Dagur - 08.11.1979, Blaðsíða 8

DAGUR
Akureyri, fimmtudagur 8. nóvember 1979
5mMis
VÉLAHITARAR
Klofið íhald
ÍHALDIÐ í Norðurlandskjördæmi
eystra bíður fram tvo lista eins og
kunnugt er. Alþýðublaðið sagði frá
þessu fyrir skömmu og sagði m.a.
að íhaldið biði fram „klofið" í
þessu kjördæmi. Margar vísur hafa
sprottið fram af þessu tilefni og hér
er ein þeirra:
Sýnir íhald stna nekt
— og siðalögmál rofið.
Nú án allrar feimni frekt
—fram það býður klofið.
* NN.
Raðhúsí
Grímsey
„HÉR ER verið að byggja rað-
hús,“ sagði Guðmundur Jóns-
son, er við höfðum samband við
hann í síðustu viku. Hann sagði
að þetta væri 3ja íbúða raðhús
og fær skóiastjórinn eina íbúð-
ina en aðrir eyjarskeggjar hinar.
Fleira er byggt í Grímsey þess
dagana. Það hefur áður verið sagt
frá grunni sem búið er að steypa
fyrir díselrafstöð. „Og nú eru út-
veggjagrindurnar komnar og ekk-
ert eftir annað en að reisa þær,“
sagði Guðmundur.
*
Áfram unnið
í Strýtu
FYRIR skömmu fór íþróttaráð
fram á aukafjárveitingu til þess
að ljúka við gerð húss Strýtu í
Hlíðarfjalli fyrir veitinga- og
snyrtiaðstöðu.
Nú hefur bæjarráð Akureyrar
heimilað að haldið verði áfram
framkvæmdum við Strýtu þannig
að koma megi húsinu í nothæft
ástand í vetur og verði til þess varið
allt að 5 milljónum króna — um-
fram þá upphæð, sem ákveðin var á
fjárhagsáætlun fyrir árið 1979.
*
Á „tanga“ þær
skulu enda
BYGGINGARNEFND hefur
lagt til að bæjarstjórn staðfesti
eftirtalin götunöfn: 1. Nausta-
tangi, gata norðan dráttar-
brautar. 2. Skipatangi, gata í
framhaldi Tryggvabrautar. 3.
Fiskitangi, gata að Togara-
bryggju. 4. Silfurtangi, gata
norðan Tollvörugeymslu. Mál-
ið kemur til umfjöllunar á bæj-
arstjómarfundi í dag.
*
Grafik
í Innbænum
Á VEGUM GuðmundarÁrmanns,
listmálara og Gallery Háhóls er
komin út mappa 10 grafikmynda
úr Innbænum á Akureyri. 100
möppur eru gefnar út allar tölu-
settar svo og myndirnar í henni.
Verð möppurnnar er kr. 60.000,-
arni Pétursson, Fosshóli:
Bjarni Pétursson.
Nýr vegur yf ir
Fljótsheiði er
bráðnauðsynlegur
„ÞAÐ ERU nokkur ár síðan
hafist var handa við byggingu
nýs vegar við Fosshól — frá
brúnni og í vesturátt. Lengi vel
voru aðeins litlir áfangar teknir
fyrir í einu þar til nú í sumar að
kraftur var settur í framkvæmd-
irnar. Vegurinn frá brúnni og að
Krossmel er nær allur endur-
byggður. Á Krossmel skiptist
vegurinn úr Ljósavatnsskarði út
í Kinn og austur yfir Fljóts-
heiði.“
Það er Bjarni Pétursson á Foss-
hóli sem hefur orðið, en tíðinda-
maður Dags bankaði hjá Bjama á
dögunum og ræddi m.a. um vega-
framkvæmdir í Ljósavatnshreppi.
„Þetta er byrjunin á vegi hér austur
yfir Fljótsheiði, en það er orðin
brýn nauðsyn á að endurbyggja
þann veg. Það er staðreynd að á
sumrin er aðalumferðin austur á
land yfir Fljótsheiði, en ekki austur
og upp Kísilveginn. Vegurinn yfir
Fljótsheiði er aðeins 8 kílómetrar.
Ef við höldum okkur við síðustu
framkvæmdir þá verður að segjast
eins og er að þær eru mikil bót. Til
dæmis munu mjólkurflutningar
bænda í Bárðardal verða auðveld-
ari á veturna.“
Ingi Ragnar Sigurbjömsson
stjórnaði verkinu fyrir vegagerðina
og þegar blaðam. ræddi við Bjarna
um mánaðamótin hafði flokkur
Inga verið að í þrjár vikur. Bjarni
sagði að það ætti að vinna fyrir 24
milljónir króna í umræddum
spotta, en eftir er smáspotti við
Krossmelinn og verður spottinn
sjálfsagt byggður upp næsta sumar.
„Ég hef líka tölur um vegagerð í
Kinninni og samkvæmt þeim var
unnið hjá Hóli suður að Ysta-Felli
fyrir 44 milljónir. I sýsluvegum
hefur verið unnið fyrir 6 milljónir
króna.
Það er með meira móti sem hefur
verið unnið í sumar og það má
segja að t.d. Kinnin sé komin í gott
lag. Aðalfarartálminn eftir að þessi
vegur er kominn er Kvíslarbrúin,
sem er vestan við sjónvarpsnetið.
Þar á að koma ný brú og hún er á
áætlun næsta sumar. Hræddur er
ég um að Fljótsheiðin sé ekki á
áætlun, en það er verk sem þarf að
vinna sem fýrst." sagði Bjarni Pét-
ursson símstjóri og fréttaritari Dags
að lokum. — á.þ.
Þessa mynd tók á.þ. af vörubifreiðinni
Þ 1630 þegar ökumaður hennar var að
losa slitlagsefni á veginn, en til að
dreifa því jafnt yfir varð hann að aka
allhratt. Jeppinn Þ 591 beið á meðan.
Inni í honum voru nokkur böm —
sjálfsagt á leið til skólans á Stóru-
Tjörnum.
Faðmur íhaldsins
er næsta ótryggur
— segir Pétur Már, bæjarstjóri, Ólafsfirði
— MÉR finnst þessi faðmur
sem íhaldið er að bj'óða okkur
næsta ótryggur og barátta
þeirra er að miklu leyti byggð á
innantómum slagorðum, sagði
Pétur Már Jónsson, bæjar-
stjóri á Ólafsfirði í viðtali við
Dag á kjördæmisþingi Fram-
sóknarmanna í Norðurlands-
kjördæmi eystra.
— Hvað þýðir til dæmis slag-
orð þeirra um lækkaða skatta? Til
þess að lækka skatta þarf að skera
niður útgjöld og þeir hafa ekki
gert okkur grein fyrir því hvort
þeir vilji lækka ellilífeyrinn eða
eitthvað annað. Það er enginn
sparnaður í því fólginn að selja
ríkisfyrirtæki sem ekki hafa verið
rekin með ríkisframlögum. Við
þessum og mörgum fleiri spurn-
ingum verða kjósendur í komandi
kosningum að fá svör. Við Fram-
sóknarmenn erum sammála því
að margt megi bæta í ríkisrekstr-
inum, en þeir sem heimta báknið
burt og lækkaða skatta og þar
með minni þjónustu við lands-
menn verða að gera grein fyrir þvi
hvað þeir meina. Báknið burt er
innantómt slagorð ef ekki fást
skýringar um það hvort það séu
heilsugæslustöðvar og skólar sem
séu að setja þjóðina á hausinn og
þar eigi að skera niður, eða ein-
hvers staðar annarsstaðar. Talað
er um óarðbærar fjárfestingar, en
þessum mönnum dettur helst
ekkert í hug í þeim efnum annað
en Krafla. Kjósendur vilja fá að
vita hvort það séu heilsugæslu-
stöðvarnar og skólarnir sem séu
svona óarðbærar fjárfestingar,
eða eitthvað annað.
— Hvernig líst þér á ef þjóðin
kýs yfir sig íhaldsstjórn eða við-
reisnarstjórn?
— Við sem búum úti á lands-
bygginni vitum hvernig ástandið
var hér á sjöunda áratugnum.
Lítið sem ekkert var þá gert til að
styrkja atvinnulífið úti á iandi. Á
áttunda áratugnum hefur hins
vegar verið stórkostleg atvinnu-
uppbygging um allt land. Fram-
sóknarflokkurinn þarf svo sann-
arlega ekki að skammast sín fyrir
að vera kenndur við þennan ára-
tug. Gjörbreyting til hins betra
hefur orðið á landsbyggðinni og
við verðum að halda þeirri þróun
áfram. Sveitarfélögin eiga enn
eftir að leysa mörg verkefni svo
þau geti veitt ibúunum frum-
þjónustu. Ef draga á úr fjárfest-
ingum verður að taka tillit til að-
stæðna á hverjum stað.
Pétur Már Jónsson.
Mynd: á.þ.
— Hvernig er Framsóknar-
flokkurinn í stakk búinn til að
ganga til kosninga?
— Ég tel að við höfum farið of
seint af stað og við þurfum því að
vinna ákaflega vel. Þó að okkur
finnist Framsóknarflokkurinn nú
hafa byr og málefnastaða hans
vera góð er það ekki nóg. Allir
verða að leggjast á eitt og vinna
vel. Norðlendingar sem vilja sín-
um byggðarlögum vel eiga að
flykkja sér um Framsóknarflokk-
inn því hann getur best annast
málefni okkar.