Dagur - 18.11.1989, Blaðsíða 6

6 - DAGUR - Laugardagur 18. nóvember 1989
Æskulýðsráð Akureyrar:
Kynningarvika í félagsmiðstöðvunum
- foreldrar hvattir til að kynna sér félagslíf unglinganna
Félagsmiðstöðvar? Jú, eru það
ekki borur þar sem kolruglaðir
unglingar hittast, drekka sig
fulla og slást? Musteri spilling-
ar og upplausnar. Sódóma og
Gómorra. Prump. Vissulega
eru slíkir fordómar til en allir
fordómar byggjast á þekking-
arleysi. Við getum ekki mynd-
að okkur skoðanir um félags-
miðstöðvar án þess að hafa
kynnt okkur starfsemi þeirra
og nú er lag!
í næstu viku ætlar Æskulýðs-
ráð Akureyrar að gefa foreldrum
og almenningi kost á að fá svar
við spurningunni: Hvað eru ungl-
ingarnir okkar að gera í félags-
miðstöðvunum? Opið hús verður
í félagsmiðstöðvum bæjarins á
opnunartíma þeirra. Fulltrúar
Æskulýðsráðs og starfsfólk veita
upplýsingar um starfsemina.
Frjár félagsmiðstöðvar eru á
Akureyri, í Lundarskóla, Glerár-
skóla og Dynheimum. Opnunar-
tími er sem hér segir: Lundar-
skóli: Þriðjudaga frá kl. 20-22 og
fimmtudaga kl. 20-22.30. Glerár-
skóli: Mánudaga kl. 20-22. Dyn-
heimar: Alla virka daga kl. 15-
18, miðvikudaga kl. 20-23, föstu-
daga kl. 20-23 og barnaball á
laugardögum kl. 15-17. Foreldrar
eru velkomnir í félagsmiðstöðv-
arnar á þessari kynningarviku
Æskulýðsráðs.
Skrifstofa Æskulýðsráðs verð-
ur opin á miðvikudaginn kl. 15-17
og er öllum velkomið að kynna
sér starfsemi ráðsins. Félagsmála-
stjóri og æskulýðsfulltrúi verða á
staðnum svo og starfsmenn Æsku-
lýðsráðs.
AUir velkomnir á
kynningarvikuna
Sérstakur vinnuhópur hefur unn-
ið að þessum kynningardögum.
Markmiðið með kynningunni er
ekki að setja upp sýningar eða
stórar uppákomur heldur að gefa
almenningi kost á að fá raunhæfa
mynd af starfsemi félagsmið-
stöðva. Þar munu unglingar sinna
þeim verkefnum sem þeir eru
Nú
að
er lag
10-15% afsláttur á öllum
rúmdýnum og svampvörum.
Sauma yfir dýnur og púða, úrval áklæða.
Sendi í póstkröfu.
Svampur og bólstrun
Austursíðu 2 • Sími 96-25137.
KYNNING
§ Hugbúnaður og
I virðisaukaskatturinn
Þriðjudag 21. nóv.
1989 kl. 13 til 19.
'Opið hús:
Hótel Norðurland
Fundarsalur
Almenn kynning á Allt-
hugbúnaði. Páll Pétursson
frá Þekkingu hf. ræðir um
skráningu virðisaukaskatts
í stuttum fyrirlestri kl. 14
og 16.
Miðvikudag 22. nóv.
1989 kl. 10 til 15.
Opið hús fyrir notendur:
Fell
Tryggvabraut 22
Umræður og kynning
á nýjungum í
Allt-hugbúnaði.
Væntanlegir notendur
velkomnir.
rni
TKYGGVABRAUT 22
600 AKUREYRI
SIMI 96-25455.
SJAUMST
MEÐ
ENDURSKINI!
||UMFERÐAR
ENDURSKINS-
MERKI fást í
apotekum
og viðar.
vanir og eru allir velkomnir í
miðstöðvarnar til að fylgjast með
og fræðast.
Reyndar eru foreldrar ávallt
velkomnir í félagsmiðstöðvarnar
en margir unglingar vilja (skiljan-
lega) ekki sitja undir því að hafa
foreldra sína yfir sér daginn út og
inn. Þess vegna var ákveðið að
efna til kynningarviku fyrir for-
eldra þannig að þeir geti í eitt
skipti fyrir öll sannfærst um að
allt sé með felldu í félagsmið-
stöðvunum í Dynheimum, Lund-
arskóla og Glerárskóla. Þetta er í
fyrsta sinn sem slíku kynningar-
átaki er hleypt af stokkunum.
Það vekur nokkra athygli að
ekki er starfrækt félagsmiðstöð í
Síðuskóla. Ástæðan er kannski
fyrst og fremst sú að upphaflega
átti Síðuskóli ekki að vera safn-
skóli heldur aðeins fyrir börn frá
forskólaaldri upp í 6. bekk.
Meiningin var að unglingar í 7.-9.
bekk færu í Glerárskóla, en það
er sá hópur sem Æskulýðsráð
sinnir. Nú er hins vegar ljóst að
þessi aldurshópur verður áfram í
Síðuskóla og því brýnt að Æsku-
lýðsráð og yfirmenn skólans hugi
að framtíðinni. Vonast er til að
þar verði komið á fót félagsmið-
stöð innan tíðar, jafnvel í vetur.
Starfsemi
félagsmiðstöðvanna
Hvað fer fram í félagsmiðstöðv-
unum? Fyrst má nefna námskeið
af öllum stærðum og gerðum.
Saumanámskeið (I-II) er mjög
vinsælt, en þar sauma krakkarnir
m.a. á sig föt, falleg og ódýr.
Skartgripanámskeið er líka eftir-
sótt svo og leiklistarnámskeið. Þá
hafa félagsmálanámskeið og
tölvunámskeið verið yfirfull.
Önnur námskeið eru t.d. bifhjóla-
námskeið, plötusnúðanámskeið,
gömludansanámskeið, myndlistar-
námskeið, leikfimi, skáknám-
skeið, borðtennisnámskeið, snyrti-
námskeið og tískusýninga-
námskeið.
Unglingarnir sinna líka alls
kyns tómstundastarfi í félagsmið-
stöðvunum, spila, hlusta á tónlist
og spjalla saman. En það eru
fleiri en Æskulýðsráð sem vilja
hafa ofan af fyrir æsku Akureyrar
með heilbrigðum tómstundum.
Æskulýðsráð hefur gefið út rit-
ið Unga Akureyri sem er upplýs-
ingarit um félagsstarf ungs fólks á
Akureyri veturinn 1989-1990.
Þar er að finna upplýsingar um
ein 50 félög á Akureyri sem eru
opin fyrir unglinga. Þetta eru
íþróttafélög, trúfélög, stjórn-
málasamtök, flugklúbbar o.s.frv.
Of langt mál yrði að gefa tæm-
andi yfirlit yfir allt sem æsku
Akureyrar stendur til boða á
sviði tómstunda og félagsmála en
miðað við framboðið getur varla
verið svo bölvað að vera ungling-
ur í dag. Allir eiga að geta fundið
eitthvað við sitt hæfi. SS
Frá fundi vinnuhóps um kynningarviku Æskulýðsráðs.
Mynd: KL
Við lifum á töluvuöld og eru tölvunámskeið vinsæl meðal unglinga.
Mörgum finnst erfitt að halda ræðu, hvað þá frammi fyrir suðandi upptöku-
vél.
Unnið að veggskreytingu undir
áhrifum frá Batman og Robin.
Fjölmörg námskeið eru í boði í fé-
lagsmiðstöðvunum, m.a. félagsmála-
námskeið.
Aldraðir í heimahúsum:
Stuðningshópur aðstandenda stofnaður
í undirbúningi er að stofna
stuðningshóp fyrir aðstand-
endur aldraðra sem dvelja í
heimahúsum. Ákveðið hefur
verið að halda kynningarfund
nk. mánudag kl. 17.00 í Húsi
aldraðra við Víðilund, en kynn-
ing fer sömuleiðis fram á kynn-
ingar- og fræðsludegi HÁK í
dag.
Tilgangurinn með stofnun
stuðningshópsins er sá að
aðstandendur sem annast aldraða
geti rætt saman um þau vandamál
sem á þeim hvíla, að þeir fái
stuðning og umræðu um sín mál
og að fundin séu viðunandi
úrræði ef mögulegt er.
Á fundinum á mánudaginn
mun Valgerður Jónsdóttir deild-
arstjóri í heimahjúkrun kynna
hlutverk stuðningshóps. Halldór
Halldórsson yfirlæknir á Krist-
nesi ræðir kynni sín af samskonar
hópum í Svíþjóð og stöðu öldr-
unarþjónustu á Norðurlandi
eystra. Þá mun Þorgerður
Hauksdóttir ræða frumvarp til
laga um umönnunarbætur til
þeirra sem annast elli- og örorku-
Iífeyrisþega heima.
Aðstandendur fundarins
hvetja alla þá sem annast aldraða
auk þeirra sem áhuga hafa á
málefninu að fjölmenna á
fundinn. VG