Dagur - 21.01.1989, Síða 16

Akureyri, laugardagur 21. janúar 1989
TRIDONtí-
Vatnslásar og bensínsíur
í flesta bíla
þÓRSHAMAR HF.
Viö Tryggvabraut ■ Akureyri • Sími 22700
Sameiningarmál frystihúsanna í Ólafsfiröi:
„Heimamenn fá ekki
að fylgjast með“
- „hundruðir sagna í gangi í bænum,“
segir Ágúst Sigurlaugsson
Agúst Sigurlaugsson, hjá
Ólafstjarðardeild Verkalýðs-
félagsins Einingar, gagnrýnir
mjög þá leynd sem hann segir
vera yfir öllum umræðum
nefndar um hugsanlega sam-
einingu frystihúsanna í Ólafs-
firði. Hann telur það með öllu
óeðlilegt að bæjarbúar fái ekk-
ert að fylgjast með gangi mála
nema í gegnum fjölmiðla.
Ágúst segist hafa krafist þess á
fyrsta bæjarstjórnarfundi eftir
áramót að fá einhverjar upplýs-
ingar um gang mála og hafi tveir
bæjarfulltrúar, sem jafnframt eru
stjórnarformaður og fram-
kvæmdastjóri Hraðfrystihúss
Ólafsfjarðar, veitt þær. „í þeirra
máli komu fram smávægis upp-
lýsingar sem ég tel nú að hefði
engan skaðað þótt væri búið að
greina bæjarbúum og öðrum frá
fyrir lifandilöngu," segir Ágúst.
„Mér finnst það í hæsta máta
furðulegt að fá einungis fréttir úr
fjölmiðlum sem stangast svo á.
Einn daginn virðist allt vera að
ganga upp en næsta dag hefur allt
hlaupið í baklás. Svo eru hundr-
uðir sagna í gangi um þessi mál í
bænum. Maður veit heldur ekk-
ert hvað er rétt í þeim,“ bætti
Ágúst við.
Á atvinnuleysisskrá í Ólafsfirði
eru nú 112 manns. Þar af eru um
90 konur. Atvinnuleysisbæt-
ur á mann á dag eru 1656 krón-
ur. Þær eru greiddar í 180
daga og þá kemur 16 vikna uppi-
hald atvinnuleysisbóta, hafi fólk
ekki fengið vinnu að nýju, þar til
fólk á aftur rétt á bótum. Starfs-
fólk Hraðfrystihúss Magnúsar
Gamalíelssonar fór á atvinnu-
leysisbætur 27. september sl. og
14. október bættist starfsfólk
Hraðfrystihúss Ólafsfjarðar hf.
við. Starfsfólk í salthúsi Magnús-
ar Gamalíelssonar fór síðan á
atvinnuleysisbætur þann 7.
nóvember. óþh
Sigurjón Bergsson starfsmaður Sana á Akureyri í óða önn að tappa Lageröli á dósir. Mjöðurinn verður sendur suður
yfir heiðar hvar hægt verður að fá hann keyptan frá og með 1. inars. Starfsmenn Sana hófust handa við átöppunina
nú í vikunni og bráðlega verður byrjað að tappa Löwenbrau bjórnum í handhægar umbúðir í verksmiðjunni.
Mynd: TLV
Stærsta
Sameining Samvinnutrygginga og B.í.
á íslandi
„Það er auglóst að sameigin-
lega komast félögin af með
minni kostnað en ella. Þau
hafa mikil viðskipti og þjón-
„hagræðingin kemur viðskiptamönnum tvímælalaust til góða“
- segir Axel Gíslason forstjóri
ustu víða um land sem gerir
kröfu til að þeirri þjónustu
verði áfram haldið uppi. Hlut-
verk nýja félagsins verður að
Tillögur landbúnaðarráðherra um fyrirgreiðslu
til loðdýraræktar:
Vonast eftir að niður-
stöður fáist um helgina
- segir Steingrímur J. Sigfússon
Steingrímur J. Sigfússon, land-
búnaðarráðherra, segist vænta
þess að nú um helgina fáist til-
lögur hans um fyrirgreiðslu til
loðdýraræktarinnar afgreidd-
ar. Hann gerir síðan ráð fyrir
að á ríkisstjórnarfundi nk.
þriðjudag verði málið endan-
lega afgreitt frá ríkisstjórn.
Steingrímur vill ekki tjá sig um
hvað felist í tillögunum. Hann
segir hins vegar að það sem
fram hafi komið um þær í fjöl-
miðlum hafi að miklu leyti ver-
ið rangtúlkað. „Ég tel mun
eðlilegra að skýra frá þeim
þegar niðurstöður liggja fyrir í
málinu,“ segir Steingrímur.
Landbúnaðarráðherra segist
hafa Iagt á það áherslu að í upp-
hafi árs lægju fyrir skýrar línur
með hvað stjórnvöld treystu sér
til að gera til að koma til móts við
loðdýrabændur á þessu ári. „Síð-
an verður hver og einn að gera
það upp við sig hvort þessi aðstoð
dugar honum.“
Þær raddir hafa heyrst að í ljósi
þeirra miklu þrenginga sem loð-
dýraræktin býr við um þessar
mundir, auk þess sem horfur um
skinnaverð séu nú síður en svo
bjartar, sé rétt að stíga skrefið til
fulls og láta hana hreinlega fara á
hausinn. Steingrímur segist vera
þessu ósammála og telur að mjög
óskynsamlegt sé að hætta með
þessa ungu búgrein nú. Hann
bendir á að fjárfestingar í loð-
dýrarækt séu þegar orðnar nálægt
2 milljörðum króna og sú fjár-
festing muni ekki nema að mjög
litlu leyti nýtast til annarra hluta.
„Ég vonast til að þær ráðstafanir
sem nú verður gripið til auk fyrir-
greiðslu Framleiðnisjóðs á næstu
tveimur árum skapi greininni
grundvöll í ákveðinn reynslutíma
í viðbót. Ef ekki hefur birt til að
þessum tíma liðnum tel ég að
ástandið sé orðið mjög dökkt,"
segir Steingrímur J. Sigfússon.
óþh
rækja starfsemina áfram,
draga ekki úr henni heidur
gera hana hagkvæmari fyrir
alla aðila,“ sagði Axel Gísla-
son, forstjóri nýja trygginga-
félagsins sem stofnað verður
með sameiningu Brunabótafé-
lags íslands og Samvinnutrygg-
inga.
Axel Gíslason sagði að hag-
ræðingin af sameiningunni kæmi
öllum sviðum trygginga til góða.
Endurskipulagning í kjölfar
stofnunarinnar myndi leiða af sér
innri hagræðingu í rekstri og
bætta og aukna þjónustu til við-
skiptamanna. Á stöðum þar sem
tvö útibú væru fyrir yrði samein-
ast um eina myndarlega skrif-
stofu.
Brunabótafélagið var stofnað
samkvæmt sérstökum Iögum og
er gagnkvæmt tryggingafélag,
eins og Samvinnutryggingar.
Tryggingaráðherra er eftir lag-
anna bókstaf æðsti yfirmaður
B.í. en hjá Samvinnutryggingum
hagar málum svo að fulltrúaráð
fer með æðsta vald félagsins, kýs
því stjórn og getur breytt sam-
þykktum þess.
Axel var spurður að því hve-
nær hið nýja félag liti formlega
dagsins ljós. Hann sagðist ekki
geta svarað því nákvæmlega en
margt benti til að það gerðist
næsta vor. Félagið yrði stofnað
formlega að afloknum fulltrúa-
ráðsfundum síðar í mánuðinum.
Því næst yrði sótt um leyfi til
Tryggingaeftirlits ríkisins.
í samtali við Axel Gíslason
kom fram að vitneskja um sam-
eininguna hefði ekki farið út fyrir
mjög þröngan hóp manna, en eft-
ir að báðar stjórnir félaganna
hefðu samþykkt sameiningu sam-
hljóða hefði starfsmönnum verið
gerð grein fyrir málinu. Ljóst
væri að nýja félagið þyrfti færra
starfsfólk en hin tvö. „Það má
ekki líta svo á að það sé af hinu
illa að fækka starfsfólki. Starfs-
kraftar allra vinnandi manna eru
eitt af því dýrmætasta sem við
eigum hér á landi. Ef unnt er að
losa starfskrafta úr störfum þar
sem þeirra er ekki þörf lengur til
að þeir geti farið í önnur þýðing-
armikil störf í þjóðfélaginu þá er
það jákvætt,“ sagði forstjórinn.
EHB
Húsavík:
80 skráðir atvinmilausir í sýslunni
Um 80 manns eru á atvinnu-
leysisskrá hjá Verkalýðsfélagi
Húsavíkur, og það eftir að
vinna hófst á ný hjá Fiskiðju-
samlagi Húsavíkur. Um helm-
ingur fólksins sem skráð er
atvinnulaust eru Húsvíkingar
en hinn helmingurinn er fólk
úr sveitunum. Að sögn Þór-
halls Björnssonar hjá Verka-
lýðsfélaginu þarf að leita allt
Helst að beitingamenn vanti til vinnu
aftur til ársins 1984 til að finna
sambærilegar tölur um
atvinnuleysi.
Aðspurður sagði Þórhallur að
sér litist ekkert allt of vel á nán-
ustu framtíð því rólegt væri yfir
atvinnumálunum. Nóg virtist þó
vera að gera í byggingariðnaði og
væri enginn byggingamaður á
atvinnuleysisskrá. Komið er upp
atvinnuleysi hjá verslunarmönn-
um, eru átta verslunarmenn
skráðir atvinnulausir og er það
nýtt í stöðunni hjá skrifstofunni
að sögn Þórhalls.
Þórhallur sagði að miklar um-
hleypingar hefðu verið að undan-
förnu og rysjótt til sjávarins en
þokkalegt fiskirí þegar gæfi, það
væri bara alltof sjaldan. Töluvert
væri um að vera neðan við bakk-
ann þegar vel viðraði því talsverð
vinna skapaðist kringum línu-
útgerðina. Helst væri spurt eftir
beitningamönnum á skrifstofu
Verkalýðsfélagsins og við lægi að
boðið væri í vana beitningamenn
eins og enska fótboltamenn, en
þeir væru orðnir vandfengnir.
Einnig hefðu útgerðarmenn frá
öðrum stöðum hringt til Húsa-
víkur að spyrjast fyrir um beitn-
ingamenn. IM