Dagur - 07.12.1988, Blaðsíða 4

c - HUöAC! -- B8©f 7sdm989b X
4 - DAGUR - 7. desember 1988
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SlMI: 24222
ÁSKRIFT KR. 800 Á MÁNUÐI
LAUSASÖLUVERÐ 70 KR.
GRUNNVERÐ DÁLKSENTIMETRA 530 KR.
RITSTJÓRI:
BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
BLAÐAMENN:
ANDRÉS PÉTURSSON (íþróttir),
ÁSLAUG MAGNÚSDÓTTIR, BJÖRN JÓHANN BJÓRNSSON
(Sauöárkróki vs. 95-5960), EGILL H. BRAGASON,
FRIMANN HILMARSSON (Blönduósi vs. 95-4070),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON
(Reykjavík vs. 91-17450, pósthólf 5452, 105 Reykjavík),
MARGRÉT ÞÓRA ÞÓRSDÓTTIR, ÓSKAR ÞÓR HALLDÓRSSON,
STEFÁN SÆMUNDSSON, VILBORG GUNNARSDÓTTIR,
LJÓSMYNDARAR: GUÐMUNDUR HRAFN BRYNJARSSON,
TÓMAS LÁRUS VILBERGSSON,
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Enn um áfengiskaup
embættismanna
Siðferðisblinda sumra af æðstu ráðamönnum þjóðarinnar
virðist alger. Upplýsingar um að fyrrverandi forseti
Hæstaréttar hafi keypt mikið magn áfengis á kostnaðar-
verði á síðustu tveimur árum vöktu almenna hneykslan í
þjóðfélaginu. í kjölfarið fylgdu upplýsingar um það í
hversu ríkum mæli aðrir handhafar forsetavalds hefðu
nýtt sér þessa heimild síðustu árin. Þar kom m.a. fram að
Þorvaldur Garðar Kristjánsson, alþingismaður, hafði
keypt umtalsvert magn áfengis á þessum vildarkjörum
þann tíma sem hann gegndi forsetaembætti í sameinuðu
þingi.
Máltækið segir að sókn sé besta vörnin, og ljóst er að
Þorvaldur Garðar tekur þann boðskap bókstaflega. Hann
kvaddi sér hljóðs utan dagskrár á fundi sameinaðs
Alþingis á mánudag, til að ræða áfengiskaup sín sem
handhafa forsetavalds. Þar sagði hann m.a. að hann hefði
álitið að kaup sín á áfengi á þessum kjörum fylgdu emb-
ætti sínu og gengju að hluta upp í risnukostnað. Jafn-
framt taldi hann framkomu Ólafs Ragnars Grímssonar,
fjármálaráðherra og Guðrúnar Helgadóttur, núverandi
forseta sameinaðs þings, ámælisverða í þessu máli. Með
öðrum orðum skammaði Þorvaldur Garðar Guðrúnu fyrir
að hafa sagt það álit sitt á málinu að forseti sameinaðs
þings nyti engra sérréttinda varðandi áfengiskaup hjá
ÁTVR. Hinir þrír handhafar forsetavalds hlytu allir að
koma fram fyrir hönd forseta landsins í fjarveru hans.
Ólafur Ragnar fékk á baukinn hjá þingmanninum fyrir að
hafa veitt fjölmiðlum upplýsingar um þessi áfengiskaup,
það væri ekki í verkahring fjármálaráðherra heldur Ríkis-
endurskoðunar.
Óneitanlega setur menn, með sæmilega óbrenglað sið-
ferðismat, hljóða við slíkan málflutning á hinu háa
Alþingi íslendinga. Auðvitað ætti Þorvaldi Garðari, eins
og þorra almennings, að vera Ijóst að sú túlkun hans, að
áfengiskaup á vildarkjörum fylgi embættinu og gangi
upp í risnukostnað, stenst engan veginn. Þorvaldur Garð-
ar og aðrir handhafar forsetavalds, sem nýtt hafa sér
þessa heimild, hafa sýnt í verki að þeir skilja fullkomlega
hvernig hún er hugsuð. Þeir hafa nefnilega aldrei farið og
keypt áfengi á sérkjörum, nema þegar forseti landsins er
fjarverandi. Ef Þorvaldur Garðar hefði í raun trúað því að
þessi fríðindi fylgdu starfi forseta sameinaðs Alþingis
sérstaklega, hefði hann átt að kaupa áfengi á vildarkjör-
um hvenær sem honum sýndist þörf á því. Það gerði hann
hins vegar ekki. Það er hlálegt að hugsa til þess að tveir
af æðstu embættismönnum þjóðarinnar hafi notað tæki-
færið oftlega þegar forseti íslands brá sér út fyrir land-
steinana og keypt 10-200 flöskur af áfengi á vildarkjörum
hverju sinni. Slíkt er ekki hægt að afsaka.
Þá kemur það einnig spánskt fyrir sjónir að þingmaður-
inn skuli gagnrýna fjármálaráðherra fyrir að hafa komið
þessum upplýsingum á framfæri. Eflaust hefði Þorvaldur
Garðar svo og Magnús Thoroddsen kosið að þessar upp-
lýsingar lægju enn í þagnargildi. Fleiri fagna því þó að
þær skuh hafa komið fram. Það er í raun aukaatriði hver
kom þeim á framfæri.
Þessi síðasta uppákoma á Alþingi vegna þessa máls er
ekki til þess fallin að auka hróður þingsins út á við. Virð-
ing margra æðstu embættismanna þjóðarinnar hefur beð-
ið hnekki. Svo mikið er víst. BB.
Kolbrún leiðbeinir nemendum sínum. F.v. Kristín Steinþórsdóttir, Hugrún Ösp Egilsdóttir, Guðrún Einarsdóttir og
Líf Magnúsdóttir.
Módelmynd heimsækir Akureyri:
Númer eitt að yfirstíffa
feimnitílfinnmgu
- segir Kolbrún Aðalsteinsdóttir^
sem býður tískusýningarnámskeið í fyrsta sinn á Akureyri
Lítið fyrirtæki í Reykjavík hef-
ur nú um nokkurt skeið boðið
upp á nýstárleg námskeið sem
hjálpa fólki að takast á við
vandamál sem marga hrjáir,
feimnina. Þó að þetta sé grunn-
tónninn í námskeiðunum er
margt sem komið er inn á svo
sem almenn kurteisi, fram-
koma, samtalstækni, göngulag
og margt fleira. Skóli þessi hef-
ur notið vinsælda hjá börnum
og unglingum en hann er líka
ætlaður fullorðnum. Ánægju-
raddir hafa borist til Akureyrar
og þar verður Kolbrún Aðal-
steinsdóttir, eigandi fyrirtækis-
ins Módelmyndar, með nám-
skeið í næstu viku. Hún ætlar
að halda námskeiðið í sam-
vinnu við félagsmiðstöðina í
Dynheimum og á sunnudags-
kvöldið fer þar fram skráning,
bæði fyrir tískusýningarnám-
skeið og dansnámskeið en með
Kolbrúnu í för verður Eydís
Eyjólfsdóttir danskennari.
Kannski er þar komin jólagjöf-
in í ár?
„Módelmynd er fískusýningar-
skóli fyrir unglinga þar sem höfuð-
áhersla er lögð á að börnin fái að
tjá sig á eðlilegan hátt, kynna sig,
læra að umgangast aðra, læra
samtalstækni og númer eitt að
yfirstíga feimnitilfinningu. Við
komum inn á marga hluti, t.d. að
hjálpa til á heimilunum, taka til í
herberginu sínu, handþvo peysu
og sokka o.s.frv. Hugmyndin að
þessum námskeiðum er upphaf-
lega fengin frá Þýskalandi en síð-
an hef ég þróað hana hér heima
og fengið mjög góð viðbrögð,“
sagði Kolbrún þegar Dagur leit
inn á námskeið hennar.
Hún bætti jafnframt við að til
Módelmyndar leiti margir þeirra
sem vinna í auglýsingaiðnaðinum
í leit að módelum til auglýsinga-
gerðar. Þess vegna geta þeir
unglingar sem skrá sig á nám-
skeið Kolbrúnar og senda inn
bæði myndir og upplýsingar átt
von á að einhvern daginn komi
tækifæri til að vinna sem módel.
„Og í rauninni erum við jafn-
framt öllu þessu að leita fyrir er-
lendar umboðsskrifstofur að góð-
um andlitum og fólki sem hugs-
anlega hefur áhuga á að vinna
módelstörf. Og við íslendingar
eigum mikla möguleika vegna
þess að við eigum fallegasta fólk í
heimi,“ bætir hún við.
Þau Jakob Hrafnsson, Svan-
hildur Anja Ástþórsdóttir og
Anna Kristina Rosenberg, sem
öll eru á öðru stigi, voru sammála
um að námskeiðin hjá Kolbrúnu
séu skemmtileg. Þau byrjuðu í
október og þá á fyrsta stigi en eru
nú komin á annað stig. Og hvað
hafa þau lært?
„Við höfum t.d. lært að ganga
rétt, ganga í takt, samræður,
kynna okkur fyrir fólki, sýna
almenna kurteisi og margt
fleira," svöruðu þau um hæl.
„Við heyrðum um þessi nám-
skeið og höfðum áhuga á að vera
með. Þetta er mjög gaman og við
lærum fjöldamargt."
„Kannski er það dálítið vill-
andi að tala um tískusýningar-
námskeið fyrir unglinga vegna
þess að tískusýningin sjálf er ekki
annað en rúsínan í pylsuendan-
um,“ skaut Kolbrún inn í. „Sýn-
ingin er eiginlega ákveðin þol-
raun sem börnin ganga í gegnum
meðan þau eru að yfirvinna
feimnina. Við þekkjum öll þessa
feimnitilfinningu, munum hvern-
ig okkur leið þegar við þurftum
að standa fyrir framan aðra og
gera eitthvað eða segja eitt-
hvað.“
Kolbrún sagði yngstu þátttak-
endurna á námskeiðunum fjög-
urra ára en síðan geti fólk á öll-
um aldri tekið þátt. Námskeiðin
miðist að því að fólk láti feimnina
ekki ná aftur á sér tökum og geti
tjáð sig á eðlilegan hátt. Með
þann þröskuld að baki megi ná
langt.
Þetta samþykktu þær Kristín
Steinþórsdóttir, Hugrún Ösp
Egilsdóttir, Guðrún Einarsdóttir
og Líf Magnúsdóttir sem allar
hafa verið á námskeiðum Kol-
brúnar um skeið. Og þær höfðu
uppgötvað margt sem þær mættu
gera betur og margt áttu þær auð-
veldara með að gera núna en fyr-
ir námskeiðin.
„Já, til dæmis að bursta skóna
sína betur,“ sögðu þær hlæjandi
en héldu áfram í alvarlegri tón.
„Við hjálpum meira til heima
núna en áður, förum að hugsa
meira um hlutina og erum ekki
eins eigingjarnar og áður. Og svo
komum við betur fram við for-
eldrana núna.“ Strákar fá líka
hvatningu frá stúlkunum fjórum
til að fara á þessi námskeið, þeir
hafi gott af því ekki síður en þær.
„Við hvetjum alla til að fara á
svona námskeið," sögðu þær.
JÓH
Kolbrún Aðalsteinsdóttir ásamt Eydísi Eyjólfsdóttur, danskennara, en þær
munu halda námskeið í Dynheimum í næstu viku.