Dagur - 23.12.1988, Page 16
ibarnosíðan
1J Umsjón: Stefán Sæmundsson.
Setið fyrir
jólasveininum
Það var Þorláksmessukvöld. Systk-
inin Bjössi og Rósa voru að fara í
háttinn. Rósa var sex ára en Bjössi
fimm. Þau áttu heima í stórri blokk.
Það var ekki laust við að þau væru
spennt því nú voru jólin alveg að
koma. Aðfangadagur var á morgun
og þá myndu þau æða um húsið og
bíða eftir því að mamma og pabbi
segðu: Jæja, nú skulum við líta á
pakkana.
Bjössa langaði mest í He-Man og
svoleiðis kappa og líka fjarstýrðan
torfærujeppa. Hann langaði ekkert í
vettlinga eða sokka en honum
fannst í lagi ef hann fengi flotta
skíðahúfu. Rósa vildi helst fá nýju
bókina um Kugg og fleiri bækur. Hún
var aðeins byrjuð að lesa, en
skemmtilegast þótti henni þó þegar
mamma eða pabbi lásu fyrir hana.
Þau lásu líka yfirleitt fyrir systkinin á
kvöldin.
Bjössi og Rósa voru í sama her-
bergi. Stundum þótti þeim það alveg
ágætt en stundum afleitt. Þau áttu
það til að rífast og slást og þá var
eins gott að passa dótið sitt. Undan-
farna daga höfðu þau verið ósköp
stillt og jólasveinarnir höfðu gefið
þeim sælgæti og leikföng í skóna
sem þau settu út í glugga.
- Heyrðu Bjössi, sagði Rósa þeg-
ar þau voru háttuð. - Eigum við að
vaka og bíða eftir jólasveininum? Ég
er svo spennt að vita hvernig hann
fer að því að setja í skóinn hjá okkur
því við erum uppi á fjórðu.hæð og
glugginn er lokaður af því að það er
svo kalt.
- Hann notar bara stiga, sagði
Bjössi og geispaði.
- Ég er ekki viss, sagði Rósa.
- Einu sinni vaknaði ég við þrusk og
leit strax í skóinn minn. Þá var búið
að setja í hann kúluspil. Ég leit út um
gluggann en sá ekkert. Ég held jafn-
vel að jólasveinninn hafi komið inn í
íbúðina.
- Hvað segirðu? Þá getum við
kannski séð hann,“ sagði Bjössi
spenntur.
Þau biðu nú spennt, sátu saman í
rúminu hennar Rósu og hvísluðust
á. Mamma leit inn til þeirra og var
hissa þegar hún sá að börnin voru
vakandi.
- Fariði strax að sofa. Þið fáið
ekkert í skóinn með þessu móti,
sagði hún.
- Við erum að bíða eftir..., byrj-
aði Bjössi en Rósa þaggaði niður í
honum. Þau lögðust til svefns, eða
þóttust gera það.
Systkinin biðu og biðu en svefninn
sótti fast að þeim. Loks mátti heyra á
andardrætti þeirra að þau voru bæði
sofnuð. Þegar þau vöknuðu á
aðfangadag var sælgæti í skónum
þeirra og í skó Rósu var líka miði. Á
hann var skrifað með rauðum,
klunnalegum stöfum:
ÉG NOTA STIGA, FYRST ÞIÐ
VILJIÐ ENDILEGA VITA ÞAÐ.
I
»iÆ * P >
WvyW' 1 4;Ó' ,i~. .
mV VI V
■
'** /f
Þessi skötuhjú teiknaði Auður, 5 ára stúlka á Akureyri.
Ingimundur Jónsson, 4ra ára strákur á Akureyri, sendi okkur þessa mynd af jólasveini sem er
að koma af fjöllunum með pakka handa Ingimundi.
Snigillinn
Snigill nokkur leggur af stað í það
mikla ferðalag að klífa pappakassa,
sem er 21 cm á hæð. Fyrsta daginn
klífur hann heila 5 cm, en um nóttina
meðan hann hvílir sig sígur hann 4
cm til baka. Og þannig gengur það
fyrir sig, á hverjum degi tekst honum
að klífa 5 cm, en sígur á hverri nóttu
4 cm til baka. Hve marga daga er
snigillinn að ná takmarkinu, þ.e. að
komast upp á kassann?
Bókaormurinn
Lítill bókaormur var eitt sinn staddur
í hillu þar sem fimm bækur stóðu.
Samanlögð þykkt blaðsíðna hverrar
bókar var 4 cm og hvor kápusíða var
1 cm. Hver bók var því 6 cm. Nú
skreið bókaormurinn frá fremri kápu-
síðu fyrstu bókar að aftari kápusíðu
fimmtu bókar. Hvað skreið bókaorm-
urinn marga cm?
Lausnir
jn>|æq JB||aq £ 6o p|o[ds
-nde>| >|0}s z iiJnu6a6 ] jaJ jnQjj>|s uujjnuuo
ujöouj bjjsuja jo JB>joq njsj/j bqjs bísbjíb
qb ngjas *Jðc| B[q Bun||jqB>|oq nqBÖnqiv
nujqB^oq j Bnus jn>|æq 6juJ9Aq jjjáj uj9j6
jbs ejo6 qb )6a|uÁsqnBu je jeas qæ bj qb
ssad I!1 luo oz S||B jnQjj>|s uujjniuJOB>i9g
B>|Bq l!) Hjau l>|>|9 JACj
jn6js 6o Bujuruq 9 ddn uuBq jæu 6bp uub^
jAd ‘j6ap 9)9 uubssb>| 9 ddn )suj9>| uumiSjus
Brandarar
Þegar Jens var þriggja ára
gamall, fékk hann að fara með
móður sinni til nágrannakonunn-
ar til að sjá nýfætt barn hennar.
- Þegar konan sýnir þér
barnið, sagði móðir Jens, - átt
þú að segja eitthvað fallegt um
litla angann.
Jens lofaði því og svo lögðu
þau af stað til nágrannakonunn-
ar. Þegar konan lyfti barninu
upp, til þess að sýna það, horfði
Jens á það dágóða stund og
sagði svo:
- Ja, það má nú segja, að litli
drengurinn hefur bæði löng og
falleg eyru.
Inga litla (í búðinni): - Ég ætla
að fá spegil.
Búðarstúlkan: - Á það að vera
handspegill?
Inga:- Eg vildi gjarnan geta séð
andlitið líka.
Kvikmyndahúseigandi í Skot-
landi vildi vera höfðinglegur við
bíógesti sína, svona rétt fyrir
jólin. Hann lét mála skilti fyrir
ofan dyrnar á kvikmyndahúsinu
og þar stóð letrað stórum
stöfum:
- Allir sem komnir eru yfir átt-
rætt fá ókeypis aðgang, ef þeir
eru í fylgd meðforeldrum sínum.
Dísa, sem er þriggja ára, er hátt-
uð og á að fara að sofa.
- Ég vil ekki vera ein, ég er
svo hrædd, segir hún volandi.
- Þú þarft ekki að vera
hrædd, guð er hjá þér, segir
mamma. Hún kyssir Dísu og fer
svo fram.
Eftir stutta stund opnast dyrn-
ar á svefnherberginu og Dísa
stendur volandi í gættinni.
- Mamma, okkur guði leiðist
svo.
Anna og Bjössi eru að leika sér
úti í garði. Eftir stutta stund fara
þau að rífast og Anna hendir
bílnum hans Bjössa út á götu. Þá
fer Bjössi að skæla svo hátt að
Anna verður hrædd og fer líka
að skæla.
Þá hættir Bjössi að orga og
segir byrstur:
- Þegiðu Anna, það er ég
sem á að skæla.