Dagur - 18.11.1987, Síða 7

: t/V'k i9vmiv«vpi .íj i íiyMíí» vJ_ yJ
18. nóvember 1987 - DAGUR - 7
Óskar Húnfjörð.
- Er mikið um að sama fólkið
komi aftur og aftur?
„Já, það er einmitt fólkið sem
lætur sjá sig oftar en einu sinni
sem hvetur mann til að gera enn
betur. Við erum með okkar föstu
viðskiptavini það er alveg á
hreinu."
- Höfðuð þið ekki einhver
leynivopn í handraðanum þegar
þið fóruð af stað?
„Jú, það má kannski segja það.
Ef málið er skoðað í kjölinn þá
var ekki fært að búa bara til fal-
legar innréttingar, það varð að
koma verulega meira til það var
okkur fullljóst strax. Því er það
að við fáum til okkar í byrjun
verðlaunabakara, til að tryggja
að farið verði af stað með vöru
sem stæðist samanburð við það
besta sem var að gerast á megin-
landi Evrópu. Þessi bakari hafði
þetta sama ár og hann kom til
okkar verið kosinn efnilegasti
ungi bakarinn í Danmörku og var
hann hjá okkur á annað ár. Það
verður að segjast eins og er að
þessi danski bakari á ríkan þátt í
því að þetta tókst ailt saman jafn
vel og raun ber vitni, það er á
hreinu. Okkur hefur líkað mjög
vel við Danina því að í dag eru
þrír danskir bakarar starfandi hjá
okkur.“
- Hver er aðdragandinn að því
að þið opnið kökuhús í Skagfirð-
ingabúð?
„I sambandi við umsvif okkar á
Sauðárkróki, þá var það þannig
að Kaupfélag Skagfirðinga
ákveður að stórbæta aðstöðuna
hjá sér í Skagfirðingabúð, í
sambandi við sölu á kökum og
brauði. Þeir leituðu til okkar og
það varð að samkomulagi milli
okkar að við legðum Skagfirð-
ingabúð til sams konar vöru og
við erum með í okkar eigin köku-
húsi. Það er rétt að það komi
fram, að það er K.S. sem á og
rekur þessa aðstöðu í Skagfirð-
ingabúð. En sem sagt eins og
áóur er sagt þá völdu þeir okkur
til þess að koma með nýja vöru á
hverjum einasta degi til Sauðár-
króks, og það höfum við gert og
ekki annað á undirtektum fólks
að sjá en að því líki þjónusta
okkar vel.“
- En nú eru fleiri bakarí á
Sauðárkróki, er ekki að bera í
bakkafullan lækinn að sækja á
þau mið, eruð þið ekki hræddir
við samkeppnina?
„Nei, við samkeppni höfum
við aldrei verið hræddir, álítum
að hún sé af hinu góða, þ.e.a.s.
ef heiðarlega er að henni staðið.
Við höfum sýnt að samkeppnina
getum við staðið af okkur og
verðum áfram á Sauðárkróki og
að sjálfsögðu stefnum við á að
veita eins góða þjónustu og unnt
er og helst aðeins betri en þá
bestu.“ pbv
Sjónvarpið:
Guðni ráðinn
varafréttastjóri
Skipulagsbreytingar hafa verið
gerðar á Fréttastofu Sjón-
varpsins, og hefur Guðni
Bragason verið ráðinn vara-
fréttastjóri - erlendar fréttir.
Guðni Bragason er fæddur í
Reykjavík 1957. Stúd. frá MR
1977. Hann stundaði nám í bók-
menntum og fjölmiðlafræði við
Ludwig Maximiliansháskólann í
Munchen í Vestur-Þýskalandi
1977-’83, og tók M.A. próf í fjöl-
miðlun frá New York University
í Bandaríkjunum 1985. Síðan
hefur hann verið fréttamaður hjá
Sjónvarpinu.
Hann er kvæntur Hope Milling-
ton blaðamanni.
Skipurit yfirstj.órnar
Nýja stjórnkerfið verður mun einfaldara og auðveldara fyrir bæjarstjóra að
fylgjast með því sem er að gerast í stofnunum bæjarins.
an veitumálefna og hafa þeir gert
grein fyrir afstöðu sinni til til-
lagna stjórnkerfisnefndar. Lagt
er til að veitustofnanirnar þrjár
sameinist í eina stofnun en þó
verði óbreytt skipulag fyrst um
sinn. Forstöðumanni tæknisviðs
verði fyrst um sinn falið hlutverk
samræmingaraðila í málefnum
veitustofnana. Einnig skal unnið
að breyttu skipulagi með sam-
runa verkþátta þessara stofnana.
Skipulagning tæknisviðs
og veitustofnana
Að sögn bæjarstjóra, Sigfúsar
Jónssonar, er aðalhöfuðverkur-
inn skipulagning tæknisviðs. Þar
er ekki endanlega ljóst hvernig
skiptingin verður milli einstakra
deilda tæknisviðs. Hvað veitu-
stofnanir varðar komu fram
ákveðnar efasemdir frá stjórn-
kerfisnefnd og veitustjórum um
ágæti þess að sameinast strax í
eina stofnun. Karl Kristjánsson
samdi ákveðna skýrslu um hag-
ræðingu innan veitustofnana sem
ekki hefur verið dreift annað en
innan stjórnar veitustofnana. í
þessari skýrslu er tekið á málefn-
um einstakra starfsmanna og að
hægt væri að ná fram gífurlegri
rekstrarhagræðingu með samein-
ingu en það væri þó bundið því
að stofnanirnar væru allar í sama
húsnæði.
Tvennt ræður því að ekki er
unnt að sameina veitustofnanir
strax. í fyrsta lagi húsnæðisleysi
og í öðru lagi mannlegi þátturinn
en að sögn Sigfúsar vilja menn
komast hjá uppsögnum. Fækkun-
in hjá veitustofnunum verður því
smám saman á þann hátt að ekki
verða ráðnir nýir starfsmenn fyrir
þá sem segja upp störfum auk
þess sem einhverjir starfsmenn
fara á eftirlaun vegna aldurs, t.d.
vatnsveitustjóri. Sigfús Jónsson,
bæjarstjóri, sagði að áætlað væri
að fullkominn samruni veitustofn-
ana væri verkefni sem tæki mörg
ár. Sá rekstrarhagnaður sem
fengist af sameiningunni væri
fljótur að fara ef strax þyrfti að
byggja yfir stofnanirnar. Tveir
staðir kæmu til greina sem fram-
tíðarsvæði, við Tryggvabraut eða
á Rangárvöllum. Síðari kostur-
inn virðist vera hagstæðari.
Þá hafa farið fram miklar
umræður um hvort framtíðar-
skrifstofa veitustofnana eigi að
vera í núverandi aðalskrifstofu
bæjarins eða á sama stað og
athafnasvæði veitustofnana
verður. Um þetta eru skiptar
skoðanir og engin ákvörðun hef-
ur enn verið tekin í málinu. Að
sögn bæjarstjóra verður að reisa
nýja slökkvistöð á Akureyri og
rýma jarðhæð hússins Geislagötu
9 og hugsanlega byggja við húsið
að vestanverðu. Með því móti
stækkaði skrifstofuhúsnæði
bæjarins um 7-800 fermetra.
Jón, Stefán og Valgarður
Mikið hefur verið rætt unt hverjir
verði yfirmenn sviðanna fjögurra
sem starfsemi bæjarins skiptist á.
Nú er talið nær öruggt að Jón
Björnsson, félagsmálastjóri,
verði yfirmaður félags- og
fræðslusviðs, Valgarður Bald-
vinsson, bæjarritari, verði yfir-
maður fjármála- og stjórnsýslu-
sviðs og Stefán Stefánsson,
bæjarverkfræðingur, Verði yfir-
maður tæknisviðs. Vegna þess
hversu sameining veitustofnana
virðist eiga langt í land hefur eng-
inn ákveðjnn aðili verið nefndur
sem yfirmaður þess sviðs.
Jóni Geir Ágústssyni, núver-
andi byggingafulltrúa, er ætlað
stærra hlutverk á sviði byggingar-
mála í framtíðinni en hann hefur
nú.
Þegar bæjarstjóri var spurður
þeirrar spurningar hvort væntan-
legir yfirmenn deilda og sviða
bæjarins yrðu æviráðnir svaraði
hann því með því að benda á að
þessir menn væru flestir æviráðn-
ir hvort eð væri og því væri
aðeins um að ræða breytingu á
starfssviði þeirra. í framtíðinni
yrði þó æviráðningum vonandi
hætt.
Bæjarstjóri tók frant að ekki
væri um að ræða að nýtt skipurit
fyrir stjórnkerfi bæjarins kæmi til
framkvæmda ákveðinn dag.
Forsendan væri sú að húsnæðis-
mál yrðu kontin í lag og viðkom-
andi stofnanir komnar undir eitt
þak. Reiknað væri með að skrif-
stofur Rafveitu Akureyrar yrðu
rýmdar og tæknimál bæjarins
kæmu þar inn. Þetta verður þó
ekki fyrr en húsnæði hefur fund-
ist fyrir Veitustofnun Akureyrar
eða nýtt byggt.
Að svo komnu máli virðist sem
aðalvandamálið sé að skipuleggja
undirdeildir tæknisviðs, en
stjórnkerfisnefnd hefur ekki gert
neinar ákveðnar tillögur um
nákvæma skipan þeirra mála.
Eitt af því sem ljóst er að verður
viðkvæmt er hverjir verði skipað-
ir yfirmenn deildanna. Bæjar-
stjóri var sérstaklega spurður um
framtíð húsameistaraembættisins
og svaraði hann því að ekki hefði
verið tekin endanleg ákvörðun
um róttækar breytingar, t.d. að
leggja það embætti niður. Af
ýmsu virðist þó mega draga þá
ályktun að húsameistari verði
deildarstjóri innan tæknisviðs en
hvort núverandi starfsmenn
húsameistara verða áfram undir
hans stjórn er ekki vitað.
Bæjarstjóri sagði að lokum að
ljóst væri að mikil endurskipu-
lagning myndi eiga sér stað innan
tæknisviðs og útilokað væri að
finna lausn sem allir væru ánægð-
ir með. Það skapaði vissulega
óvissuástand meðal starfsmanna
meðan ekki væri vitað hverjir
yrðu yfirmenn einstakra deilda.
Ástæðan fyrir því að svo mjög
hefði dregist að komast að niður-
stöðu um það efni lægi m.a. í því
að nauðsynlegt hefði verið að
gefa starfsmönnunum tækifæri á
að segja hug sinn um þetta atriði
og fleiri sem tengjast breytingun-
um. Boðað hefði verið til fundar-
ins í Borgarbíói í þessu skyni.
Seinni umræða um stjórnkerfis-
breytingarnar fer fram eftir mán-
uð á fundi bæjarstjórnar 15.
desember en þá vænta menn þess
að nánari tillögur liggi fyrir um
deildir innan sviðanna. EHB
AKUREYRARBÆR
.............i.,mm....
—;---:— —_____________
Viðtalstímar
bæjarfulltrúa
Fimmtudaginn 19. nóvember 1987 kl. 20-22
veröa bæjarfulltrúarnir Freyr Ófeigsson og Heimir
Ingimarsson til viðtals í fundarstofu bæjarráös í
Geislagötu 9, 2. hæð.
Bæjarstjóri.
★ Bankastarf ★
Við leitum að starfsmanni til starfa
hjá sparisjóði við alhliða bankastörf.
Verslunarmenntun og eða reynsla við sambærileg
störf æskileg.
Vinnutíminn er frá kl. 11 til 17 (81%)
Nánari upplýsingar aðeins veittar á skrifstofunni.
IAV
1
FELL Hf. Kaupvangsstræti 4 - Akureyri • slmi 25455