Dagur - 25.11.1985, Blaðsíða 2
2 - DAGUR - 25. nóvember 1985
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 360 Á MÁNUÐI
LAUSASÖLUVERÐ 35 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GlSLI SIGURGEIRSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, INGIBJÖRG MAGNÚSDÓTTIR (Húsavík),
YNGVI KJARTANSSON, KRISTJÁN G. ARNGRlMSSON,
KRISTJÁN KRISTJÁNSáON, MARGRÉT Þ. ÞÖRSDÓTIR,
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Jeiðari________________________
Vanhugsuð
skattheimta
Að koma saman fjárlögum er ekkert áhlaupa-
verk enda er ríkiskerfið stórbrotið fyrirtæki og
margsamsett. Að mörgu er að hyggja og allir
þurfa sína sneið af kökunni.
Það sem hefur skapað stærsta vandann við
að ná endum saman í ríkisbúskapnum undan-
farin ár er að æ stærri hluti af kökunni hefur
farið í bein rekstrargjöld og afborganir af er-
lendum lánum á kostnað framlaga til nýfram-
kvæmda. Þannig myndast hin frægu fjárlaga-
göt. Og þá þarf að grípa til skurðlækninga.
Einhvers staðar verður að skera niður og oft-
ast verður ofan á að draga úr fjárveitingum til
framkvæmda og finna nýjar fjáröflunarleiðir í
formi skattheimtu. Ekki er þó sama hvar borið
er niður því einstaka þjóðfélagshópar eru svo
illa settir fjárhagslega að þeir mega ekki við
frekari álögum.
Nýlegt dæmi um vanhugsaða skattheimtu
er frumvarp um 30% vörugjald á brauð og
kökur. Landssamband bakarameistara hefur
mótmælt þessu frumvarpi harðlega og bent á
að brauð er einhver hollasta fæða sem mönn-
um er tiltæk og að neysla brauðmetis bæti
heilsufar og sé liður í fyrirbyggjandi heilsu-
verndarstarfi. Það sem vekur mesta athygli er
að brauði er skipað á bekk með sælgæti, gos-
drykkjum og öðrum óþarfa. Flestir gera sér
hins vegar ljóst að brauð er ekki munaðar-
vara.
Bakarar hafa fram til þessa stillt brauðverði
í hóf, enda hafa stjórnvöld haldið á lofti nauð-
syn þess að „vísitölubrauðin“ svo kölluðu
hækki ekki umfram það sem nauðsynlegt get-
ur talist. En nú ætla stjórnvöldin sem sagt að
ríða á vaðið með stórfellda hækkun þessara
brauða.
Ef frumvarp þetta nær fram að ganga er
ljóst að erfiðleikar þeirra sem verst eru settir
aukast til muna. Auk þess er afkomu brauð-
og kökugerðar teflt í tvísýnu, en sú atvinnu-
grein er stærst matvælagreina á landinu og
veitir 700 manns fulla atvinnu. Nú þegar hafa
bakarameistarar gripið til stórfelldra upp-
sagna til þess að mæta fyrirsjáanlegum sam-
drætti í iðninni.
Nauðsynlegt er að stjórnvöld endurskoði
nú þegar ákvörðun sína um 30% vörugjald á
brauð og kökur. Stundum er sagt að maður-
inn lifi ekki af brauði einu saman og vissulega
er það rétt. En brauðið þarf hann engu að síð-
ur og þar getur ekkert komið í staðinn. BB.
-viðtal dagsins..
Takmarkið er 2 milljónir
í vinning á viku
- Birna Einarsdóttir framkvæmdastjóri Getrauna í viðtali dagsins
Ætli ttestir hafí ekki hugsaö til
þess hvcrnig þaö er að fá millj-
ón í happdrætti. Margir bíða
mánuöum, árum og jafnvel
áratugum saman eftir þeim
stóra. Þaö er þá tengt svo-
kölluðum stórum happdrætt-
um. Undanfarin ár hefur fólki
gefíst kostur á að taka þátt í
þægilegu happdrætti sem er Is-
lenskar getraunir, sem tengjast
íslenskri íþróttastarfsemi. Það
skemmtilega við Getraunir,
eins og þær eru kallaðar, er að
þú getur sjálfur ráðið nokkru,
hvernig þú telur líklegast að fá
þann stóra.
Birna Einarsdóttir er nýráðinn
framkvæmdastjóri Getrauna.
Hún var á ferð á Akureyri um
helgina. Þess vegna var upplagt
að fá hana í viðtal.
„Eg er nýbúin að taka við starfi
framkvæmdastjóra Getrauna.
Enda rétt búin með viðskipta-
fræði frá Háskóla íslands."
- Var það knattspyrnuáhugi
sem varð til þess að þú sóttir um
starf sem framkvæmdastjóri Get-
rauna?
„Nei reyndar ekki. Ég taldi að
starfið væri skemmtilegt. sem
það er. Þess vegna sótti ég um
það."
- Nú er alltaf talað um eigin-
menn sem sitja yfir ensku knatt-
spyrnunni í sjónvarpinu á laugar-
dagseftirmiðdögum og gera
þannig konum sínum gramt í
geði. Af því leiðir, ætla menn.að
karlar stjórni öllu í sambandi við
getraunir.
„íþróttahreyfingin er mikið
karlaveldi. Þess vegna er ég alltaf
eina konan á þeim fundum sem
ég sit með forystumönnum
hennar. Það þýðir samt ekki að
kona geti ekki stjórnað Getraun-
um. Enda kemur þetta ekki
knattspyrnu við á nokkurn hátt.
Getraunir eru reknar sem fjár-
öflunarleið fyrir íþróttahreyfing-
una í landinu og er því fyrirtæki
sem þarf að reka vel."
- Tekur starfsfólk Getrauna
þátt í leiknum?
„Ég geri það ekki. Hins vegar
banna ég ekki öðru starfsfólki að
gera það.
Þar er líka um einn og einn
seðil að ræða, en ekki kerfi eins
og er algengt hjá þeim hörðustu.
Það væri auðvelt að verja það ef
starfsmaður Getrauna ynni, því
það er ekki möguleiki að svindla
í þessu."
- Þú nefnir kerfiskarla. þá sem
leggja talsverðar fjárhæðir á viku
hverri í seðlakaup. Er mikið af
slíku?
„Töluvert er uni það. Þó er
meirihluti sem kaupir einn og
einn seðil. Það eru um 60% af
lausum seðlum, hitt er í kerfum
sem menn pæla í.“
- Má ég forvitnast um það
hvað þú ert að gera hér á Norður-
landi?
„Fyrst og fremst er ég að
kynna starfsemi Getraúna og
jafnframt að reyna allt sem
mögulegt er til að auka sölu á
getraunaseðlum. Það er tak-
markið að ná vinningspottinum
yfir 2 milljónir."
- Nú hafa Oft heyrst óánægju-
raddir þess efnis aö fólk sitji ekki
við sama borð þegar þarf að skila
getraunaseðlum. Skila þarf seðl-
unt fyrir hádegi á fimmtudögum
á landsbyggðinni, en fyrir hádegi
á laugardögum í Reykjavík. Er
von á breytingum í þessu efni?
„Þetta er mál sem mikið hefur
Mynd: - KGA.
verið rætt hjá Getraunum. Það
má segja að málið sé í athugun
eins og sagt er í þinginu. I alvöru
talað, þá er verið að skoða þessi
mál. Það er mikið atriði að finna
góða lausn á þessu máli því inn-
koma Getrauna skiptir verulegu
máli fyrir íþróttafélög landsins.
Innkoman skiptist þannig að
50% fara í vinninga, 25% til
íþróttafélaga sem selja seðlana,
3% fara til héraðssambanda inn-
an ÍSÍ og afgangur í rekstur ÍSÍ,
KSÍ, UMFÍ og Getrauna. Þess
má geta að 58% aukning hefur
verið á Akureyri og aukning á
landinu 40%.“
- í lokin burt frá Getraunum.
Hvernig er að vera komin til Ak-
ureyrar í stutta heimsókn?
„Mjög gaman. Fyrir utan að
vera aó vinna, þá skrapp ég í
Sjallann, það er gaman að koma
þangað. Það er alltaf talað um
Sjallann og Akureyri í sömu
andrá. gej-
Viðtalið við Birnu er endurbirt,
þar sem slæm mistök urðu við
vinnslu þess í blaðinu á fimmtu-
daginn. Við biðjum Birnu og les-
endur velvirðingar á því.
í?
M
O
■
M
A
N
U
O
A
G
O
R
Eg veðjaði á
rangan hest
- Pálmi Guðmundsson, blaðaútgefandi, í viðtali dagsins