Dagur - 27.04.1982, Blaðsíða 5
Skipulags- og
umh vcrfismál
Framsóknarmenn á Akureyri vilja að
stöðugt verði unnið að endurskoðun
skipulags bæjarins og það samræmt
þörfum bæjarbúa eins og þær eru á
hverjum tíma. Vinna skal áfram að
samstarfi sveitarfélaga um sameigin-
legt svæðaskipulag Eyjafjarðar-
bygða.
Alltaf skulu vera fyrir hendi skipu-
lögð svæði til bygginga íbúða- og
atvinnuhúsnæðis í bæjarlandinu, til
að mæta eðlilegri íbúafjölgun og þró-
un atvinnulífs. Þjónustustofnanir rísi
upp samhliða því sem ný íbúðahverfi
eru byggð.
Nýju deiliskiþulagi miðbæjarins er
nú lokið. Knýjandi er að hefja sem
fyrst uppbyggingu í samræmi við
það. Ljúka þarf gerð þjóðvegarins í
gegn um bæinn. Við lagningu vegar
yfir Eyjafjarðará skal þess gætt að
vegurinn falli sem best að landslagi
og náttúru svæðisins.
Mikið hefur áunnist við varanlega
gatnagerð í bænum, endurbyggingu
eldri gatna og frágang gangstétta.
Stefna ber að því á næsta kjörtímabili
að götur verði malbikaðar og gang-
stígar fullgerðir um sama leyti og
byggingaframkvæmdir hefjast við
götuna.
Unnið hefur verið að fegrun og
snyrtingu bæjarins í verulegum mæli
undanfarin ár og víða náðst góður ár-
angur. Framsóknarmenn á Akureyri
vilja halda því starfi áfram og benda á
að nauðsynlegt er að hafa gróin og vel
hirt opin svæði í íbúðahverfum, svo
bæjarbúar fái notið sem best hins
sérkennilega og heillandi bæjarstæð-
is Akureyrar. Haldið verði áfram upp-
byggingu Kjarnasvæðisins. Akureyri
er sæmd í því að hafa stuðlað að þeirri
þróun sem þar hefur orðið. Skipu-
leggja þarf friðað útivistarsvæði í
Krossanesborgum og í neðanverðu
Glerárgili. Græða skal og jafna það
jarðrask sem óhjákvæmilega verður
vegna malartöku og sorpurðunar á
Glerárdal. Leggja verður áherslu á að
reglum um mengunarvarnir verði
framfylgt.
Nú er hafin vinna við nýtt hafnar-
skipulag. í tengslum við það vilja
framsóknarmenn á Akureyri benda á
að góð skilyrði eru frá náttúrunnar
hendi til smábáta- og skemmtibáta-
útgerðar á Eyjafirði. Því skal gerð góð
aðstaða fyrir slíka starfsemi. Þeir
leggja áherslu á að áfram verði báta-
lægi sem næst miðbænum, eins og
gert er ráð fyrir í aðalskipulagi.
Rekstur Strætisvagna Akureyrar
hefur sannað gildi sitt og bætt úr mik-
illi þörf bæjarbúa fyrir almennings-
samgöngur. Nauðsynlegt er að fylgj-
ast vel með þróun og þörf fyrir stækk-
un leiðakerfa, svo rekstur þessi komi
bæjarbúum að sem bestum notum.