Dagur - 16.07.1981, Síða 6

Hús Bautans er bæjarprýöi, þar sem það stendur á áberandi staö, nýmálað, gamalt og fallegt. Mynd: H. Sv.
Miklar endurbætur
á Bautanum
Nú er hægt að fá náttverð eftir kl. 10 á kvöldin
Mjög miklar breytingar og end-
urbætur hafa nú verið gerðar á
Bautanum, bæði innan húss og
utan. Húsið hefur nýlega verið
málað og má nú fyllyrða að það
er til fyrirmyndar meðal gamalla
húsa hvað varðar viðhald. Mikið
er af gömlum timburhúsum á
Akureyri og Bautinn er dæmi-
gerður fyrir það hvað þessi hús
geta verið falleg, en eru því
miður mörg svo hrikalega Ijót
vegna viðhaldsskorts. Mjög
miklar endurbætur hafa einnig
verið gerðar innanhúss í Baut-
anum og rúmast nú tvöfalt fleiri
matargestir en áður, eða um 80
manns. Þá rekur Bautinn sem
kunnugt er veitingastaðinn
Smiðjuna í kjallara hússins, en
þar geta rúmast 50 manns til
borðs við bestu nýtingu.
Að sögn Stefáns Gunnlaugsson-
ar, sem sér um rekstur Bautans og
Smiðjunnar ásamt Hallgrími Ara-
syni, hafa auk breytinga á húsnæð-
inu verið gerðar nokkrar breytingar
á rekstrinum. Þannig er nú boðið
upp á sérstakan næturverð í
Smiðjunni eftir klukkan 22 á
kvöldin, sem er blandaður kjöt-
réttur á teini (kostar 55 kr.) og með
honum er m.a. hægt að fá svokallað
Smiðjuöl. Annars sagði Stefán að
vínsala væri algjör hliðargrein í
Smiðjunni, en megináherslan væri
lögð á góðan mat og góða þjónustu.
Þessi næturverður mun vera al-
gjört nýmæli í veitingahúsarekstri
hér á landi. Boðið er upp á
„Dinner" — tónlist í Smiðjunni og
auk þess hefur Hermann Arason
verið fenginn til að skemmta gest-
um með gítarleik og gestir geta þá
tekið lagið með honum ef þeir vilja.
Bautinn er nú raunverulega þrí-
skiptur. Þar er fyrst og fermst
„tería“, en einnig er þjónustað á
borð í svokölluðum neðri sal. Þar er
hægt að halda lokuð samkvæmi
fyrir 30 manns, en einnig hefur
verið tekinn í noktun lítill salur, þar
sem áður var skrifstofa. Þar er líka
hægt að halda lokuð samkvæmi
fyrir um 15 manna hóp. Sama verð
er á matnum á Bautanum hvort
heldur sem fólk fer á teríuna eða
kýs að fá þjónustu á borðin. Á
Bautanum er frá kl. 8-I l á morgn-
ana morgunhlaðborð (sem kostar
35 kr.) og opið er til klukkan 23.30.
Eins og áður var getið eru allar
innréttingar á Bautanum nýjar.
Aðalhönnuður þeirra var Davíð
Haraldsson, sem annaðist einnig
uppsetningu ásamt Ólafi Svan-
laugssyni og hans mönnum. Baut-
inn er nýlega orðinn 10 ára.
Seilingavélin orðin
að útflutningsvöru
Um þessar imindir eru fyrstu
seilingavélarnar frá vélsmiðj-
unni Stálberg að koma á mark-
að á fslandi, en einnig hafa tugir
pantana borist erlendis frá. Er
Ijóst að útflutningur á vélinni á
eftir að aukast að mun.
Seilingavélin vinnur verk sem til
þessa hefur ekki þótt ýkja vinsælt í
fiskvinnslustöðvum, en hún seilir
eða þræðir fiskhausa á band, áður
en þeir eru hengdir upp til þurrk-
unar og herslu. Hersla fiskhausa
hefur aukist mjög undanfarin ár,
enda hafa opnast góðir markaðir
fyrir vöruna í Afríkulöndum, eink-
um Austur-Nigeríu.
Oft hefur verið reynt að finna
upp vél til að seila fiskhausa, bæði
erlendis og hérlendis, en ekki tekist
sem skyldi. Seilingavélin SL 3 er
hin fyrsta sem uppfyllir þær kröfur
sem gerðar eru hvað varðar afköst,
vandvirkni og verð. Má í sambandi
við afköst vélarinnar geta þess að
með handmötun vélarinnar afkast-
ar hún 20-25 hausum á mínútu.
,SUMARGLEÐIN‘ OG MATARGESTIR
Tveir aðilar hafa haft samband við
blaðið vegna miðasölu að borð-
haldi þegar „Sumargleðin" var á
ferð í Sjálfstæðishúsinu. Annar
kvartaði undan því, að þegar
miðasalan var opnuð fengu aðeins
þrír í 30-40 manna biðröð miða, —
hinir höfðu verið seldir fyrirfram.
Sagði hann slæmt fyrir fólk sem
kæmi að langan veg til að fá sér að
borða og horfa á svona skemmtan,
að geta ekki gengið að því sem vísu
að það fengi miða ef það væri
a.m.k. meðal þeirra fremstu í bið-
röð þegar miðasalan opnaði.
Hinn aðilinn sem samband hafði
við blaðið og bað fyrir orðsendingu
vár framkvæmdastjóri Sjálfstæðis-
hússins, sökum þess að hann hafði
orðið var við mjög mikla óánægju
vegna þessa máls. Hann sagði að
pantanir hefðu byrjað að berast
með mjög löngum fyrirvara og
flestir sem vildu panta fyrirfram
bjuggu utan Akureyrar, t.d. á Dal-
vík, Grenivík og jafnvel á Þórs-
höfn. Reynt hefði verið að verða
við óskum fólksins, sem kom lang-
an veg, en það hefði síðan komið
niður á bæjarbúum og öðrum gest-
um í bænum, sem voru í þúsunda-
tali, sem kunnugt er.
Hann sagði að rétt hefði verið að
auglýsa að aðeins væru örfá sæti
laus, úr því aðsóknin varð svona
gífurleg. Óánægja fólks væri ákaf-
lega eðlileg, en erfitt væri að gera
öllum til hæfis. Vildi hann koma
því á framfæri að Sjálfstæðishúsið
bæðist velvirðingar og að reynt yrði
að koma í veg fyrir að svona lagað
kæmi fyrir aftur. Hann minnti á að
„Sumargleðin" yrði endurtekin á
Akureyri 31. júlí
Þökkum innilega auðsýnda samúð og vinarhug við andlát og
jarðarför eiginkonu minnar, móður, tengdamóður og ömmu,
EUFEMÍU ÓLAFSDÓTTUR.
Magnús Jónsson,
Kolbrún Magnúsdóttir,
Auður Magnúsdóttir,
Sverrir Leósson og barnabörn.
Lauga-
hátíð
1981
Um verslunarmannahelgina
efnir Héraðssamband S.-Þing-
eyinga tii skemmtunar að Laug-
um undir heitinu „Laugahátíð
’81“
Vandað verður til skemmtiatriða
sem fara fram bæði úti og inni.
Dansað verður þrjú kvöld, föstu-
dagskvöld, laugardagskvöld og
sunnudagskvöld, og leikur hljóm-
sveitin Start úr Reykjavík fyrir
dansi.
Ágæt aðstaða er að Laugum fyrir
slíka skemmtun og góð tjaldstæði.
Nýja íþróttahúsið á staðnum er
notað til inniskemmtanahalds.
Hagnaður af Laugahátíð fer til
íþróttavallar sem í byggingu er að
Laugum, og til æskulýðs og
íþróttastarfssemi HSÞ.
Fyrri Laugahátíðir hafa sótt 2-3
þúsund manns, og fólk hefur
skemmt sér vel. HSÞ mun gera sitt
til þess að Laugahátíð ’81 muni fara
vel fram.
(Fréttatilkynning).
Kvöldvaka verður í kvöld kl.
20.00 (að Strandgötu 19b). Ní-
els Hanson og frú Ruth Strand
stjórna og tala. Á dagskrá m.a.
veitingar og happdrætti.
Sunnudaginn næst komandi kl.
20.30 er almenn samkoma, þar
sem Ruth og Níels ásamt fleir-
um stjórna, syngja og tala. Verið
allir hjartanlega velkomnir.
Hjálpræðisherinn.
Eftirtalin númer hlutu vinning í
happdrætti Slysavarnafélags ís-
lands 1981: Nr. 24827, Galant 2000
GLX fólksbifreið 1981: nr. 25279
Land undir sumarbústað 1 Hafnar-
landi við Svalvoga í Dýrafirði og
nr. 9776, 1366, 10652, 36053,
19539, 25281,37656 og 38936, DBS
reiðhjól 10 gíra.
Vinninganna sé vitjað á skrif-
stofu SVFÍ á Grandagarði.
Upplýsingar um vinningsnúmer
eru gefnar í síma 27123 (simsvari)
utan venjulegs skrifstofutíma.
SVFl færir öllum bestu þakkir fyrir
veittan stuðning.
Nýja bló sýnir áfram stórmyndina
Kramer vs. Kramer næstu kvöld
og eru þeir sem enn hafa ekki séð
hana hvattir til að nota sér þessar
sýningar. Kramer vs. Kramer
hefur hlotið fimm óskarsverð-
laun. í aðalhlutverkum eru Dust-
in Hoffman, Meryl Streep og
Justin Henry. Myndin fjallar um
hjón er skilja og vandamál þau er
upp koma við skilnaðinn. Mynd-
in hefur alls staðar hlotið mikið
lof gagnrýnenda enda í alla staði
mjög vel gerð mynd sem enginn
ætti að láta framhjá sér fara.
Sýningum á myndinni „Munkur á
glapstigu” sem Borgarbíó hefur
sýnt að undanförnu fer nú að
ljúka, en hér er á ferðinni bráð-
skemmtileg gamanmynd með
Marty Feldman.
Næsta mynd sem Borgarbíó
sýnir kl. 9 er myndin Upp á líf og
dauða, spennandi ensk-holllensk
stríðsmynd sem byggð er á sögu-
legum heimildum. f aðalhlut-
verkum eru Rutger Hauer og
Jeroen Krabbe. Kl. 11 sýnir
Borgarbíó „Cabo Blanco",
hörkuspennandi sakamálamynd
með Charles Bronson í aðalhlut-
verki.
6.DAGUR