Dagur - 18.05.1983, Blaðsíða 6

Leiklistarhátíð
á Akureyri
„Þarna gefur að líta þver-
skurð þess starfs sem áhuga-
leikfélög á Norðurlandi hafa
fengist við í vetur,“ sagði
Signý Pálsdóttir leikhússtjóri
Leikfélags Akureyrar um þá
leiklistarhátíð sem LA
stendur að í samvinnu við
Menningarsamtök Norð-
lendinga sem fram fer dag-
ana 20. og 21. maí.
Þrjár sýningar veröa fluttar á
hátíðinni og eru þær opnar al-
menningi.
Leikfélag Öngulsstaðahrepps
sýnir Hitabylgju eftir Ted Willis
í' leikstjórn Theodórs Júlíussonar
föstudaginn 20. maí kl. 21.
Leikklúbburinn Saga á Akur-
eyri sýnir Lísu í Undralandi eftir
Klaus Hagerup í leikstjórn
Viðars Eggertssonar laugardag-
inn 21. maí kl. 15.
Leikfélag Siglufjarðar sýnir
Getraunagróða eftir Philip King
í leikstjórn Jónasar Tryggvasonar
laugardaginn 21. maí kl. 21.
Ráðstefna leikfélaganna sem
fer fram laugardagsmorguninn að
Hótel Varðborg mun fjalla um
samvinnu leikfélaganna á
Norðurlandi. Magnús Guð-
mundsson, leikstjóri á Neskaup-
stað, segir þar frá stofnun og
starfi Leikfélagasambands Aust-
urlands, sem verið hefur öðrum
leikfélögum fyrirmynd um
samstarf.
Einar Njálsson á Húsavík, for-
maður Bandalags íslenskra leik-
félaga, kynnir starfsemi banda-
lagsins og þjónustu þess við leik-
félögin.
Kristján Hjartarson, formaður
Leikfélags Dalvíkur, gerir grein
fyrir tillögum að stofnun Leikfé-
lagasambands Norðurlands og
Signý Pálsdóttir, leikhússtjóri
Leikfélags Akureyrar, ræðir um
hvaða aðstoð LA geti veitt ná-
grannafélögum sínum og hvernig
samstarfi geti verið háttað á milli
LA og áhugaleikfélaganna
norðan heiða.
Að inngangserindum loknum
verða umræður um bætta sam-
vinnu leikfélaganna, sem vonast
er til að ljúki með stofnun Leik-
félagasambands Norðurlands.
Ráðstefnustjóri verður Kristinn
G. Jóhannsson, formaður Menn-
ingarsamtaka Norðlendinga.
Frumkvæðið að þessari uppá-
komu kom frá Leikfélagi Akur-
eyrar og Menningarsamtökum
Norðlendinga, en auk þeirra hef-
ur þriggja manna undirbúnings-
nefnd frá áhugaleikfélögum við
Eyjafjörð staðið að undirbún-
ingnum.
Að ráðstefnu og leiklistarhátíð
lokinni verður skemmtikvöld
fyrir þátttakendur í litla sal Sjall-
ans þar sem leikfélögin koma
með sjálfvalið skemmtiefni.
Anna Ringsted og Birgir Þórðarson í hlutverkum sínuni í „Hitabyigju'
Skógræktarfélag Eyfirðinga og bændur í bandalag um trjárækt
Gróðursetja milljón plöntur
á næstu tíu árum
Aðalfundur Skógræktarfélags
Eyfirðinga var haldinn á Akur-
eyri 5. maí síðastliðinn. Fundar-
stjóri var Ævarr Hjartarson.
framkvæmdastjóri Búnaðarsam-
bands Eyjafjarðar.
í skýrslu framkvæmdastjóra
Skógræktarfélags Eyfirðinga,
Hallgríms Indriðasonar, kom
fram að tíðarfar var nokkuð hag-
stætt skógrækt á síðastliðnu ári,
ef undan er skilið vorhret í maí
1982, sem olli einkum skemmd-
um á ösp. Framkvæmdir á úti-
vistarsvæði Akureyringa, Kjarna-
skógi voru miklar og í samræmi
við sívaxandi sókn bæjarbúa í þá
aðstöðu sem þar er verið að
byggja upp. Þar voru gróðursett-
ar 5000 plöntur og lagður þriggja
km göngustígur. Auk þess sem
trimmtæki voru sett upp eru
hafnar viðræður við Rafveitu Ak-
ureyrar um að lýsa upp þá 3 km
sem bætt var við göngustíga
svæðisins á síðasta ári. Útivistar-
svæðið hefur nú verið stækkað til
vesturs og norðurs um Hamra- og
Naustaborgir og var lokið við að
girða 2. áfanga girðingar um það
svæði. Kostnaður við rekstur úti-
vistarsvæðisins var kr. 662.763.
Unnið er nú að breytingum á
samningum skógræktarfélagsins
og Akureyrarbæjar um útivistar-
svæðið. í uppeldisstöð félagsins
var lokið við smíði nýs 250 fer-
metra gróðurhúss. Úr stöðinni
voru afhentar 28.490 skógar-
plöntur og 13.800 garðplöntur.
Heildarplöntufjöldi í stöðinni
haustið 1982 var 344.400 plöntur
á ýmsu stigi. Kostnaður við rekst-
ur stöðvarinnar var kr. 464.300.
Tekjur félagsins á árinu námu
rúmlega 2 milljónum króna, en
gjöld fóru 76.000 fram úr tekjum.
0 Ekki að undra
þótt héraðið sé
hart leikið
Tómas I. Olrich hélt erindi um
bændaskógaáætlun sem skóg-
ræktarfélagið hefur gert í sam-
vinnu við Búnaðarsamband
Eyjafjarðar. Fer hér á eftir kafli
úr erindinu:
„Eyjafjörður telst vera eitt
besta landbúnaðarhérað á ís-
landi. Veðurfar og lega skapa
ákjósanleg skilyrði til landbúnað-
ar. Mikil og góð framleiðsla land-
búnaðarafurða ber héraðinu gott
vitni og svo er einnig um þann
kröftuga iðnað sem byggist á úr-
vinnslu þessara afurða. Sú stað-
reynd að land er hér gott til bú-
skapar hefur orðið til þess að ell-
efu hundruð ára búseta bænda-
þjóðar j landinu hefur mætt
mikið á þessu héraði. Þegar þar
við bætist að veðurfar fór kóln-
andi frá 14. öld fram á fyrstu ára-
tugi þeirrar tuttugustu, er ekki að
undra þótt héraðið sé nokkuð
hart leikið. Eyjafjörður er nú tal-
inn til þeirra landshluta þar sem
gróðurlendi fer hnignandi."
Tómas ræddi nokkuð um land-
búnaðarstefnu undanfarinna ára-
tuga og taldi að bændum hefði
verið þröngvað til að halda við
lífskjörum sínum eða freista þess
að bæta þau með því einkum að
auka bústofn. „Þessi stefna hefur
leitt til rányrkju og ekki treyst af-
komu bænda. Bændur hafa nú
haft forgöngu um það að renna
fleiri stoðum undir landbúnaðinn
og markað stefnu sem ekki bygg-
ist á aukningu bústofns. Ef þessi
nýju viðhorf móta landbúnaðar-
stefnu komandi áratuga, verður
mögulegt að endurheimta og
margfalda þá miklu landkosti
sem héraðið hefur haft í upp-
hafi.“
0 Markmiðið að
gera Eyjafjörð
að skógræktar-
héraði
Fram kom í erindinu að stjórn
Skógræktarfélags Eyfirðinga hef-
ur sett sér það markmið að gera
Eyjafjörð að skógræktarhéraði.
Hefur stjórnin gert sér far um að
tengja starfsemi sína bændastétt-
inni og samtökum þeirra, enda
gerir félagið ráð fyrir að skógrækt
verði viðurkennd sem fullgild
búgrein. Bændaskógaáætlun sú
sem félagið hefur gert í samvinnu
við Búnaðarsamband Eyjafjarð-
ar er fyrsti áfangi í þessari stefnu-
mörkun.
Gerð var grein fyrir áætluninni
og aðdraganda hennar. Efnt var
til bændafarar til Fljótsdalshér-
aðs sumarið 1981. Skógræktarfé-
lagið og Búnaðarsambandið
stóðu fyrir ferðinni í þeim til-
gangi að kynna eyfirskum bænd-
um árangur af héraðsskógræktar-
áætlun þeirri sem hrundið var í
framkvæmd þar eystra 1969. Þá
um haustið var kannaður áhugi
eyfirskra bænda á þátttöku í
bændaskógaáætlun. Þá þegar
buðu 38 bændur um 900 ha lands
undir skógrækt. Sumarið 1982
var þetta land kannað. Um 30%
landsins reyndist mjög vel fallið
til skógræktar. Einnig var gerð
rannsókn á skilyrðum til skóg-
ræktar í héraðinu. Þessar athug-
anir annaðist Þorbergur Hjalti
Jónsson og naut hann til verksins
eldri rannsókna sem fyrir lágu.
0 Umfram það sem
telst arðbært í
nágranna-
löndunum
í samræmi við þær upplýsingar
sem fengust með þessum hætti,
var samin áætlun um skógrækt á
jörðum bænda og náði hún til
næstu 10 ára. Var reiknað með
að gróðursett yrði á þeim tíma
ein milljón plantna á 600 ha
lands. Kostnaður (miðaður við
verðlag sumarið 1982) var áætl-
aður 12.369.750. í samræmi við
þess áætlun var sótt á síðastliðnu
hausti um kr. 354.250. til fjárveit-
ingarnefndar Alþingis. Nefndin
hafnaði beiðninni. Félagið hefur
nú ákveðið að hrinda áætluninni
í framkvæmd með því að leggja
þeim bændum til sem fullgirt land
eiga, 40.000 plöntur að kostnað-
arlausu. Er reiknað með að þeir
bændur sem hefja skógrækt á
sumri komanda með þessum
hætti, gangi síðan inn í skógrækt-
aráætlun með samningi við ríkið.
Fram kom að innflutningur á
furu og greni nam árið 1981
59.289 m’ að verðmæti kr.
101.710.000. Samkvæmt þeim
upplýsingum sem fyrir liggja er
reiknað með að lerkiskógar í
Eyjafirði geti framleitt um 4-5
rúmmetra af viði á ha á ári sem er
umfram það sem telst aðrbært í
nágrannalöndum okkar.
Á fundinum var m.a. sam-
þykkt eftirfarandi tillaga:
„Aðalfundur Skógræktarfélags
Eyfirðinga, haldinn á Akureyri 5.
maí 1983, fagnar þeim áhuga á
skógrækt sem nú er meðal
bænda. Fundurinn skorar á Al-
þingi og fjárveitinganefnd að
tryggja eðlilegan framgang hér-
aðsskógræktar í Eyjafirði með
árlegum framlögum í samræmi
við tillögur félagsins."
í Skógræktarfélagi Eyfirðinga
eru nú skráðir 300 félagar. í
stjórn félagsins eiga sæti: Ingólf-
ur Ármannsson, fræðslustjóri,
Akureyri; Oddur Gunnarsson,
bóndi á Dagverðareyri, Glæsi-
bæjarhreppi; Tómas I. Olrich,
menntaskólakennari, Akureyri;
Leifur Guðmundsson, bóndi í
Klauf, Öngulsstaðahreppi; Matt-
hildur Bjarnadóttir, garðyrkju-
maður, Akureyri; Brynjar Skarp-
héðinsson, stórkaupmaður, Ak-
ureyri og Gunnar Jónsson, bóndi
og skólastjóri, Villingadal.
Frá námskeiði Skógræktarinnar í Kjamaskógi í fyrrasumar.
6-DAGUR-18. maí 1983
Hann vandar sig þessi.
Krakkarnar spjaila saman um lífið og tilveruna.
Myndir: GEJ.
„BARA, hér hittir
maður krakkana“
„Bara, hér hittir maður krakk-
ana og hér er gaman að vera“
voru helstu svörin er Dags-
menn fengu er þeir litu inn í
leiktækjasalinn „Las Vegas“ á
Akureyri í vikunni og spurðu
krakkana hvað væri svo
skemmtilegt við stað sem
þennan og hvers vegna þau
sæktu hann svo grimmt.
Allt.frá því að „Las Vegas“ tók
til starfa hefur staðið nokkur
styr um þá starfsemi sem þar fer
fram. Foreldrar halda því fram
að hér sé ekkert annað á ferðinni
en „peningaplokk" sem ekki ætti
að leyfa og þess séu jafnvel dæmi
að krakkar hafi byrjað afbrota-
feril sinn til að komast yfir pen-
inga til þess að eyða þarna.
- Krakkarnir sem spjölluðum
við í „Las Vegas“ voru ekki sam-
mála þessu. Þeir sögðust ekki
eyða nema 30-40 krónum þarna
á degi hverjum - flest - en bentu
á að ef þau myndu hanga í sjopp-
um í bænum iðjulaus myndu þau
örugglega eyða meiri peningum.
Þau voru á einu máli um það
að nauðsynlegt væri að hafa stað
sem þennan, og skildu ekki þá
gagnrýni sem „Las Vegas“ hefði
orðið fyrir. „Það er eins og eng-
inn geri sér grein fyrir því að það
er annar svona staður í bænum,
Billiardstofan í „Gilinu“ og það
er aldrei minnst á þann stað“
sögðu þau, og bættu við: „Það
eru helst þeir sem hafa aldrei
komið í „Las Vegas“ sem gagn-
rýna staðinn."
Eins og fram kemur í frétt á
baksíðu Dags í dag mun ákveðið
að flytja starfsemi „Las Vegas“
til Reykjavíkur i næsta mánuði.
Hvað við tekur hjá krökkunum
sem þar hafa eytt mestum tíma
sínum er ekki vitað. En hvað sem
Einbeitnin skín úr hverju andliti.
öllum vangaveltum líður er það
staðreynd að „leiktækjaöldin" er
runnin upp hvort sem mönnum
líkar betur eða verr. Spurningin
sem svar þarf að fást við er sú
hvort bæjarfélagið gæti ekki
komið eitthvað til móts við þessa
þróun, t.d. með því að fela
Æskulýðsráði rekstur á slíkum
stað eða eitthvað í þá áttina.
Smíði Snæfells var mikið affrek
Hinn 15. maí fyrir fjörutíu árum
gerðist einstæður atburður hér á
Akureyri. Hleypt var af stokkun-
um og sjósett stærsta skip sem
byggt hafði verið hér á landi.
Skipið hlaut nafnið Snæfell og
var 165 brt. lestir. Eigandi Út-
gerðarfélag KEA Akureyri.
Smíði Snæfells var mikið afrek
miðað við þær aðstæður, sem þá
voru. Oft gekk erfiðlega að útvega
það, sem til þurfti, efni og búnað til
skipsins. En að lokum fékkst þó allt
og nú skyldi sjósetja hið fagra fley.
Gefið var frí á mörgum vinnu-
stöðum og skólum svo fólk gæti
fylgst með sjósetningunni.
Eigendum bárust fjöldi ham-
ingju- og árnaðaróska með skipið
þar á meðal eftirfarandi skeyti frá
þáverandi samgöngu- og atvinnu-
málaráðherra, Vilhjálmi Þór:
„Til hamingju með nýja Snæfell.
Þessi merkisdagur þegar þið
hleypið af stokkum stærsta skipi
hér byggðu er mér gleðidagur.
Gleðidagur vegna þess að þið hafið
enn einu sinni sýnt mikið afrek öðr-
um landsmönnum til fyrirmyndar.
Ég er hrifinn af að KEÁ hefur lagt
til áræðið og framkvæmdasemina
og ég er stoltur af að það er snilli og
dugnaður akureyrskra skipasmiða,
sem hefur orkað þessu myndarlega
afreki. Megi þetta vera fyrirboði
þess að þið og Akureyri hafið for-
ystu um skipabyggingar í æ stærri
stíl og forgöngu um útgerð mikils
og myndarlegs íslensks skipaflota,
sem sigli um heimshöfin. Skilið
kveðju til Gunnars skipasmíða-
meistara og til allra smiðanna og
annarra, sem viðstaddir eru. Ég er
með ykkur þó ég vegna skyldu-
starfa hér geti ekki komið. Gifta
fylgi Snæfelli.
Vilhjálmur Þór.“
Gunnar Jónsson, skipasmíða-
meistari teiknaði skipið og hafði
allan veg og vanda af smíði þess.
Snæfell reyndist frábærlega gott
og farsælt skip og var gert út þar til
í nóvember 1973. B.J.
j
„Einstæður atburður fyrir 40 árum.“
18. maí 1983 - DAGUR - 7