Dagur - 22.03.1985, Page 10

10 - DAGUR - 22. mars 1985
/ kvöld frumsýnir Leikfélag
Þórshafnar gamanleikinn
Saklausa svallarann eftir
Arnold & Bach í þýðingu
Emils Thoroddsen. Leikarar
eru 12, en alls taka um 20
manns þátt í sýningunni.
Leikstjóri er Sigurgeir
Scheving, Þórshafnarbúum
að góðu kunnur, þó hann
komi frá Vestmannaeyjum.
Ekki höfðum við tök á að líta
Svallarann augum, en að sögn heim-
ildarmanns blaðsins er leit inn á æf-
ingu nú í vikunni er verið var að
leggja síðustu hönd á verkið, sagði
hann að hér væri á ferðinni skemmti-
legur farsi sem hlyti að verða væntan-
legum áhorfendum til mikillar
ánægju.
„Ollu gamni fylgir nokkur alvara,“
sagði heimildarmaður „og það á við
um þennan leik, undir niðri er tölu-
verð alvara á ferð.“
Formaður Leikfélags Þórshafnar,
Freyja Önundardóttir sagði í samtali
við Dag, að leikendur, Ijósamenn og
sviðsmenn hafi lagt mikla vinnu á sig
til að sýningin heppnaðist sem best.
- Og hvernig hefur gengið?
„Það hefur gengið mjög vel, já eig-
inlega ótrúlega vel, leikarar eru allir
í fullri vinnu annars staðar og við
þurfum því að nota kvöldin og næt-
urnar til æfinga. Menn hafa stundum
verið ansi syfjaðir í vinnunni daginn
eftir langar æfingar, en þetta hefur
allt saman blessast."
- Þið sækið leikstjórann til Vest-
mannaeyja?
„Já, það er Vestmanneyingurinn
snjalli, Sigurgeir Scheving, sem leik-
stýrir hjá okkur. Þetta er þriðja
leikritið sem hann setur upp með
okkur og hann hefur alveg sérstakt
íag á að gera ótrúiegustu manneskjur Eins og sjá má á þessum svipmyndum úr Saklausa svallaranum gengur á ýmsu í leiknum.
að bráðskemmtilegum leikurum. En
ég skal bara gefa þér samband við
leikstjórann á eftir hann er að drekka
kaffi hérna frammi í eldhúsi."
- Er leikfélagið dálítið öflugt hjá
ykkur þarna fyrir austan?
„Það er alveg óhætt að fullyrða
það. Það samanstendur af ungu og
bráðhressu fólki, sem hefur mikinn
áhuga á að gera sitt besta og efla sitt
félag.“
- Segðu mér af þessum óvenju
saklausa svallara, eru til einhverjir
slíkir á Þórshöfn?
„Það eru til svallarar á öllum
stöðum, en það vandaðist dálítið
málið þegar við hófum leit að sak-
lausum svallara, en eftir þó nokkra
leit fundum við einn líklegan. Hann
lifði sig aftur á móti svo inn í hlut-
verkið að hann þrútnaði allur og
bólgnaði af svallinu. Okkur þótti það
lítt við hæfi, en hann fullyrti að um
væri að kenna byltu í blaki. Svallar-
inn var í gipsi til að hindra allan
hamagang og við urðum að fresta
fjörinu um hálfan mánuð. Nú erum
við búin að brjóta af honum allar
hömlur og honum verður sleppt
lausum á frumsýningunni í kvöld.
Nú ætla ég að gefa þér samband við
leikstjórann.“
- Hvernig líkar þér dvölin á
Þórshöfn, Sigurgeir?
„Ja, þetta er þriðja leikritið sem ég
set upp með Þórshafnarbúum og ég
held að það segi söguna alla. Maður
kæmi ekki aftur og aftur á sama stað-
inn ef manni líkaði ekki vistin vel.
Hér er stór hópur af hæfileikamiklu
dugnaðarfólki sem er búið að leggja
á sig mikla vinnu til að árangur verði
sem bestur."
- Þú ert búinn að setja upp leikrit
þarna áður?
„Já, ég kom fyrst hingað fyrir fjór-
um árum og vann þá að því að
„Barnalánið“ yrði farsælt á staðnum.
Það tókst með ágætum, enda efnið
gott. Rúmu ári seinna var ég aftur
mættur og til að fylgja aðeins eftir
því sem á undan hafði gengið spurði
ég „Ertu nú ánægð kerling?“ Ég fékk
jákvætt svar og það varð til þess að
ég er hér enn á ný, nú að fást við sak-
lausan svallara. Við ætlum að sýna
hann almenningi í kvöld í samkomu-
húsinu, Þórsveri, og ég hygg að þá
muni ástin sigra hér líkt og á Húsa-
vík.“ - mþþ
ftfeníffl