Dagur - 20.05.1980, Qupperneq 8

DAGUR
Akureyri, þriðjudagur 20. maí 1980
BREMSUBORÐAR
OG KLOSSAR
í FLESTAR TEGUNDIR BIFREIÐA
Fimm á götunni
Er kominn
vorhugur í þig?
Hildur Aðalsteinsdóttir:
— Já, já. Hann lýsir sér einna
helst í ákafri feróalöngun.
Haukur Ingimarsson:
— Vorhugur? Já það held ég
nú. Maóur snýst bókstaflega við
og verður allur léttari á sér.
Þorvaldur Árnason:
— Er ekki vorhugur í öllum
núna f svona dásamlegu veðri?
Og á meðan ég hef Hauk hérna
við hliðina á mér væsir nú ekki
um mig. Hann hefur svo næmt
auga fyrir kvenfólki.
Anna Sigríður Halldórs-
dóttir:
— Já, nú langar mig bara heim í
sveitina og í sauðburðinn. Það
er dýrðlegur tími.
Sveinn Bjarnason:
— Já, það er léttara yfir manni
og maður er mikið athafnasam-
ari en á öðrum árstímum. Svo
hlakkar maður til verulega góðs
sumars.
Leikfélag Akureyra
Gera víðreist
með Öngstrætið
Um þessar mundir er Leikfélag
Akureyrar að leggja af stað í
leikför með leikritið FYRSTA
ÖNGSTRÆTI TIL HÆGRI
eftir Örn Bjarnason um Norð-
Austurland, Austfirði og Suður-
land. „öngstrætið“ var frum-
flutt hjá L.A. fyrr á þessu leikári
og hlaut afbragðs viðtökur hjá
áhorfendum og var sýnt fyrir
troðfullu húsi fram eftir vetri.
Einnig var Leikfélaginu boðið
að sýna leikritið á móti nor-
rænna atvinnuleikhúsa í Orebro
í Svíþjóð í desember s.l. og urðu
sýningar tvær ytra, við góðan
orðstír.
FYRSTA ÖNGSTRÆTI TIL
HÆGRI segir frá tveim stúlkum
sem lenda í „strætinu" og frá lífi
þeirra og örlögum.
Nokkrar breytingar hafa orðið á
hlutverkaskipan síðan leikritið var
sýnt fyrr á árinu. Með hlutverk
stúlknanna fara Svanhildur
Jóhannesdóttir og Sunna Borg, eins
og áður og aðrir leikendur eru:
Guðbjörg Guðmundsdóttir, Gest-
ur E. Jónasson, Sigurveig Jóns-
dóttir, Bjarni Steingrímsson, Theo-
dór Júlíusson, Víðar Eggertsson og
Kristjana Jónsdóttir. Fara flestir
leikendur með fleiri en eitt hlut-
verk. Leikstjóri er Þórunn Sigurð-
ardóttir, leikmynd gerði Sigurjón
Jóhannsson og lýsingu annaðist
Ingvar B. Björnsson.
Sýningar fara fram sem hér seg-
ir: Húsavík, fimmtudag 22. maí og
föstudag 23. maí. Vopnafjörður,
laugardag 24. maí. Raufarhöfn,
sunnudag 25. maí. (Hvítasunnu-
dag) Valaskjálf Egilsstöðum,
mánudag 26. maí (2. í Hvítasunnu)
Egilsbúð Neskaupsstað, þriðjudag
27. maí. Félagslundur Reyðarfirði,
miðvikudag 28. maí. Staðarborg
Breiðdalsvík, fimmtudag 29. maí.
Sindrabær Höfn í Hornafirði,
föstudag 30. maí. Leikskálar Vík í
Mýrdal, laugardag 31. maí. Hvoll
Hvolsvelli, sunnudag 1. júní. Flúð-
ir, mánudag 2. júní. Aratunga,
þriðjudag 3. júní. Borg Grímsnesi,
miðvikudag 4. júní.
Ný tæki í Krossanes?
I þessari viku fer Pétur
Antonsson, forstjóri Krossa-
nessverksmiðjunnar, vestur til
Portland í Oregon í Banda-
ríkjunum, til að fylgjast með
rekstri fiskimjölsverksmiðju,
sem nýlega hefur verið sett þar
upp, en samfara þeirri vinnslu-
aðferð, sem þar er viðhöfð, er
svo til engin mengun.
Eins og Dagur hefur skýrt frá,
hefur komið til tals, að Krossa-
nessverksmiðjan kaupi svona
tækjasamstæðu, sem þurrkar
hráefnið með hljóðbylgjum. Það
ræðst í þessari ferð, hvort af
kaupunum verður.
Með í förinni til Bandaríkjanna
verður Pétur Valdimarsson, sem
er umboðsmaður fyrir þessi tæki,
og að líkindum fara einnig tveir
menn frá Síldarvinnslunni h.f. í
Neskaupstað, en það fyrirtæki
hefur sýnt þessum tækjum mik-
inn áhuga. Þau munu bæði ódýr-
ari í rekstri heldur'en núverandi
tækjabúnaður með nauðsynleg-
um mengunarvörnum, auk þess
sem nýting hráefnis verður betri.
Svanhildur Jóhannesdóttir í hlutverki
sínu. (Ljósmyndastufa Páls).
Atvinnumál á Sauðárkróki:
Ástæða að vera vel á verði
Verið er að vinna að iðnþróun-
aráætlun fyrir Norðurland á
vegum Framkvæmdastofnunar
ríkisins og Fjórðungssambands
Norðlendinga. Það kom fram á
fundi sem þessir tveir aðilar
héldu með bæjarstjórn og at-
vinnumálanefnd Sauðárkróks
fyrir skömmu að mikil ástæða er
til að vera vel á verði í sambandi
við þróun atvinnumála á Sauð-
árkróki og Skagafjarðarhéraði.
Sá mikli vöxtur sem verð í at-
vinnulífinu á Sauðárkróki síðasta
áratug og náði hámarki á árunum
1973 til 1977 hefur nú hægt á sér.
Búast má við að hætta geti verið á
ferðum ef ekki kemur eitthvað nýtt
til og þróuninni snúið á rétta braut.
Það kom fram á umræddum fundi,
í máli Sigfúsar Jónssonar, hjá
Framkvæmdastofnun, að ef at-
vinnulífið á Sauðárkróki á að þró-
ast eðlilega þarf að bæta við 30
nýjum atvinnutækifærum árlega.
„Það má telja lágmarksmarkmið,“
sagði Sigfús Jónsson.
í Skagafjarðarsýslu er talan að-
eins hærri eða 40 einstaklingar.
M.ö.o., ef Sauðárkrókur á að geta
tekið við því fólki sem kemur á
vinnumarkaðinn í héraðinu öllu
eru það 70 ný störf á ári sem um er
að ræða.
E rlendir vilja
veiða í Laxá
Kasthvammi 12. maí
Veturinn var mildur, litlar frost-
hörkur og ekki mikið um hvass-
viðri, Snjór var ekki mikill en þó
var beitarjörð ekki góð nema fáa
daga á tímabilinu frá 3. nóvem-
ber til 20. mars. Beitin var þó
ekki notuð nema fáa daga og
hætt við að Sigurður Blöndal
heyri einhversstaðar stunið á
holti.
Það er svo með okkur Kristján
Sigurðsson á Grímsstöðum, að við
höfum ekki full not af góðri tíð ef
ekki er hægt að beita fé, þótt við
séum nú báðir hættir að reka fé til
beitar, sjálfir. Hér var skoðað um
miðjan apríl og voru heybirgðir
góðar.
Ég hef verið að vona, að vorið
verði gott, vegna þess að vorin
1972, 1974, 1976 og 1978 hafa verið
betri en stöku árin á þessu tímabili.
Þetta þykja nú líklega fremur lítil
vísindi.
I gær var hlýtt vorveður og í dag
er sól og blíða. Hér er fagurt að sjá
suður á lognslétta ána og loftið
kveður við af fuglasöngnum.
Sauðburður er hvarvetna
byrjaður og til jafnaðar fæðast tvö
lömb undan hverri á. Sauðburður-
inn gengur ágætlega. Tún eru farin
að grænka en ekki er sprungið út á
fjalldrapanum, eins og t.d. 1974, en
þá var fjalldrapi útsprunginn 4. maí
hér norður í heiðinni.
Strax í vetur fóru Svisslendingar
og einhverjir fleiri erlendir menn
að spyrjast fyrir um veiðileyfi hér á
silungasvæðinu í Laxá. Síðast þeg-
ar fréttist stóðu veiðimenn frá Sviss
næstir því að fá ána um mitt sum-
arið.
Fegurð vorsins þessa tvo síðustu
hlýju daga, eykur hamingju og
bjartsýni manna, svo manni
gleymist nöldrið. 1 stað þess reyna
allir eftir bestu getu að njóta þess
sem notið verður eftir því sem
náttúran og umhverfið gefur manni
kost á. Maður hefur ekki einu sinni
áhyggjur af offramleiðslunni. Þeg-
ar menn láta í veðri vaka, að of-
framleiðslan sé að sliga þjóðfélagið
eins og bykkja undir of þungum
böggum, minnist ég þess, að það er
ekki lengra síðan en þrjátíu ár, að
Reykvíkingar höfðu hina og þessa
útsendara fyrir sig hér í sýslunni til
að reyna að fá einn og einn smjör-
bita á bæjum. G.Tr.G.

# Erlent
sælgæti
Það er kunnara en frá þurfi að
segja að útlenskt sælgæti
flæðlr ylir landið og innlendir
framleiðendur berjast í bökk-
um. Sömu sögu má segja um
fleiri innlendar iðngreinar, en
erlendir framleiðendur geta
hæglega undirboðið íslenska
keppinauta með uggvænleg-
um afleiðingum fyrir atvinnu-
Iffið hér á landi. íslendingar
ættu að taka saman höndum
og styrkja islenska atvinnu-
vegi eftir megni.
# Hvalbeinið
Frétt Dags um að Örlygur
Sigurðsson hyggist gefa M.A.
hvalbein föður hans, Sigurð-
ar skólameistara, hefur vakið
mikla athygli. Bæði Vísír og
Morgunblaðið skrifuðu um
málið og í framhaldi af þess-
ari frétt í Degi birti Mogginn
mynd af gjafabréfi Örlygs, en
þar segir m.a.: „Það var und-
arleg örlagagletta þegar
hvalbelnið föður míns kom I
um húsmuni og annaö iaus-
legt úr búi foreldra mlnna. Nú
er ég búlnn að lifa og hrærast
í návist beinsins og dúsa á því
lon og don um nærfellt sextíu
ára skeið án sýnílegs árang-
urs og sé ekki hilla undir
neínar jákvæðar breytingar til
siðferðislegra betrumbóta úr
þessu — því tel ég vonlaust
með öllu að híma á því leng-
ur. í tilefni merkra tímamóta í
sögu norðlenska skólans um
þessar mundir, þykir mér »11-
hlýðilegt, að þú veitir þessum
fræga grip móttöku fyrir hönd
stofnunarinnar.“
§ Aðgeta
heimilda
Reykjavíkurfjölmiðlarnir sjá
oft ástæðu til þess að endur-
birta efni úr Degi. Oft er hér
að ræða frásagnir í léttum dúr
og yfirleitt sýna fjölmiðlarnir
þá lágmarkskurteisi að geta
heimiidarinnar. Á því vill þó
verða misbrestur og á mál-
tækið „frændur eru frændum
verstir" vei við í því sambandi
því einkum er það Tíminn
sem lætur hjá líða að geta
DAGS sem heimildar.