Dagur - 08.09.1986, Blaðsíða 1
- segir Sverrir Leósson útgerðarmaður
69. árgangur Akureyri, mánudagur 8. september 1986 166. tölublað
„Loðnuverð er mun Iægra í ár
en var í fyrra eða um 20% og
tala verksmiðjueigendur um
að lækka enn meira. Þegar
menn tala um að verksmiðjur
ríkisins tapi um 500 krónum á
hverju tonni, þá hljóta verk-
smiðjurnar að vera alltof
margar og ætti að loka þeim á
stundinni,“ sagði Sverrir
Leósson útgerðarmaður á
Akureyri er hann var spurður
um verð á loðnu.
Á landinu eru nú 20 síldar-
verksmiðjur og 3 þeirra eru í eigu
ríkisins og hefur forstjóri verk-
smiðjanna, Jón Reynir Magnús-
son, látið hafa eftir sér að verk-
smiðjur ríkisins tapi um 5-600
krónum á hverju hráefnistonni.
Þess má geta að verksmiðjur
ríkisins hafa tekið á móti meiri-
hluta þeirrar loðnu sem á Iand
hefur borist.
„Ef verksmiðjueigendur halda
þessu fram varðandi verðið, þá
þarf ekki að tala um neitt loðnu-
verð eða loðnuveiðar, því það fer
enginn einasti sjómaður norður í
ballarhaf til að ná í loðnu sem
keypt er á 13-14 hundruð krónur
tonnið. Við höfum að sjálfsögðu
fylgst með verði á loðnuafurðum
og vitum að Iýsisverð hefur
lækkað, en við vitum líka að verð
á loðnumjöli er hærra en það var
í fyrra. Síðan má lengi ræða um
gæði mjöls og lýsis frá verksmiðj-
unum. Varðandi verðlagningu á
loðnu hefur það ætíð verið svo að
hlutur seljenda hefur verið fyrir
borð borinn. Kaupendur hafa í
flestum tilfellum setið við gott
borð, þrátt fyrir að verðið hafi
verið ákveðið af oddamanni og
seljendum og er gleggsta dæmið
frá vertíðinni í fyrra. Þá var verð-
ið ákveðið af oddamanni og selj-
endum og mótmælt af kaupend-
um. það voru ekki liðnir nema
örfáir dagar þegar þeir fóru að
greiða 10% hærra fyrir loðnuna
og enginn kvartaði. Það má ekki
gleyma því að loðnuverð snertir
ekki einungis kaupendur og selj-
endur, því þarna eru hagsmunir
allrar þjóðarinnar í myndinni.
Það er ekki hægt að Iáta verk-
smiðjueigendur stöðva þessar
veiðar í ár því loðnan er stuttlífur
fiskur og við veiðum hana ekki á
næsta ári eða síðar,“ sagði Sverrir
Leósson.
Þess má geta að fyrsti fundur
verðlagsráðs, þar sem fjallað
verður um loðnuverðið, er í dag.
gej-
Bryggjusmíö við Sandbcrðisbót.
Mynd.gej-
Nýtt skipafélag stofnað á Akureyri:
Kaupir 900 tonna
skip frá Noregi
„Það er ekki búið að skrá firm-
að og þar af leiðandi vil ég
ekkert segja að svo stöddu,“
sagði Jón Steindórsson sem
ásamt fleirum hefur stofnað
nýtt skipafélag á Akureyri og
því sem næst gengið frá samn-
ingi um kaup á 900 tonna skipi
frá Noregi til millilandasigl-
inga.
, Jón sá um árabil um rekstur
Drangs á Akureyri áður en skipið
var leigt til siglinga við Flórida-
strendur. Hann hefur séð um
samninga í sambandi við nýja
skipafélagið og sagði að siglingar
réðust eftir þeim verkefnum sem
biðust hverju sinni.
Reiknað er með að hið nýja
skip verði aðallega í flutningum
með ferskan fisk frá Norður og
Austurlandi og flytji til baka
nauðsynjavörur til sönru lands-
hluta. Um frekari verkefni fyrir
skipið vildi Jón ekki tjá sig, en
sagði að það yrði gefið upp fljót-
lega. gej-
75% nýrra starfa verða
til á höfuðborgarsvæðinu
Hlutdeild landsbyggðarinnar í
nýjum störfum hefur minnkað
stórlega á síðustu árum. A 5
ára tímabili, frá 1980-1985,
urðu einungis 25% nýrra starfa
á landinu til utan höfuðborgar-
svæðisins. 65% þeirra urðu
hins vegar til á höfuðborgar-
svæðinu og 10% á Suðurnesj-
um. Á árunum 1974-1979 var
hlutdeild landsbyggðarinnar
næstum því helmingi meiri eða
49%.
Þetta kemur fram í skýrslu frá
- 94% nýrra starfa
Byggðanefnd þingflokkanna sem
kynnt var á þingi Fjórðungs-
sambands Norðlendinga á
dögunum. í þeim kafla skýrsl-
unnar sem fjallar um þróun
byggðar og atvinnulífs kemur
fram að frá 1964-1970 var hlut-
deild landsbyggðarinnar í nýjum
störfum á landinu öllu 31% og
36% frá 1971-1974. Sem fyrr seg-
ir jókst hlutdeild landsbyggðar-
innar um 13% á næstu 5 árum.
Hún var mest í útvegs- og fisk-
vinnslugreinum, 81% nýrra
starfa í þeim greinum varð til úti
á landi. í iðnaði og byggingar-
eru í þjónustugreinum
starfsemi urðu 56% nýrra starfa
til á landsbyggðinni og 36% nýrra
þjónustustarfa. Þessi þróun átti
sér stað á árunum 1974-1979 en
síðan hefur verulega hallað und-
an fæti.
í skýrslunni segir að hlutdeild
landsbyggðarinnar í nýjum störf-
um að undanförnu hafi ekki náð
því, sem nauðsynlegt hefði verið
til að jafnvægi héldist í byggða-
þróun. Á tímabilinu 1975-1979
urðu 79% nýrra starfa í þjónustu-
greinum en það hlutfall var kom-
ið í 94% árið 1984. Þessi þróun er
landsbyggðinni mjög óhagstæð
vegna hins mikla miðstöðvarhlut-
verks sem höfuðborgarsvæðið
gegnir. Þar er meginhluti þjón-
ustustofnana staðsettur og því
verða flest ný störf í þeim geira
atvinnulífsins til þar.
Það er einungis á sviði sjávar-
útvegsgreina og iðnaðar sem
landsbyggðin hefur meiri vöxt en
höfuðborgarsvæðið. Þar á móti
kemur verulegur samdráttur
starfa f landbúnaði. í öllum
flokkum þjónustu er vöxtur
höfuðborgarsvæðisins langt um-
fram landsbyggðina. BB
KAog
Völsungur
Í1. deild
Það var mikil stund í sögu
knattspyrnunnar á Húsavík í
gær, því þá kom í Ijós að
Völsungur hafði unnið sér
sæti í 1. deild að ári. Ekki
var gleðin minni fyrir norð-
lenska knattspyrnu í heild-
ina, þar sem KA vann sér
sæti að nýju í 1. deild eftir
tveggja ára veru í 2. deild.
Völsungur vann sigur á Ein-
herja frá Vopnafirði á laugar-
daginn með einu marki gegn
engu og voru þeir þá komtiir
nteð 35 stig. Það var því þýð-
ingamikill leikur sem fór fram
í Reykjavtk í gær þar sem
mættust Víkingur og KS frá
Siglufirði. Með sigri hefði
Víkingur getað klórað í bakk-
ann og síðan gcrt vonir Völs-
ungs að engu.
KA gulltryggði sa;ti í 1.
deildinni með góðum sigri á
Njarðvík 5-0 og 3 lið af
Norðurlandi eru því í 1. deild
að ári.
Oft hefur heyrst í forystu-
mönnum knattspyrnuliða af
Reykjavíkursvæðinu, þar sem
þeir segja að ferðakostnaður
sinna félaga sé óheyrilegur
þegar þurfi að fara út á land.
Aldrei hcyrist talað um kostn-
að liða sem þurfa aö fara utan
af landi til Reykjavíkur. Það
verður því forvitnilegt aö
heyra í þessum sömu mönnum
þegar þeir láta álit sitt í ljósi
varðandi þessi mál.
Til hamingju Völsungur og
KA.
Loðnuverð 20% lægra en í fyrra:
„Það fer enginn á
sjó fyrir þetta verð“