Dagur - 27.10.1981, Blaðsíða 1
-x-
TRULOFUNAR-
HRINGAR
AFGREIDDIR
SAMDÆGURS
GULLSMIÐIR
I SIGTRYGGUR & PÉTUR
1 AKUREYRI
MGUR
........... 'i i iiphi 11 aiWimfi'Tntn
64. árgangur
Akureyri, þriðjudagur 27. október 1981
83. töiublað
Jóhannes Hjálmarsson hefur ástæðu til
þess að sýna sigurtáknið fræga, „V“ eftir
heimsmeistaratignina um helgina.
Ljósm. GK.
Jóhannes
varð
heims-
meistari
Akureyringar eignuðust um
helgina heimsmeistara í íþrótt-
um, en þá sigraði Jóhannes
Hjálmarsson aiia keppinauta
sína á heimsmeistaramótinu i
kraftiyftingum öldunga sem
fram fór í Chicago í Bandaríkj-
unum.
Jóhannes keppti þar í flokki
50-55 ára og gerði kappinn sér lítið
fyrir og vann auðveldan yfirburða-
sigur í 100 kg. flokki.,
Jóhannes lyfti 200 kg. í hné-
beygju, 130 kg. í bekkpressu og í
réttstöðulyftu reis hann upp með
267,5 kg. Samtals gerir þetta 597,5
kg og var Jóhannes með 37,5 kg.
meira en næsti maður.
Það er ekki á hverjum degi sem
Islendingar eignast heimsmeistara í
íþróttum. Jóhannes, sem er tiltölu-
lega nýbyrjaður að fást við lyfting-
ar hefur því unnið meiriháttar af-
rek sem mun verða í minnum haft.
Hann hefur sífellt verið að bæta
árangur sinn, en því miður er okkur
ekki kunnugt um hvað hann státar
af mörgum heimsmetum í kraft-
lyftingum eftir þennan sigur í
Chicago. Til hamingju Jóhannes
Hjálmarsson.
Tveir umsækjendur eru nú
komnir um prestaköllin tvö á
Akureyri. Jón A. Baldvinsson á
Staðarfelli hefur sótt um Akur-
eyrarprestakall og Pálmi Matt-
híasson Hvammstanga hefur
sótt um Glerárprestakall.
Ekki er vitað með vissu um fleiri
umsækjendur, en tveir aðrir hafa
verið nefndir sem væntanlegir um-
sækjendur og það eru Þórhallur
Höskuldsson á Möðruvöllum um
Akureyri og Gylfi Jónsson á
Hornafirði um Glerárhverfi.
„Líst vel á að við fáum
sömu kjör og stóriðjan“
segir Hjörtur Eiríksson framkvæmdastjóri Iðnaðardeildar Sambandsins
„Mér líst ljómandi vei á það að
okkur verði skapaður sami
grundvöiiur og að við fáum
sömu kjör og orkufreki iðnað-
urinn. Ég tek undir það með
Stefáni Valgeirssyni, að við fá-
um t.d. alla okkar orku á svip-
uðu verði og stóriðjufyrirtækin
svoköliuðu. En það þarf svo
sannarlega miklu meira en
lækkun orkuverðs til að endar
nái saman hjá okkur“, sagði
Hjörtur Eiríksson, fram-
kvæmdastjóri iðnaðardeildar
Sambandsins um þær hugmyndir
Stefáns Valgeirssonar, alþingis-
manns, að íslenskur útflutnings-
og samkeppnisiðnaður fái sam-
bærileg kjör og stóriðjufyrir-
tækin í landinu.
„Eitt af því sem verið hefur á
okkar óskalista er að fá ýmsum
gjöldum aflétt og það er óskaplega
þýðingarmikið og skilar sér strax í
lækkuðum rekstrarkostnaði. Mér
er ekki alveg ljóst hvað af gjöldum
leggst á stóriðjureksturinn né held-
ur hversu mikið hann þarf að
Frá „Busavfgslunni“ i Menntaskólanum á Akureyri sl. föstudag.
greiða í fjármagnskostnað, en þessi
atriði skipta geysimiklu máli varð-
andi rekstrarafkomuna. Þó hef ég
grun um að þar sé um verulegan
aðstöðumun að ræða, t.d. varðandi
niðurfellingu aðflutningsgjalda.
Sem dæmi get ég nefnt, að fjár-
magnskostnaðurinn er nú 20% af
heildarveltu ullar- og skinnadeild-
ar, orkukostnaðurinn er um 5%,
launaskatturinn 3,5% af heildar-
launakostnaði og aðstöðugjald um
1,6% af veltu.
Við teljum að auka megi veru-
lega framleiðsluna og atvinnu-
framboðið í skinnaiðnaðinum með
meiri fullvinnslu, en fyrst verður að
koma rekstrargrundvellinum í lag
og það er því miður ekki hægt að
ganga fram hjá því. að gengis-
skráningin er orðin kolr: ng. Við
erum þó ekki að biðja um gengis-
fellingu heldur lækkaðar álögur.
Samkeppnisiðnaðurinn íslenski
stendur hins vegar ekki lengur
undir því að hægt sé að flytja alla
hluti miklu ódýrar inn heldur en
hægt er að framleiða þá á hér
heima“, sagði Hjörtur Eiríksson að
Iokum.
EKKERT UNNK>
FYRIR ÁRAMÓT
„Peningarnir sem nota átti tii
framkvæmda við byggingu
íþróttahússins á þessu ári eru
búnir, og það er ekki hægt að
nota sömu peninga tvisvar“
sagði Helgi Bergs, bæjarstjóri á
Akureyri er Dagur ræddi við
hann um framkvæmdir við
íþróttahúsið á Akureyri.
Sögusagnir hafa verið í gangi um
að setja ætti framkvæmdir við hús-
ið í gang næstu daga af krafti, m.a.
vegna hins slæma ástands sem
framundan er í atvinnumálum tré-
smiða.
Helgi Bergs sagði að nú væri gælt
við þá hugmvnd að Ijúka byggingu
hússins í áföngum, og það yrði
fullbúið árið 1983. Þá væri verið
eða ætti að fara að huga að kostn-
aðaráætlun með tilliti til þess að
næsta haust yrði hægt að taka húsið
í notkun fyrir kennslu og mótahald
en það gæti kostað 8 til 9 milljónir
króna.
„Það er ljóst" sagði Helgi, „að
það verða engar framkvæmdir við
húsið fyrr en eftir áramót, en þá
verður vonandi hægt að setja kraft í
þær“.
ENGAR RÆKJUVEIÐAR
LEYFÐAR IVETUR
í vetur verða engar rækjuveiðar
leyfðar í öxarfirði og telja
fiskifræðingar mögulegt að
þetta ástand vari í einhver ár.
fbúar á Kópaskeri hafa haft
mikia atvinnu af rækjuvinnslu
undanfarin ár og á tímabili voru
gerðir út fimm bátar frá Kópa-
skeri. Nú er svo komið að
heimamenn eiga engan bát,
þann síðasta er Sæblik h.f. að
selja, og fenginn var 65 tonna
bátur frá Hólmavík til að leggja
upp á Kópaskeri í vetur.
Kristján Ármannsson, fram-
kvæmdastjóri Sæbliks, sagði að
hugmyndin væri að breyta hluta
af húsakynnum fyrirtækisins svo
hægt væri að verka fisk fyrir fryst-
ingu. Fjármagn vantar til þess
verks, en það mál mun skýrast
þegar líður á vikuna. Megnið af
aflanum verður verkað í skreið og
salt.
Einnig verður hráefni sótt til
Húsavíkur og Raufarhafnar.
Kristján gerði ráð fyrir að 20 til 30
manns hefðu atvinnu hjá Sæbliki í
vetur.
Önnur holan að Botni gefur af sér um 10 sek./lítra:
NOTENDUR VERDA AÐ FARA
SPARLEGA MEÐ HEITA VATNIÐ
Svo virðist vera sem önnur hol-
an, sem boruð er að Botni í
Hrafnagilshreppi fyrir Hitaveitu
Akureyrar, ætli að gefa af sér um
10 sek/ltr af 90° heitu vatni og
að holan sé ekki með sama
vatnskerfi og sú sem var boruð
áður að Botni og gefur af sér 30
sek/ltr. Um helgina var lokið við
tengingu á safnæð frá Botni til
Laugalands. Vatn úr Botnshol-
unni verður ekki tengt inn á
kerfið strax, en áður en af því
getur orðið þarf að hita upp
pípuna og kanna hana gaum-
gæfilega.
Vilhelm Steindórsson hitaveitu-
stjóri sagði að menn skyldu ekki
vera um of bjartsýnir þegar nýja
holan ætti í hlut því rannsóknum
væri síður en svo lokið á henni.
Borinn er kominn niður á tæplega
1800 m dýpi og verður borun hætt
hvað úr hverju því borinn kemst
ekki mikið lengra niður.
Hitaveitustjóri var inntur eftir
því hvort notendur Hitaveitu
Akureyrar þyrftu að kvíða vatns-
leysi í vetur. Hann sagði að tæplega
væri ástæða til að ætla það, en ljóst
væri að mun minna fengist af heitu
vatni á núverandi borsvæði hita-
veitunnar en áætlað var í upphafi.
„Við munum ekki hafa neitt urn-
frammagn af vatni á næstu árum og
verðum að fara sparlega með vatn-
ið. Einnig verður að leggja í meiri
kostnað og meiri vinnu við að ná
vatninu en áætlað var“, sagði hita-
veitustjóri. „En við verðum að nota
heita vatnið fyrst og fremst til upp-
hitunar húsa okkar og þá held ég að
þetta ætti allt að fara vel“.
AUGLÝSINGAR OG ÁSKRIFT: 24167 - RITSTJÓRN: 24166 OG 21180