Dagur - 11.06.1987, Page 12
IMUR
Akureyri, fímmtudagur 11. júní 1987
Rafmagnsverkstœði
Önnumst viðgerðir á störturum, dínamóum
og öðrum rafmagnshlutum í bílum
Rafvélaverkstæði okkar er opið alla
virka daga frá kl.7.30-17.15
Góð varahlutaþjónusta
þÓRSHAHARHf.
Við Tryggvabraut • Akureyri • Sími 22700
Alþjóðlegt
Roundtableþing
á Akureyri
- gestir frá átta löndum
Næstkomandi föstudag og
fram á mánudag veröur haldið
á Akureyri alþjóðlegt þing
Rouudtable-klúbba nr. 5. Um
50 manns frá átta löndum eru
þegar farnir að streyma til
bæjarins, en gestir munu búa
Sauöárkrókur:
Verulegur
hagnaður
- á rekstri hitaveitunnar
í ársreikningum Sauðárkróks-
bæjar og stofnana hans kemur
fram að hagnaður var á öllum
veitunum þrem á síðasta ári og
er hann verulegur á hitaveitu,
rúmlega tíu og háif milljón.
Það er vitað mál að þessi hagn-
aður af rekstri hitaveitunnar skil-
ar sér ekki allur til hennar, all-
tént hefur svo ekki verið undan-
farin ár. í ársreikningunum kem-
ur fram að skuld bæjarsjóðs við
veiturnar jókst á síðasta ári úr 3,5
í 11,8 milljónir. Að nokkru leyti
var gert ráð fyrir þessari þróun í
fjárhagsáætlun bæjarins fyrir árið
1986. Tekjur vatnsveitunnar á
síðasta ári voru 6,644 milljónir og
nam hagnaður 2,083 millj. Tekj-
ur hitaveitunnar voru 22,461
milljónir. Rafveitan hafði 43,681
millj. í tekjur og þar var hagnað-
urinn 2,278 milljónir. -þá
Nafn drengs-
ins er lést
• Drengurinn er lést á aðfaranótt
laugardagsins 6. júní í Vagla-
skógi, hét Kristján Jakobsson.
Hann bjó í Vanabyggð 8c á
Akureyri og var aðeins 15 ára
gamall. VG
heima hjá klúbbfélögum hér.
Eflaust spyr nú einhver, hvað
er Roundtable? Pað er félags-
skapur karla innan við 40 ára
aldur. Einkunnarorð klúbbsins er:
„Að tileinka, aðhæfa og bæta
manninn." Á íslandi er klúbbur
nr. 5 á Akureyri og eru klúbbfé-
lagar 21. Þeir eru því einu
íslendingarnir sem taka þátt í
þinginu að þessu sinni. Aðrir
gestir eru frá Noregi, Svíþjóð,
Danmörku, Finnlandi, Englandi,
Austurríki, Luxemburg og Ítalíu.
Tilgangur þingsins mun nær ein-
göngu vera hugsaður sem
skemmtun, en Roundtable er
ólíkur öðrum „karlaklúbbum“ að
því leyti, að eiginkonur eru mikið
með. VG
Ólafur Guðmundsson, settur fræðslustjó
sinni í gær.
í Norðurlandi eystra, á skrifstofu
Mynd: RÞB
Olafur mættur til starfa
- tilbúinn að standa upp, segir Ólafur
- vona að hann verði sem lengst, segir Reynir Kristinsson
aðstoðarmaður menntamálaráðherra
Ólafur Guðmundsson settur
fræðslustjóri á Norðurlandi
eystra kom til vinnu á fræðslu-
skrifstofuna í gærmorgun. í
fylgd með Ólafi voru Reynir
Kristinsson aðstoðarmaður
menntamálaráðherra, Örlygur
Geirsson skrifstofustjóri,
Runólfur Birgir Leifsson deild-
arstjóri, Þórunn Hafstein lög-
fræðingur ráðuneytisins og
einnig var með í förinni Sveinn
Arason frá ríkisendurskoðun.
Reynir sagði ferð þeirra fimm-
menninga eðlilega þegar um
stjórnendaskipti væri að ræða.
„Við komum norður til að ræða
málin og vera viðbúin ef sérstök
málefni hefðu komið upp, en svo
var ekki,“ sagði Reynir. Óform-
legur fundur var haldinn á
fræðsluskrifstofunni í gær, en
hann sátu Már V. Magnússon og
Kristín Aðalsteinsdóttir auk
þeirra sem áður eru taldir.
Ólafur sagðist í samtali við
Dag vera kominn til starfa til
óákveðins tíma. Það ylti á hvert
framhald þessa máls yrði. „Ég
vona að Ölafur verði hér sem
lengst,“ sagði Reynir aðstoðar-
maður menntamálaráðherra.
Ólafur kvaðst tilbúinn til að fara
ef það mætti verða til þess að
leysa málið. „Ég er tilbúinn til að
standa upp hvort heldur er á
morgun eða seinna,“ sagði Ólaf-
ur.
Hann sagði útlitið friðsamlegt
og að sér litist ágætlega á sig,
hann ætti þó eftir að átta sig á
umhverfinu og stöðunni.
Starfsfólk fræðsluskrifstofunn-
ar sendi nýlega frá sér fréttatil-
kynningu þar sem m.a. segir að
full ástæða sé fyrir starfsfólk að
íhuga hvort vinnandi væri undir
því ámæli sem í ákvörðun
menntamálaráðherra fólst er
hann vék Sturlu Kristjánsyni úr
■starfi, en starf hans á fræðslu-
skrifstofunni hafi ekki verið ein-
angrað og úr tengslum við störf
annarra. Menntamálaráðherra
hafi með setningu Ólafs hundsað
vilja heimamanna og skoraði
starfsfólk á Ólaf að taka ekki
setningu í starfið svo ráðherra
fengi tækifæri til að finna frið-
samlega lausn á deilunni.
í samtali við starfsmann
fræðsluskrifstofunnar í gær kom
fram að ályktun þessi stæði enn
óhögguð. mþþ
125 ára kaupstaðarafmæli Akureyrar:
Fjölbreytt hátíðardagskrá
Eins og flestum er kunnugt á
Akureyri 125 ára kaupstaðar-
afmæli á þessu ári og verður
afmælið haldið hátíðlegt laug-
ardaginn 29. ágúst með fjöl-
breyttri hátíðardagskrá. Auk
hennar verður ýmislegt fleira
að gerast í tengslum við afmæl-
ið. Má þar nefna að ráðinn
hefur verið söguritari til að
skrá sögu bæjarins, gert er ráð
fyrir flugsýningu laugardaginn
22. ágúst, haldin verður glæsi-
leg iðnsýning í íþróttahöllinni
Skákþing Islands verður haldið
á Akureyri um miðjan sept-
ember, gefnir verða út sérstak-
ir minjagripir o.fl.
Dagskrá afmælisdagsins hefst
með komu forseta Islands til
Akureyrar um morguninn.
Bæjarstjórn mun síðan halda há-
tíðarfund milli kl. 10-10.30 og
sitja hann ýmsir gestir og verður
þeim boðið til hádegisverðar eftir
fundinn.
Eftir hádegi hefst útidagskrá
með veglegri skrúðgöngu, en hún
fer fram undir því skemmtilega
kjörorði „veðrið skiptir engu
máli.“ Hún endar í miðbænum
um kl. 15 en þar verður m.a. leik-
klúbburinn Saga með götu-
leikhús í gangi auk þess sem
ýmiss konar félagasamtök verða
með uppákomur. Stanslaus
dagskrá verður í gangi í miðbæn-
um og næsta nágrenni fram til kl.
17.
Um kvöldið frumsýnir Leikfé-
lag Akureyrar sérstaka Akureyr-
ardagskrá sem Eyvindur Erlends-
son leikstýrir en sú dagskrá verð-
ur sýnd í Iþróttaskemmunni. Enn
er verið að semja þessa dagskrá
og er það í höndum Eyvinds,
Óttars Einarssonar og Jóns
Hlöðvers Áskelssonar. Sýningin
verður uppfull af spaugi og
alvöru, tónlist ýmiss konar og
mörgu fleiru og verður í formi
heljarstórrar garðveislu. Sýning-
in verður einnig sýnd tvisvar á
sunnudag.
Iðnsýningin í íþróttahöllinni
stendur yfir dagana 27. ágúst til
6. september og verður hún opin
alla dagana frá kl. 14 til 22. Þegar
hafa um 40 fyrirtæki og þjónustu-
aðilar skráð sig á sýninguna.
Ýmsar uppákomur eru fyrirhug-
aðar til að kæta sýningargesti en
markmiðið er að hún verði fjöl-
breýtt, fræðandi og skemmtileg.
Framkvæmdastjóri sýningarinnar
hefur verið ráðinn Þorleifur Þór
Jónsson. JHB
Breytingar á
Ólafi bekk:
Tveggja
mánaða
seinkun
Nú eru fjórir mánuöir liönir
sjðan Ólafur bekkur, togari
Útgerðarfélags Skagfírðinga,
fór til Gdynia í Póllandi þar
sem fram fara umfangsmiklar
breytingar og lenging á skip-
inu. Upphaflega var reiknað
með að verkið tæki 4-4'á mán-
uð en nú er Ijóst orðið að skip-
ið verður erlendis í að minnsta
kosti tvo mánuði til viðbótar.
Þorsteinn Ásgeirsson fram-
kvæmdastjóri ÚÓ er nú nýkom-
inn frá Póllandi þar sem hann
fylgdist með framgangi verksins
og reyndi að flýta því eins og
mögulegt var.
Þorsteinn sagði í samtali við
Dag að ljóst væri að einhver
dráttur yrði á að verkinu lyki,
breytingarnar hefðu reynst meira
verk en ráðgert var. Þorsteinn
sagði að vissulega væri þetta
slæmt fyrir rekstur útgerðarfé-
lagsins og hraðfrystistöðvarinnar
þar sem sumarið dytti nú alveg
út hjá togaranum. Hraðfrystistöð-
in hefur frá því skipið fór aðeins
fengið hráefni frá Sólberginu,
sem að vísu hefur aflað vel.
Lengingu skipsins er nú lokið
en það var lengt um 6,6 metra.
Fyrir breytingarnar var togarinn
460 brúttólestir og sagðist Þor-
steinn ekki reikna með að það
færi yfir 500 brl. eftir stækkunina.
Þessa dagana er verið að koma
fyrir aðalvél skipsins. Heildar-
kostnaður við verkið er 100-110
milljónir. ET
Erfitt að fá
rjóma um
helgar
- „Pökkum ekki meira
en verslanirnar panta,“
segir Þórarinn E.
Sveinsson
„Við pökkum helst ekki meira
en búðirnar panta enda losn-
um við ekki við það sem við
liggjum með yflr helgi,“ sagði
Þórarinn E. Sveinsson, mjólk-
ursamlagsstjóri, þegar hann
var spurður hverju það sætti
að stundum væri erfítt að fá
keyptan rjóma um helgar, en
nokkuð hefur borið á því, nú
síðast um hvítasunnuhclgina.
Þórarinn sagði töluvert
umstang fylgja því að „starta upp
öllu apparatinu,“ og það væri
ekki gert þó það vantaði 15 lítra
af rjóma í eina eða tvær verslan-
ir. Nú um helgina hefði alls ekki
verið orðið rjómalaust í bænum
heldur hefði aðeins verið um
nokkrar verslanir að ræða sem
hefðu einfaldlega ekki pantað
nóg. Reynt hefði verið að bjarga
málunum með því að færa rjóma
á milli verslana. „En vandamálið
liggur sem sagt fyrst og fremst í
því að búðirnar panta ekki nægi-
lega mikið,“ sagði Þórarinn. JHB