Dagur - 26.06.1980, Side 8

DAGUR
Akureyri, fimmtudagur 26. júní 1980
MONRO-MATIC ®
SHOCK ABSORBER
HÖGGDEYFAR
í FLESTA BÍLA
Kristján Jóhannsson, akur-
eyrski tenórinn góðkunni,
hefur heldur betur slegið í
gegn í útlandinu. Hann hefur
nýveriö tekið þátt í tveimur
söngkeppnum á Ítalíu og
komist í úrslit í báðum.
Kristján er meðal 10 sem
komust í úrslit svokallaðrar
Verdi-söngkeppni, þar sem
voru 117 þátttakendur frá 32
löndum. Einnig tók hann þátt í
keppni 340 ljóðasöngvara, sem
haldin er til minningar um
Maríu Callas, og þar komst
hann einnig í úrslit. Úrslita-
keppnin verður á ekki ómerkari
stað, en í Scala-óperunni.
Burtséð frá því, hver endan-
leg úrslit þessara tveggja
keppna verða, þá er þetta frá-
bær árangur hjá Kristjáni Jó-
hannssyni.
Guðlaug Jóhannsdóttir.
ERFITT
AÐ
FÁ VINNU
EF K. JÓNSSON
LOKAR
„Ef Niðursuðuverksmiðjan lok-
ast er Ijóst að um 100 manns
verða atvinnulausir. Ég veit ekki
til þess að nokkur vinnustaður
hér á Akureyri myndi geta tekið
á móti því fólki sem hér vinnur,“
sagði Guðlaug Jóhannsdóttir
trúnaðarmaður verkafólks í
Niðursuðuverksmiðju K. Jóns-
sonar & Co. „Sem dæmi get ég
nefnt að mjög margir eru á bið-
lista hjá frystihúsinu svo það
gæti ekki tekið við neinum.“
Flestir starfsmanna verk-
smiðjunnar eru einnig hús-
mæður, en að auki fær töluvert
af skólafólki vinnu yfir sumarið.
Meirihluti húsmæðranna vinn-
ur hálfan daginn. Fæstar geta
unnið heilsdagsstarf og sagði
Guðlaug að illt væri fyrir þær
að fá hálfsdagsstörf annars-
staðar.
Malbikunarstöð
in komin í gang
Starfsmenn Akureyrarbæjar
hafa lokið uppsetningu á nýju
malbikunarstöðinni og eru
þessa dagana að reyna hana.
Fyrsta malbikið var framleitt sl.
mánudag. Ef að Iíkum lætur
mun allri undirbúningsvinnu
verða lokið fyrir helgi og fram-
leiðsla getur þá hafist af fullum
krafti.
Stefán Stefánsson, bæjarverk-
fræðingur, sagði í samtali við blað-
ið að nýja stöðin gæti framleitt um
30 til 35 tonn á klukkustund, en sú
gamla gat afkastað um 20 til 25
tonnum. Hún var orðin 15 ára
gömul og sagði Stefán að rekstrar-
öryggi hennar hefði verið lítið.
„Við getum lagt út næstum
helmingi meira en nemur fram-
leiðslunni. Aukin framleiðsla á
malbiki styttir útlagningartímann
og kostnaður við mannahald í
stöðinni verður minni,“ sagði Stef-
án.
Heimildarkostnaður vegna
kaupa á stöðinni er á bilinu 130 til
150 milljónir króna. Stöðin er
dönsk, af sömu gerð og malbikun-
arstöð Reykjavíkurborgar.
Veg hefill ýtir upp Ægisgötunni, en þar verður malbikað i sumar.
BORAÐ EFTIR HEITU VATNI HJÁ RAUFARHÖFN:
„ÞESSIHOLA RÆÐUR
URSLITUM t í segir Kristján Sæmundsson,
„Við höfum fengið fjárframlag
til rannsóknarborunar við Rauf-
arhöfn og verður líklega hafist
handa síðar í sumar, en það fer
nokkuð eftir verkefnum bors-
ins,“ sagði Kristján Sæmunds-
son jarðfræðingur hjá Orku-
stofnun í samtali við Dag.
Kristján sagði að skammt frá
kauptúninu væru gamlar og ónot-
aðar kaldavatnsholur, en dýpt
þeirra er um 60 metrar. Ætlunin er
að borinn haldi áfram niður úr
einni þeirra og ef þörf krefur getur
hann farið á allt að 600 metra dýpi
— ef peningarnir endast svo lengi.
„Þetta er fyrst og fremst rann-
sóknarhola og eitt af því sem hún á
að upplýsa okkur um er hiti í berg-
lögunum og einnig um gerð þeirra.
Við vitum að það er ung myndun
ofan á basaltlagi og með 600 metra
djúpri holu eigum við von á að
komast niður í það, en þar gæti
leynst heitt vatn. Það er háð niður-
stöðum þessarar holu hvort ráðist
verður í frekari boranir í nágrenni
Raufarhafnar," sagði Kristján Sæ-
mundsson jarðfræðingur að lokum.
Danskur fimleikaflokkur í heimsókn
Tveir danskir fimleikaflokkar frá
„Arhus Amts Gymnastikforen-
ing“ efna til sýninga á Akureyri 1.
júlí og að Laugum í S.-Þingeyjar-
sýslu 2. júlí. Flokkarnir sýna á
íþróttahátíð ISl í Reykjavík, en
koma síðan norður og fara einnig
til Borgarness. Flokkarnir eru
taldir með fremstu fimleika-
flokkum í Danmörku. Sýndir
verða almennir fimleikar með
nútíma þáttum, s.s. rytmik, tján-
ingu, fjölþættum stökkum og þar
á meðal stökk á gormabretti
(trampolín).
Fóru á vina-
bæjamót á
Grænlandi
Það eru ekki allir setn vita
hverjir vinabæir Akureyrar eru.
Einn þeirra er Narssak á Græn-
landi og þann 23. júní fóru
þangað sex börn og koma þau
aftur 7. júlí. Börnin eru 11 ára,
þrjár stúlkur og þrír drengir.
Fararstjóri er Helgi Már
Barðason. Tveir fulltrúar frá
bænum fóru, þau Hermann Sig-
tryggsson og Rebekka Guð-
mann og verða þau í tíu daga.
Börnin og fulltrúamir fóru í boði
Narssak og eru því bæði ferðir og
allt uppihald þeim að kostnaðar-
lausu. Að sögn Haralds Hansen hjá
(Framhald á bls. 2).
Nýr framkvæmda-
stjóri hjá Siglósíld
Búið er að ráða nýjan framkvæmdastjóra og
verkstjóra í lagmetisiðjunni Siglósíld á Siglu-
firði, en Egill Torarensen hefur látið af störf-
um sem framkvæmdastjóri. Nýi fram-
kvæmdastjórinn heitir Pálmi Vilhjálmsson,
frá Höfn í Hornafirði. Pálmi er útgerðar-
tæknir að mennt. Sveinbjörn Ottesen hefur
tekið við starfi verkstjóra. Sveinbjörn er
Reykvíkingur.
Hjalteyri:
Unnið við hafnargarðinn
í sumar er fyrirhugað að Ijúka
við hafnargarðinn á Hjalteyri,
en á fjárlögum í ár er áætlað að
verja til þess 15 milijónum
króna. Hreppurinn mun leggja 5
milijónir króna á móti ríkis-
framlaginu. Nokkrir útgerðar-
menn hafa aðsetur á Hjalteyri,
en enn hefur enginn sýnt áhuga
á að hefja þar annarskonar at-
vinnurekstur.
„Við bindum nokkrar vonir við
að Kaupfélagið geri eitthvað fyrir
okkur, en að svo komnu máli er
ekkert hægt að segja um það,“
sagði Magnús Stefánsson, hrepps-
stjóri í Arnarneshreppi, er Dagur
innti hann eftir því hvort líf væri að
færast í Hjalteyri. Magnús sagði
ennfremur að hafnargarðurinn
hefði verið byggður fyrir nokkrum
árum og að nú yrði steypt á hann
þekja og hann lagaður.

■ •• . - '.w;., .;■
' . '.4-*-* íiÉC
Ai./a1
Bekkir
ra
[Q
MM
Bæjaryfirvöld eiga þakkir
skyldar fyrir að hafa komið
fyrir bekkjum víðsvegar í
bænum. Það er sérstaklega
aldrað fólk sem kann vel að
meta að geta tyllt sér niður,
en ott er yngri kynslóðin ekki
síður fegin. Einn er sá staður
sem mætti setja niður bekki
— en það er sunnan við elli-
heimilið, þ.e. sunnariega við
Þórunnarstræti. íbúar í Hlfð
ganga ott suðureftir sér til
heilsubótar og kynnu vel að
meta el þar væru bekkfr.
% Djúpar
gryfjur
Nú er byggt af miklu kappi í
Glerárþorpi. Leikmönnum
sýnast öll hjól snúast á fullu,
en kunnugir segja að sam-
dráttar gæti nú í byggingar-
iðnaði. Það vekur athygli að
sumir húsgrunnar yst í þorp-
inu eru með eindæmum
djúpir. Enrt meiri eftirtekt
vekur að loks þegar verktak-
arnir eru komnir á fast kepp-
ast þeir við að fylla gryfjurnar
með möl í stað þess að nýta
þær fyrir kjallara undir húsin
sem þeir eru að byggja. En
leikmanninum finnst það
einna furðulegast að ekki
skuli vera notuð stórvirk tæki
til að ná moldinni burtu um
leið og skiþt er um jarðveg í
götunni.
# Auglýsingar
og íslenskt
mál
Það fer tæplega fram hjá
neinum að mjög algengt er
að hengja upp auglýsingar í
verslunarglugga, á húsgafla
og víðar á almannafæri. Það
vill æði ott brenna við að
notkun íslensks máls á
þessum augfýsingum sé eins
og hún getur verst orðið. Það
er ekki óaigengt að sjá staf-
setningu eins og „knatt-
spirna“, „allir á völlfn" og
„skemtun" svo dæmi séu
tekin. Þetta á sérstaklega við
um handskrifaðar auglýsing-
ar og þá er skriftin sjáif ekki
alltaf upp á marga fiska.
Menn ættu að vanda betur til
þessara auglýsinga og hugsa
ekki sem svo að þetta séu
„bara“ auglýsingar. Það er
lágmarks kurteisi við al-
menning og ísienska tungu
að skrifað mál sem birt er
opinberlega sé fylgjandi
þeim reglum sem eru t gildi.