Dagur - 20.09.1988, Qupperneq 16
Rafgeymar
í bílinn, bátinn, vinnuvéliná
Viðhaldsfríir
Veljiö rétt merki
þÓRSHAMAR HF.
Við Tryggvabraut ■ Akureyri ■ Sími 22700
Nýjung á Akureyri:
Aka versluninni
á milli hverfa
- „Draumabíllinn“ fannst austur á Héraði
í fyrramálið tekur nýstárleg
verslun til starfa á Akureyri.
Þessi verslun er þeim kostum
búin að henni er hægt að aka
Kvótaskorturinn:
Togarar ÚA
veiða fyrir
Húsvíkinga
Húsvíkingar hafa nú útvegað
Útgerðarfélagi Akureyringa
hf. atlakvóta með þeim
skilyrðum að þeir fái aflann til
vinnslu. Að sögn Gísla
Konráðssonar, framkvæmda-
stjóra ÚA, hafa þegar verið
send 30 tonn af fiski til Húsa-
víkur, en þessi viðskipti eru á
byrjunarstigi.
„Við erum grimmir kaupendur
ef þú veist um kvóta til sölu,“
sagði Gísli, en Útgerðarfélagið
hefur að undanförnu leitað stíft
eftir kaupum á aflakvóta fyrir
togara félagsins en lítið orðið
ágengt. Gísli sagðist þó vona að
úr rættist með tímanum því það
sem keypt hefði verið til þessa
væri langt frá því að vera nóg.
Varðandi viðskiptin við
Húsvíkinga sagði Gísli að þau
gætu verið beggja hagur. Húsvík-
ingar hefðu kannski ekki skip til
að veiða upp í úthlutaðan kvóta,
en vildu fá fisk til vinnslu, og
Útgerðarfélagið þyrfti að fá
kvóta til að halda togurunum úti.
SS
um götur bæjarins. Verslunin
er nefnilega bfll. Kjörbíll Skut-
uls er nafnið og um er að ræða
9 metra langa bifreið ættaða
austan af Héraði. Það er
Sæmundur Friðriksson sem
hyggst höndla með físk og mat-
vöru af ýmsu tagi í þessari sér-
hönnuðu kælibifreið.
Hugmyndina að verslunarmáta
þessum segir Sæmundur vera
gamla og í fyrstu hafi hann ætlað
sér að smíða bíllinn sjálfur. Þeg-
ar hann var á ferð um Egilsstaði í
sumar sá hann draumabílinn og
það varð ást við fyrstu sýn.
Sæmundur hringdi umsvifalaust í
kaupfélagsstjóra, en bifreiðin var
í eigu Kaupfélags Héraðsbúa.
Samningar um kaupin tókust, en
kaupverðið er leyndarmál.
Bifreiðin, hin 9 metra langa, er af
árgerð 1955 og hefur þjónað sem
verslun á Héraði í 20 ár.
„Við höfum unnið í bílnum
dag og nótt síðustu fjórar vikur,“
sagði Sæmundur. Nú er verið að
leggja síðustu hönd á hina færan-
legu verslun og eins og áður sagði
tekur Kjörbíllinn til starfa á
morgun. Fyrir hádegið verður
bíllinn staðsettur við Bugðusíðu í
Glerárhverfi og eftir hádegið
verður hann í námunda við Hlíð-
arlund á Brekkunni. Til að byrja
með verður opið frá kl. 9.00-
18.00, frá mánudegi til föstudags.
„Ég er bjartsýnn á að þetta
gangi. Annars hefði ég ekki farið
út í þetta,“ sagði Sæmundur.
mþþ
Móðir þessa drengs sagðist ekki þora að líta af honum, en hann er í kút eins og getið er um í fréttinni.
Mynd: TLV
Varasamir smábamakútar
Nokkur umræða hefur átt sér
stað meðal sundlaugargesta
og þá sérstaklega foreldra
ungra barna, um ágæti sund-
kúta fyrir yngstu kynslóðina.
Fjölmargar gerðir kúta eru á
markaðinum en engin þeirra
virðist uppfylla þær kröfur að
vera fullkomlega örugg.
Þorsteinn Þorsteinsson sund-
laugarvörður í Sundlaug Akur-
eyrar sagðist telja fyrir sitt leyti,
að svokölluð björgunarvesti,
sem börn er klædd í og þau
reimuð, væru öruggust. „Þessi
vesti hef ég ekki séð til sölu hér,
en það er sama hvernig barnið
lendir í vatninu, það réttist allt-
af við. Þá eru armhringirnir
ágætir, en þeir eru tæplega nóg
fyrir yngstu börnin.“
Kútar sem þannig eru hann-
aðir, að börnin sitja í þeim eru
varasamir. Lítið þarf til þess að
þeir velti og þá situr barnið fast
í kútnum með höfuðið undir
yfirborði vatnsins. Þá eru börn-
in ekki nema að litlu leyti ofan í
vatninu í þessum kútum og er
því gjarnt á að verða kalt.
Venjulegir hringskornir kútar
eru ágætir til síns brúks, en vídd
þeirra verður að eiga við stærð
barnsins. Séu þeir of víðir, er
hætta á að barnið þreytist við að
halda sér uppi og um leið og
takinu er sleppt, rennur það úr
kútnum.
Dagur hafði samband við
nokkrar verslanir á Akureyri
sem selja sundkúta fyrir börn.
Kútarnir með sætunum virðast
vera nokkuð vinsælir og aðeins
ein verslun hefur til sölu vestin
góðu, en það er verslun Sigurð-
ar Guðmundssonar. VG
Svört skýrsla:
Skuldastaða Akureyrarbæjar
komin á varhugavert stig
í skýrslu Úlfars Haukssonar,
fráfarandi hagsýslustjóra
Akureyrarbæjar, er dregin
upp dökk mynd af fjárhag
bæjarfélagsins. Þar segir að
raunveruleg framkvæmdageta
Akureyri:
Hnefínn á lofti
- sex gistu fangageymslur
Gríðarleg ölvun var á Akur-
eyri á laugardagskvöldið og
aðfaranótt sunnudags og veit-
ingahúsagestir margir hverjir í
afar slæmu skapi, að sögn
Matthíasar Einarssonar varð-
stjóra. Sex manns gistu fanga-
geymslur lögreglunnar vegna
óspekta.
„Það var stanslaust verið að
kalla okkur á veitingastaði. Allt-
af var hnefinn á lofti og ýmis
dólgslæti höfð frammi. Við vor-
um farnir að hafa áhyggjur af því
hvar þetta myndi enda,“ sagði
Matthías.
Þá voru 10 ökumenn teknir
fyrir of hraðan akstur, enginn þó
á vitlausri ferð, að sögn Matthías-
ar. Hann sagði að eftir að lög-
reglan hefði fengið radar í fleiri
bíla hefðu ökumenn orðið varari
um sig og þessi ráðstöfun væri því
greinilega til bóta. SS
bæjarsjóðs hafí verið 60 til 110
milljónir króna á ári síðustu 7-
8 árin miðað við verðlag fyrra
árs, og með lántökum sé þegar
búið að ráðstafa þessari fram-
kvæmdagetu 3-4 ár fram í
tímann. Skýrsla þessi er dag-
sett í maí á þessu ári en fjallað
var um hana í bæjarráði 15.
september.
í upphafi skýrslunnar er talað
um orsakir þess að dregið hefur
úr rekstrarafgangi bæjarsjóðs á
undanförnum árum. Orsakirnar
eru m.a. verðtrygging lána og
háir raunvextir og aukinn rekstr-
arkostnaður í kjölfar aukinna
framkvæmda. Skuldir bæjarsjóðs
sem hlutfall af tekjum hafa vaxið
úr 24,8% 1980 í 56,4% 1987.
Hlutfall rekstrarkostnaðar hefur
verið á bilinu 80-92% af tekjum á
þessum tíma og lengst af yfir
85%. Þar af leiðir að 8-15% af
tekjum hafa verið til ráðstöfunar
til að standa undir öðrum fjár-
skuldbindingum en rekstrar-
kostnaði, eða 60 til 110 milljónir
á ári. Tekjur bæjarsjóðs hafa
ekki aukist að ráði á þessu sjö ára
tímabili.
Minnt er á að Akureyrarbær
beri einnig ábyrgð á lánum Hita-
veitu Akureyrar og því sé nauð-
synlegt að sýna varúð í lántökum
til langs tíma. Það er skoðun
skýrsluhöfundar að skuldasöfnun
bæjarsjóð sé komin á varhuga-
vert stig.
Skuldir Bæjarsjóðs Akureyrar
gætu, samkvæmt skýrslunni,
reynst 550-560 milljónir króna
um næstu áramót. Vaxtakostnað-
ur af skuldum verður þá líklega
um 40 milljónir króna á árinu,
með einhverri skekkju til eða frá.
Tekið skal fram að hér er aðeins
rætt um samningsbundin lán, yf-
irdráttarlán eru ekki meðtalin.
Skýrslan endar á þessum orð-
um: „Með vaxandi hlut lánsfjár í
framkvæmdum og rekstri getur
dregið að því fyrr en varir að
tekjustofnar Bæjarsjóðs Akur-
eyrar dugi ekki lengur fyrir
rekstrarkostnaði." EHB
Starfsfólk sláturhúsa:
Kjarasamningar framlengdir
Gengið hefur verið frá kjara-
samningum starfsfólks sem
starfar á sláturhúsum vegna
sláturtíðar nú. Voru þeir fram-
lengdir frá síðasta ári eins og
lög og samningar gera ráð
fyrir.
„Það var ekki hægt að gera
neitt annað,“ sagði Sævar Frí-
mannsson formaður Einingar t
samtali við blaðið. í viðræðum
við starfsfólk komu ekki fram
óskir um sérákvæði. Þá sagði
Sævar að undanfarin ár hafi verið
viðraðar hugmyndir um að taka
upp premíukerfi, en ekki virtist
áhugi fyrir því.
VG