Dagur - 15.04.1988, Síða 1
71. árgangur
Akureyri, föstudagur 15. apríl 1988
72. tölublaö
Græddi Suðurveifc milljónir
á vegagerð yfir Víkurskarð?
Skagaströnd:
Rekstrar-
erfiðleikar
hjá Marska
- starfsemi liggur
að mestu niðri
Marska hf. á Skagaströnd á nú
í verulegum rekstrarerfiðleik-
um og liggur starfsemi þar að
mestu niðri. Fyrirtækið var
stofnað á árinu 1985 og hefur
framleitt margskonar fiskrétti.
Mikið fjármagn er komið í að
byggja fyrirtækið upp og búa það
tækjum, þó enn hafi ekki tekist
að ná markaðssetningu fyrir
framleiðsluna erlendis.
Skagstrendingar eru ekki
þekktir fyrir að láta deigan síga
þó á móti blási og er nú unnið að
endurskipulagningu og endur-
fjármögnun á fyrirtækinu. Einnig
er unnið að því að markaðssetja
væntanlega framleiðslu á erlend-
um mörkuðum í samstarfi við
fyrirtæki sem annast útflutning á
fiskafurðum.
Ekki liggur enn fyrir hvort
næst að endurreisa starfsemi
Marska en Skagstrendingar
munu standa fast saman um að
láta það takast.
Rekstur Rækjuvinnslunnar á
Skagaströnd gekk heldur ekki vel
á síðasta ári en Hólanes hf. hefur
nú keypt 92% af hlutafé hennar.
Atvinna hefur verið næg á
Skagaströnd og íbúum fjölgað
þar á undanförnum árum fh
Menntaskólinn
á Akureyri:
Hægt miðar í
húsnæðismálum
Af húsnæðismálum Mennfa-
skólans á Akureyri er það að
frétta að í athugun er að hefja
undirbúningsvinnu við fyrsta
áfanga að kennsluhúsnæði í
sumar en það mun skýrast síð-
ar hvort fjármagn fáist til þessa
verkefnis.
Jóhann Sigurjónsson skóla-
meistari sagði að húsnæðismálum
Menntaskólans miðaði hægt áfram
því nú væri höfuðáhersla lögð á
framkvæmdir við Verkmennta-
skólann.
„Verkmenntaskólinn er kom-
inn langt á eftir áætlun. Hefði
hann verið búinn árið 1990 eins
og gert hafði verið ráð fyrir hefði
verið upplagt að byrja á húsnæði
fyrir Menntaskólann. Eins og
útlitið er í dag verður fram-
kvæmdum við skólann frestað en
þetta mun væntanlega skýrast í
sumar er fagráðuneytin skila til-
lögum sínum til hagsýslunnar,"
sagði Jóhann.
Hann sagði að í vetur hefði
verið unnið við viðhald í heima-
vistinni og í sumar yrði ráðist í
endurbætur á gamla skólanum.
Hann sagði að sú fjárveiting sem
skólinn fékk til viðhalds hefði
nýst ágætlega þótt ekki hefði hún
verið há. SS
„Þaö er óskaplega eðlilegt að
menn séu óánægðir sem missa
af verkum og þessi mál hafa
komið alla leið til Alþingis í
fyrirspurnarformi. En við telj-
um okkur ekki vanbúna til að
rannsaka námur o.fl. í sam-
bandi við útboð,“ sagði Helgi
Hallgrímsson, forstjóri tækni-
deildar Vegagerðar ríkisins í
Reykjavík, en þær raddir hafa
heyrst hjá verktökum að ein-
stakir menn hafi stórgrætt á
útboöum Vegagerðarinnar
vegna ónógrar upplýsinga-
öflunar þeirra síðarnefndu.
Heigi sagði að það væri ekkert
nýtt að slíkar sögur færu af stað.
Einnig hefði borið talsvert á sög-
um í þá veru að verktökum væru
reiknaðar alls konar bætur eftir á
vegna breyttra aðstæðna á
verkstað, breyttra forsenda,
ónákvæmni í gögnum og annað
slíkt. „Þetta eru meira sögur en
sannindi og við höfum nokkrum
sinnum gert úttektir á þessu. All-
ar breytingar sem falla til í
verkum, en verkefni eins og
vegagerð verður aldrei skilgreind
og magnsett til hlítar fyrirfram,
slíkt er ekki vinnandi vegur eru
óverulegur hluti heildarsamnings-
upphæðar verka," sagði Helgi
og bætti því við að vissulega gætu
tæknimenn Vegagerðarinnar gert
mistök eins og aðrir við útreikn-
ing verka.
Víkingur Guðmundsson, for-
maður bílstjórafélagsins Vals í
Eyjafirði, er ekki sömu skoðunar
og Helgi. „Þetta er blekking sem
Vegagerðin hefur haft í frammi
til að slá ryki í augun á fólki og
vopnin úr höndum okkar sem
erum að reyna að halda á rétti
okkar. En eitt gleggsta dæmið
um þetta er vegarlagningin frá
Svalbarðseyri út að Víkurskarði.
Suðurverk bauð í þetta verk og
fékk það samkvæmt þeirri verk-
lýsingu frá Vegagerðinni að
náman, sem undirlagið átti að
taka úr, var rétt norðan og austan
Leiruvegar.
Suðurverksmenn komu norður
og skoðuðu námuna sem notuð
var til efnisöflunar í veginn yfir
Víkurskarð. Þeir sáu strax að
þarna var miklu hentugra að taka
efnið en í sjónum og miðuðu sitt
tilboð við það. Þeir fóru aldrei
með neina einustu vél í sjóinn og
þurftu ekki nema tiltölulega
þunnt burðarlag af vatnsþveginni
möl úr Fnjóskáreyrum. Þetta var
stórgróðaverk fyrir Suðurverk og
þeir sögðu eftirá að þeir hefðu
aldrei boöið í verkið eins og
Vegagerðin lýsti því, slíkt hefði
ekki verið framkvæmanlegt fyrir
þennan pening,“ sagði Víkingur.
EHB