Dagur - 13.11.1980, Blaðsíða 8

Akureyri, fimmtudagur 13. nóvember

Bílaperar
6-12 og 24 volta
FLESTAR
TEGUNDIR
SAMLOKUR
fyrir og án
peru

Útibúið á Siglufirði.
Mynd: á.þ.
Söluaukning
hjá útibúinu
Nú eru liðin 8 ár síðan KEA tók
við rekstri verslunar, sem Kaup-
félag Siglfirðinga hafði haft
með höndum þar á staðnum, en
4 ár síðan formlega var stofnuð
á Siglufirði deild frá Kaupfélagi
Eyfirðinga. Deildarstjóri Siglu-
fjarðardeildar KEA er Ólafur
Jóhannsson, en útibússtjóri er,
og hefur verið frá upphafi,
Guðmundur Jónasson.
Starfssemin á Siglufirði er versl-
un einvörðungu. Aðalstarfsemin
fer fram í verslunarhúsinu að Suð-
urgötu 2-4, þar sem reknar eru 3
deildir, matvörudeild, búsáhalda-
og heimilistækjadeild og fatadeild.
Ennfremur sér útibúið um útvegun
á byggingavöru fyrir viðskiptavini
sína en lager er enginn í þeirri vöru.
Við verslunina vinna nú 14 manns,
þar af 5 stúlkur í hálfu starfi. Auk
þessa er rekin lítil matvörubúð að
Hvanneyrarbraut 42. Við hana
vinnur nú aðeins einn maður.
Vörur eru fluttar frá Akureyri til
Siglufjarðar með bíl, sem fer tvær
ferðir í viku á tímabilinu l. júní til
15. október. Hinn tíma ársins koma
þær með flóabátnum Drang, sem
þá fer 2 ferðir í viku.
Rekstur verslunarinnar á Siglu-
firði hefur gengið snuðrulaust frá
upphafi. Á árinu 1979 varð heild-
arumsetning rúmar 436 milljóriir,
þar í talið byggingarefni. Frá ára-
mótum til 30. sept. þessa árs varð
aukning verslunar í krónum talið
71%. Er sýnilega um verulega
magnaukningu að ræða.
Sjaldan slátr-
að jaf n fáum
hrossum
Sauðárkróki 5. nóvembcr.
Um miðjan október brá til kulda
og snjókomu. ! Fljótum, sem
annarsstaðar, setti niður snjó og
varð haglaust fyrir fé. Einkan-
lega átti þetta við í Austur-
Fljótum. Um síðustu helgi hlán-
aði og tók upp snjóinn.
Bændur í Fljótum voru búnir
að hafa orð á því að innistöðu-
tími yrði langur ef ekki hlánaði
fyrr en í vor, svo þetta var kær-
komin hláka. Fé var búið að
vera á fullri gjöf í hálfan mán-
uð.
Nú stendur yfir stórgripa-
slátrun á Sauðárkróki. Þegar
sauðfjárslátrun lauk var hafist
handa við að slátra nautgripum
og var slátrað 340 að þessu
sinni, en fyrir sauðfjárslátrun
var lógað 230 nautgripum.
Þessa dagana er verið að slátra
hrossum. Búist er við að alls
verði slátrað 300 hrossum, en
það er með fæsta móti. Ástæðan
er m.a. sú að bændur eru vel
heyjaðir og setja dálítið á af
folöldum og eins hitt að margar
hryssur voru geldar s.l. vor.
G.Ó.
Viku á undan áætlun
Á föstudag var Harðbakur EA
sjósettur eftir allmiklar bolvið-
gerðir sem framkvæmdar voru í
Slippstöðinni á Akureyri. Við-
gerðin hófst 23. október og
henni átti að Ijúka 15. nóvember
samkvæmt tilboði Slippstöðvar-
innar. Verkið gekk hins vegar
mjög vel og því lauk viku á und-
an áætlun. Þýsk skipasmíðastöð
bauð einnig í verkið og voru til-
boðin sambærileg hvað verð
áhrærir.
„Slippstöðin skilaði verkinu
fljótt og vel og á hrós skilið. Ég hef
alltaf haldið því fram að þar væri
hægt að vinna verkin bæði fljótar
og betur og vona að framhald verði
á þessu,“ sagði Vilhelm Þorsteins-
son, framkvæmdastjóri hjá Ú.A.'í
viðtali við Dag.
„Við skipulögðum þetta verk
mjög vel og þetta er talandi dæmi
um það, að það eru sleggjudómar
að telja allt sem frá útlöndum
kemur betra en það sem hægt er að
gera hér heima,“ sagði Gunnar
Ragnars, forstjóri Silppstöðvarinn-
ar, þegar samband var haft við
hann vegna þessa máls. Gunnar
sagði að starfsmenn Slippstöðvar-
innar ættu heiður skilinn og ljóst
væri af þessu, að þeir stæðu er-
lendum starfsbræðrum sínum
fyllilega snúning.
Ekki þarf að tíunda það, hversu
mikill hagur það er að geta fram-
kvæmt slíkar viðgerðir heima. Það
hefur í för með sér olíusparnað og
• . •"vAr
.
««11«" 'ir
gjaldeyrissparnað og þegar vel
gengur, eins og í þessu tilviki,
kemst skipið viku fyrr á veiðar.

Harðbakur sjósettur eftir viðgerðina.
Hrússi gekk sjálfala í
Krossavíkurbjörgum
Gunnarsstöðum í Þistilfirði 7. nóv.
Hér um slóðir hefur verið mjög
góð tíð að undanförnu. Nú er
orðið alautt í byggð og ekki
snjór nema í hæstu fjöllum.
Menn eru líka í ýmsum haust-
verkum og sumir byggja hús og
aðrir dytta að. Við sjóinn eru
ágætar gæftir og afli var góður á
línubáta í október og er svo enn.
I dag var meira að segja verið að
taka upp rófur á Syðra-Lóni. Þar er
stór rófnaakur og var eftir að taka
upp úr honum 6-8 tonn þegar
spillti. Rófumar eru með öllu
óskemmdar, en þær skemmast ekki
ef þær ná að þiðna með moldinni.
Hér út með firðinum að vestan
eru björg, sem nefnast Krossavík-
urbjörg. Þar gekk úti í fyrravetur
lambhrútur og sást en náðist ekki. 1
haust var reynt að ná honum, en
það tókst ekki fyrr en nú um dag-
inn. Að vísu var ekki hægt að ná
honum lifandi burt úr björgunum
og var honum slátrað í fjörunni.
Hrúturinn hafði 48 kílóa kropp,
sem er alveg sérstakt.
Hrúturinn varð alveg óður þegar
menn reyndu að ná honum og setti
þá í lífshættu. Frækinn bjargmaður
var búinn að reka hrútinn á syllu,
en þá sneri hrússi við og kom á móti
honum á fullri ferð eftir syllunni.
Bjargmaðurinn stökk upp og lét
hrútinn hlaupa undir sig og bjarg-
aði sér með því móti. Þá gripu
menn til þess bragðs að flæma
hrútinn niður í fjöru og ætlaði
hrússi í sjóinn, og var þá fátt annað
til ráða en að lóga skepnunni.
Ingimundur Gunnarsson, bóndi
í Krossavík átti hrútinn. Ingi-
mundur má vel við una að fá svo
vænan dilk, því það þykir mjög
góður hrútur sem við ölum í húsi og
nær því að vera með 40 kílóa
kropp.
í Krossavíkurbjörgum eru syllur
þaktar grasi og hefur hrúturinn
haft gott að éta. Ó. H.
Framkvæmdum lokið
við togarabryggjuna
Framkvæmdum við nýju tog-
arabryggjuna á Siglufirði er nú
lokið. Búið er að steypa þekjuna
og bryggjan er upplýst. Þetta er
fallegt mannvirki, segja heima-
menn, og að því er mikil bót. í
þekjunni er hitalögn, sem hefur
ekki verið reynd enn. Ætlunin
er að fá hita sem kemur af vél-
um í Þormóði ramma. Verið er
að byggja frystihús fyrir Þor-
móð ramma og enn hefur ekki
verið ákveðið hvort vélarnar í
húsinu verða loft- eða vatns-
kældar. Ef hið fyrrnefnda verð-
ur fyrir valinu verður líklega að
fá heitt vatn frá hitavejtunni, en
það er dýrara.
Fræðsla um samvinnu-
mál í Húnavatnssýslu
Á vegum félagsmálanefndar
Kaupfélags Húnvetninga og Slát-
urfélags Austur-Húnvetninga og
starfsmannafélags er verið að und-
irbúa fræðslufundi um samvinnu-
mál, ásamt vörukynningu. Guð-
mundur Guðmundsson fræðslu-
fulltrúi SÍS mun flytja framsöguer-
indi og svara fyrirspurnum. Fund-
imir byrja allir kl. 21.00 og verða
sem hér segir:
Á Skagaströnd mánudaginn 24.
nóvember, í Húnaveri þriðjudaginn
25. nóvember, á Blönduósi mið-
vikudaginn 26. nóvember, í Flóð-
vangi fimmtudaginn 27. nóvember,
á Húnavöllum föstudaginn 28.
nóvember.
Fundimir eru öllum opnir og
menn hvattir til að mæta einhvers-
staðar á ofannefndum fundarstöð-
um. Jafnframt er gert ráð fyrir því
að Guðmundur fari í grunnskóla
sýslunnar og haldi þar fyrirlestur
um sama efni.
,,Öfl gegn ölvunarakstri“
Ölvun við akstur er
verulegt og vaxandi
vandamál í umferðinni
ölvun við akstur er verulegt og
vaxandi vandamál í umferðinni.
Enda þótt vænta megi að fólk
geri sér grein fyrir þeirri hættu,
sem af slíku atferli stafar, og
öllurn muni ljóst að það varðar
við lög, hafa undanfarið verið
teknir yfir tvö þúsund ökumenn
á ári hverju grunaðir um ölvun
við akstur. Arið 1979 voru þeir
2.609.
Nokkur félagasamtök og stofn-
anir hafa tekið saman höndum
undir samheitinu „Öfl gegn ölvun-
arakstri" um að koma á framfæri
og vekja athygli á staðreyndum um
ölvun við akstur svo að landsmenn
geti sameiginlega komið þessum
málum til betri vegar.
Umferðarráð og Áfengisvarnar-
ráð hafa í því skyni látið prenta
veggspjald og bækling sem Is-
lenskir ungtemplarar og lögreglu-
menn munu dreifa á Stór-Reykja-
víkursvæðinu en Slysavarnafélagið
annarsstaðar á landinu.
£7
'X M m m mrr' ll Dll
llil li\ jjir yy \h S. U jJ_
# Aðtryggja
veginn
Nú eru leikarar að hugsa um
að fara í verkfall hjá ríkisfjöl-
miðlunum ef ekki verði
gengið að kaupkröfum þeirra
fyrír 15. nóvember og ef ekki
verða framleidd a.m.k. 10
sjónvarpsleikrit eða leiknar
kvikmyndir á ári hverju og
samanlögð iengd a.m.k. 10
klst. Þetta er svolítið sniðug
aðferð. Til dæmis væri ekki
úr vegi fyrir prentara að
krefjast þess, að hver meðal-
prentsmiðja framleiddi a.m.k.
tvo tugi bóka á ári, að jafnaði
250 blaðsíður á lengd, til að
tryggja veg prentlistarinnar.
Þá gætu starfsmenn
slippstöðvarinnar á Akureyri
gert þá kröfu að smíðaðir
verði a.m.k. þrír skuttogarar á
árí, a.m.k. 53 metrar á lengd,
til að tryggja veg íslensks
skipasmíðaiðnaðar.
# Hvað kostar
að reykja
Ef þú reykir einn pakka af
sígarettum á dag gæti verið
fróðlegt fyrir þig að vita eftir-
farandi: Þú eyðir á viku tæp-
um 8 þúsund krónurm, á
mánuði tæpum 34 þúsundum
og á ári 408 þúsund krónum
— en ef þið hjónin reykið
bæði pakka á dag nemur
þessi upphæð „aðeins"
817.200,00 krónum á ári. Það
mætti ekki bjóða þér sem
reykir að fara út í garð með
búnt af seðlum, segjum hálfa
milljón, og kveikja i því?
% Hrísvönd
til götu-
hreinsunar
Lesandi hringdi og bað um
að þeirri spurningu yrði
komið á framfæri við Akur-
eyrarbæ, hvort ekki mætti
kaupa gamlan jeppa og nota
hann tii að drags hrisvönd
meðfram rennusteinunum i
stað þess að reka rándýrt
verkfæri sem gerði svipað
gagn, þ.e.a.s. tækið sem ætti
að hafa það hlutverk að sópa
göturnar, en gerði lítið annað
en þyrla upp ryki. „Getur ekki
veríð að það eigi að bleyta
göturnar áður en hafist er
handa við hreinsunina?"
sagði þessi sami lesandi.
• Krafla Frónið
hristir
Annar lesandi sendi okkur
þessa ferskeytlu, nánar til-
tekið sléttubönd, sem lesa
má bæði áfram og aftur á
bak:
Krafla Frónið hristir, hart
hraunið brennur gíga,
gafla hleður skýja, skart
skapast, klettar síga.