Dagur - 18.05.1983, Blaðsíða 12

RAFGEYMAR
í BfUNN. BÁTINN, VINNUVÉUNA
VEUIÐ RÉTT
MERKI
„Las Vegas“ til Reykjavíkur
„Ég hef verið að leita að
húsnæði fyrir reksturinn en
ekki fengið neitt,“ sagði Murat
Serdaroglu sem rekið hefur
leiktækjasalinn „Las Vegas“ í
Eimskipahúsinu svokallaða að
Skipagötu 21 á Akureyri.
Rekstur þessa staðar hefur
verið mjög umdeildur enda hefur
opinbert leyfi aldrei fengist til
þess að reka staðinn í þessu
húsnæði. Reyndar á Akureyrar-
bær í málaferlum vegna húsnæð-
isins og í desember sl. féll dómur
í bæjarþingi Akureyrar þar sem
eigendum þess var gert að fjar-
lægja húseignina. Var þeim dómi
áfrýjað til Hæstaréttar.
Pegar rætt var um leyfi „Las
Vegas“ til handa í bæjarstjórn í
upphafi var samþykkt að láta
rekstur leiktækjasalarins afskipta-
lausan til 1. mars. Þá sóttu
eigendurnir um leyfi til að halda
rekstrinum áfram en því erindi
var synjað af bæjaryfirvöldum.
Pótt nú sé komið fram í miðjan
maí er staðurinn opinn ennþá og
hafa margir lýst óánægju sinni
með það.
„Þar sem ég hef ekkert hús-
næði fengið hér í bænum mun ég
reka „Las Vegas“ í þessu hús-
næði fram í júní og flytja síðan
tækin til Reykjavíkur," sagði
Murat Serdaroglu.
- Hefur þú leyfi til þess að
hafa „Las Vegas" opið í Skipa-
götunni þangað til í júní?
„Já, ég geri ekkert sem er
ólöglegt.“
„Við höfum ekki veitt neitt
leyfi varðandi það að staðurinn
verði opinn fram í júní,“ sagði
Helgi Bergs bæjarstjóri. „Ég geri
þó ekki ráð fyrir að við munum
hrófla við þessu þó staðurinn
verði opinn eitthvað áfram. Ef
lokun staðarins dregst hinsvegar
eitthvað lengur en við höfum
fregnir af verður sú ákvörðun
okkar auðvitað endurskoðuð,“
sagði Helgi.
Aðalfundur Félags dráttarbrauta og skipasmiða
Meiri vandi og óvissa
nú en oftast áður
Setið yllr leiktækjunum í
Las Vegas. Mynd: G.E.J.
„Stríðs-
öxin
grafin“
„Á þessum fundi sameinuðust
tvær stríðandi fylkingar,“
sagði Valdimar Guðmannsson,
endurkjörinn formaður FUF á
Blönduósi, en sl. föstudags-
kvöld var aðalfundur FUF (fé-
lags ungra framsóknarmanna)
á staðnum og var á honum efnt
til stjórnarkjörs. Greinilegt var
að fundarmenn vildu grafa
stríðsöxina, enda eru núver-
andi stjórnarmenn úr báðum
framboðunum - þ.e. úr B og
BB.
Fundarmenn sameinuðust um
einn lista og var um leið fjölgað
um tvo í stjórninni, þannig að nú
eiga sjö sæti í henni. Fundurinn
var óhemju fjölmennur og sagði
Valdimar að honum teldíst til að
rösklega 50 manns hefðu verið í
salnum þegar flest var. „Þessi
fjöldi sýnir glögglega þann
mikla áhuga sem fólk hefur á
málefnum Framsóknarflokks-
ins,“ sagði Valdimar í samtali við
Dag.
Eins og fyrr sagði er Valdimar
formaður félagins en aðrir í
stjórn eru: Stefán Þ. Berndsen,
Lárus B. Jónsson, Vilhjálmur
Pálmason, Magnús Jónsson, Ás-
laug Finnsdóttir og Ægir Sigur-
geirsson. Gestir fundarins voru
þeir Finnur Ingólfsson, formaður
SUF og Áskell Þórisson, fram-
kvæmdastjóri SUF.
Aðalfundur Félags dráttar-
brauta og skipasmiðja var
haldinn í síðustu viku. A fund-
inum kom fram að á undan-
förnum árum hafi verið unnið
að svokölluðu „Samstarfsverk-
efni FDS um hönnun og rað-
smíði fískiskipa“ en nánast
ekkert hefði gengið eða rekið
við framkvæmd þess þrátt fyrir
marggefín fyrirheit ríkisstjórn-
ar um annað.
í fréttatilkynningu FDS af
fundinum segir m.a. í framhaldi
af þessu máli: „Ef svo fer fram
sem horfir munu nýsmíðar fiski-
skipa nánast leggjast niður hér á
landi með ó.fvrirsjáanlegum af-
leiðingum fyrir framtíð skipaiðn-
aðarins í heild, sjávarútvegsins
og raunar alls atvinnulífs í land-
inu. Margt bendir til þess að
stöðvarnar eigi við meiri vanda
og óvissu að glíma nú en löngum
áður og verði að fara ailt aftur til
áranna upp úr 1950 til að finna
hliðstæðu . . .
í ályktun aðalfundarins segir
m.a. að ekki sé í sjónmáli
atvinnugrein sem geti tekið við
hlutverki sjávarútvegsins við
gjaldeyrissöfnun fyrir þjóðarbú-
ið. Því sé höfuðnauðsyn að fiski-
skipastóll íslendinga sé hverjum
tíma sem hagkvæmastur. „Stöð-
ugur taprekstur útgerðarfyrir-
tækja undanfarin ár hefur stöðv-
að eðlilega endurnýjun fiskiskipa-
flotans og þar með hamlað því að
æskilegri hagkvæmni útgerðar
yrði náð“ segir í ályktuninni.
Stjórn Félags dráttarbrauta og
skipasmiðja var öll endurkjörin
en hana skipa Jón Sveinsson for-
maður, Þorgeir Jónsson, Guð-
mundur Marsellíusson, Gunnar
Ragnars og Þórarinn Sveinsson.
„Þaö eru tvö hús í Hafnar-
strætinu á milli Útvegsbankans
og Amaró-hússins sem eiga að
hverfa samkvæmt skipulag-
inu,“ sagði Helgi Bergs bæjar-
stjóri á Akureyri í samtali við
Dag.
Helgi sagði að Akureyrarbær
ætti húsið Hafnarstræti 103 og
hefði leigutökum í því húsi verið
sagt upp leigunni. „Þeir hafa síð-
an haft húsnæðið á lausri leigu ef
svo má segja og verður gert að
rýma húsið með skömmum fyrir-
vara ef við krefjumst þess.
Hitt húsið, Hafnarstræti 105,
er ekki í eigu bæjarins og því þarf
bærinn að kaupa það hús áður en
það verður rifið eða komast yfir
það með samningum. Það hafa
farið fram viðræður við eigendur
hússins fyrir nokkru síðan og ég
sé ekki neina ástæðu til þess að
halda að það náist ekki samning-
ar á milli þessara aðila nema ef
væri peningaleysi bæjarsjóðs."
Helgi sagði að gengið yrði frá
götunni í sumar samkvæmt fjár-
hagsáætlun. Hinsvegar væri ekk-
ert fé á fjárhagsáætlun til þess að
kaupa Hafnarstræti 105. „Ég lít
svo á að það gerist síðar og vinna
við torgið sem þarna á að koma
hefjist," sagði Helgi.
Hafnarstræti 105.
Mynd: GEJ.
„Ekki til peningar
fyrir Hafnarstræti 105“
# Frá Heródesi
til Píiatusar
Það er ekki þrautalaust að
rata um myrkviði kerfisins,
það fékk maður nokkur að
reyna sem hugðist fá bíl sinn
umskráðan - af Reykjavík-
urnúmeri yfir á Akureyrar-
númer.
Einhver hafði sagt umrædd-
um manngarmi að fyrst þyrfti
að hringja í aðalbækistöðvar
Tollgæslunnar og fá þar
blessun þeirra yfir fyrirhug-
aða umskráningu. Ekki vildi
tollurinn kannast neitt við
neitt og vísaði á Bífreiðaeft-
irlitið á Akureyri. Þar var svo
vísað á lögreglustjórann í
Reykjavík en hans fulltrúar
bentu snarlega á að það væri
í verkahring Bifreiðaeftirlits-
ins (Reykjavfk að gefa út um-
skráningarheimildina. Nei,
ekki aldeilis, sögðu þeir í
Bifreiðaeftlrlitinu í Reykjavík
og vísuðu á borgarfógetann
í Reykjavfk. Sá myndi sjá um
að senda veðbókarvottorð í
skeytaformi til bæjarfógetans
á Akureyri og þaðan átti svo
Bifreiðaeftirlitið á Akureyri að
fá staðfestinguna.
Þegar sfðast fréttist hafðí
enginn botn fundist f þetta
mál en eftir átti að hringja f
borgarfógetann f Reykjavík.
Ef framhaldið verður eitthvað
í svipuðum dúr og að framan
greinir þá verður þetta Ifklega
framhaldssaga hér í Smátt og
stórt. Var einhver að tala um
„Báknið burt“ og „Já ráð-
herra“?
# Ólíkt hafast
þeir að
Það hefur vfst ekki farið
framhjá neinum að þessa
dagana er verið að reyna að
mynda rfkisstjórn hér á landi.
Fyrst reyndi Geir að mynda
stjórn, síðan reyndi Stein-
grímur að mynda stjórn og
nú er Svavar að reyna að
mynda stjórn. - Á sama tíma
og þetta á sér stað fékk hins-
vegar Elíeser Jónsson flug-
maður beiðni um að fljúga til
Persaflóa og mynda þar
olíuflekki. Vonandi gengur
honum betur að mynda þá en
stjórnmálamönnunum okkar
að mynda ríkisstjórn.
# Eru þeir
tveir?
Ekki var Dagur fyrr kominn á
götuna sl. mánudag en hringt
var til blaðsins vegna grein-
arkorns f þessum dálki. Var
þar sagt frá eina aðdáanda
enska knattspyrnufélagsins
Brighton hér á landl. - Sá er
hringdi vildi mótmæla þess-
ari klausu, því hann þekkti
annan. Ekki sagði hann til
nafns eða nefndi þennan
Brighton-aðdáanda svo við
vitum ekki fyrir vfst hvort
hann þekkir Gest E. Jónas-
son eða hvort Gestur er ein-
ungis helmingur aðdáend-
anna hérlendis. En ef þeir eru
tveir, þá munu þeir víst vera
jafnmargir og aðdáendur Ast-
on Villa hér á landi.