Dagur - 05.01.1988, Blaðsíða 7

Búnaðurínn samanstendur af neyðarhnappi og móttökuboxi sem tengt er við
stjórnstöð.
tilvika var um neyðartilfelli að
ræða. Oft var um óvarkárni að
ræða, fólk rak hnappinn í eða
studdi óvart á hann, en mikið var
um að gamalt fólk hafði dottið og
legið hjálparvana og einnig var
nokkuð um útköll vegna hjarta-
kasta eða brjóstverkja.
„I ljósi þessarar tilraunar
ákvað tryggingaráð að ganga til
samninga við Securitas. í niður-
stöðunum segir m.a. að flestir
þátttakendur segja hnappinn
gefa sér aukna öryggistilfinningu
og hjálpi sér mikið við að búa
heima. Þeir einstaklingar sem í
byrjun kvörtuðu og töldu hann
ekki eiga erindi inn á sitt heimili
skiptu um skoðun. Peir einstakl-
ingar sem þurftu að nota hnapp-
inn eru undantekningalaust mjög
ánægðir með viðbrögð við útköll-
um,“ sagði Árni og bætti við því
að nú væru um eða yfir 200
hnappar tengdir í Reykjavík.
Við snerum okkur næst að
Akureyri í spjalli okkar. Securitas
hefur rekið vaktþjónustu á Akur-
eyri í 4-5 ár en ekki haft
stjórnstöð, en stjórnstöð er for-
senda fyrir því að hægt sé að setja
upp neyðarhnappa, eins og fram
hefur komið.
Neyðarhnappar verða
vonandi settir upp
á Akureyri á vordögum
- Eru neyðarhnapparnir þá ekki
væntanlegir til Akureyrar?
„Ja, málin hafa verið rædd við
nokkra bæjarráðsmenn og það er
ljóst að verulegur áhugi er á því
að geta komið upp slíkri þjón-
ustu en það segir sig sjálft að
býsna umfangsmikið mannahald
þarf að vera í kringum
stjórnstöð. Við verðum að sjá
hvað kemur út úr þessum umræð-
um sem eru að fara í gang í
bænum. Við teljum það æskilegt
að bærinn komi inn í þetta dæmi
til að flýta þróuninni, en þegar
við erum að tala um að bærinn
komi inn í þetta erum við að tala
um að hann greiði beint ákveðið
hlutfall af rekstrarkostnaði
stjórnstöðvarinnar. Við höfum
allan þennan tæknibúnað tiltæk-
an til að hrinda þessu í
framkvæmd, við höfum útistand-
andi vakt sem við gætum nýtt í
sambandi við þessa þjónustu og
við erum líka tilbúnir að leggja til
húsnæði. Frá því ákvörðun hefur
verið tekin þarf ekki að líða
nema mánuður þar til kerfið
verður komið í gang.“
- Teljið þið brýnt að koma
þessari þjónustu á sem fyrst?
„Já. Það hefur töluvert verið
hringt hingað vegna þeirrar
umræðu sem hefur átt sér stað í
þjóðfélaginu. Fólk hefur verið að
spyrjast fyrir um þessa þjónustu
og við erum sannfærðir um að
þörfin er brýn. Draumur okkar er
sá að hér verði komið Securifon
kerfi á vordögum. Það fer náttúr-
lega eftir því hver viðbrögðin
vera hjá bænum. Ef við förum að
standa einir að kostnaðinum þá
sér hver heilvita maður að það
gengur ekki upp. En það sem
ávinnst, það er spurning hvort
hægt sé að meta það í beinhörð-
um peningum, að gefa fólki
möguleika á að búa lengur
heima, losna við hræðslutilfinn-
ingu og létta þrýstinginn á stofn-
anir í bænum en menn þurfa að
bíða í áraraðir eftir því að kom-
ast inn á þessar stofnanir. Þegar
maður hugsar um ávinninginn
verður tilkostnaðurinn sáralítill.
Margir hafa spurt mig um
skilyrðin fyrir því að fá að tengj-
ast þessu kerfi, eða hverjir fá nið-
urgreiðslur frá Tryggingastofnun.
Þetta fólk hefur sagt að það skipti
ekki öllu máli þótt það falli ekki
undir þann flokk, fjölskyldan
myndi þá sameinast um að greiða
kostnaðinn af þessu öryggistæki
og vita þá af ættingja sfnum
öruggum. Við sjáum í rauninni
þróunina þannig að þessi ákvæði
verði verulega rýmkuð.“
Árni sagðist sjá margs konar
ávinning af því að setja upp
stjórnstöð á Akureyri. Til dæmis
væru nokkur fyrirtæki tengd með
Robofon kerfi við stjórnstöðina í
Reykjavík og þá myndu þau að
sjálfsögðu verða flutt í stjórn-
stöðina á Akureyri. „Þá væri
einnig hægt að færa einhverjar af
þeim tengingum sem eru á lög-
reglustöðinni á Akureyri inn í
stjórnstöð hjá okkur. Síðan skap-
ast möguleiki fyrir alls kyns við-
vörunarkerfi sem ekki hafa verið
fyrir hendi hér.“
- Ég held að fólk ætti nú að
vera orðið margs vísara um neyð-
arhnappana, en eitthvað að lok-
um Árni?
„Ég hef trú á því að þetta sé
töluverður hópur sem bíður eftir
því að neyðarhnapparnir verði
settir upp og ég vona bara að úr
rætist sem allra fyrst.“ SS
„Við erum að spara þjóðfélaginu stór útgjöld við rekstur elliheimila og sjúkrahúsa.“
5. janúar 1988 - DAGUR - 7
Vinningstölur 2. janúar
Heildarvinningsupphæð kr. 11.920.864.-
1. vinningur kr. 7.320.845.-
Skiptist á milli 7 vinningshafa kr. 1.045.835.-
2. vinningur kr. 1.378.240.-
Skiptist á milli 548 vinningshafa kr. 2.360,-
3. vinningur kr. 3.221.779.-
Skiptist á milli 18.623 vinningshafa sem fá 173.- kr. hver.
*mÉBÉ532
VERKMENNTASKÓLINN
Á AKUREYRI
Stundaskrár
vorannar verða afhentar gegn greiðsfu
skóla- og efnisgjalda á Eyrarlandsholti mið-
vikudaginn 6. janúar.
Kennsla hefst samkvæmt stundaskrá í dagskóla
fimmtudaginn 7. janúar.
Kennarafundur verður haldinn miðvikudaginn 6.
janúar kl. 09.00 árdegis.
Skólameistari.
VERKMENNTASKÓLINN
Á AKUREYRI
Skráningu fyrir
vorönn í öldungadeild
lýkur föstudaginn 8. janúar.
Innritunargjald er kr. 4.800.
Kennsla hefst mánudaginn 18. janúar og verða
stundaskrár afhentar á sal skólans á Eyrarlandsholti
kl. 18.00 þann dag.
Innritun á sjókokkanámskeið lýkur einnig föstu-
daginn 8. janúar.
Skólameistari.
Vinsældalisti
Hljóðbylgjunnar
- Vinsælustu lög ársins 1987
Topplög ársins 1987
Vikur
Sæti Lag Flytjandi V.át. Frá-til álista
1. Járnkarlinn .. Bjartmar Guðl. og Eiríkur Fjalar 4 13/11-11/12 5
2. Bad Michael Jackson 3 19/09-17/10 12
3. Never gonna give you op . Rick Astley 2 17/10-30/10 7
4. Pump up the volume M/A/R/R/S 1 30/10-0611 8
5. Inn í eilífðina .. Karl Örvarss. og Ólöf Valsd. 1 06/11-13/11 5
6. Truefaith New Order 1 7
Lög sem lengst hafa verið á lista
Sæti Lag Flytjandi Frá-til Vikur á lista
1. Causing a commotion Madonna 19/09-04/12 11
2. Loner Gary Moore 19/09-27/11 7+3= =10
3. Voyagevoyage 19/09-27/11 10
4. Toy boy 19/09-27/11 10
5. I don‘t wanna be a hero ... .. Jhonny hates jazz 19/09-20/11 9
6. Tomorrow ... The communards 19/09-20/11 9
Vinsældalisti Hljóðbylgjunnar óskar' hlustendum sínum svo sem Norðlend-
ingum öllum gleðilegs árs og þakkar samfylgdina á árinu 1987.
Vinsældalistinn er valinn á föstudagskvöldum milli kl. 20 og 22 í símum
27710 og 27711. Listinn er síðan spilaður á laugardagskvöldum milli kl. 20
og 23, auk þess sem ný lög eru kynnt.