Dagur - 18.11.1987, Side 2

2- DAGUR - 18. nóvember 1987
Nægur ylur
í Laugar-
hvammi
Fyrir nokkru var borað eftir
heitu vatni í landi Laugar-
hvamms í Lýtingsstaðahreppi.
Borað var niður á 136 metra og
fengust 4 1/sek. af 57,7 gráðu
heitu vatni.
Að sögn Sigurðar Friðriksson-
ar á Bakkaflöt, sem er nýbýli í
landi Laugarhvamms, er lengi
búið að vera tæpt með heitt vatn
úr uppsprettu í landu Laugarbóls
næst fyrir norðan. í Laugar-
hvammi er ylrækt stunduð í 3
gróðurhúsum og hefur í mestu
frostum að vetrinum stundum
þurft að skerpa á með rafmagns-
kyndingu í gróðurhúsunum. Þá
hefur íbúðahúsabyggingum verið
að fjölga á jörðinni og fyrirsjáan-
leg frekari fjölgun þeirra. í landi
Laugarhvamms búa 4 fjölskyld-
ur.
Borinn Loki frá Jarðborunum
ríkisins hefur undanfarið unnið
að tilraunaborunum vegna fisk-
eldisverkefnis Orkustofnunar á
svæðum í Lýtingsstaða- og Akra-
hreppi. Var hann notaður við
borunina í Laugarhvammi, en þó
var sú borun ekki inni í fiskeld-
isverkefninu. Síðasta tilrauna-
borholan í verkefninu var boruð
nú á dögunum við Þorleifsstaði.
Var þar á 70 metra dýpi komið
niður á rúmlega 50 gráðu heitt
vatn. -þá
Jón B. Gunnarsson
grásleppukarl á Húsavík:
„Eg ætla að fara
á grásleppu“
Jón Bergmann Gunnarsson
hefur stundað grásleppuveið-
ar frá Húsavík síðan 1965. En
á þessum árstíma stendur bát-
urinn hans Jóns uppi á landi,
ásamt mörgum öðrum meðan
Jón vinnur við beitningu fyrir
stærri bát. Dagur hitti Jón að
máli í beitningaskúrnum og
spurði hvernig honum litist á
fréttirnar af söluhorfum og
verði á grásleppuhrognum á
komandi vori.
„Mér líst nú ekki nógu vel á
þær, hitt er annað að ég tel útlit-
ið ekki eins svart og margir vilja
vera láta. í vor kom meira á
land heldur en undanfarin ár,
tuttugu þúsund tunnur í vor en
tíu þúsund árið áður og þessar
miklu veiðar Kanadamanna
spila inn í.“
- Heldurðu að það veiðist
jafn mikið næsta vor miðað við
sömu sókn?
„Það þarf að draga úr sókn-
inni með því að takmarka neta-
fjöldann."
- Hvað ætlar þú að gera?
„Ég ætla að fara á grásleppu
áfram en við gerum okkur alveg
grein fyrir því að það þarf að
minnka sóknina í þetta, það er
betra heldur en að láta verðið
hrapa niður. Núna er verið að
ræða þessi mál vítt og breitt um
landið og vonandi verður ein-
hver samstaða um að gera
eitthvað, í það minnsta um að
takmarka netafjölda og ásókn.“
- Nú hefur þú stundað grá-
sleppuveiðar í meira en tuttugu
ár, hvernig hafa veiðarnar
gengið?
„Þær hafa gengið svona upp
og ofan, verið nokkuð jafnar
undanfarin ár en þó hafa menn
fengið sama magn með auknum
netafjölda. Netafjöldinn var
gefinn alveg frjáls í vor og mér
finnst að það þurfi að takmarka
hann aftur. Það gengur ekki
upp þegar þarf að takmarka
veiðarnar að menn megi hafa
eins mikið af netum og þeir vilja
setja í sjóinn.“
- Finnst þér horfurnar vera
verri núna en þær hafa verið
áður?
„Söluhorfurnar eru verri en
veiðin hefur verið upp og ofan
Jón B. beitir iínu.
svo ekki er hægt að spá fyrir um
hana. Núna eru til meiri birgðir
en áður og söluhorfur slæmar
en þær geta náttúrlega skánað.
Það er vonlaust annað en ein-
Mynd: IM
hverjir stjórni veiðunum og það
þarf að komast að samkomulagi
og setja reglur aftur, og til þess
horfi ég á félagsskap trillusjó-
manna.
IM
í Innbænum á haustdegi.
Mynd: TLV.
Húsavík:
16 á biðlista hjá stjóm
veríomannabústaða
Hjá stjórn verkamannabú-
staða á Húsavík eru 16 fjöl-
skyldur og einstaklingar á bið-
lista eftir húsnæði og er það
lengsti biðlisti sem legið hefur
fyrir hjá stjórninni. Stjórnin
hefur gert áætlun um bygg-
ingaframkvæmdir og/eða kaup
á íbúðarhúsnæði næstu fjögur
ár, 1988 til 1991.
Miðast áætlunin við að byggja
ekki færri en 8-10 íbúðir, á
félagslegum grundvelli, til jafn-
aðar á ári, á þessu tímabili.
Stjórnin hefur gert tillögu til
bæjarstjórnar um byggingu 32-40
íbúða á tímabilinu og að sótt
verði um samþykki Húsnæðis-
Ferðamálasamtök Norðurlands:
Vilja ten
Keflavík ti
giflug
lAkui
um
Aðalfundur Ferðamálasam-
taka Norðurlands var haldinn
á Dalvík sunnudaginn 15.
nóvember.
Meðal þess sem rætt var á
fundinum var skipulag ferða-
mála, horfur og stefnur í ferða-
þjönustu, afkoma og möguleikar
í ferðaþjónustu, samstarf þjón-
ustuaðila, markaðsmál og upp-
lýsingastarfsemi þeirra sem þar
eiga hlut að máli. Þá kom fram á
fundinum að fyrirhugað er að
þeir sérleyfishafar sem aka til og
frá Akureyri starfræki sameigin-.
lega afgreiðslu á Akureyri sem
yrði þeim fjölmörgu sem þessa
þjónustu nýta tvímælalaust til
hagsbóta.
Á fundinum var samþykkt
ályktun sem beinir því til stjórnar
Flugleiða að nú þegar verði
könnuð hagkvæmni þess að á
sumaráætlun félagsins verði boð-
ið tengiflug frá Reykjavík um
Keflavík til Akureyrar. En eins
og segir í ályktuninni er fjöldi
ferðamanna erlendra sem inn-
lendra sem á engin erindi að reka
í Reykjavík en tekur þar gisti-
Akureyrar
rými sem myndi nýtast öðrum
sem nú er úthýst á sama tíma og
gistirými er til staðar á Norður-
landi.
Fráfarandi formaður Guð-
mundur Sigurðsson, Akureyri
var endurkjörinn en með honum
í stjórn fyrir næsta starfsár voru
kosin þau Jón Pétur Líndal,
Mývatni, varaformaður, Þorleif-
ur Þór Jónsson, Akureyri, Auður
Gunnarsdóttir, Húsavík, Júlíus
Snorrason, Dalvík, Guðmundur
Sigvaldason, Skagaströnd og
Viðar Ottesen, Siglufirði.
málastjórnar ríkisins og Bygg-
ingasjóðs verkamanna á þessari
áætlun.
Einnig óskaði stjórnin eftir að
skipulagt yrði svæði við Grundar-
garð sem mundi henta til bygg*
ingar fyrir sambýlishús, en deili-
skipulag fyrir slíka byggingu var
ekki fyrir hendi. Bæjarráð brást
fljótt og vel við þessari beiðni,
verk þetta er þegar komið í gang
og reiknað með að tillögur um
skipulag liggi fyrir fljótlega.
Snær Karlsson er formaður
stjórnar verkamannabústaða
Þegar Dagur ræddi við hann
vegna þessa máls sagði Snær að
þó að þessi langi biðlist lægi fyrir
vissi stjórnin ekki nákvæmlega
um þörfina fyrir húsnæði, þörfin
gæti verið meiri en hún gæti
einnig verið minni. Hugsanlega
hefðu einhverjir á biðlistanum
leyst sín húsnæðismál til bráða-
birgða eða til lengri tíma.
Aðspurður um orsökina fyrir
hinum langa biðlista sagði Snær
að hún væri trúlega sú að þeir
sem á annað borð rúmuðust
innan þessa kerfis, sæktu í aukn-
um mæli eftir að leysa húsnæðis-
mál sín á félagslegum grundvelli,
Fólki virtist ekki þykja fýsilegt að
fjárfesta í húsnæði á frjálsum
markaði og þó eignarhluti í hús-
næði á félagslegum grundvelli
væri ekki stór, væru þeir pening-
ar þó verðtryggðir meðan ákveð-
ið happdrætti gæti verið við að
selja eignir á frjálsum markaði.
Húsavíkurkaupstaður hefur
sótt um lán til byggingar eða
kaups á sex verkamannabústóð-
um og fimm leiguíbúðum en ekki
er búið að afgreiða umsóknina.
Snær sagði að Bæjarstjórn Húsa-
víkur hefði alltaf haft mikinn og
góðan skilning á þessum mála-
flokki og átt mjög gott samstarf
við stjórn verkamannabústaða.
Áætlunin sem stjórnin hefður
gert er byggð á biðlistanum og
reynslu síðustu fjögurra ára í þess-
um efnum. Snær sagði að svara
þyrfti þessari húsnæðisþörf og
auk þess væri trúlega þörf á að
byggja eitthvað af leiguíbúðum,
menn kæmu hér til að vita hvernig
þeim litist á staðinn og atvinnulíf-
ið áður en þeir væru tilbúnir til að
fjárfesta í húsnæði. IM
Kaupir Akureyr-
arbær Gránu-
félagsgötu 6?
Á fundi bæjarráðs 5. nóvem-
ber var lögð fram matsgerð
vegna húseignarinnar Gránu-
félagsgötu 6, Akureyri. Bæjar-
lögmanni hefur verið falið að
ganga til samninga við eigend-
ur um kaup á eigninni á grund-
velli matsgerðarinnar.
Gránufélagsgata 6 er tvílyft
steinhús, pússað að utan með
skeljasandi. Húsið stendur við
gatnamót Geislagötu og Gránu-
félagsgötu, beint vestan við
Sjallann. Fyrir nokkrum mánuð-
um fóru eigendur eignarinnar
þess á leit við Akureyrarbæ að
bærinn keypti húsið.
Að sögn bæjarlögmanns,
Hreins Pálssonar, er ekkert því
til fyrirstöðu ef samningar nást
um verðið en niðurstöðutala
matsnefndarinnar var kr
4.530.000.-. EHB