Dagur - 12.08.1989, Side 2
2 - DAGUR - Laugardagur 12. ágúst 1989
Verðir laganna
með tungur tvær
Hallfreður
Örgumleiðason:
Góöan daginn, ágætu lesend-
ur. Nú er venjuleg helgi runnin
upp og er hún mörgum kær-
komin hvíld eftir annasama
verslunarmannahelgi sem enn
situr í æsku vorri. Æskan hóp-
aðist saman á grasbala ein-
hvers staðar á Norðvesturlandi
og drakk sitt brennivín í friði
því aldrei þessu vant fundu
verðir laganna sér eitthvað
annað til dundurs en að taka
áfengi af ólögráða unglingum.
Aumingja Nonni frændi var
búinn að hafa mikið fyrir því
að líma flöskur innan á brettin
á bílnum sínum og fela bjór-
kassa í aftursætinu. Svo var
ekkert leitað og hann varð
bara svekktur. Kannski var
það þess vegna sem hann lét
svona ófriðlega og kom heim
með sundursparkað andlit og
brákaðan fót. Hann var ekki sá
eini sem fékk að finna til
tevatnsins því það var mjög
vinsæl iðja þarna vesturfrá að
sparka í andlit fólks, reyna að
nauðga stúlkum og neyta
áfengis og eiturlyfja sér til
óbóta. Sáraumbúðir og verkja-
töflur gengu til þurrðar á
staðnum og verðir laganna
voru himinlifandi með þetta
allt saman.
„Læti? Nei, jsað fór allt
afskaplega vel fram og ungl-
ingarnir voru til fyrirmyndar.
Þeir kunna greinilega vel með
vín að fara. Það var minna um
pústra en á venjulegum
harmonikudansleik í félags-
' heimilinu og löggæslumenn
þurftu hreinlega ekkert að
skipta sér af þessari friðsælu
samkomu,“ sagði einn hæst-
ánægður laganna vörður um
drykkjumótið fyrir vestan.
Orð þessa mæta manns bera
æsku þjóðarinnar fagurt vitni.
Hún hefur nú lært að fara með
áfengi og getur meira að segja
neytt örvandi eiturlyfja án þess
að beita ofbeldi. Hugsið ykkur
bara, sjö til átta þúsund ung-
menni stunda kappdrykkju
heila helgi án þess að nokkur
vandræði hljótist af. Þetta
hefði verið óhugsandi í mínu
ungdæmi, t.d. á Laugahátíð-
unum þar sem unglingum var
misþyrmt í gríð og erg og þó
hellti lögreglan niður miklu
magni af áfengi. Tímarnir hafa
sannarlega breyst til batnaðar í
þessum efnum.
Samt sem áður læðist að mér
sá grunur að hér sé ekki allt
með felldu. Varla er þó hægt
að rengja orð laganna varða.
Það hljóta að vera fjölmiðlarn-
ir sem ýkja, blása upp hroða
og ósóma sem aldrei hefur átt
sér stað. Svona vinna þá þessir
fjölmiðlamenn! Þeir gera ekki
greinarmun á hlutveriileika og
hugveruleika, sannleika og
lygi. Laganna verðir hljóta að
standa þar betur að vígi. Þeir
segja ávallt sannleikann,
stundum að vísu bara hálf-
sannleikann og hann er oftast
óhrekjandi lygi!
Gunna litla, dóttir Siggu í
næsta húsi hlýtur að hafa veitt
sér marblettina sjálf og tauga-
áfallið hefur bara verið ímynd-
un. Nonni frændi hefur bara
gengið á hurð og Tryggvi vinur
hans hefur skorið sig sjálfur
með brotinni flösku. Þannig
hlýtur að vera hægt að skýra þá
áverka sem hundruðir ungl-
inga fengu þarna fyrir vestan
um verslunarmannahelgina.
Einnig má vera að Snæfellsás-
hópurinn hafi staðið fyrir sjón-
hverfingum og menn hafi
ímyndað sér að þeir væru
orkukúlur sem féllu til jarðar
fyrir milljónum ára og hafa
hagað sér samkvæmt því.
„Djöfuls svínarí er þetta,“
sagði konan mín með vandlæt-
ingu þegar hún sá myndir frá
umræddri útihátíð. Þær sýndu
dauðadrukkna unglina og sorp
eins og hráviði um mótssvæð-
ið. Sumir voru með skóför í
andlitinu, aðrir blóðrisa
hendur. Einn strákur var að
kasta af sér vatni á sofandi
unglingsstúlku.
„Þetta eru falsaðar myndir,“
sagði ég.með þjósti." Þeim er
ekkert heilagt, þessum sora-
ljósmyndurum. Það er nefni-
lega rirjög auðvelt að spinna
blekkingarvef með samsettum
ljósmyndum.“
„Heyr á endemi! Ertu ær
bæði og örvita?“ skrækti
konan. „Þú vilt kannski að við
förum á útihátíð um næstu
verslunarmannahelgi fyrst þær
eru svona friðsælar.“
„Ja, ég vil frekar skemmta
mér með svona fáguðum ung-
mennum en fara á harmoniku-
dansleik. Þar logar víst allt í
slagsmálum.“
Konan sturlaðist. Föður-
bróðir hennar spilar nefnilega
á harmoniku og leikur oft fyrir
dansi. Að hans sögn hefur allt-
af verið mikið stuð á þessum
böllum og engin slagsmál. Ég
var kominn í klípu. Hvort átti
ég að trúa orðum þessa ágæta
manns eða því sem vörður lag-
anna hafði um málið að segja?
Til að styggja konuna ekki
frekar sagði ég rólega að það
væru tvær hliðar á öllum mái-
um og við skyldum ekki rasa
um ráð fram. Ég stakk upp á
því að við færum bæði á
harmonikudansleik og útihátíð
um næstu verslunarmanna-
helgi svo við gætum dregið eig-
in ályktanir. Þessi tillaga var
samþykkt og bíð ég nú með
óþreyju eftir því að þessi
umdeilda helgi renni upp á ný
að ári liðnu. Góðar stundir.
„Það var minna um pústra en á venjulegum harmonikudansleik í félagsheimilinu og löggæslumenn þurftu hreinlega
ekkert að skipta sér af þessari friðsælu samkomu,“ sagði einn hæstánægður laganna vörður um drykkjumótið fyrir
vestan.
heilsupósturinn
Umsjón: Sigurður Gestsson og Einar Guðmann
Ert þu vinnuþræll?
Eyðir þú mestum tíma þínum í
að vinna eða að hugsa um vinn-
una? Ef sú er raunin er hugsan-
legt að þú sért þræll vinnunnar.
En þó þarf það ekki að vera
raunin.
Það eru ekki allir sem eyða öll-
um sínum tíma í að vinna vinnu-
þrælar. Sumt fólk er drifið áfram
af áhuga á því sem það er að gera
eða hefur fyrir atvinnu og fær
mikið út úr því og fullnægingin
sem það fær út úr vinnunni er
sönnun þess að það sé á réttri leið
og sé ekki að þræla sér út. Hins
vegar eru sumir sem eru það hel-
teknir af vinnunni að það er farið
að nálgast það að vera sjúkdóm-
ur. En hvernig er farið að því að
sjá hvorum megin við strikið
maður stendur? Er ég orðinn
þræll vinnunnar eða er ég að
vinna vegna þess að ég fæ mikið
út úr því sem ég er að gera og hef
gaman af? Hér á eftir eru nokkrir
punktar sem eru merki um það
að vinnan sé orðin sjúklega mikil
og óheilbrigð.
1. Enginn leikur. - Þú eyðir
litlum sem engum tíma til leikja
eða skemmtana og neitar að taka
frí. Þú fyllist meira að segja sekt-
arkennd ef þú skreppur frá í
nokkra klukkutíma. Þegar vinnu-
þræll er ekki að vinna er hann
eirðarlaus og uppspenntur. Hann
þarf á vinnu að halda eins og hún
væri eiturlyf.
2. Reynir of mikið. - Vinnan
gerir þig kvíðinn og taugaspennt-
an. Ekkert sem þú gerir á skrif-
stofunni virðist vera nægilega
gott svo að þú fínpússar og lagar
til hvert einasta smáatriði hvort
sem það eru minnismiðar, reikn-
ingar, eða bréf.
3. Líkamleg svörun. - Þetta
viðhorf þitt kallar fram viðbrögð
hjá líkamanum. Þú ert þreyttur
en samt finnst þér ómögulegt að
slappa af. Svefninn er slitróttur
og þú vaknar oft og ert þá að
hugsa um vinnuna. Og það sem
verra er, þú ferð á fætur á nótt-
unni og hellir þér yfir eitthvert
verkefni sem þú tókst með heim
úr vinnunni. Af líkamlegum
kvillum ert þú hugsanlega oft
með höfuðverk, magaverk, bak-
verk og jafnvel með magasár.
4. Einstefnu lífsmáti. - Þú
stundar ekki félagslíf að neinu
ráði ná ástarlíf. Vinnufélagar
þínir eru orðnir drykkjufélagar
og á vissan hátt komnir í staðinn
fyrir fjölskylduna.
5. Einstefnu hugarfar.
Ákveðni þín í að vinna mikið er
farin að valda vandræðum heima
hjá þér. Það bitnar á fjölskyldu
þinni hve mikið þú vinnur og þú
færð að heyra það annað slagið.
Auk þess líst samstarfsmönnum
þínum ekkert á kröfurnar sem þú
gerir í vinnunni en þú röflar bara
yfir því að þeir standi sig ekki.
6. Píslarvottur. - Þú lítur á
vinnuna sem píningu og þig sem
píslarvott.
Ef þú lítur á of mikið vinnu-
stress sem vandamál, þá er eitt og
annað sem þú getur gert við því.
Fyrst af öllu er að reyna að
endurskipuleggja vinnuna. Þá
skiptir mestu máli að hætta acj
eyða tíma í það sem skiptir ekki
máli eða borgar sig ekki.
Taktu frá ákveðinn tíma í
hverri vikusem þú getur notað til
þess að skemmta þér eða hrein-
lega bara slappa af með þínum
nánustu. Einnig er nauðsynlegt
að vera einn annað slagið og gera
ekki neitt til þess að átta sig á
hlutunum og hugsa sinn gang. Að
lokum verður þú að vera við þvi
búinn að taka mikilvægar ákvarð-
anir í sambandi við launakjör og
stöðu ef yfirmaður þinn stuðlar
að því að gera þig að vinnuþræl. í
rauninni gætir þú þurft að skipta
um starf og verður í því sam-
bandi að ákveða hvað það er sem
þú vilt gera og þá er nauðsynlegt
að hafa það í huga að maður get-
ur ekki fengið allt af því að mað-
ur getur ekki gert allt.