Dagur - 13.05.1986, Blaðsíða 2
2 - DAGUR - 13. maí 1986
_w'ðía/ dagsins:
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR. 420 Á MÁNUÐI
LAUSASÖLUVERÐ 40 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, GESTUR KRISTINSSON (Blönduósi),
INGIBJÖRG MAGNÚSDÓTTIR (Húsavík), YNGVI KJARTANSSON,
KRISTJÁN G. ARNGRlMSSON, KRISTJÁN KRISTJÁNSSON,
MARGRÉT Þ. ÞÓRSDÓTTIR,
AUGLÝSINGASTJÓRI: FRlMANN FRÍMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
leiðari.______________________________
Atvinna aukist
á Akureyri
í stefnuskrá framsóknarmanna á Akureyri
fyrir bæjarstjórnarkosningarnar í lok maí seg-
ir svo um atvinnumál:
„Atvinnulíf á Akureyri hefur á undanförn-
um áratugum byggst á þróttmiklum rekstri
fyrirtækja samvinnumanna, einstaklinga og
félagslegum rekstri bæjarbúa. Atvinnustarf-
semi á Akureyri er afar fjölbreytt og hefur
leitt til stöðugra atvinnulífs en víðast annars
staðar.
Mikil verðbólga í upphafi áratugarins og
minnkandi sjávarafli ollu miklum óstöðug-
leika í atvinnulífi landsmanna, m.a. veruleg-
urn samdrætti í byggingarframkvæmdum,
sem bitnaði harkalega á Akureyringum. Þrátt
fyrir það hefur atvinna stöðugt aukist á Akur-
eyri, svo sem fram kemur í athugun á trygg-
ingaskyldum vinnuvikum. Undirstaða stöð-
ugs atvinnulífs á Akureyri er því afar traust,
auk þess sem útlit er fyrir að breyting á hús-
næðislöggjöf hleypi nýju lífi í byggingarfram-
kvæmdir.
Atvinnumálanefnd Akureyrar og Iðnþróun-
arfélag Eyjafjarðar hafa náð umtalsverðum
árangri í starfi. Stofnun iðngarða á vegum
atvinnumálanefndar er merk nýjung. Ýmsar
nýjar atvinnugreinar hafa hafið starfsemi á
síðustu árum. Mikilvægt er að huga vel að
þeim og efla á allan hátt.
Nýta verður alla möguleika til fjölgunar
atvinnutækifæra á Eyjafjarðarsvæðinu, sem
falla vel að því atvinnulífi sem fyrir er. Leggja
verður enn meiri áherslu á úrvinnslu og nýt-
ingu hráefna lands og sjávar. Fjölbreytt
atvinnulíf bæjarins stendur og fellur með
frumatvinnuvegunum, þ.e. landbúnaði og
sjávarútvegi. Efla þarf þann fjölbreytta
matvælaiðnað sem fyrir hendi er og tengja
hann væntanlegum háskóla, sem sinnti
grundvallarrannsóknum og yrði í nánum
tengslum við atvinnulífið.
Efla þarf Framkvæmdasjóð Akureyrar
þannig að honum sé kleift að takast á við
fleiri verkefni á borð við stofnun hins nýja
fyrirtækis Oddeyrar hf. Einstaklingar og fyrir-
tæki geti leitað til Framkvæmdasjóðs eða
atvinnumálanefndar eftir áhættufjármagni,
til að kanna arðsemi og framkvæmdamögu-
leika nýrra fyrirtækja."
Þá segir m.a. að hlutverk bæjarins í
atvinnumálum verði fyrst og fremst að skapa
atvinnuvegunum þær aðstæður að þeim sé
kleift að þróast, markvisst verði unnið að
uppbyggingu ferðamannaþjónustu, markaðs-
starfsemi verði stórefld svo og kynning og
upplýsingamiðlun í tengslum við atvinnuveg-
ina í bænum.
„Þetta leggst
mjög vel í mig“
- segir Þorsteinn Thorlacius sem keypt hefur
Bókabúðina Eddu á Akureyri
Þetta er viðtal dagsins við Þor-
stein Thorlacius. Þorsteinn
Thorlacius er fæddur á Akur-
eyri. Það var þann 12. ágúst.
Og árið var 1946. Á eftir árinu
1946 kemur árið 1947. Þá flutti
Þorsteinn til Reykjavíkur. Og
af því tíininn líður hratt, jafn-
vel þó ekki sé gervihnattaöld,
þá er það næst af Þorsteini að
segja að hann flutti til Noregs
árið 1952. Ekki til Bergen,
heldur Oslóar. Faðir hans var
Þorleifur Thorlacius sendi-
herra. En ætlunin var ekki að
rekja búferlaflutninga Þor-
steins nánar. Tilefni þessa viðtals
er það einkum og sér í lagi, að
Þorsteinn hefur keypt bóka-
búðina Eddu á Akureyri. Við
komum samt að því síðar.
Sumsé, Porsteinn á ættir að
rekja til Akureyrar og hann er
giftur Akureyringi sem er Guðný
Jónasdóttir. Þau eiga þrjú börn,
fimmtán ára stelpu og tvo stráka,
átta og tveggja ára.
Við förum fljótt yfir hinn svo-
kallaða feril. Þorsteinn gekk í
barnaskóla úti í Osló, sem og
fyrsta bekk gagnfræðaskóla.
Kom til íslands og lauk gagn-
fræðaskólanum. Fór í Mennta-
skólann á Akureyri og lauk stúd-
entsprófi árið 1966. „Þegar ég
hugsa til baka finnst mér þetta
hafa verið ákaflega skemmtilegur
tími. Ég bjó á heimavist öll árin
sem ég var í skólanum og það
voru í gildi strangar reglur um
útivistartíma. Mig minnir mér
hafi ekki þótt þær sérlega indæl-
ar. Annars gekk námið ósköp
átakalaust fyrir sig.“
Frístundum var varið til skíða-
og skautaiðkana. Þetta voru
bernskuár íshokkysins á Akur-
eyri. „Við eltumst við svellin upp
um öll fjöll. Einnig vorum við
talsvert inni á Leirum.“ Aðstaða
til skíðaiðkana var ekki sem best.
„Við þurftum að labba með skíð-
in á bakinu upp í Stromp. Jú, jú,
maður lét sig hafa það.“
Eftir stúdentspróf lá leiðin í
viðskiptafræðibraut Háskólans
og lauk Þorsteinn námi í janúar
1972. Fór þá að vinna hjá
Flugfélagi íslands. „Flugið hefur
alltaf heillað mig,“ sagði Þor-
steinn. í ellefu ár vann Þorsteinn
hjá Flugfélaginu og Flugleiðum.
Lagði gjörva hönd á ýmis störf.
Var fulltrúi í flutningadeild, full-
trúi framkvæmdastjóra, deildar-
stjóri farskrárdeildar, markaðs-
stjóri markaðsáætlana. Starfið
var spennandi, mikið um ferða-
lög. „Flugið hefur alltaf verið rík-
ur þáttur í mínum áhugamálum.
Þetta er harður samkeppnis-
markaður. Það verður að taka
snöggar ákvarðanir. Málin þola
enga bið, aðstæður breytast svo
snöggt. Að því leytinu finnst mér
flugið heillandi."
Þorsteinn hóf rekstur eigin
fyrirtækis og stofnsetti ásamt
félaga sínum fyrirtæki á sviði
bókhaldsþjónustu og rekstrar-
ráðgjafar og á svipuðum tíma
stofnsettu þeir félagar fyrir-
tæki á tölvusviði. „Ég varð að
gera það upp við mig, hvort ég
ætlaði að halda áfram að vinna
hjá öðrum, eða að gera eitthvað
sjálfur. Mig langaði til að prófa
að fara út í sjálfstæðan atvinnu-
rekstur.“
En þá er komið að bókabúð-
inni Eddu. „Ég fékk augastað á
búðinni í ágúst í fyrra. Spáði
dálítið í þetta, en ekkert gerðist.
í janúar, febrúar fara af stað
umræður og ég kaupi reksturinn
frá og með 1. mars á þessu ári.“
- En af hverju Akureyri?
„í fyrsta lagi þá er konan mín
héðan og við eigum bæði skyld-
fólk hér. Það hefur alltaf togað í
okkur bæði að búa hér. Og þegar
þetta tækifæri gafst, að reka hér
þessa verslun, þá ákváðum við að
láta slag standa. Þá er einnig
gaman að geta þess að afi minn
Þorsteinn Thorlacius frá Hólum í
Eyjafirði rak bókaverslun við
Ráðhústorgið á sínum tíma. Það
er gaman að feta í fótspor hans.“
Eins og áður sagði stofnsetti
Þorsteinn, ásamt félaga sínum
fyrirtæki sem sérhæfði sig í inn-
flutningi og sölu á tölvum. Merk-
ið er Amstrat og nú hefur bóka-
búðin Edda tekið tölvur og allt
sem þeim viðkemur til sölu.
„Það er fyrirsjáanlegur sam-
dráttur í tölvusölu á þessu ári, að
ég tel. Sú ofsalega sala sem verið
hefur undanfarin tvö ár á tölvum
hlýtur að fara að stöðvast. Ég
reikna ekki með eins mikilli sölu
á tölvum í ár og undanfarin ár, en
eðlileg endurnýjun hlýtur að eiga
sér stað.“
Þá má nefna að í bókabúð
Eddu er nú hægt að kaupa alls
konar tímarit, sem ekki hafa
áður verið til á Akureyri. Um er
að ræða fagtímarit ýmiss konar og
einnig tímarit um tölvur. Annars
er sjón sögu ríkari. „Þetta eru
helstu nýjungarnar hjá okkur. Ég
hef bara haft svo lítinn tíma til að
sinna þessu, er ennþá með fulla
starfsemi í Reykjavík. En við
munum flytja alkomin hingað
norður um næstu mánaðamót.
Þetta leggst vel í mig, ég hef
trú á að dæmið gangi upp. Við
erum þarna með nýja hluti, nýjan
markað. Það er geysilega mikið
keypt af tímaritum. Fólk hefur
farið svo víða og séð þessi tímarit
erlendis. Það vill fá meira en
dönsku blöðin."
Og að lokum þetta: Þó að ég sé
nú orðinn bókabúðareigandi, þá
mun konan mín alfarið sjá um
rekstur búðarinnar. Ég er þessa
dagana að leita mér að vinnu.“
-mþþ
Þorsteinn Thorlacius fetar í fótspor afa síns og nafna, sem rak bókaverslun
á Akureyri í eina tíð. Þorsteinn er eigandi Bókabúðarinnar Eddu.
Mynd KGA