Dagur - 17.09.1986, Blaðsíða 2

2 - DAGUR - 17. september 1986
-viðtal dagsins.
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 480 Á MÁNUÐI
LAUSASÖLUVERÐ 50 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
FRÉTTASTJÓRI:
GYLFI KRISTJÁNSSON
RITSTJÓRNARFULLTRÚI:
BRAGI V. BERGMANN
BLAÐAMENN:
ÁSLAUG MAGNÚSDÓTTIR, EGGERT TRYGGVASON,
GESTUR E. JÓNASSON, GESTUR KRISTINSSON
(Blönduósi vs. 95-4070 hs. 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR
(Húsavík vs. 41585 hs. 41529), KRISTJÁN KRISTJÁNSSON,
MARGRÉT Þ. ÞÓRSDÓTTIR, RÚNAR ÞÓR BJÖRNSSON,
STEFÁN SÆMUNDSSON, ÞÓRHALLUR ÁSMUNDSSON
(Sauöárkróki vs. 95-5960 hs. 95-5729)
AUGLÝSINGASTJÓRI: FRÍMANN FRlMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
leiðari_______________________________
Miöjuflokkur - kjarninn
í flokkakerfinu
„Ég held að Framsóknarflokkurinn sé kominn
að þeim tímamótum og vegamótum að hann
eigi að spyrja sjálfan sig þeirrar spurningar
hvort hann hafi borið af leið og hvort ekki sé
þörf á að staldra við og horfa til átta, hvort
ekki sé nauðsynlegt að rétta kompásinn,"
sagði Ingvar Gíslason, alþingismaður, í
ágætri ræðu á SUF-þingi sem haldið var í
Eyjafirði fyrir nokkru.
Hann sagði að slíkt kostaði endurskoðun
innan flokksins og ýmiss konar endurnýjun,
endurskoðun stefnumála og baráttuaðferða
og eðlilega endurnýjun í þingliði og toppstöð-
um. „Mannfórnir einar sér eru að vísu
skammær lausn, ef hugsjónalegt endurmat er
látið liggja í láginni, “ sagði Ingvar ennfremur.
„Það er engin minnkun að því þótt Fram-
sóknarflokkurinn kalli sig „miðjuflokk“, enda
sé það orð skilið réttum skilningi. En það er
engin sjálfgefin kvöð á miðjuflokki að gjóa
sífellt til hægri eða vinstri til þess að leysa
tímabundnar stjórnarkreppur. Miðjuflokkur á
hvorki að vera eins og bjöllukólfur sem sveifl-
ast ýmist til hægri eða vinstri eftir því sem
kosningaúrslit verða eða eins og vísir á ónýtri
klukku sem alltaf bendir í eina átt. Öðru nær.
Miðjuflokkur á að vera kjarninn í flokkakerf-
inu, eins konar segull. Þangað eiga hreyfing-
ar samtímans að leita, þangað á straumurinn
að liggja. Þar á sundurgreiningin að eiga sér
stað. Þar á að skilja á milli þess sem er gott og
framsækið og þess sem er illt og afturvirkt,
þess sem er jákvætt og þess sem er neikvætt.
Með öðrum orðum: Miðjuflokkur á að vera
eins og flokkunarvél, sem greinir gott frá illu,
velur hið góða en kastar brott hinu illa.
Miðjuflokkur á að vera víðsýn þjóðmála-
hreyfing. Þetta er sú miðjustaða sem Fram-
sóknarflokkurinn á að sækjast eftir, ekki síst
nú þegar ætla má að kaflaskil séu fram undan
í þróun þjóðfélagsins, ekki einungis á íslandi
heldur hvarvetna í vestrænum heimi og um
heim allan."
Ingvar Gíslason sagði að þær hugsjónir
sem samrýmast ættu stefnu Framsóknar-
flokksins væru um réttlátt þjóðfélag, þar sem
hver maður er maður, þar sem jöfnuður nær
að ríkja og íslensku þjóðinni er tryggt fullt
sjálfstæði og þjóðfrelsi. „í þeim orðum er að
finna grundvöll framsóknarstefnunnar, “
sagði Ingvar Gíslason í ræðu sinni. HS
Örn Þórarinsson bóndi í Ökr-
um í Fljótum sem er meðal
yngri bænda í Fljótum hefur
látið sig innansveitarmál
nokkru skipta og setið í
hreppsnefnd í nokkur ár. Auk
þess hefur hann starfað nokk-
uð að félagsmálum, verið m.a.
formaður Ungmennasam-
bands Skagafjarðar í tvö ár.
Dagur hafði tal af Erni í einni
af hans mörgu kaupstaðarferð-
um til Sauðárkróks á dögun-
um. Örn er fæddur og uppal-
inn Fljótamaður og það var
árið 1973 sem hann tók form-
lega við búi á Ökrum.
Aðspurður sagði hann að ann-
að hefði vel komið til greina en
búskapurinn, hann hafi aldrei
verið neitt aðalatriði. En af sauð-
fénu hefði hann alltaf haft
gaman.
„Laxeldið kemur til með
að styricja byggðina“
- segir Örn Þórarinsson í Ökrum í Fljótum
- En hvað finnst Erni um
búskapinn undanfarin ár?
„Hvað búskapnum hjá mér
viðkemur, hef ég ekki þurft að
draga saman framleiðsluna vegna
kvóta eða þess háttar. Enda hef
ég aldrei verið með stórt bú,
svona hátt í þrjú hundruð fjár.
Það eru vextirnir sem eru að
drepa bændur í dag. Alla þá sem
skulda, sérstaklega yngri menn-
ina, þá sem hafa verið að fjár-
festa. Annars er búið að marg-
tyggja þessa hluti, það vita þetta
allir.“
- Hvað þarf að þínum dómi að
laga í landbúnaðinum?
„Þetta er stór spurning. Að
mínum dómi eru of margir bænd-
ur að framleiða of lítið til að geta
lifað af því. Fjölbreytni í land-
búnaðinum hefði átt að auka
mun fyrr og t.d. er loðdýrabú-
skapurinn ekki farinn að skila
neinum hagnaði enn sem komið
er, því miður. Þó er vonandi
framtíð í þeirri grein.“
- En hvað heldur þú um
byggðina í Fljótunum?
„Þessar miklu framkvæmdir
sem eru í laxeldinu núna koma til
með að styrkja byggðina veru-
lega. í Fljótalaxi starfa nú þegar
nokkrir og ársstörf við Miklalax,
þegar sú stöð verður komin upp,
eru sögð verða 5-7. Og svo veit
maður aldrei nema þessar stöðv-
ar eigi eftir að hlaða meira utan á
sig. En ég held að bændum hér
sem annars staðar eigi eftir að
fækka, það sé alveg óumflýjan-
legt. Það eru nokkrar jarðir hér
bæði í Austur- og Vestur-Fljót-
um sem fara í eyði með tíman-
um. En auðvitað verður búið
áfram hérna í Fljótunum, og það
er síður en svo verra að búa hér
en annars staðar. Hér er heldur
vænt fé sérstaklega í austur-sveit-
inni og og grasgefið sérlega í
Stíflunni, hér koma túnin græn
undan snjónum. Vetrarsamgöng-
ur hafa oft verið erfiðar og dæmi
eru til þess að fólk hefur ekki
tollað hér þess vegna. En vegir í
sveitinni hafa verið hækkaðir
mikið upp á síðustu árum og t.d.
hefur í sumar verið gerð bylting í
Flókadalnum báðum megin,
þannig að vetrarsamgöngur hafa
batnað mikið."
- En hvað um þjónustu við
íbúa sveitarinnar og félagslífið?
„Vörur eru fluttar frá Sauðár-
króki í verslunina á Ketilási einu
sinni í viku og bændur fá fóður-
bætir og annað sem þeir geta
ekki verslað hér heima með
bílnum. Lækni fáum við frá
Siglufirði einu sinni í hálfum
mánuði og mokstur einu sinni í
viku innan sveitar yfir veturinn ef
þess þarf. Félagslífið er ekki stór-
brotið en þó hugsa ég að það sé
ekki minna en annars staðar. Við
komum saman og spilum bridds
einu sinni í viku yfir veturinn og
höfum spilað mikið við Siglfirð-
inga. Kvenfélag höfum við hér
sem starfar þó nokkuð yfir vetur-
inn, en ungmennafélagið starfar
aftur eingöngu yfir sumarið.
Þessi félög halda bæði fjáröfl-
unardansleiki yfir sumarið í fé-
lagsheimilinu Ketilási, en þau
eiga húsið ásamt hreppunum. Þá
eru alltaf haldin þorrablót auk
einstaka skemmtana yfir vetur-
inn. Leikrit hafa verið sett upp
stöku sinnum, að mig minnir,
síðast vorið 1985. Um íþróttalíf í
sveitinni er það að segja að
skíðagangan sem Fljótamenn
voru þekktir fyrir hér áður hefur
að mestu legið niðri undanfarin
ár. Þó er ekki langt síðan við
sendum krakka á Andrésar-
Andarleikana og stóðu þau sig
ágætlega. Aðallega eru frjálsar
íþróttir og sund stunduð yfir
sumarið og keppendur sendir á
mót innan héraðs. En íþrótta-
áhuginn hefur sveiflast svolítið til
milli ára.“
- Nú hefur þú verið formaður
UMSS undanfarin ár, í hverju
felst aðalstarfsemi sambandsins?
„Hún er mest á sviði íþrótta og
þá aðallega frjálsra íþrótta og
sunds. Stærri félög innan sam-
bandsins eru með boltaíþróttirn-
ar. Við erum alltaf með frjáls-
íþróttaþjálfara yfir sumarið og
vorum reyndar með síðastliðinn
vetur einnig. Við stefnum að því
að verða með þjálfara og æfingar
í vetur og er það liður í undirbún-
ingi okkar fyrir Landsmót UMFÍ
sem verður haldið á Húsavík
næsta sumar. Stefnan er að fara
þangað með harðsnúið lið kepp-
enda í sem flestum greinum, en
ekki er ljóst hvort við komumst
með lið í boltaíþróttum á mótið
þar sem undankeppnunum er
ólokið. Árangur frjálsíþrótta-
fólks okkar á þessu ári hefur ver-
ið frekar góður. Okkar fólk stóð
sig vel á innanhússmótum syðra í
vetur og við fengum nokkra
íslandsmeistara í unglingaflokk-
um. Þá vann UMSS sig aftur upp
í aðra deild í Bikarkeppni FRÍ
með því að sigra í þriðju deildar
keppninni. Starfið byggist að
langmestu upp á íþróttastarf-
seminni, minna er orðið um starf-
semi á ýmsum öðrum sviðum eins
og var hjá ungmennafélagshreyf-
ingunni áður og sýnist mér sú
þróun einnig hafa orðið hjá öðr-
um héraðssamböndum.“
- Eitthvað sem háir starfsem-
inni sérstaklega?
„Það er ýmislegt. Eitt af því er
að fullorðna fólkið virðist ekki
hafa áhuga á íþróttum og þessari
starfsemi. Það var kannski tákn-
rænt í sumar, að síðustu helgina í
júlí, þegar Héraðsmót UMSS var
haldið á Feykisvelli, voru áhorf-
endur innan við tíu fyrir utan
starfsmenn og keppendur. Næstu
helgi á eftir um verslunarmanna-
helgina var Hestamót Skagfirð-
inga haldið á Melunum. Þangað
mættu um þúsund manns og þótti
ekkert mikið. Ekki þar með sagt
að ég sé neitt á móti hesta-
mennsku, það er bara gott ef fólk
hefur áhuga á einhverju og auð-
vitað á fólk að vera í því sem það
hefur áhuga á.“
- Átt þú þér eitthvert sérstakt
áhugamál Örn?
„Já ég býst við að ég geti sagt
að það sé skákin. Ég er búinn að
hafa gaman af að tefla síðan ég
var gutti. Ég veit nú ekki ástæð-
una hvers vegna ég fékk áhuga,
vegna þess að ég hafði engan til
að tefla við. En þegar ég var um
tíu ára að aldri fór ég að tefla
skákir upp úr blöðum og ég
hugsa að ég hafi lært mun meira á
því en að tefla við einhverja. Mér
finnst það því athyglisvert þegar
maður heyrir að þessi og þessi
unglingurinn sé efnilegur en hann
hafi engan til að tefla við. Mínum
styrkleika, þótt hann sé ekki
mikill, náði ég upp með því að
tefla upp úr blöðum. Nei ég hef
ekki mikið keppt á mótum, bara
á innanhéraðsmótum og nokkr-
um Norðurlandsmótum og er
minn besti árangur þar 3. sætið.
Þá hef ég teflt í bréfaskákmótum.
Það er geysilega gaman að
þessu,“ sagði Örn í Ökrum að
lokum. -þá