Dagur - 19.06.1985, Blaðsíða 8
8 - DAGUR - 19. júní 1985
„Eg er svo hamingjusamur
með þessar móttökur að ég
veit bara ekkert í hvorn fótinn
ég stíg,“ sagði Reynir Pétur
Ingvarsson, göngumaður frá
Sólheimum, að lokinni mót-
tökuathöfn í Miðbæ Akureyr-
ar á föstudaginn.
Eins og kunnugt er, þá er
Reynir Pétur að ganga hringveg-
inn til fjáröflunar fyrir byggingu
íþróttahúss í Sólheimum. Reynir
hóf gönguna á Selfossi og hefur
alltaf verið heldur á undan áætl-
un. Út af því brá þó þegar hann
kom til Akureyrar, því hann var
um klukkustund seinna á ferðinni
þar en reiknað var með. Ekki var
þó um að kenna gönguþreytu,
heldux var ástæðan sú, að margir
þurftu að hafa tal af Reyni á
meðan hann gekk síðustu kíló-
metrana til bæjarins. Allir vildu
færa honum árnaðaróskir og
margir urðu til að færa honum
gjafir í söfnunina.
Á gatnamótunum sunnan við
flugvöllinn biðu félagar í íþrótta-
félaginu Eik og íþróttafélagi fatl-
aðra, sem fylgdu Reyni síðan síð-
asta spottann til bæjarins. í Mið-
bænum beið mikill fjöldi fólks
eftir Reyni og var hann ákaft
hylltur þegar hann gekk léttstígur
inn í göngugötuna. Hvaða þjóð-
höfðingi sem er hefði orðið stolt-
ur af þeim móttökum.
í Miðbænum var stutt mót-
tökuathöfn. Sigríður Stefánsdótt-
ir ávarpaði Reyni fyrir hönd
bæjarstjórnar og fulltrúar fyrir-
tækja og starfshópa færðu Reyni
framlög í söfnunina. Einnig fékk
hann fyrsta parið af nýrri tegund
af gönguskóm frá ACT og
íþróttabúning frá Henson, svo
eitthvað sé nefnt. Pað fer ekkert
á milli mála, að Reynir hefur
unnið hylli þjóðarinnar með
framtaki sínu og framgöngu allri.
Hann hefur gengið að meðaltali
tæpa 50 km á dag og sú tala gæti
verið hærri, en Reynir hefur
þurft að „slá af“, til að rugla ekki
allar áætlanir.
- Reyni Pétri fagnað sem
þjóðhöfðingja
hvar sem hann kemur
Reynir var yfir sig hamingjusamur með nýju gðnguskóna frá ACT.
Það var engin þreytumerki að sjá á Reyni þegar hann kom léttstígur í
GS göngugötuna.
mm*r ( m> 1 rmw wlj
s"/ i * Jp- K
Hvaða þjóðhöfðingi sem er hefði verið stoltur með móttökur á borð við þær sem Reynir fékk á Akureyri.
Mynd: KGA
Ragnheiður Árnadóttir, hjúkrunarforstjóri:
Hjúkrunarnám
í háskóla
á Akureyri
Á Akureyri hefir verið starfrækt
sjúkrahús í rúma öld, allt frá ár-
inu 1873 og jafnlengi hefir sjúkl-
ingum þar verið veitt hjúkrun,
fyrst og lengi framan af undir
leiðsögn lækna, sem fljótt juku
við menntun sína og lærdóm.
Með stækkun sjúkrahússins,
fjölgun sjúkrarúma og auknum
umsvifum lækna voru fengnar til
samstarfs erlendar hjúkrunar-
konur, flestar danskar, eða ís-
lenskar hjúkrunarkonur sem lært
höfðu í útlöndum.
Hjúkrunarmenntun hér á landi
hefst ekki fyrr en árið 1931 eftir
að Landspítalinn er fullbyggður
árið 1930. Hjúkrunarskóli ís-
lands í Reykjavík hefir starfað
síðan þar til nú. Á næsta ári
1986 munu síðustu hjúkrunar-
fræðingarnir útskrifast þaðan og
skólinn lagður niður sem slíkur.
Háskóli fslands í Reykjavík
hefir í 11 ár annast menntun
hjúkrunarfræðinga. Þar hefir, í
tengslum við læknadeild, verið
kennsla á námsbraut í hjúkrunar-
fræði með mjög vaxandi aðsókn
nemenda, enda eftir lokun
Hjúkrunarskóla íslands eini skól-
inn á landinu sem sér um grunn-
menntun hjúkrunarfræðinga.
Námið tekur 4 ár.
Nú er skortur á hjúkrunar-
fræðingum í starf og til þess tald-
ar ýmsar ástæður, en mörgum
virðist það öfug þróun að fækka
skólum er svo stendur á. Að vísu
eru ekki fjöldatakmarkanir nem-
enda inn í hjúkrunarbrautina og
vitað er að þaðan mun fullmennt-
uðum hjúkrunarfræðingum
fjölga á næstu árum. Nú eru í
landinu 2140 hjúkrunarfræðingar
með starfsréttindi, og af þeim eru
í starfi, (heilu starfi eða að hluta)
1753, en fjöldi menntaðra hjúkr-
unarfræðinga úr skólunum hefir
þó ekki verið í hlutfalli við þann
hraða sem hefir verið á byggingu
sjúkrahúsa og annarra heilbrigð-
isstofnana, sem þurfa svo mjög á
störfum þeirra að halda.
Háskóli á Akureyri. í umræðu
um háskóla má menntun hjúkr-
unarfræðinga ekki gleymast.
Eins og áður er sagt eru ekki
fjöldatakmarkanir inn í hjúkrun-
arbrautina í Háskóla íslands, en
nám í hjúkrun og ýmsum öðrum
greinum í háskóla á Akureyri
ætti þó að vera fyrir hendi.
Heimilisástæður nemenda,
kostnaður utan heimahaganna og
vaxandi viðgangur bæjarins af
slíku skólahaldi eru allt fullgildar
ástæður til að háskólakennsla
flytjist til bæjarins.
f háskóla á Akureyri væri æski-
legt að strax í uphafi þess skóla-
starfs mundu hjúkrunarfræði-
nemar fá menntun sína á 1. ári,
en gætu sfðari árin sótt nám í
Reykjavík á meðan skólastarfið
þróast í það að hægt sé að út-
skrifa hjúkrunarfræðinga á Akur-
eyri. Framhaldsnám hjúkrunar-
fræðinga á háskólastigi í sérgrein-
um mætti einnig vera til athugun-
ar.
Með þeim nemendafjölda sem
fengi sitt háskólanám á Akureyri
myndi létta á húsnæðisvand-
ræðum háskólans í Reykjavík,
sem svo mjög hefir verið rætt um.
Ef hjúkrunarfræðsla á háskóla-
stigi fengist til Akureyrar myndi
það vera ótvíræður ávinningur
fyrir Akureyringa, sem vafalaust
ættu þá kost á fleiri hjúkrunar-
fræðingum í störf á heilbrigðis-
stofnanir bæjarins. Á þeim stað
sem menntunin er veitt eru mun
meiri líkur á að fullnuma fólk
taki sér búsetu. Akureyringar
hafa goldið þess að allt æskufólk
bæjarins sem lokið hefir mennta-
skólanámi hefir þurft til Reykja-
víkur til háskólanáms eða til
náms í öðrum sérskólum svo sem
hjúkrunarskóla, sem ekki eru á
Akureyri.
Reynum að snúa þróuninni
Akureyri í hag.
Fáum hjúkrunarnám í háskóla
á Akureyri.
Akureyri 6.6. ’85
Ragnheiður Árnadóttir
hjúkrunarforstjóri við
Fjórðungssjúkrahúsið
á Akureyri.
Nú er skortur á hjúkrunarfræðingum.