Dagur - 27.04.1982, Blaðsíða 3
A tvinnumál
Öflugt atvinnulíf er undirstaða allra
framfara. Þróttmikill rekstur sam-
vinnumanna, einstaklinga og félags-
rekstur bæjarbúa hefur gert Akureyri
að traustu bæjarfélagi með mikla
framtíðarmöguleika. Eyjafjarðar-
svæðið er atvinnuleg heild og verður
að skoða atvinnumálin í ljósi þess.
Framsóknarmenn á Akureyri telja
að sveitarfélög eigi ekki að taka bein-
an þátt í rekstri fyrirtækja nema í sér-
stökum tilvikum. Hlutverk bæjarfé-
lagsins er að skapa aðstæður sem
geri atvinnuvegunum kleift að
þrífast. Afstaða bæjarfélagsins til
atvinnurekstrar og stuðningur skiptir
miklu máli.
Framsóknarmenn á Akureyri telja
eðlilegt að bæjarfélagið létti undir
með nýjum atvinnugreinum, t.d. með
nægu framboði lóða og tímabundinni
fyrirgreiðslu.
Ljóst er að við margs konar vanda
er að fást í atvinnumálum Eyjafjarðar-
svæðisins. Má að hluta rekja þennan
vanda til lélegrar afkomu fyrirtækja á
undanförnum árum, sem einkum á
rætur að rekja til óhagstæðrar verð-
þróunar. Því gera framsóknarmenn á
Akureyri þá kröfu til stjórnvalda að
þau tryggi fyrirtækjum rekstrar-
grundvöll sem geri þeim kleift að fjár-
festa og auka umsvif sín og þar með
atvinnu. Rekstrargrundvöll útflutn-
ings- og samkeppnisiðnaðar þarf að
leiðrétta, þannig að þessar greinar
njóti jafnréttis við aðrar atvinnu-
greinar.
Framsóknarmenn á Akureyri fagna
stofnun Iðnþróunarfélags Eyjafjarð-
arbyggða, og telja að það geti gegnt
því þýðingarmikla hlutverki að afla
hugmynda um nýiðnað og stofna ný
fyrirtæki.
Framsóknarmenn á Akureyri munu
beita sér fyrir könnun á mögu-
leikum í atvinnuuppbyggingu Akur-
eyrarbæjar og Eyjafjarðar í heild
sinni og vilja að á grundvelli slíkrar
könnunar verði gerðar þær ráðstafan-
ir sem tryggja atvinnuöryggi íbúa
þessa svæðis.
Framsóknarmenn telja það höfuð-
atriði í nýrri sókn í atvinnumálum, að
þau fyrirtæki sem þegar eru starfrækt
hér í bæ nái að eflast og auka umsvif
sín. Bent er á að enn eru ónýttir fjöl-
þættir möguleikar á aukinni úr-
vinnslu landbúnaðar- og sjávaraf-
urða, og má í því sambandi nefna líf-
efnaiðnað.
Það er fyrirsjáanlegt að á komandi
árum mun þjónusta ýmiskonar verða
stærri þáttur í atvinnulífi þjóðarinnar
og ber þéttbýlisstöðum víða um land
sanngjarn hlutur í þeirri aukningu.
Framsóknarmenn á Akureyri telja
það réttlætiskröfu að ýmis opinber
þjönusta verði efld á Akureyri, t.d.
með flutningi stofnana, nýjum
menntastofnunum og aukinni heil-
brigðisþjónustu.
Góðar samgöngur eru ein aðalfor-
senda þess, að Akureyri geti gegnt
hlutverki sínu sem þjónustukjarni
fyrir Norðurland. Framsóknarmenn á
Akureyri vilja stuðla að stórbættum
samgöngum á láði, legi og í lofti. Sér-
staka áherslu þarf að leggja á auknar
flugsamgöngur og ber því brýna
nauðsyn til að fullgera flugbraut Ak-
ureyrarflugvallar og búa hann full-
komnum aðflugs- og öryggistækjum.
Leggja ber aukna áherslu á þjón-
ustu við ferðamenn. Framsóknar-
menn á Akureyri telja að bærinn eigi
að hafa forgöngu um samræmingu
ferðamála og að upplýsingamiðstöð
fyrir ferðamenn verði komið á fót.
Framsóknarmenn á Akureyri telja
rétt að innlend orka verði notuð til að
efla atvinnulíf og bæta enn afkomu á
Eyjafjarðarsvæðinu. í því sambandi
skal m.a. hafa eftirfarandi í huga:
a) Eyjafjörður er vistfræðilega mjög
viðkvæmt svæði og landbúnaður
er einn aðalatvinnuvegur íbú-
anna. Því skal ekki stofna lífríki
svæðisins í hættu.
b) Meta verður félagslega röskun
vegna framkvæmda og rekstrar
stórfyrirtækja.
c) Kanna þarf þjóðhagslega hag-
kvæmni og hver fjárhagslegur
ávinningur Eyjafjarðarsvæðinu er í
slíkum fyrirtækjum.
Framsóknarmenn vilja að þátttaka
starfsmanna í stjórnun fyrirtækja
verði aukin, þannig að þeim gefist
kostur á að hafa áhrif á umhverfi sitt,
aðbúnað og öryggi á vinnustað. Með
auknu atvinnulýðræði er unnt að
auka velsæld verkafólks í starfi.