Dagur - 23.09.1983, Blaðsíða 3

UMFERÐARVIKAN A AKUREYRI
AUIr héldu að það hefði orðið dauðaslys:
„Bflbeltin
Rætt við Konráð Ásgrímsson sem lentí
ásamt eiginkonu sinni í miklu umferðar-
••
slysi í Oxnadal
Fyrir réttum þrem árum var gert viðvart um stórslys sem orðið hafði í
Öxnadal. Samkvæmt upplýsingum þeirra sem kvöddu lögregluna á
vettvang var nær öruggt að um banaslys var að ræða, enda hefði verið
ekið framan á fólksbíl á miklum hraða, bfllinn oltið og yfírbyggingin
síðan lagst saman. Viðbúnaður lögreglu og sjúkraliðs var því í hámarki
og á Fjórðungssjúkrahúsinu var allt gert klárt til þess að taka á móti
mikið slösuðu fólki. Læknir fór með lögreglunni á vettvang og allir
voru viðbúnir hinu versta . . .
Konráð Ásgrímsson með „minningu“ um umferðarslysið sem hann lenti í. Mynd af Citroen-bifreið hans sem tekin
var nokkru eftir slysið. Mynd: ESE.
Hinn mikli viðbúnaður lögreglu
og sjúkraliðs reyndist sem betur
fer óþarfur, því þrátt fyrir að allt
benti til þess að stórslys hefði
orðið, þá sluppu ökumaður og
farþegi í fólksbílnum með
skrekkinn og tiltölulega lítil
meiðsl.
Kraftaverk segja sumir en
aðrir hafa þakkað bílbeltunum
að ekki varð dauðaslys þennan
síðsumardag í Öxnadalnum.
A.m.k. er Konráð Ásgrímsson
sem lenti í þessu slysi ásamt
eiginkonu sinni, Guðrúnu
Þorsteinsdóttur, sannfærður um
að þau eigi bílbeltunum líf sitt að
launa.
Valt og lenti
á toppnum
- Þetta var á
laugardagsmorgni, segir Konráð
þegar hann rifjar þetta slys úpp
þar sem við sitjum á heimili hans
í Oddeyrargötunni.
- Það var bjart og fallegt
veður og við vorum á leið í
Skagafjörðinn þangað sem við
eigum bæði ættir okkar að rekja.
Við vorum ekki komin svo ýkja
langt vestur í Öxnadalinn þegar
slysið varð. Það var
Vestmannaeyjabíll á undan
okkur, í góðri fjarlægð og við
uggðum ekki að okkur. Það var
smáhæð framundan og í þann
mund sem V-bíllinn ók upp á
hæðina kom annar bíll á
blússandi ferð á móti, segir
Konráð og getur þess jafnframt
að ökumaður þess bíls hafi síðar
látið þau orð falla að hann hefði
misst stjórn á bílnum þarna á
hæðinni. Misst afturhjólin út af,
út í iausamölina og þá gefið í til
þess að ná réttri stefnu aftur.
- En það skipti engum togum
að hann kemur þarna brunandi á
okkur, annað framdekkið lendir
á hliðinni hjá okkur
bílstjóramegin, alveg upp undir
rúðu. Hann skefur þarna hliðina
hjá okkur og við þennan árekstur
hentumst við út af veginum og
bíllinn sem var eins árs gamall
Citroen valt a.m.k. eina veltu
og stöðvaðist á toppnum. Svo
mikið var höggið að allar rúður í
bílnum brotnuðu en það vildi
okkur til lífs að við vorum með
beltin. Við keyrðumst að vísu
saman í sætunum þegar
toppurinn seig saman en beltin
héldu okkur alveg í sætunum og
svo fastur var ég að ég hefði
aldrei getað losað mig
hjálparlaust.
Að sögn Konráðs þá hjálpaði
fólkið úr V-bílnum þeim út úr
brakinu og hefðu þau hjónin
verið ósködduð að öðru leyti en
því að Guðrún fékk mikið högg
á hnakkann.
- En það sá ég eftir að ég var
kominn út úr bílnum að ekki
veitir af því að nota bílbeltin í
aftursætunum líka ef farþegar
eru margir, því áður en við
lögðum af stað höfðum við sett
stakkana okkar í aftursætin en
við áreksturinn höfðu þeir sogast
út um gluggana og höfnuðu að
lokum undir bílnum. Ekki vildi
ég hugsa til þess hvað hefði getað
gerst ef við hefðum verið með
lítil börn í aftursætunum og þau
ekki verið spennt í bílbelti, sagði
Konráð Ásgrímsson en hann eins
og margir aðrir hafði það fyrir
reglu að setja alltaf á sig bílbeltin
áður en hann fór í lengri ferðir út
úr bænum.
- Nú fer ég ekki svo milli húsa
að ég setji ekki á mig beltið, því
ég veit að ég get treyst á það sem
einu sinni hefur bjargað lífi
mínu.
Akureyri og umferðarvikan:
Stærstí útifundur sem
haldinn hefur verið
Stærsti útifundur sem haldinn
hefur verið í sögu Akureyrar,
verður haldinn á íþróttavellin-
um nk. þriðjudag. Það eru að-
standendur Umferðarviku á
Akureyri sem standa fyrir fund-
inum en til hans er boðið öllum
skólabörnum á Akureyri og for-
eldrum þeirra.
Umferðarvikan hefst á mánu-
dag með heimsóknum á vinnu-
staði þar sem dagskrá vikunnar
verður kynnt en útifundurinn er
svo á þriðjudag. Þar munu m.a.
Óli H. Þórðarson, formaður
Umferðarráðs flytja ávarp og
einn nemandi frá hverjum skóla
bæjarins halda ræðu. Séra
Pálmi Matthíasson mun flytja
bænarorð en auk þess verður
boðið upp á ýmis skemmtiat-
riði.
Síðan rekur í raun hver dag-
skrárliðurinn annan og meðal
þess sem boðið verður upp á er
sýnikennsla í meðferð síasaðra
og fyrstu viðbrögð á slysstað
sem Flugbjörgunarsveit Akur-
eyrar stendur fyrir, félagar úr
Bílaklúbbi Akureyrar munu
standa fyrir sýningu í göngugöt-
unni og kynna undirbúning bif-
reiða fyrir vetrarakstur.
Þá munu félagar úr Hjálpar-
sveit skáta verða við skólana og
aðstoða hjóleigendur og lög-
reglan verður með reiðhjóla-
skoðun.
Á laugardag bjóða ökukenn-
arar ökumönnum í ókeypis
ökutíma en þennan sama dag
verður haldinn borgarafundur í
Borgarbíói um umferðarmál á
vegum JC Súlur.
Umferðarvikunni lýkur svo
sunnudaginn 2. október með
vélhjólaleikni á vegum Bindind-
isfélags ökumanna við
Glerárskólann.
KYNNING verður á nýjustu fram-
leiðsluvörum mjólkursamlaganna og
boðnar bragðprufur.
MARKAÐUR Fjölbreytt úrval af
mjólkurvörum á kynningarverði.
ÞAÐ VERÐURKÁTTÍHÖLLINNI
Eitthvað um að vera allan tímann.
ÓKEYPIS AÐGANGUR opíö
föstudag kl. 17-21, laugardag og sunnu-
dag kl. 13 - 21.
VEITINGAR ástaðnum og myndbönd Veriö velkomin.
í gangi.
Mjólkimlagsnefiid
23. septemb'er 1983 - DAGUR - 3