Dagur - 22.10.1981, Qupperneq 5

DMjtUII
Útgefandi: ÚTGAFUFÉLAG DAGS
Skrifstofur: Hafnarstræti 90, Akureyri
Ritstjórnarsímar: 24166 og 21180
Sími auglýsinga og afgreiðslu: 24167
. Ritstjóri (ábm.): HERMANN SVEINBJÖRNSSON
Blaðamenn: Áskell Þórisson,
Gylfi Kristjánsson
Augl. og afgr.: JÓHANN KARL SIGURÐSSON
Prentun: Prentverk Odds Björnssonar hf.
Húsbyggjendur
og kjaramálin
Launþegasamtökin eru nú í óða önn
að undirbúa kröfur sínar vegna vænt-
aniegra kjarasamninga. Þannig hefur
Verkamannasambandið lagt fram
sínar kröfur og samninganefnd ASf
einnig. Þar er gert ráð fyrir 13%
grunnkaupshækkun á næstu tveimur
árum, þ.e. á samningstímanum, árs-
fjórðungslegum verðbótum, svo og
því að næturvinnugreiðslur komi í
stað eftirvinnugreiðslna í áföngum á
næstu þremur árum og dagvinnutekj-
ur hækki að sama skapi. Vinnuveit-
endur meta þetta til 30-40% kaup-
hækkana á samningstímabilinu.
Hvort svo sem þetta mat vinnuveit-
endasambandsins er rétt eða ekki er
alveg Ijóst, að hér er á ferðinni kröfu-
gerð sem er langt umfram þá getu
sem þjóðfélagið og atvinnureksturinn
í landinu ræður við í dag. Erfið
rekstrarstaða atvinnuveganna og
1-2% hækkun þjóðartekna setur öll-
um kauphækkunum skorður, nema
menn kjósi aukna verðbólgu sem
hefur í för með sér aukið launamis-
rétti og rýrnandi kaupmátt.
Því er gjarnan haldið fram, að for-
kólfar launþegasamtakanna móti
kröfugerð sína á hverjum tíma eftir því
hverjir sitja í ríkisstjórn. Út af fyrir sig
væri það ekkert óeðlilegt þó laun-
þegar miðuðu sína afstöðu við það,
hvernig unnið er að málum í þjóðfé-
laginu, því verkalýðsbarátta er póli-
tísk, hvað sem hver segir. Því miður
virðast forystumenn launþega ekki
ætla að taka nægilegt tillit til að-
stæðna í þjóðfélaginu og þeirra
verka, sem ríkisstjórnin hefur unnið
að og náð árangri í. Einnig er viðbúið
að vinnuveitendasamtökin verði
harðsnúin, þannig að allt eins má
búast við hörðum vinnudeilum. Lausn
verður ekki fundin á bágum launa-
kjörum þeirra sem minnst bera úr
býtum með því móti.
Til þess að koma til móts við þá
sem búa við erfiðustu kjörin þarf að
nota önnur meðul en falskar kaup-
hækkanir. Þeir sem erfiðast eiga eru
þeir sem standa í því að koma sér upp
þaki yfir höfuðið og eru auk þess á
lágum launum. Þetta fólk nýtur allt
annarra kjara en þeir sem stóðu í
húsbyggingum fyrir örfáum árum,
þegar lán voru almennt ekki verð-
tryggð. Þjóðfélagið þarf að koma til
móts við þetta fólk með öllum tiltæk-
um ráðum. Þá gæti einnig farið svo að
sjálfkrafa leystist úr þeim atvinnuerf-
iðleikum sem við er að etja t.d. á Ak-
ureyri, en ótryggt atvinnuástand á
Akureyri stafar fyrst og fremst af því,
að verulega hefur dregið úr bygg-
ingaframkvæmdum. Skýringin er að
hluta til sú, að fólk getur nú verðtryggt
fé sitt með öðrum hætti en að auka
steinsteypueign sína, en aðalskýr-
ingin er sú að fólk getur ekki lengur
staðið undir fjármagnskostnaðinum
sem er samfara byggingafram-
kvæmdum.
Fyrsta frumsýning Leikfélags Akureyrar á leikárinu:
„Jómfrú
Ragnheiður‘ ‘
Fyrsta frumsýning L.A. á
þessu leikári er sögulegur
sjónleikur „Jómfrú Ragn-
heiður“ eftir Guðmund Kamb-
an í leikgerð Bríétar Héðins-
dóttur leikara og leikstjóra,
sem frumsýndur verður annað
kvöld.
Það eru rúm 40 ár síðan Jón
Norðfjörð leikstýrði „Skálholti“
Kambans á Akureyri. Hann lék
einnig Brynjólf biskup í þeirri
sýningu en Ragnheiður Brynj-
ólfsdóttir var leikin af frú Regínu
Þórðardóttur leikara.
Leikgerð Bríétar sækir efni sitt
í leikgerðir og skáldverk Kamb-
ans, rekur sögu Ragnheiðar eins
og Kamban segir frá henni í
skáldverki sínu, Skálholti. Þar
segir hann m.a.:
„Hún yfirgaf þennan heim
mánudaginn 23. marz 1663, þegar
hún hafði lifað hér 21 ár, 6
mánuði og 15 daga. Allir þeir.
sem nú og síðar krupu við dánar-
beð hennar, skildu, að hún hafði
verið mannvæn, flestum stúlkum
framar, en syndug eins og við
vorum öll. Engum datt í hug, að
hún væri fágætt eintak hins lítt
göfuga mannlega kyns. Ef til vill
dó hún í öllu tilliti of ung, ef til
vill var henni unnað af guðun-
um.“
Helzti munurinn frá hinum
leikgerðunum er, að hlutur sumra
persónanna er aukinn, annarra
minnkaður. Þungamiðja þessarr-
ar er Ragnheiður Brynjólfsdóttir
og hennar saga. Fyrst og fremst
saga ungrar konu, sem er að
berjast sjálf fyrir að mega ráða
eigin lífi, saga um baráttu hennar
gegn karlaveldi, foreldra- og
kirkjuveldi. Saga ofurhuga, sem
gerir uppreisn, sem dæmd er til
að mistakast. Þetta er og hin
klassíska harmsaga foreldris, hér
föður, sem í fullvissu þess, er að-
eins að gera barni sínu það sem
því er fyrir beztu. Eiga slíkar
— Guðbjörg útskrifaðist úr
Leiklistarskóla ríkisins s.l. vor
eftir fjögurra ára nám þar. Við
spurðum hana nánar um tildrög
þess að hún lagði leiklistina fyrir
sig-
„Ég byrjaði í SÁL þegar ég var
í Menntaskólanum í Reykjavík,
en þetta var kvöldskóli. Það fór
hins vegar ekki nógu vel saman
að vera bæði í menntaskóla og
kvöldskóla þannig að ég hætti
fijótlega í SÁL. Þegar ég lauk svo
námi úr menntaskóla voru engir
nemendur teknir inn í Leiklistar-
skóla ríkisins það ár, svo ég fór að
kenna einn vetur vestur á Helli-
sandi og tók síðan inntökupróf í
Leiklistarskólann um vorið.“
— Á meðan Guðbjörg var í
Menntaskólanum lék hún m.a. í
Útilegumönnunum, lék þar hlut-
verk Haraldar undir stjórn
Baldvins Halldórssonar. En við
spurðum hana hvernig skóli
Leiklistarskóli ríkisins væri.
„Þetta er erfiður skóli, langur
vinnudagur og gerðar miklar
kröfur til nemenda. Þetta er
góður skóli, en þó finnur maður
að þetta er ungur skóli í þróun.“
í fyrravetur sótti Guðbjörg um
fasta stöðu hjá Leikfélagi Akur-
eyrar og var fastráðinn leikari frá
I. september. Síðan var tekin
ákvörðun um verkefni hjá leikfé-
laginu í vetur, og útkoman varð
sú að „Jómfrú Ragnheiður" yrði
fyrsta verkefni vetrarins og að
Guðbjörg yrði þar í hinu erfiða
hlutverki Ragnheiðar.
„Mér finnst mjög spennandi að
fást við þetta hlutverk, gaman að
fá að spreyta mig á þessu. Ragn-
heiður er kona í sjálfstæðisbar-
áttu sem er ekki langt frá því sem
er að gerast í samtímanum. Hún
er mjög hugrökk kona sem gam-
an er að fást við. Ég skil hana
mjög vel og hún hefur alla rnína
samúð. Auðvitað er þetta erfitt en
ég reyni að leggja mig alla fram.“
„Það er mjög góður andi í
Leikfélagi Akureyrar, og leikhús-
ið alveg sérstaklega skemmtilegt,
gamalt og vinalegt hús.“
— Nú er frumsýning skammt
undan. Ert þú orðin taugaóstyrk?
,,Nei, ekki ennþá, en auðvitað
verð ég það þegar nær drégur
frumsýningunni. En það er ekkert
um annað að ræða en að taka þá á
honum stóra sínum. Vera kjörkuð
eins og hún Ragnheiður."
Námskeið hjá L.A.
Leikfélag Akureyrar hleypir
innan skamms af stokkunum
námskeiði í leiklist fyrir 12-16
ára og fyrir 16 ára og eldri.
Reiknað er með að þessi nám-
skeið hefjist um næstu mán-
aðamót. Innritun og upplýs-
ingar eru í símum 24073 og
25073 kl. 10-16 daglega.
Guðbjörg Thoroddsen I hlutverki Ragnheiðar Brynjólfsdóttur.
harmsögur sér enn stað á öld
atómsins?
Jómfrú Ragnheiði leikur Guð-
björg Thoroddsen, sem útskrif-
aðist frá Leiklistarskóla íslands á
þessu ári, Brynjólf Sveinsson,
biskup, leikur Marinó Þorsteins-
son og Daða Halldórsson Hákon
Leifsson, en þetta er frumraun
hans á leiksviði.
Sem fyrr segir verður leikritið
„Jómfrú Ragnheiður“ frumsýnt
hjá L.A. annað kvöld kl. 20.30.
önnur sýning verður á sunnudag
kl. 20.30, þriðja sýning fimmt-
udag 29. okt. kl. 20.30 og fjórða
sýning föstudaginn 30. okt. kl.
20.30.
„Ég hef alltaf haft mikinn
áhuga á leiklist, alveg frá því
ég man eftir mér, og reyndar
lék ég í fyrsta skipti þegar ég
var 8 ára. Þá settum við
krakkarnir í hverfinu upp
Kardimommubæinn, skipuðum
í öll hlutverk og æfðum í kjall-
aranum lieima. Ég man að mig
langaði mjög mikið að leika
hlutverk Kamillu, en vinkona
mín sem var eldri fékk það
hiutverk og ég hafnaði í hlut-
verki hjálparmanns Tobíasar.“
—• Sú sem þetta mælir er
Guðbjörg Thoroddsen, en annað
kvöld stígur hún sín fyrstu skref á
leiksviði sem atvinnuleikari. Hún
verður ekki í hlutverki hjálpar-
manns eða neinir öðru smáhlut-
verki að þessu sinni, því hún fær
það erfiða viðfangsefni að leika
Ragnheiði Brynjólfsdóttur
biskupsdóttir í „Jónifrú Ragn-
heiður“ eftir Guðmund Kamban
í leikgerð Bríetar Héðinsdóttur
sem Leikfélag Akureyrar frum-
sýnir þá.
<
o
ji
E'
V)
*o
Guðbjörg Toroddsen og Marinó Þorsteinsson í hlutverkum Ragnheiðar og Brynjólfs biskups í „Jómfrú Ragnheiður“.
„Verð að vera kjörkuð
eins og Ragnheiður‘1
Karlakór Akureyrar
flytur í nýtt húsnæði
Karlakór Akureyrar hefur
flutt í nýtt húsnæði að Óseyri
6b og var húsið formlega tekið
ínotkun 10. október.
Karlakór Akureyrar var stofn-
aður 1930, en haustið árið áður
höfðu fyrstu æfingar kórsins haf-
ist. Kórinn var til húsa að
Strandgötu 7 allt fram til ársins
1961 að hann festi kaup á hluta
hússins Laxagata 5 og þar vár kór-
inn til húsa fram til þess að flutt
var í nýja húsnæðið á dögunum.
Húsnæðið að Laxagötu 5 var orð-
ið allt of lítið fyrir starfssemi
kórsins sem átti húsið ásamt
Lúðrasveit Akureyrar, og um
síðustu áramót keypti kórinn síð-
an efri hæðina í húsinu Óseyri 6b.
Nýja húsnæðið er um 160 fer-
metrar og þar af er sjálfur salur-
inn um 100 fcrmetrar. Eftir að
samningar um kaup á húsnæðinu
höfðu verið undirritaðir tóku
kórfélagar til óspilltra málanna
við að breyta húsnæðinu fyrir
starfsemi sína, og hafa kórfélag-
arnir unnið yfir 700 klukkustund-
ir í sjálfboðavinnu við það verk.
Á síðasta starfsári voru kórfé-
lagar 44 talsins, Styrktarfélagar
eru um 400 talsins en einnig er
starfandi kvenfélagið Harpan
sem er félagsskapur eiginkvenna
kórfélaganna.
Það hclsta sem er á döfinni hjá
Karlakór Akurcyrar cr að halda
Lúsíuhátíð í desemberog hina ár-
legu vortónleika næsta vor. Þá er
þegar hafinn undirbúningur að
Noregsferð kórsins 1983, cn
kórnum hefur verið boðið til
mikils söngmóts í Álasundi scm
ervinabær Akureyrar.
Söngstjóri Karlakórs Akureyr-
ar er Guðmundur Jóhannsson,
en þrátt fyrir mikla leit að undir-
leikara hefur ekki tekist að ráða
neinn til þess starfs í vetur og kom
fram í máli stjórnarmanna kórs-
ins að þeir hafa talsverðar
áhyggjur af því að það mál muni
ekki leysast.
Stjórn Karlakórs Akureyrar i nýja húsnæðinu. Frá vinstri eru: Jóhannes Jóhannesson, Freysteinn Bjarnason,
Magnús Kristinsson formaður, Bryngeir Kristinsson. Á myndina vantar Magnús Steinarsson. Ljósm.: g.k.
w..
Umsjón: Ólafur Ásgeirsson
Kristján Arngrímsson
íþróttir á Akureyri um helgina:
Handbolti og
körfubolti
Handknattleiksmenn og
körfuknattleiksmenn verða á
ferðinni á Akureyri um helg-
ina. Keppt verður í 3. deild í
handknattleik í íþróttaskemm-
unni, og í 2. deild í körfu-
knattleik í íþróttahúsi Glerár-
skóla. Auk þess heldur 1.
deildarlið KA suður og leikur
einn ieik í Reykjavík.
1. deild
í handknattleik
Leikmenn KA eiga erfiðan útleik
fyrir höndum, en þeir mæta bik-
armeisturum Þróttar í Laugar-
dalshöll á laugardaginn. Þetta er
þriðji leikur KA í deildinni, en
liðið hefur tapað tveimur fyrstu
leikjum sínum með litlurn mun.
Mikill hugur er í leikmönnum
KA fyrir leikinn gegn Þrótti og
sagði viðmælandi íþróttasíðunn-
ar úr þeirra röðum að þeir ætluðu
sér að sigra 'Þróttarana. Það er
vitað mál að það verður erfitt, en
vonandi standa KA strákarnir
fyrirsínu.
Bílahappdrætti KA:
Bíllinn kom á
óseldan miða
Þann I5. október sl. var dregið í
bílahappdrætti K.A., en vinning-
urinn var Suzuki bifreið árgerð
1981. Var dregið hjá bæjarfóget-
anum á Akureyri, og kom upp
númerið 3219. Reyndist það vera
óseldur miði. Kom billinn því i
hlut knattspyrnudeildar K.A., og
verður hann notaður næstu árin
fyrir þjálfara, eða annan starfs-
mann deildarinnar. Bifreiðin
kostar í dag um 73.000,00, en
vegna sérstakrar lipurðar um-
boðsaðilanna, sem eru Sveinn
Egilsson h/f, í Reykjavík. og
Bílasalan h/f, á Akureyri, fenguni
við bílinn allmikið ódýrari, og má
segja, aðsala á miðum hafi dugað
fyrir bílnum, og þar sem enginn
kostnaður varð við happadrættið.
eigum við bílinn nú skuldlausan.
Færum við öllum fyrirtækjum
og einstaklingum, sem studdu
okkur með kaupum á miðum, eða
á annan hátt. okkar bestu þakkir
og erum þess fullvissir að flestir
þeirra, sem keyptu miða, finnst
bíllinn vera vel kominn í okkar
höndum, enda höfðu flestir látið
þá skoðun í Ijós, að þeir mundu
gefa okkur bílinn, kæmi vinning-
urinn á þeirra miða.
I happdrættisnefnd knatt-
spyrnudeildar K.A.
Árni Björnsson.
Sigurður Sigurðsson.
Stefán Gunnlaugsson.
3. deild
í handknattleik
Á föstudagskvöld fá Þórsarar lið
Keflavíkur í heimsókn í íþrótta-
skemmuna, og hefst leikurinn
sem er fyrsti leikur liðanna í
handknattleik kl. 20.
Keflvíkingarnir töpuðu með
eins marks mun fyrir Ármanni á
dögunum þannig að búast má við
að þeir veiti Þórsurum harða
keppni í Skemmunni.
Á laugardag leika svo Keflvík-
ingarnir gegn Dalvíkingum í
Skemmunni. en Skemman er
heimavöllur Dalvíkinganna.
Magnús Guðmundsson þjálfari
Dalvikinga hefur ekki getað leik-
ið með liðinu að undanförnu
vegna meiðsla. en vonandi verður
hann orðinn góður og til í slaginn.
Staðreyndin er nefnilega sú að án
hans er Dalvíkurliðið slakt.
2. deild
í körf uknattleik
Fyrsti leikur Þórs í körfuknattleik
á keppnistímabilinu verður i
íþróttahúsi Glerárskóla kl. 15 á
laugardag, og mætir liðið þá
Tindastól frá Sauðárkróki, en
Tindastóll leikur heimaleiki sína í
vetur í Glerárskólahúsinu.
Þórsliðið mætir til keppnis-
tímabilsins með mikið breytt lið
frá síðasta keppnistímabili. Segja
má að aðeíns þeir Jón Héðinsson
og Eiríkur Sigurðsson státi af
einhverri leikreynslu. aðrir leik-
menn liðsins eru ungir efnilegir
strákar. Verður fróðlegt að sjá
hvernig þeim vegnar gegn leik-
mönnum Tindastóls, en búast má
við hörkukeppni.
Skíðagöngu-
mót í Kjarna
Ef færi og aðstæður leyfa verður
haldið skíðagöngumót í Kjarna í
nóveniber. Mótið verður opið og
því öllum heimil þátttaka. Um
það leyti er eitt ár liðið siðan
göngubrautin var tekin í notkun.
Skíðagöngumenn á vegum
S.R.A. æfa i Kjarna þrisvar í viku.
Stórefnilegur
knattspyrnumaður
Einn af efnilegri ungum knatt-
spyrnumönnum hér á Akur-
eyri, er Halldór Áskelsson
(Egilssonar), en hann er leik-
maður með Þór. Hann hefur
verið afburðamaður í yngri
flokkum undanfarin ár, og er
nú orðin 16 ára.
Hann lék í sumar nokkra leiki
með meistaraflokki Þórs, en er
annars leikmaður annars flokks.
Halldór lék fyrst í sumar með
Drengjalandsliði íslands en hann
þótti frábær leikmaður og var
síðan valinn í unglingalandsliðið,
en flestir sem þar leika eru eldri
en hann. Hann lék um daginn
leikinn með unglingalandsliðinu
á móti Belgum, og mun nú næstu
daga- fara með landsliðinu til
Belgíu og leika þar annan leik.
Halldór er mikill sóknarmaður og
haft var eftir Reynolds nýráðnum
þjálfara Þórs fyrir næsta ár. en
hann sá Halldór á æfingum um
helgina, að þarna væri mikið efni
á ferð. Iþróttasíðan óskar honum
til hamingju með landsliðssætin
og óskar honum velfarnaðar i
knattspyrnunni.
4 - DAGUR - 22. október 1981
22. október 1981 - DAGUR - 5