Dagur - 23.08.1988, Blaðsíða 4

4 - DAGUR - 23. ágúst 1988
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 24222
ÁSKRIFT KR. 800 Á MÁNUÐI
LAUSASÖLUVERÐ 70 KR.
GRUNNVERÐ DÁLKSENTIMETRA 530 KR.
RITSTJÓRAR:
ÁSKELL ÞÓRISSON (ÁBM.)
BRAGI V. BERGMANN
BLAÐAMENN:
ANDRÉS PÉTURSSON
(Reykjavík vs. 91-17450, pósthólf 5452, 105 Reykjavík),
ÁSLAUG MAGNÚSDÓTTIR, BJÖRN JÓHANN BJÖRNSSON
(Sauöárkróki vs. 95-5960), EGILL BRAGASON,
FRÍMANN HILMARSSON (Blönduósi vs. 95-4070),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, KRISTJÁN JÓSTEINSSON,
KRISTJÁN KRISTJÁNSSON (íþróttir), STEFÁN SÆMUNDSSON,
VILBORG GUNNARSDÓTTIR,
LJÓSMYNDARAR: GUÐMUNDUR HRAFN BRYNJARSSON,
TÓMAS LÁRUS VILBERGSSON,
AUGLÝSINGASTJÓRI: FRÍMANN FRÍMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
viðtal dagsins
Hin nýi alþjóðaforseti Lions, Austin P. Jennings, afhendir Hcrnianni Árnasvni fána sinn á alþjóðaþinginu í suniar.
Reykjavíkur-
flugvöllur og
framtíðin
í kjölfar þess hörmulega slyss, sem varð við
Reykjavíkurflugvöll nýlega kom upp sú
umræða að flytja flugvöllinn út úr Reykjavík
og þá jafnvel til Keflavíkur. Ýmsir stjórnmála-
menn brugðust skjótt við og lýstu áhuga sín-
um á málinu og einn þingmaður Reykvíkinga til-
kynnti að hann myndi leggja fram þingsálykt-
unartillögu í upphafi næsta þings þar sem far-
ið verði fram á athugun á hugsanlegum flutn-
ingi á flugvellinum út úr höfuðborginni.
Við þessu má í fyrsta lagi segja það, að
flugvöllur sem slíkur verður varla fluttur þar
sem hann er það landflæmi sem flugvélar
lenda á. Hitt er annað mál, að það er hægt að
leggja Reykjavíkurflugvöll niður og byggja
annan völl utan við borgina eða flytja innan-
landsflugið til Keflavíkur, sem teldist senni-
lega fýsilegri kostur ef út í þessa breytingu
yrði farið.
Þeir sem tala um það í alvöru að flytja
innanlandsflugið til Keflavíkur hafa litla hug-
mynd um skyldur höfuðborgarinnar við
landsmenn alla og kosti þess fyrir lands-
byggðarmenn að hafa flugvöllinn svo til inni í
miðri Reykjavík. Einn borgarfulltrúi lét hafa
eftir sér að landið undir flugvöllinn sé illa
nýtt og völlurinn slæm fjárfesting. Hvort
tveggja er eflaust rétt séð frá sjónarhóli þess
sem álítur heiminn enda við Elliðaárnar. Hitt
er staðreynd að íslendingar nýta mikið flug-
samgöngur, sem eflaust kemur að verulegu
leyti til af staðsetningu innanlandsflugvallar
höfuðborgarinnar. Norðlendingar myndu
eflaust hugsa sig tvisvar um áður þeir settust
upp í flugvél til Reykjavíkur ef sú ferð tæki þá
2V2 tíma. Margir teldu þá skynsamlegra að
fara landleiðina.
Víða erlendis hefur verið lagt verulegt fjár-
magn í það á síðustu árum að koma upp
aðstöðu fyrir innanlandsflug inni í borgum,
þar sem það aðeins á þann hátt þjóni tilgangi
sínum.
Flugslys eru hörmuleg og að sjálfsögðu
þarf að leita leiða til þess að auka öryggi
Reykjavíkurflugvallar. í því sambandi getur
ýmislegt komið til greina, t.d. það að ferjuflug
flytjist til Keflavíkur, en innanlandsflug hlýtur
hér eftir sem hingað til að fara um hinn eina
sanna Reykjavíkurflugvöll, staðsettan í miðri
höfuðborginni. V.S.
„Konur nú orðnir liill-
gfldir lionsmenn“
- segir Hermann Árnason umdæmisstjóri Lions
Hermann Árnason endurskoð-
andi á Akureyri, tók í sumar
við starfi umdæmisstjóra Lions
á svæði 109 B. Það svæði
spannar yfir fjögur kjördæmi,
Vestfirði, Norðurland vestra
og eystra og Austurland.
Hermann hefur verið Lions-
maður í rúm 15 ár en hann er
einn af stofnendum Lions-
klúbbsins Hængs á Akureyri
og hefur starfað með honum
allar götur síðan. Umdæmin á
íslandi eru tvö, 109 A og B og
er starfstími hvors umdæmis-
stjóra eitt ár, frá 1. júlí til 29.
júní.
Hermann tók formlega við
starfi umdæmisstjóra á alþjóða-
þingi Lionsmanna sem haldið var
í Colorado í Denver í Bandaríkj-
unum í sumar. Hann fór á þingið
ásamt konu sinni og átta öðrum
íslendingum og tók ferðin um
hálfan mánuð. Dagur fékk
Hermann í viðtal og spurði hann
fyrst um alþjóðaþingið í sumar.
„Pingið í Denver stóð yfir frá
29. júní til 3. júlí og þetta var
jafnframt fjölmennasta þing sem
haldið hefur verið í heiminum.
Parna voru saman komin um
40.000 manns, þingfulltrúar og
þeirra fylgifiskar. Þó að þetta
hafi verið í fyrsta sinn sem ég sit
alþjóðaþingið, skildist mér að
þetta hafi verið nokkuð hefð-
bundið, fyrir utan það að þetta
var stærsta þingið í sögunni.
Engu að síður var það geysileg
upplifun fyrir mig að taka þátt í
þessu öllu saman.
Það má þó segja að þetta þing
hafi verið merkilegra en önnur að
því leyti að konur áttu þar í fyrsta
sinn fullgilda fulltrúa með fullan
atkvæðisrétt. Það var samþykkt á
alþjóðaþinginu í Taiwan í fyrra
að konur gætu nú orðið Lions-
félagar en áður höfðu þetta verið
hálfgerðir karlrembuklúbbar og
konurnar starfað í svokölluðum
Lionessuklúbbum. Konur í
Lionsklúbbum voru því með
jafnan rétt á við karlmenn á þing-
um í sumar en Lionessur hafa
enn ekki atkvæðisrétt á alþjóða-
þinginu.
Kannski var nú aðalhasarinn á
þinginu í kringum kjörið á þriðja
varaforsetanum en tveir Banda-
ríkjamenn slógust um það emb-
Hermann Árnason og kona hans
Guðríður Friðfinnsdóttir á alþjóða-
þinginu í Bandaríkjunum í sumar.
ætti. Á þessu þingi bættist 163.
þjóðin í hópinn en það var
Grænland. Alls starfa um ein og
hálf milljón manns undir merki
Lions í rúmlega 39.000 klúbbum
í öllum þessum löndum.
Sjálft þingið stóð ekki nema í
fjóra daga en áður en það hófst
sótti ég skóla ásamt öðrum til-
vonandi umdæmisstjórum víðs
vegar úr heiminum. Par fengum
við almenna fræðslu um starf
umdæmisstjóra vítt og breitt og
reynt að undirbúa okkur á sem
bestan hátt fyrir komandi starfs-
tímabil."
- í hverju er svo starf þitt sem
umdæmisstjóri fólgið?
„Það felst í því að vera tengi-
liður á milli alþjóðastjórnar og
klúbbanna og ég mun heimsækja
klúbbana sem eru í umdæmi 109
B í haust. í»ar er um að ræða 35
Lionsklúbba og 9 Lionessu-
klúbba. Starfsemi klúbbanna
stendur yfir frá því í byrjun sept-
ember og fram í maí en liggur að
mestu leyti niðri yfir sumartím-
ann.“
- Hvernig leggst svo starfið í
þig?
„Pað er að mörgu leyti ánægju-
legt að takast þetta verkefni á
hendur en það er ansi mikil vinna
í kringum þetta og maður gerir
ekki mikið annað á meðan.“
- Hvað eru margir Lionsmenn
á íslandi í dag?
„Það eru um 3400 Lionsmenn
og Lionessur á íslandi í dag og
það er að sjálfsögðu heimsmet
miðað við höfðatölu. Það lætur
nærri að um 1,4% þjóðarinnar
starfi í Lions. Það eru til blandaðir
klúbbar hér á landi og eftir að
konur öðluðust rétt til þess að
ganga í Lionsklúbba, hafa einnig
tveir Lionessuklúbbar skipt um
formerki og eru nú Lionsklúbb-
ar.“
- Lionsfélagar á íslandi hafa
jafnan verið með sameiginleg
verkefni á hverju starfsári. Er
eitthvað slíkt á döfinni á kom-
andi starfsári?
„Já, Lionsfélagar munu næsta
vor standa fyrir sölu á rauðu
fjöðrinni og því fé sem safnast
þá, verður varið til þess að
byggja upp heimili fyrir 4-5 ung-
menni sem eru mjög fötluð eftir
slys. Þetta fólk á nánast hvergi
inni og þarf að vera í stöðugri
endurhæfingu. Það er stefnt að
því að byggja þetta heimili í ná-
grenni við Reykjavík, þar sem er
mjög öflug endurhæfingardeild.
Þá má geta þess að barátta
alþjóðasamtakanna að þessu
sinni er gegn vímuefnum og í
þágu sykursjúkra."
- Nú eru margir á þvf að
Lionsklúbbar séu bölvaðir
snobbklúbbar, er það tilfellið?
„Ekki hér á landi en víðast
hvar erlendis þykir það mikil
upphefð og jafnvel stöðutákn að
vera Lionsmaður og það má
kannski tala um snobb í því
sambandi. En í þessu stéttlausa
þjóðfélagi hér er ekki hægt að
tala um að þetta séu neinir
snobbklúbbar. Markmið Lions-
manna er að þjóna og þó að sums
staðar úti í heimi sé eitthvert
snobb í kringum einstaka klúbba,
hefur það engin áhrif á það mark-
mið félagsmanna og hugsjónin
kemst til skila. Það er alveg á
hreinu,“ sagði Hermann Árna-
son að lokum.
Þess að lokum geta að Her-
mann er nú staddur í Gautaborg í
Svíþjóð, þar sem hann situr
Evrópuþing Lionsmanna. Um
þéssar mundir eru einmitt 40 ár
síðan fyrsti Lionsklúbburinn hóf
starfsemi sína í Evrópu en það
var í Svíþjóð. -KK