Dagur - 19.06.1985, Blaðsíða 3

19. júní 1985 - DAGUR - 3
78 m.kr. halli á
rekstri Sambandsins
Aðalfundur Sambands ís-
Ienskra samvinnufélaga var
haldinn á Bifröst í Borgarfirði
13. og 14. júní sl. Á aðalfund-
inum var flutt skýrsla um af-
komu og rekstur Sambandsins
á liðnu ári. Hér á eftir fer út-
dráttur úr þeirri skýrslu:
Heildarsala Sambandsins nam
8.621 milljón króna á árinu 1984,
en var 7.152 milljónir árið áður
og er aukningin 21%. Útflutning-
ur Sambandsins nam samtals
4-480 milljónum króna, saman-
borið við 3.576 millj. árið 1983.
Hlutdeild útflutnings í rekstri
Sambandsins er alltaf að aukast,
og náði Sambandið því marki að
52% af heildarsölu ársins 1984
var útflutningur. Stærsti hluti út-
flutnings er sjávarafurðir. Út-
flutningur Sambandsins á ullar-
og skinnavörum nam 476 milljón-
um á árinu 1984 og samsvarar
það um 24% hlutdeild af öllum
útflutningi iðnaðarvara frá land-
inu, að frátalinni stóriðju. Innan-
landssala var 4.141 milljón króna
árið 1984 og jókst um 16% frá
1983.
Á fyrstu níu mánuðum ársins
1984 var Sambandið rekið með
hagnaði og var vonast eftir já-
kvæðri afkomu á árinu. Á síðasta
ársfjórðungi breyttist hins vegar
afkoman til hins verra, og niður-
staðan varð sú að halli af rekstr-
inum varð 78 milljónir króna,
samanborið við 68 milljóna
króna hagnað 1983. Helstu
ástæður fyrir þessum hallarekstri
á síðasta fjórðungi ársins voru
þrjár: Gengistap, óhagstæð verð-
þróun og verkfall opinberra
starfsmanna.
Gengistap af erlendum fjár-
skuldbindingum vegur þyngst í
halla ársins. Gengisfellingin í
nóvember varð til þess að geng-
istapið varð mun meira en gert
hafði verið ráð fyrir. Gengistap
síðasta ársfjórðungs nam um 150
millj. króna.
Eiginfjárstaða Sambandsins er
traust og nam bókfært eigið fé
1.887 millj. króna í árslok 1984.
Hlutfall eigin fjár af heildarfjár-
magni Sambandsins er 40,2%.
Heildarfjárfestingar Sam-
bandsins á árinu námu 481 millj-
ón króna. Stærsti hluti fjárfest-
inganna var í skipum, eða 332
milljónir. Par af var fjárfesting
vegna smíði nýja Jökulfellsins
254 milljónir. Þá nam fjárfesting
í eignarhlutum 84 milljónum, og
þar af var hlutafé í Samvinnu-
bankanum aukið um 31 milljón.
í fasteignum var fjárfest samtals
fyrir 22 milljónir.
Starfsmenn Sambandsins voru
1791 í árslok miðað við 1815 í lok
árs 1983.
„ísinn hefur
verið brotinn"
- segir Valgerður Sverrisdóttir, fyrsta konan í stjórn SÍS
Valgerður Sverrisdóttir á
Lómatjörn í Grýtubakka-
hreppi var kosin í stjórn Sam-
bands íslenskra samvinnufé-
laga á aðalfundi þess á Bifröst.
Valgerður er fyrsta konan sem
kosin er í stjórn SÍS. Af því til-
efni slógum við á þráðinn til
hennar og spurðum hana fyrst
að því hvernig henni liði eftir
stjórnarkjörið.
„Ég er með smáfiðring í mag-
anum, því það er þó nokkur
ábyrgð sem fylgir því að vera
einn af oddvitum Sambandsins,
en tilhlökkunin er samt meiri en
kvíðinn."
- Kom það þér á óvart að vera
kosin í stjórn SÍS fyrst kvenna?
„Já, ég átti alls ekki von á
þessu þegar ég fór suður. Sérmál
aðalfundarins var þátttaka
kvenna í samvinnuhreyfingunni
og var það valið með tilliti til þess
að kvennaáratug Sameinuðu
þjóðanna er að ljúka og þess að
konur finnast varla í toppstöðum
hjá Sambandinu. Á meðal fund-
armanna var gífurlegur áhugi á
því að kona yrði kosin í stjórnina
og það sem kom mér í raun mest
á óvart var hversu góða kosningu
ég hlaut. Einnig voru kosnar 2
konur í varastjórn."
- Er þetta þá ekki dæmi um að
eitthvað hafi áunnist í málefnum
kvenna á margumræddum
kvennaáratug?
„Jú, það má segja það á vissan
hátt. Þetta er allt í senn, persónu-
legur sigur fyrir mig, fyrir konur,
sérmál aðalfundarins og vonandi
íslensku samvinnuhreyfinguna.“
- Verður þetta ekki látið
nægja í jafnréttisátt í samvinnu-
hreyfingunni næstu árin að þrjár
konur eru komnar í stjórn og
varastjórn SÍS?
„Nei, ég tel að nú sé búið að
brjóta ísinn og að hér eftir verði
litið á það sem sjálfsagðan hlut
að konur taki þátt í ábyrgðar-
störfum innan samvinnuhreyfing-
arinnar ekki vegna þess að þær
séu konur, heldur vegna þess að
þær hafa þekkingu og aðstöðu til
þess. Á aðalfundinum var kosin
fjögurra manna nefnd til að fylgj-
ast með þróun þessara mála
næstu þrjú árin.“
- Óar þér ekkert við því að
starfa ein með körlunum í stjórn
SÍS?
„Ég kvíði í engu samstarfinu
við þá, ég hef verið eina konan í
stjórn KEA sl. 4 ár og það hefur
ekki háð mér á nokkurn hátt. Ég
kvíði frekar fyrir að takast á við
stjórnarstörfin, það tekur sinn
tíma að komast inn í málin svo
vel sé og ég má líka búast við að
mér verði veitt meiri eftirtekt af
því að ég er kona.“
- Hvernig var þessu tekið
heima hjá þér, líkar fjölskyld-
unni þetta félagsmálavafstur í
þér?
„Eiginmaðurinn er mjög
ánægður, enda er hann sjálfur í
félagsmálum og dæturnar líta á
það sem sjálfsagðan hlut að ég
fari á fundi og annað slíkt. Ég hef
ekki trú á öðru en að þetta muni
allt saman koma til með að ganga
upp,“ vor'u lokaorð Valgerðar
Sverrisdóttur sem eindregið hvet-
ur konur til þátttöku í félagsmál-
um, þau séu þess virði. - ám.
SIEMENS
heimilistæki stór og smá.
Heimsþekkt gæðavara.
Komið og gerið kjarakaup í nýju
versluninni Raf í Kaupangi.
NÝLAGNIR
VIDGERDIR
VERSLUN
Kaupangi v/Mýrarveg. Sími 26400.
Verslið hjá fagmanni.
Nýr glæsilegur
veitingastaður
Morgunverður ★ Hádegisverður
Síðdegiskaffi ★ Kvöldverður
Borðapantanir í síma 22527.
Restaurant Laut hf.,
Hótel Akureyri
Hafnarstræti 98.
I
X
Frá Sumarhótelinu Þelamerkurskóla
Sundlaugin
veröur opnuð miðvikudaginn 19. júní kl. 1.00.
Opnunartímar í sumar:
Mánudaga 17-22.
Þriðjudaga-laugardaga 13-19.
Sunnudaga 10-17.
Opnum fyrir gistingu um helgina.
Veríð velkomin.
Sumarhóteliö Þelamerkurskóla.
Auglýsing í Degi
BORGAR SIG

Hvaö er góö auglýsing? Allir auglýs-
endur borga fyrir aö fá auglýsingu
birta í blöðum. Hvers vegna auglýsa
fyrirtæki þá vöru sína? Jú, til þess
aö hún seljist. Þannig er hægt aö
láta auglýsingu borga sig. En þaö er
ekki sama í hvaöa blaöi auglýst er,
því mörg hafa litla útbreiðslu og fáa
lesendur. Dagur hefur aftur á móti
mikla útbreiöslu og lesendur eru
fjölmargir.
Það borgar sig því að auglýsa iDegi.
þar eru allar auglýsingar góðar
lýsingar.