tonn og Sjöfn
350 tonn. Harpa hefur
selt lakk austur í 14 ár
með góðum árangri og
fyrir 4 árum hóf Sjöfn
framleiðslu fyrir þennan
markað.
Aðalfundur
Akureyrardeild Rauða
krossins verður haldinn
á Hótel KEA kl. 20.00
fimmtudaginn 5. apríl.
Skreiðin hengd upp hjá Ú.A. Hún er í háu verði i sumum heimshlutum og þar
eru búnir til úr henni hinir margvíslegustu réttir, sem taldir eru lostæti en
f æstir Islendingar þekkja. Mynd: á.þ.
Þrjátíu ár í NATO
Samtök herstöðvaandstæðinga
á Akureyri ætla að minnast 30
ára veru íslands í NATO með
verðugri baráttusamkomu f
Sjálfstæðishúsinu, n.k. sunnu-
dag 1. apríl kl. 15.00.
Aðal ræðumaður á fundinum
verður Tryggvi Gíslason skóla-
meistari. Þá mun Jakobína Sig-
urðardóttir flytja samantekt um
inngönguna f NATO og ýmis-
legt verður fleira á dagskrá í tali
og tónum. Þá eru fyrirhugaðar
myndlistasýning í tilefni af-
mælisins sem Huginn, skólafé-
lag MA, gengst fyrir.
Lamast
starfsemi
siúkra-
hússins?
Flest bendir nú til að samningar
náist ekki við röntgentækna er
vinna á Fjórðungssjúkrahúsinu
á Akureyri og að þeir hætti
störfum um mánaðamótin. Að
undanfömu hafa kjarasamn-
inganefndir Akureyrarbæjar og
STAK haldið fundi með fulltrú-
um röntgentækna, en árangur
hefur orðið lítill sem enginn.
Tæknamir krefjast 3ja launa-
flokka hækkunnar, en þeim hef-
ur verið boðið 2ja flokka hækk-
un. Ekki er gert ráð fyrir samn-
ingafundi áður en uppsagnir
röntgentæknanna taka gildi.
Alls eru það þrjár konur sem
eiga hér hlut að máli.
„Hætti röntgentæknarnir störf-
um lamast starfsemi sjúkrahússins
að miklu leyti. Það þýðir ekki að
leggja inn fólk nema hafa rann-
sóknadeildirnar í gangi," sagði
Torfi Guðlaugsson, framkvæmda-
stjóri F.S.A. í samtali við Dag. „Það
hefur ekki verið boðaður samn-
ingafundur og ég óttast að upp-
sagnirnar komi til framkvæmda."
Röntgentæknarnir fara fram á
3ja flokka hækkun og miða sig við
þá hækkun sem meinatæknar
fengu s.l. haust. Meinatæknar eru
nú í 15 flokki, en röntgentæknar á
F.S.A. eru í 11 flokki og vilja í 14
flokk. Kjaranefndin heldur því
fram að fái röntgentæknarnir sínu
framgengt raskist hlutfallið sem
hefur verið milli þessara tveggja
starfsstétta. Tilboð nefndarinnar
hljóðar upp á 2ja flokka hækkun
frá og með 1. júlí 1977, en röntgen-
tæknarnir hafa fallist á 3ja flokka
hækkun frá og með síðustu ára-
mótum.
ís og fiskveiðibann
I umræðum utan dagskrár á Alþingi í fyrradag var fjallað um sér-
staka aðstoð til flutninga á fiski á milli veiðistöðva til að halda uppi
sem jafnastri atvinnu í hinum ýmsu verstöðvum. Ennfremur hvort
páskaveiðibannið yrði látið gilda um þá norðlenska netabáta, sem
nú hafa teppst frá veiðum vegna ísalaga.
Þessi mál bæði hefur forsætis-
ráðherra lagt fyrir ríkisstjórnina,
samkvæmt beiðni Stefáns Val-
geirssonar, alþingismanns. Ríkis-
stjórnin hefur tekið jákvæða af-
stöðu til þeirra og vísað þeim til
viðkomandi ráðuneyta, til frekari
fyrirgreiðslu, samkvæmt því og
staðfesti forsætisráðherra Ólafur
Jóhannesson þetta við blaðið í gær.
Mikill verðmismunur á
efni til vegagerðar
Nauðsynlegt að samræma reglur þar að lútandi, segir Árni G. Pétursson
f september á síðasta ári greiddi
Vegagerð ríkisins 16 krónur
fyrir hvern rúmmeter af góðu
slitlagsefni á Egiisstöðum. Til
samanburðar má geta þess að
stofnunin greiddi 50 krónur fyrir
hvern rúmmetra af venjulegum
ofaníburði í Hvalfirði á síðasta
ári, en á Eyvindarstöðum á
Álftanesi, i september, bauð
verktaki hvorki meira né minna
en 200 krónur fyrir rúmmetra af
fylliefni í veg — þar að auki var
honum meinað að flytja efnið út
fyrir hreppamörkin. En á Mel-
rakkasléttu, nánar tiltckið á
landi Oddsstaða, hefur Vega-
gerðin neitað að greiða eyri fyrir
efnistöku á þeim forsendum að
enginn markaður væri fyrir efn-
ið. Auk þess hefur hún, í leyfis-
leysi, látið starfsmenn harpa
efni, þrátt fyrir mótmæli land-
eiganda.
„Vegagerðin virðist álíta að hægt
sé að ganga á eignir bænda án þess
að greiða nokkuð fyrir þær,“ sagði
Árni G. Pétursson, ráðanautur hjá
Búnaðarfélagi Islands, en hann er
einn eiganda jarðarinnar Odds-
staða á Melrakkasléttu. „Þessi mál
hafa ekki komið til kasta Búnaðar-
félagsins og bændur hafa verið
samtakalausir á þessum vettvangi.
Þar að auki hefur enginn leiðbeint
þeim um hvernig best sé að haga
sér í þessum rnálurn."
Árni sagði að fyrst hefði Vega-
gerðin leitað í land Oddsstaða fyrir
u.þ.b. fjórum árum og ritaði Árni
þá bréf til lögfræðings stofnunar-
innar og mótmælti því að efni væri
tekið að eigendum jarðarinnar for-
spurðum. Ekki höfðu mótmælin
mikil áhrif því áfram hélt Vega-
gerðin og þegar lagður var nýr
vegur yfir landið héldu ráðamenn
Vegagerðarinnar því fram að jörð-
in væri óhæf til ræktunar, en sá
misskilningur var fljótlega leiðrétt-
ur. S.l. haust var búið að harpa háa
hóla á Oddsstöðum án þess að
nokkur greiðsla hefði komið fyrir
það og án þess að V.r. hefði beðið
um leyfi. Árni sagði að innan
skamms yrði síðustu framkvæmd-
um Vegagerðarinnar mótmælt.
„Þegar vegur er lagður yfir
ræktað eða ræktanlegt land eru til
viðmiðunartölur frá Búnaðarfélag-
inu hvað skuli greiða fyrir þann
hluta landsins sem vegur kemur
yfir“, sagði Árni. „Þessar tölur hafa
aldrei náð yfir efnistöku, en efnið
hefur verið metið hverju sinni þeg-
ar Vegagerðin getur ekki haft það
eins og henni sýnist og tekið efnið
án þess að bændur fái nokkuð fyrir.
Þetta mat er ákaflega misjafnt og
þarf nauðsynlega að samræma
reglur þar að lútandi.“