Dagur - 23.09.1980, Blaðsíða 5

Útgefandi: ÚTGÁFUFÉLAG DAGS
Skrifstofur: Tryggvabraut 12, Akureyri
Ritstjórnarsímar: 24166 og 23207
Sími auglýsinga og afgreiðslu: 24167
Ritstjóri (ábm.): HERMANN SVEINBJÖRNSSON
Blaðamaður: ÁSKELL ÞÖRISSON
Augl. og afgr.: JÓHANN KARL SIGURÐSSON
Prentun: Prentverk Odds Björnssonar hf.
Ríkið og
verðbólgan
Nýlega er lokið lagningu sjálfvirks
síma á 60 sveitabæi í Svarfaðar-
dal. Heildarkostnaðurinn við
verkið nam 108 milljónum króna,
sem þýðir að sjálfvirkur sími á
hvern bæ hefur kostað 1.8 milljón
króna. Þetta finnst mörgum vafa-
laust dýrt, en fróðlegt er að líta
svolítið nánar á málið.
Fyrir hvern síma sem lagður er í
Svarfaðardal fær ríkið hvorki
meira né minna en 45% í tolla, að-
flutningsgjöld og skatta. Þetta
þýðir að grunnkostnaðurinn við
símalagninguna í Svarfaðardal er
ekki nema um ein milljón króna á
hvern síma, en ríkið hirðir 810
þúsund krónur. Ríkið leggur því í
rauninni 80% ofan á grunnkostn-
aðinn við símalagninguna.
Þetta háa gjald sem ríkið leggur
þannig á vegna lagningu síma í
sveitum hækkar að sjálfsögðu af-
notagjald og kemur niður á öllum
neytendum símaþjónustunnar.
Þessar miklu álögur ríkisins auka
verðbólguna í landinu því hækkun
afnotagjafda þýðir hækkun vísi-
tölunnar. Þetta er eitt iítið dæmi
um þátt ríkisvaldsins í því að við-
hatda verðbólgu og auka hana og
vafalaust mætti finna mörg fleiri af
svipuðu tagi.
Það væri til hagsbóta fyrir alla,
ef ríkið felldi niður þessi gjöld af
stofnkostnaði við símalagningu í
sveitum landsins, þar sem hundr-
uðir símnotenda búa enn við lítið
öryggi í símaþjónustu og allt niður
í fjögurra stunda afgreiðslutíma á
sólarhring. Hægt væri að gera
meira í símamálum dreifbýlisins,
auk þess sem draga myndi úr dýr-
tíðinni.
Fiskur og ull
í viðtali sem Dagur átti við Sigurð
Arnórsson, forstjóra Fataverk-
smiðjunnar Heklu fyrir skömmu,
sagði hann að eins og málum væri
háttað í dag, þyrfti verulega
slæma vertíð til þess að rétt verð
fengist fyrir útflutningsvörur úr ull.
Þetta kann að hljóma undarlega,
því í fljótu bragði verða ekki
greind tengslin milli lélegra afla-
bragða og góðrar afkomu ullar-
vöruútflutningsins. En málið er í
raun og veru einfalt, því þarna er
verið að benda á það enn einu
sinni, að taka verði tillit til annarra
útflutningsgreina en fiskiðnaðar-
ins eingöngu þegar gengisskrán-
ing er annars vegar og að koma
verði á stöðugri raunskráningu á
genginu, sem sé ekki einskorðuð
við fiskútflutning.
Meðan flestir íbúar Svínavatns-
hrepps í Húnavatnssýslu voru í
réttum, sl. laugardag, gengu tveir
hreppsbúar í hjónaband. Þessi
hjónavíglsla var að því leyti sér-
stæð og er því í frásögu færandi,
að hún átti sér stað í veðurathug-
unarstöðinni á Hveravöllum.
Brúðhjónin voru þau Bergrún
Helga Gunnarsdóttir og Gunnar
Pálsson, veðurathugunarmenn
þar efra. Hveravellir eru í Auð-
kúlusókn, í prestakalli sr. Hjálm-
ars Jónssonar á Bólstað og fram-
kvæmdi hann athöfnina. Við-
staddir voru nánustu vinir og
ættingjar brúðhjónanna, um 30
talsins, og komu þeir flestir með
rútu frá Reykjavík.
BRÚÐKAUP
í ÓBYGGÐUM
Blaðamenn Dags höfðu spurn-
ir af þessari fyrirhuguðu giftingu
á fjöllum uppi og fékk undirrituð
að fljóta með Húnvetningum til
Hveravalla. Lagt var upp frá
byggðum Blöndudals skömmu
eftir hádegi. Það var ekki um-
ferðinni fyrir að fara á þessari
þriggja tíma leið enda varla við
því að búast, ein og ein eftirlegu-
kind sást þó. Þær virtust una sér
hið besta á grónum heiðum
Húnaþings. Samferðamennirnir
höfðu orð á því að þeir myndu
vart eftir heiðinni svo grösugri
sem nú í sumar.
Kórinn stofnaður
á staðnum
Á Hveravöllum var strekkings-
vindur og rigning. Veislugestir
voru allir komnir og biðu í hinum
nýja skála Ferðafélagsins eftir að
athöfnin hæfist. Þau Bergrún og
Gunnar hafa verið við veðurat-
huganir á Hveravöllum í eitt ár og
ætla nú að vera þar annað ár að
minnsta kosti. Þau sinntu að
sjálfsögðu skyldustörfum sínum,
þennan dag sem aðra, og sendu
veðurlýsingu til Veðurstofu ís-
lands um sexleytið en að því
loknu hófst athöfnin. Samæfður
Gestir tóku allir þátt í söngnum, þ. á m. móöir brúögumans, prestsfrúin og
myndatökumaöur sjónvarpsins en þau sjást hér á þessari mynd.
kirkjukór var ekki til taks þarna
uppi á hálendinu, né heldur
hljóðfæri en það var ekkert
vandamál, kórinn var stofnaður á
staðnum og voru allir veislugestir
meðlimir. Stuttu fyrir athöfnina
fór fram söngæfing í skálanum
undir stjórn Jóns Tryggvasonar í
Ártúnum en hann hafði verið svo
forsjáll að grípa með sér tónkvísl.
Giftingarathöfnin var látlaus en
hátíðleg. Það eina sem minnti
menn á að þeir væru í óbyggðum
var að ekkert var orgelið og því
ekki spilaður brúðarmars. Hins
vegar söng hinn nýstofnaði kór af
tilfinningu og kom ekki að sök
þótt hljóðfæri vantaði. ®r- Hjálmar Jónsson á Bólstað
framkvæmdi athöfnina.
Brúðhjónin á Hveravöllum, Bergrún Helga Gunnarsdóttir og Gunnar Pálsson.
A slóðum Eyvind-
ar og Höllu
Húsakynni veðurathugunar-
manna á Hveravöllum voru hin
ákjósanlegustu, að vísu var stofan
í minnsta lagi en þröngt máttu
sáttir sitja. Eftir hjónavígsluna
var skálað fyrir hinum nýgiftu í
kampavíni, húrrahrópin glumdu
við og ríflegur og fjölbreyttur
matur var borinn á borð. Þar eð
brúðkaupið átti sér stað á slóðum
þeirra Eyvindar og Höllu bar þau
oft á góma. Töldu menn að þau
hefðu sjálfsagt þegið slíka athöfn
og hátíð sem þessa. Einnig var
slegið á léttari strengi og gantast
með sauðaföllin, að þau væru
væn þarna á heiðum uppi.
Um níuleytið kölluðu skyldu-
störfin aftur og brúðhjónin
brugðu sér út og gáðu til veðurs.
Það má með sanni segja að
veislugestir hafi lítt fundið fyrir
því að vera staddir uppi á öræfum
þetta kvöld. Öll þægindi voru við
hendina og nóg var af öllu. Það
var helst þegar litið var út um
glugga, eftir að dimma tók, sem
maður gat fyllst myrkfælni og
innilokunarkennd. Það sást ekk-
ert nema smá Ijóstýra í sæluhús-
inu en þar héldu til eftirleitar-
menn úr Biskupstungum.
Aleinn á stóru
svæði
Það má segja að aðstæður
brúðhjónanna á Hveravöllum
bjóði upp á það að þau kynnist
náið. Á stað sem þessum verður
mönnum eflaust ljósari nauðsyn
góðs félagsskapar. Það er oft sem
nýgift hjón ferðast frá heimili
sínu og ættingjum til þess að vera
ein og njóta hveitibrauðsdag-
anna. Þess þurfa þau ekki Bergg
rún ogGunnar, því nú fersá tími í
hönd að þau verða ein vikum og
mánuðum saman og langt í það
að svo fjölmennt verði á Hvera-
völlum. Þetta nefndi klerkur í
ræðu sinni en vitnaði jafnframt í
fleyg orð hins þjóðkunna manns
Marka-Leifa, þegar hann fann til
einmanaleika á fjöllum uppi og
sagði þegar hann kom til byggða:
Eg var aleinn á stóru svæði og
enginn næstur mér. Já, aleinn
með Guði mínum.“
Dagur óskar þeim hjónum á
Hveravöllum til hamingju og
óskar þeim alls hins besta á kom-
andi vetri. EHJ.
Sigurður sýnir peninginn, en Haraldur fylgist með að allt fari löglega fram.
Mynd: á.þ.
Einseyringur grafinn
og borði var klipptur
Nýi Þórsvöllurinn í Glerárhverfi
var vígður við hátílega athöfn sl.
sunnudag. Þórsarar gengu í
skrúðgöngu frá Ráðhústorgi að
svæðinu. Haraldur Sigurðsson,
fyrrverandi formaður Þórs og
formaður vallarnefndar, afhenti
Sigurði Oddssyni, formanni
Þórs völlinn til umráða. Har-
aldur klippti síðan sundur borða,
sem strengdur var á miðju vall-
arins, og Sigurður gróf í völlinn
einseyring sem sleginn var sama
ár og íþróttafélagið Þór var
stofnað.
Mikill mannfjöldi kom á
Þórssvæðið á sunnudaginn,
enda var blíðskaparveður og til-
efnið mikið. Forseti bæjar-
stjórnar, Freyr Ófeigsson,
ávarpaði mannfjöldann og Jón
Arnþórsson, formaður KA, ósk-
aði Þór hjartanlega til hamingju
með nýja grasvöllinn.
Að lokum voru leiknir tveir
leikir milli liða meistaraflokka
Þórs er unnu sig upp í 1. deild
1976 og liðs er vann sig upp nú í
sumar. Jafnræði varð 1-1 og
skoraði Árni Stefánsson fyrir
yngra liðið og jafnframt fyrsta
mark vallarins, en Jón Lárusson
jafnaði leikinn af hálfu hinna
eldri. 1 5. flokki varð leikur milli
KA og Þórs og sigraði Þór 2-0
með mörkum Arnljóts Davíðs-
sonar.
Völlurinn meira en grasið
„Þessi völlur er meira en bara
grasið sem við sjáum. Um þrjá-
tíu þúsund tonn af jarðvegi hafa
verið flutt í völlinn, frárennslis-
rörin eru um einn og hálfur
kílómetri að lengd, um það bil
150 tonn af húsdýraáburði hafa
verið sótt út um sveitir og þeim
ekið í völlinn,“ sagði Haraldur
Helgason, fyrrv. formaður Þórs
í ávarpi sínu.
Haraldur rakti í fáum orðum
framkvæmdasöguna og gat þess að
um 220 manns — karlar, konur og
böm, hafi unnið að því að leggja
þökumar á völlinn, en auk þess
voru um 50 manns við að rista tún-
ið á Leifsstöðum sem félagið keypti
árið 1979. Fjórir bílar voru í stöð-
ugum flutningum og alls urðu bíl-
farmarnir eitt hundrað talsins.
„í allt tók það ellefu daga að rista
af túninu, flytja þökurnar og leggja
á völlinn, enda var snemma risið og
seint var sest, en alls var þakið
14.420 ferm. svæði, sem er næst því
að vera tveir fullkomnir vellir. Á
þessum ellefu dögum voru unnar
4000 stundir í sjálfboðavinnu. Ég
held mér sé óhætt að fullyrða að
svona framkvæmd sé dæmafá ef
ekki einsdæmi, en þetta er hægt,
enda samstilltir hópar að verki og
góð skipulagning."
Haraldur þakkaði ráðamönnum
bæjarins fyrir ómetanlegan stuðn-
ing svo og ýmsum starfsmönnum
bæjarins. Einnig vildi hann koma á
framfæri þökkum til bænda í ná-
grenninu, en þeir hafa lánað menn
og jarðvinnsluvélar.
Síðastliðinn laugardag barst
JJaraldi í hendur peningagjöf frá
Elínu Halldórsdóttur — kr. 100.000
— til minningar um mann hennar
Jón P. Hallgrímsson, en hann átti
sæti í stjórn Þórs um árabil, bæði
sem formaður og ritari.
Við vígsluathöfnina á sunnu-
daginn barst íþróttafélaginu Þór
heillaskeyti frá Æskulýðsráði Ak-
ureyrar, Iþróttaráði Akureyrar og
veitingastofunni Bautanum, sem
bauð stjórn og framkvæmdaráði til
matar, þegar þeim vel hentaði.
Stefán Valgeirsson, alþm.:
Hvað er framundan?
Hvað er framundan? Þessi spurning
sækir á huga landsmanna um þessar
mundir. Mörgum finnst að mikil óvissa
ríki nú á flestum sviðum þjóðmála og þá
er það jafnan svo að menn spyrja og
spá. Hvar sem menn taka tal saman er
umræðuefnið verðlagsþróunin í land-
inu ogorsakir verðbólgunnarog hvað sé
helst til ráða til að draga úr hraða
hennar. Stjórnmálamönnum er æði oft
kennt einum um hvernig þessi má! hafa
þróast. Af sumum er þeim brigslað um
kjarkleysi eða að það sé af hagsmuna-
legum hvötum að ekki hafi verið gripið
til þeirra ráða sem bera umtalsverðan
árangur gegn verðbólgunni. Það at-
hyglisverðasta í allri þessari umræðu er
að menn virðast sammála um að gera
verði ráðstafanir til að ná verðbólgu-
stiginu citthvað niður og það á næstu
mánuðum ef komast á hjá meiriháttar
áföllum í atvinnumálum þjóðarinnar
En þegar sýnt er fram á að ekki sé hægt
að ná slíkum árangri nema þrengja
kjörin almennt í þjóðfélaginu þá er
undantekningarlitið sama svarið hjá
hverjum sem rætt er við: Ráðstafanirn-
ar verða að vera þannig að þær komi
ekki niður á mér eða minni stétt
Kröfugerðin og togstreitan í þjóðfélag-
inu byggist að mestu leyti á þessu sama
hugarfari og það er ekki nýtt fyrirbrigði
að gerðar séu þær kröfur til stjórnmála-
manna sem engin leið er til að uppfylla.
I siðustu kosningum var tekist á um
verðbólgumálin. Sjálfstæðismenn boð-
uðu leiftursókn gegn verðbólgunni.
nokkurs konar kjarnorkuárás, en þjóðin
hafnaði þeirra leiðsögn. Framsóknar-
menn sögðu að ef 50% verðbólga og þar
yfirstæði lengi myndi slíkt ástand leiða
af sér atvinnuleysi. Til þess sama myndi
leiða ef þrýsta ætti verðbólgunni niður á
stuttum tíma eins og sjálfstæðismenn
boðuðu að þeir myndu gera ef þjóðin
fæli þeim forsjá mála sinna eftir
kosningarnar. Við bentum á að verð-
lagsmál væri sá málaflokkur sem alltaf
þyrfti að fjalla um vegna sibreytilegra
aðstæðna. Allt tal um það að í eitt skipti
fyrir öll væri hægt að koma þeim mál-
um fyrir í farvegi sem væri frambúðar-
lausn og enga umfjöllun þyrfti um
framar væri aðeins tal skilningslausra
manna á lögmálum efnahagslífsins.
Að kosningum loknum var auðsjá-
anlegt að ekki var margra kosta völ um
myndun meirihluta þingræðisstjórnar.
Fyrri grein
Fáir höfðu geð í sér að vinna með
Alþýðuflokknum eftir það sem á undan
var gengið. Sjálfstæðisflokkurinn var
ekki samstarfshæfur vegna irínbyrðis
deilna og Alþýðubandalagið virtist vilja
koma sér hjá því að standa að myndun
ríkisstjórnar — langt fram í janúar-
mánuð. Slik afstaða kom fáum á óvart
þar sem þá var sýnilegt að erfiðleika-
timar voru framundan. Eini kosturinn
til myndunar meirihluta þingræðis-
stjómar varsá sem farinn var — það var
um það að velja eða utanþingsstjórn.
I málefnasamningi ríkisstjórnar
Gunnars Thoroddsens stendur þetta
m.a. „Meginverkefni rikisstjórnarinnar
er að treysta islenskt efnahafs- og at-
vinnulíf, enda er það ein helsta forsenda
fyrir sjálfstæði þjóðarinnar. Jafnframt
leggur ríkisstjórnin áherslu á að efla
menningarstarfsemi, auka fclagslega
þjónuslu og jafna lífskjör. Ríkisstjórnin
mun berjast gegn verðbólgunni með
aðhaldsaðgerðum, sem varða verðlag,
gengi, pcningamál, fjárfestingu og rík-
isfjármál. Ríkisstjórnin mun vinna að
hjöðnun verðbólgu, þannig að árið 1982
verði verðbólgan orðin svipuð og í
helstu viðskiptalöndum Islendinga."
Á þessu sést að undirstaðan undir
þessu stjórnarsamstarfi er sú stefnu-
mörkun sem við framsóknarmenn boð-
uðum fyrir kosningar. Ríkisstjórnin
hefur sett sér það markmið að verð-
bólgustigið verði ekki hærra cn í helstu
viðskiptalöndum okkar í árslok 1982.
Þeir aðilar sem að ríkisstjórninni standa
hafa allir gengist undir þessa stefnu og
hver vill taka þá ábyrgð á sig að hindra
framgang hennar ef unnt reynist jafn-
frtunt að halda uppi fullri atvinnu i
landinu?
Rikisstjórn Gunnars Thoroddsen
hefur setið að völdum í tæpa 8 mánuði.
Það erekki langur starfstimi en gefur þó
vísbendingu um hvers vænta má að
óbreyttum aðstæðum. Fyrstu mánuðir
starfstímans fóru í að afgreiða fjárlög og
lánsfjáráætlun fyrir yfirstandandi ár. Á
þessu ári hafa vandamálin blátt áfram
hrannast upp, svo legið hefur við al-
gjörri stöðvun útflutningsatvinnuveg-
anna. Á sama tíma hafa staðið yfir
samningar um kaup og kjör til flestra
starfshópa í landinu. Aðstaða ríkis-
stjórnarinnar hefur því ekki verið
vandalaus það sem af er og má þó segja
að sjólagið sé ekki bctra framundan —
það sem séð verður. Þó er full atvinna í
landinu og mikil framleiðsla og þjóðin
býr yfirleitt enn við mjög góð kjör. En til
að sýna fram á hvers eðlis vandinn er,
þá skal á þetta bent. Fiskverð í Banda-
rikjunum hefur hækkað á síðustu tveim
árum um 5% miðað við dollar. Að
meðaltali hefur verð á úlflutningi okkar
hækkað um 13%, en innflutningur hefur
á sama tima hækkað að meðaltali uni
tæp 40% — allt miðað við erlenda
gjaldmiðla. Þótt framleiðsluaukningin
hafi verið veruleg á þessum tíma þá
ættu þessar tölur að segja það sem segja
þarf — við höfum minna til skiptanna.
Og þá þarf að miða ytri umgjörð efna-
hagsmálanna við þær staðreyndir ef
takast á að feta sig inn á þá leið að draga
úr verðbólguhraðanum. Þó verður að
halda uppi fullri atvinnu í landinu.
Leiðin er þvi erfið og vandrötuð og
engan þarf að undra þó að hægt gangi
miðað við þær aðstæður sem fyrir hendi
eru. En það sem skiptir meginmáli er að
þessi lcið er fær cf ekki verður því stærri
björgum velt inn á þann veg, af annar-
legum hvötum. Og það sem skiptir enn
meira máli: Þetta er eina leiðin út úr
verðbólguvandanum ef koma á i veg
fyrir meiriháttar atvinnuleysi og þær
þrengingar sem sliku ástandi fylgja
jafnan. Hins vegar þarf enginn að halda
að þessi leið verði þrautalaus. Það er
ekkcrl vafamál að ekki verður hægt að
verða við óskum manna um ýmsar
framkvæmdir og umbætur meðan við
fetum leiðina að settu marki. Og það
sem skiptir meginmáli i þvi sambandi er
að fulls réttlætis sé gætt. Þá ætti að nást
sú samstaða sem til þarf til að ryðja
veginn út úr óðaverðbólgunni.
Ekki vil ég draga fjöður yfir það að
við framsóknarmcnn urðum fyrir veru-
legum vonbrigðum að ekki skildi finn-
ast grundvöllur sem samstaða var um til
að ná meiri árangri í glimunni við
verðbólgina en raunin hefur á orðið á
þessu ári. Á það skal þó bent að Þjóð-
hagsstofnun hefur látið frá sér fara að
verðbólgustigið verði lægra í ár en það
var á siðasta ári þótt ekki komi til nýjar
ráðstafanir. Hér stefnir því í rétta átt
þótt meira þurfi til að koma.
KA
KVADDI
MEÐ
SIGRI
Á laugardaginn fór KA til
Húsavíkur og lék við Völs-
ung í síðustu umferð ís-
landsmótsins í knattspyrnu.
Völsungar settu allt í gang til
að tryggja sér stig í leiknum,
en með því voru þeir úr fall-
hættu.
Það var Völsungurinn Her-
mann Jónsson sem skoraði
fyrsta mark leiksins við mikinn
fögnuð heimamanna. Þrátt fyrir
það að K.A sækti nær stanslaust
á mark Völsungs vildi boltinn
ekki í netið, og í hálfleik var
staðan eitt mark gegn engu fyrir
Völsung.
Fljótlega í síðari hálfleiknum
jafnaði Óskar Ingimundarson
og nokkru síðar bætti Ásbjörn
öðru marki við og tryggði KA
sigur í leiknum. Það urðu því
úrslit leiksins, tvö mörk gegn
einu fyrir KA.
Völsungar sluppu hins vegar
úrfalihættunniþarsemÁrmenn-
ingar náðu aðeins jafntefli gegn
Austra, og urðu þvi Ármenn-
ingar að sætla sig við að leika í
þriðju deild á næsta ári ásamt
Austra.
Að leik loknum var leik-
mönnum KA og forráðamönn-
um boðið heim til Helga Schöth
og konu hans, en Helgi er einn
af stofnendum KA og heiðurs-
félagi félagsins.
Aðeins áfangi
Núverandi formaöur Þórs,
Sigurður Oddsson, sagði í
ávarpi að nýi grasvöllurinn,
sem sagt er frá annarsstaðar
á síðunni, væri aðeins
áfangi á langri lcið — eftir
væru mörg handtök. Þórsarar
hefðu í hyggju að byggja á
svæðinu félagsheimili, tenn-
isvöll, skautasveli, hand-
boltavöll og grasæfinga-
svæði.
„Við Þórsarar vonum að starf
félagsins megi eflast og dafna
með tilkomu vallarins og að
hann verði til þess að hvetja alla
Þórsara — stóra sem smáa til
frekari dáða og afreka.“
Sigurður minnti einnig á störf
vallamefndar og þakkaði henni
fyrir vel unnin störf. Hann gat
um þátt Bjöms Kristóferssonar,
garðyrkjumanns, sem gaf Þórs-
urum holl ráð. „Síðast en ekki
síst vil ég þakka þeim mönnum
sem okkar á milli eru kallaðir
svæðisrottur. Þá þekkja sjálfsagt
allir, því hiti og þungi fram-
kvæmdanna hefur hvílt á
þeim,“ sagði Sigurður.
Þór og ísfirðingar léku á Ak-
ureyrarvelli á laugardaginn
og með þeim leik kvaddi Þór
aðra deildina.
Strekkingsvindur var af suðri
þegar leikurinn fór fram og léku
Þórsarar undan golunni fyrri
hálfleikinn. Þrátt fyrir goluna
náðu þeir ekki að skapa sér af-
gerandi tækifæri, en ísfirðing-
aum gekk betur að spila á móti
golunni. Á 20. mín. er gefin
löng sending að ÍBÍ markinu
og Hafþór „nikkar" boltanum
laglega yfir markmanninn og
skorar fyrsta mark leiksins. ís-
firðingar fengu sitt besta tæki-
færi á 37. mín. þegar framlínu-
maður þeirra skallaði framhjá í
dauðafæri. í hálfleik var staðan
eitt mark gegn engu Þór í vil.
Strax á 5. mín. síðari hálfleiks
komst Guðmundur Skarphéð-
insson innfyrir vörn ísfirðinga
og skaut síðan góðu skoti í
dauðafæri, en markmaður ís-
firðinga varði snilldarlega. Á
10. mín. bætti Hafþór öðru
marki við hjá Þór, en það mark
kom eftir mjög góðan samleik
sóknarmanna Þórs. Á 14. mín.
minnka ísfirðingar muninn í
tvö gegn einu með góðu skalla-
marki. Á 32. mín. jöfnuðu ís-
firðingar með góðu marki og
það urðu lokatöiur leiksins, tvö
mörk gegn tveimur. Eftir gangi
leiksins voru úrslitin sanngjörn.
Þetta var síðasti leikur Þórs í
annarri deild og í leikslok
afhenti Jens Sumarliðason
stjórnarmaður í KSÍ Þórsurum
silfurverðlaun fyrir annað sætið
í deiidinni, og gat þess jafnframt
að það væri sér mjög kært, sem
f.v. leikmanni hjá Þór og ÍBA,
að bæði Akureyrarliðin væru
nú komin í hóp bestu liða í
fyrstu deild.
Lið Þórs í í. dcild ásamt Árna Njálssyni þjálfara. Mynd: Ó.Á.
KARATE
Vetrarstarfið að hefjast
Karatefélag Akureyrar er nú
að hefja vetrarstarf sitt og
byrja æfingar þess strax í
þessutn tnánuði. Þeir hafa
ráðið þjálfara fyrir veturinn,
sem er Magnús Sigþörsson,
og hefur hann gráðina 1 dan,
eða svarta beltið. Magnús
var í sumar í æfingar- og
keppnisferðutn erlendis og
fór m.a. til Japans, en þar
kcppti hann í skandinavísku
liði. Kepptu þeir m.a. á jap-
anska Goju-kai mótinu.
Magnús var einnig í Dan-
mörku, Þýskalandi og Indlandi
og á ferðum sinum æfði hann og
keppti með ýmsum snjöllum
mönnum í þessari íþrótt. Skoð-
aði hann karateskóla og fylgdist
með æfingum og kennslu.
Æfingar félagsins fara fram í
kjallara Lundarskóla, og með
reynslumikinn þjálfara hyggjast
karatemenn hafa mikið líf í fé-
laginu í vetur. Æfingar eru öll-
um opnar, körlum sem konum,
en þessi íþrótt erstyrkjandi fyrir
allan likamann og eykur snerpu
og þor.
Byrjendanámskeið hefst 26.
sept. og allar frekari upplýsing-
ar um starf Karatemanna gefur
Magnús Sigþórsson í síma
22736 á milli kl. 17 og 19 á dag-
inn.
Magnús Sigþórsson (1 dan).
4.DAGUR
DAGUR.5