Dagur - 19.02.1986, Page 12
Akureyri, miðvikudagur 19. febrúar 1986
Ritstjórn • Auglýsingar • Afgreiðsla Síminn er 24 222
Iþróttahúsið á Siglufirði:
„Skynsamleg lausn
en ekki minnisvarði"
- segir Kristján Möller, íþróttafulltrúi Siglufjarðar
„Síðustu tölur um byggingu á
íþróttahúsi eru frá Sauðárkróki
og þar kemur í Ijós að kostnað-
ur er um 56 milljónir og húsið
hálfnað. Húsið sem við erum
að byggja hér á Siglufirði mun
kosta um 27 milljónir fullbúið
með íþróttasal og baðaðstöðu.
Þetta styrkir okkur í þeirri trú
að við séum að gera rétt með
því að byggja ódýrt,“ sagði
Kristján Möller íþróttafulltrúi
á Siglufirði, en þar stendur yfir
bygging íþróttahúss.
Bæjarstjórn Siglufjarðar tók
nýlega tilboði frá Límtré h/f á
Flúðum um límtrésboga í þak
íþróttahússins. Hljóðaði tilboðið
upp á 1 milljón 302 þúsund, sem
er 74% af kostnaðaráætlun.
Oddgeirsson, Stefán Haraldsson,
Sigurgeir Aðalgeirsson og Hreið-
ar Karlsson.
Með umræddar upplýsingar
verður farið sem trúnaðarmál, en
þær eingöngu notaðar nefndar-
mönnum til leiðbeiningar við
uppstillingu á framboðslista
Framsóknarflokksins. IM/GS
Húsavík:
Framsóknarmenn
undirbúa framboð
- Stuðningsmenn geta komið vilja sínum
á framfæri bréflega
Kjörnefnd á vegum Framsókn-
arfélags Húsavíkur er tekin til
starfa, til að undirbúa uppstill-
ingu á lista Framsóknarllokks-
ins fyrir bæjarstjórnarkosn-
ingarnar í vor. Ekki verður
efnt til prófkjörs, en nefndin
hefur sent flokksbundnu fólki
bréf, þar sem farið er fram á að
það komi á framfæri hugmynd-
um og tillögum um uppstill-
ingu á lista flokksins.
Hugmyndum sínum eiga
flokksmenn að koma á framfæri
með þeim hætti, að senda til
kjörnefndar lista með nöfnum
þeirra manna, sem viðkomandi
kýs að skipi 6 efstu sætin á listan-
um. Þessum hugmyndum skal
skila í lokuðu ómerktu umslagi til
kjörnefndarinnar fyrir kl. 22
þriðjudaginn 25. febrúar.
Stuðningsfólki flokksins, 18.
ára og eldri á Húsavík, er frjálst
að taka þátt í könnuninni. Þeir
sem ekki hafa fengið send gögn
geta sótt þau til kjörnefndar-
manna, en þeir eru Einar
Njálsson, Lilja Skarphéðinsdótt-
ir, Sigrún Hauksdóttir, Jón
Sigurður
Amórsson
framkvæmda-
stjóri Lindu
Sigurður Arnórsson, fyrrum
framkvæmdastjóri Plastein-
angrunar hf., hefur verið ráð-
inn framkvæmdastjóri Súkku-
laðiverksmiðjunnar Lindu hf.
Sigurður tekur við starfinu um
næstu mánaðamót.
„Ég er ekki að setjast í helgan
stein, en Sigurður tekur hér við
allri yfirstjórn. Ég er nú orðinn
það fullorðinn, 79 ára gamall, að
mér ætti að vera orðið óhætt að
slaka aðeins á,“ sagði Eyþór H.
Tómasson, forstjóri og eigandi
Lindu. Hann hefur rekið verk-
smiðjuna á Akureyri frá því
1948. - GS
Áætlaður kostnaður við byggingu
íþróttasalarins er tæplega 20
milljónir króna. Búnings- og bað-
aðstaða verður byggð í tengslum
við sundlaugina, en úr búnings-
klefunum verður tengibygging
við íþróttahúsið og mun það verk
kosta um 7 milljónir. „Við erum
þess fullvissir að þessi kostnaðar-
áætlun standist og erum jafnvel á
því að þessar tölur eigi eftir að
lækka,“ sagði Kristján. Þá bjart-
sýni byggir hann á ferð sem hann
ásamt fleirum frá Siglufirði fór
til Danmerkur til að skoða
íþróttahús í sama flokki og
íþróttahúsið á Siglufirði er. Hann
sagði að í Danmörku hafi þeir
skoðað nokkur hús og sannfærst
um að þar hafi þeir séð „ódýrar
og skynsamlegar lausnir á bygg-
ingu íþróttahúsa sem hafi verið
lausar við minnisvarðagerð arki-
tekta." . . .,
Þegar Kristjan var spurð-
ur um það hvenær íþróttahúsið á
Siglufirði yrði tilbúið til notkun-
ar, sagði hann að slíkt færi mikið
eftir framlagi ríkis og bæjar á
þessum tímum fjársveltis. „Við
látum okkur dreyma um að húsið
verði tilbúið um áramót 1987-8
og vonum að sá draumur verði
ekki að martröð.“ gej-
Dalvík:
Lækkun útsvara
-og þjónustugjalda
Bæjarráö Dalvíkur leggur til
að útsvarsprósentan á Dalvík
fyrir þetta ár lækki um 0,6%,
verði 10,4% í stað 11% áður.
Jafnframt leggur bæjarráð til
að þjónustugjöld bæjarstofn-
ana verði lækkuð um 5%,
nema dagvistargjöld, sem
hækki hlufallslega minna en
gert hefur verið ráð fyrir.
Þetta var samþykkt samhljóða
á fundi bæjarráðs Dalvíkur á
mánudagskvöld. Þá var tekið til
afgreiðslu erindi frá Launanefnd
sveitarfélaga, þar sem bæjarráð
er beðið um að taka afstöðu til
tillagna um lækkun beinna skatta
um ca. 5,5% og þjónustugjalda
um 5-10%. Gert er ráð fyrir að
þessar lækkanir verði hluti af
Starfsmcnn Slippstöðvarinnar undirbúa smíði bakka á 'Júpíter.
Mynd: KGA.
Breyting á Júpíter
- Verður nú rækjufrystiskip
Slippstöðin á Akureyri hefur
fengið það verkefni að setja
rækjufrystibúnað í togarann
Júpíter. Er þegar byrjað að
vinna verkið. Auk frystibún-
aðar eru ráðgerðar fleiri
endurbætur á skipinu, m.a.
verður settur bakki á skipið.
Áætlaður tími til verksins er 9
vikur.
Kostnáður er áætlaður liðlega
20 milljónir króna. Einnig mun
Slippstöðin sjá um vélaskipti og
fleiri endurbætur á loðnuskip-
inu Guðmundi Ólafi frá Ólafs-
firði. Það verk mun kosta um 10
milljónir króna og á því að
verða lokið síðari hluta maí.
Þetta starf verður unnið sam-
hliða breytingum á 4. Kanada-
togaranum sem verið er að
lengja og endurbæta hjá Slipp-
stöðinni.
Á föstudaginn verða opnuð í
Reykjavík tilboð í raðsmíða-
báta Slippstöðvarinnar. Er
reiknað með mörgum tilboðum
í bátana. Einnig verða opnuð á
föstudaginn tilboð skipasmíða-
stöðva í breytingar á togaranum
Júní.
Slippstöðin býður í það
verk og „bíða menn spenntir
eftir opnun tilboðanna,“ sagði
Sigurður Ringsted yfirverk-
fræðingur Slippstöðvarinnar.
Þar er um margra mánaða verk
að ræða ef fæst. Breyta á togar-
anum Júní í frystiskip af svip-
aðri gerð og Akureyrin er í dag.
gej-
kjarasamningum.
Auk þess að lækka útsvars-
álagninguna og þjónustugjöldin,
var samþykkt að 10% hækkun á
gjaldskrá Hitaveitu Dalvíkur,
sem taka átti gildi 1. janúar s.l.,
verði ekki látin koma til fram-
kvæmda.
Þessi samþykkt er gerð með
þeim fyrirvara að samningar náist
á grundvelli þeirra tillagna sem
byggja á þessum lækkunum.
Bæjarstjórn mun taka þessar
tillögur til afgreiðslu í næstu
viku. Þá verður væntanlega kom-
ið í ljós hvort skattalækkunar-
leiðin hafi reynst fær við gerð
kjarasamninga og þar með hvort
þörf verði á að staðfesta tillögur
bæjarráðs. BB.
12 frambjóðendur
í skoðanakönnun
sjálfstæðismanna
á Húsavík
Skoðanakönnun sjálfstæðis-
manna á Húsavík, vegna fram-
boðs við bæjarstjórnarkosn-
ingarnar í vor, fer fram helgina
1.-2. mars nk. Úrslit skoðana-
könnunarinnar eru bindandi,
ef 75% flokksbundinna sjálf-
stæðismanna á Húsavík taka
þátt í henni og frambjóðandi
fær yfir 50% greiddra at-
kvæða.
Skoðanakönnunin fer þannig
fram, að flokksbundnum sjálf-
stæðismönnum á Húsavík verða
færðir heim nafnalistar. Þátttak-
endur eiga síðan að merkja við
þá sem þeir vilja að skipi 6 efstu
sætin.
Þeir sem taka þátt í skoðana-
könnuninni eru: Bryndís Þ. Jóns-
dóttir, húsmóðir; Einar Gústavs-
son, sjómaður; Guðrún Snæ-
björnsdóttir, skrifstofumaður;
Hanna Stefánsdóttir, afgreiðslu-
maður; Haukur Ákason, rafverk-
taki; Jón Gestsson, bifreiðaeftir-
litsmaður; Katrín Eymundsdótt-
ir, húsmóðir og bæjarfulltrúi;
Leifur Grímsson, skrifstofu-
stjóri; Reynir Jónasson, kaup-
maður; Sigríður Sigfúsdóttir,
sjúkraliði; Ulrik Ólason, skóla-
stjóri Tónlistarskólans og Þor-
valdur Vestmann, tæknifr.
Hörður Þórhallsson, bæjarfull-
trúi, gefur ekki kost á sér til
endurkjörs. Við síðustu bæjar-
stjórnarkosningar hlaut listi sjálf-
stæðismanna 2 menn kjörna í
bæjarstjórn Húsavíkur. IM/GS