Dagur - 10.02.1981, Blaðsíða 8

ÞJÓNUSTA
FYRIR
HÁÞRÝSTISLÖNGUR
OLfUSLÖNGUR og BARKA
PRESSUM
TENGIN Á
FULLKOMIN TÆKI
VÖNDUÐ VINNA
Óvenju'
um mink í
Ólafsfirði
Síðasta suniar sá Sveinbjörn
Árnason, Kálfsá, um minkaleit
og cyðingu ásamt öðrum í
Ólafsfirði. Leitað var svæðið
framan frá Lágheiði og til sjávar
beggja megin vatnasvæða.
Einnig var farið á Kleifar og
seinna í Garðsdal. Ekki fannst
minkur á þessu svæði í þetta
sinn, enda óvenju lítið vart við
dýr á þessu ári og vart sást slóð.
Þá fundu menn læðu með
hvolpa í skurði við Skeggjastaða-
brekku og unnu þar eina tvo
hvolpa. Seint um kvöldið var
Sveinbjörn beðinn um aðstoð, en
þá var búið að umturna og brenna
bakka þann sem minkafjölskyldan
hélt sig í og var hjörðin tvístruð.
Hundur Sveinbjörns fann og náði
einum hvolp í urð við Garðsá, en I
skýrslu sem Sveinbjörn sendi til
bæjarstjórnar Ólafsfjarðar taldi
hann líklegt að læðan hefði drepist
í Garðsánni, en hún fannst ekki.
Sveinbjörn sagði einnig að það
væri slæmt þegar menn spilltu
bælum og tvístruðu dýrum úr þeim
af vangá áður en leitað er til eftir-
litsmanna.
Að lokum getur Sveinbjörn þess
að vanur veiðimaður að sunnan
hafi komið til Ólafsfjarðar sl.
sumar með veiðihunda og fór víða
um og var Sveinbjörn með honum
annað veifið. Ekki varð sá
sunnlenski neins var.
■J0
Rauða húsið við Skipagötu. Mynd: á.þ.
Nýr sýningarsalur
í gær var kynntur sýningarsalur í
„Rauða húsinu“ Skipagötu 16
sýningarsalur, sem hópur fólks
hefur tekið á leigu, í því skyni að
halda þar uppi fjöibreytilegru
menningarstarfsemi.
Það kom fram á blaðamanna-
fundi, sem hópurinn hélt í gær, að
myndlistasýningar munu líkast til
verða drýgsti þátturinn í starfsem-
inni, en annað sem ætlunin er að
bjóða upp á er t.d. fyrirlestrar,
upplestrar, kvikmyndasýningar og
sala á bókum, grafík, textil og
fleira.
Sýningar verða að jafnaði opnar
I 10 daga frá klukkan 16 til 22 frá
mánudegi til föstudags, en frá 15 til
22 um helgar. Fyrsta sýningin í
„Rauða húsinu" verður sýning
Magnúsar Pálssonar, sem opnar
n.k. laugardag kl. 15.
Fyrirtækið, það er „Rauða hús-
ið“ er rekið af all stórum hóp ein-
staklinga sem sjá í öllu og einu um
fjármögnunina. Það er alls ekki
meiningin að sækja í eina né neina
sjóði, né heldur að fara fram á hina
aðskiljanlegustu styrki frá því
opinbera.
„Húsið sjálft er í eigu Akureyr-
arbæjar og eiga forráðamenn
bæjarfélagsins þakkir skyldar fyrir
skilninginn og áræðið að leigja
húsið aðstandendum fyrirtækis-
ins,“ segir í fréttatilkynningu frá
hópnum.
Fundur um landbún-
aðarmál
Framsóknarflokkurinn efnir til
ráðstefnu um landbúnaðarmál að
Rauðarárstíg 18 í Reykjavík á
föstudag og laugardag.
Ráðstefnan hefst kl. 14 á föstu-
dag og lýkur um kl. 17 á laugardag.
Að sögn Stefáns Valgeirssonar, al-
þingismanns, sem ásamt Jónasi
Jónssyni, búnaðarmálastjóra, og
Hákoni Sigurgrímssyni, er I undir-
búningsnefnd, verður m.a. fjallað
um ný atvinnutækifæri í sveitum.
Refabú
í Svarf-
aðardal?
Ytra-Hvarfi, Svarfaðardal 2. fcbrúar.
Að undanförnu hafa átt sér stað
umræður manna á mcðal hvort
grundvöllur væri fyrir stofnun
hlutafélags um refabú. Málið er
kontið svo langt að búið er að
sækja um leyfi til landbúnaðar-
ráðuneytisins og einnig er búið
að sækja um lóð undir slíka
byggingu á Hamri.
Áður en nokkuð getur frekar
gerst í málinu verður leyfisveitingin
að koma frá ráðuneytinu, en þá er
allt eins líklegt að verði af stofnun
hlutafélagsins. 1 þessu sambandi
hefur verið rætt um bú með 100 til
200 læðum.
Það eru bændur í Svarfaðardal
og Dalvíkingur sem eru að bræða
þessa hugmynd með sér. J.Ó.
Ódýrar helgarferðir innanlands:
Hægt að fá hótelgistingu
fyrir 9 krónur yfir nótt
Frá og mcð 31. janúar hófust
ódýrar helgarferðir innanlands
sem gilda frá öllum viðkomu-
stöðum Flugleiða til Reykjavík-
ur og frá Reykjavík til Akureyr-
ar, Egilsstaða, Hornafjarðar,
Sauðárkróks og Húsavíkur. í
þessunt „helgarpakka“ eru
flugferðir báðar leiðir og gist-
ing.
I helgarferðum ti) Reykjavíkur
er gist á Hótel Borg, Hótel Loft-
leiðum, Hótel Esju, Hótel Heklu,
Hótel Holti og Hótel Sögu. Hægt er
að velja ferðir með tveggja eða
þriggja nátta gistingu á ofan-
greindum hótelum. I þessum
„helgarpökkum" er verulegur af-
sláttur af bæði fargjöldum og gist-
ingum. Bílaleiga Loftleiða býðurog
sérstök kjör sé bíll leigður með
„helgarpakka“. Helgarferðirnar
verða farnar til 18. maí, að undan-
teknu tímabilinu frá 6.-24. apríl.
Einnig eru boðnar helgarferðir frá
Reykjavík og til staða úti á landi,
eins og fram kemur hér í upphafi.
Sem dæmi um kostnað má
nefna, að fyrir Akureyringa kosta 2
nætur fyrir tvo í herbergi 594
krónur á manninn, en til saman-
burðar má geta þess, að flugfarið
eitt fram og til baka kostar 576
krónur. Því má segja að gisting eina
nótt kos ti 9 krónur fyrir manninn
séu tveir saman i herbergi og dval-
ist í tvær nætur.
Fyrir tvo í þrjár nætur kostar 693
krónur. Þessi verð gilda ef dvalist er
á Hótel Loftleiðum, Esju, Heklu
eða Holti, aðeins dýrara er að vera
á Sögu og nokkru ódýrara á Borg-
inni. Hægt er að fara í ferðirnar frá
fimmtudegi til laugardags, eftir því
hvort valin er tveggja eða þriggja
nátta gisting.
Séu bílaleigubílar teknir með
helgarpakka hjá Bílaleigu Loft-
leiða kostar tveggja daga leiga með
100 km akstri inniföldum 350
krónur og þriggja daga leiga með
150 km inniföldum 525 krónur.
Blönduvirkjun:
Misskildi Páll
Blönduósinga?
„Það kemur fram hjá Páli að
Blönduósingar séu reiðubúnir til
að afsala sér sínum eignarrétti á
Auðkúluhciði. Það er niisskiln-
ingur hjá þingmanninum að við
séum reiðubúnir til að gera
þetta. Hins vegar hefur mögu-
leikinn verið ræddur manna á
meðal, en ég legg á það áhcrslu
að engar ákvarðanir hafa verið
Röng dagsetning
Dagsetningin á síðasta tölublaði
var röng eins og lesendur hafa
eflaust tekið eftir. í blaðinu stóð
12. febrúar, en átti að vera 5.
febrúar.
teknar,“ sagði Hilmar
Kristjánsson, oddviti á Blöndu-
ósi.
í síðasta tölublaði DAGS sagði
Páll Pétursson alþingismaður að
Blönduóshreppur ætti 8% af um-
ræddri heiði og að þessum eignar-
rétti væri hreppurinn tilbúinn til að
afsala sér.
Páll og fleiri hafa lagt fram
málamiðlunartillögu, sem Páll seg-
ir að sé líkleg til að ná fram að
ganga. Þar er m.a. gert ráð fyrir að
virkjunin verði 177 megavött. Á
næstu dögum verður fundur full-
trúa viðkomandi hreppa og
virkjunaraðila. Þar ætti m.a. að
koma I ljós hvort málamiðlunartil-
lagan á almennu fylgi að fagna.
I
D
[m
m
0 Ráðherrar
og jafnrétti
Tvær nýlegar embættaveit-
ingar hafa valdið miklum
deilum að undanförnu. Er hér
annars vegar um að ræða
veitingu prófessorsembættis
við læknadeild Haskóla ís-
lands og hins vegar veitingu
iyfsöluleyfis á Dalvík. í báð-
um tilfellum höfðu umsagn-
araðilar mælt með konum til
starfans, en þeim var hafnað
og karlmönnum veittar stöð-
urnar. Freyja F. Kristensen
heiur kært málið til jafnrétt-
isráðs, en hin konan, Helga
Ögmundsdóttir, hefur enn
a.m.k. ekki kært til ráðsins.
Nú er það hins vegar spurn-
ingin hvert þeir karlmenn,
sem fá ekki stöðu þrátt fyrir
að þeir telji sig eiga rétt á
henni, geti kært og af hverju
þeir sem hafa orðið undir í
stöðuveitingum á undanförn-
um árum, hafi ekki kært til
einhvers yfirvaids eða ráðs?
0 Áfengis-
neyslan
að minnka?
( frétt frá Áfengisvarnarráði
segir að neysla áfengis sem
selt er úr verslunum ÁTVR,
hafi minnkað árið 1980 um
2,42% miðað við árið 1979. I
fyrra nam salan 3,16 lítrum af
hreinum vínanda á hvert
mannsbarn í landinu á móti
3,24 lítrum árið áður. Talið er
að sala á efnum til bjór- og
víngerðar hafi minnkað til
muna í fyrra miðað við árið á
undan. Rétt er að taka það
fram að sala ÁTVR árið 1979
(þ.e. 3,24 Itr. af hreinum vín-
anda) hafði ekki verið jafn-
mikil um áratugi.
0 Kvikmynda-
hátíð í
Regnboganum
Um síðustu heigi hófst
heilmikil kvikmyndahátíð í
Regnboganum á vegum
Listahátíðar. Þar verða sýnd-
ar 20 kvikmyndir frá 15 lönd-
um, og auk þess verður sér-
stök kynning á myndum
bandaríska gamanleikarans
Buster Keaton. Hátíðin
stendur til 15. þessa mánað-
ar. I lok hátíðarinnar verða
sýndar íslenskar kvikmyndir
sem gerðar voru árið 1980.
Þar sem landsmenn standa
allir straum af þeim kostnaði
sem hlýst af athafnasemi og
framkvæmdum Listahátíðar,
er ekki úr vegi að spyrja
hvort, og þá hvenær, þeir
sem búa utan Reykjavíkur
geti átt von á að fá að sjá, þó
ekki væri nema brot af um-
ræddum kvikmyndum.