Dagur - 14.03.1990, Blaðsíða 6

6 - DAGUR - Miðvikudagur 14. mars 1990
Kristileg samvinna í leik og starfi
- spjallað við Ulrich Parzany prófessor, framkvæmdastjóra Landssambands KFUM og K í V-Þýskalandi
Fyrir skömmu var þýskur maður staddur á
Akureyri í boði KFUM og K, Ulrich
Parzany að nafni. Hann er framkvæmda-
stjóri landssambands KFUM og K
félaganna þýsku og prófessor í guðfræði, en
erindi hans til Akureyrar var m.a. að halda
erindi í félagsheimili KFUM og K í
Sunnuhlíð, auk þess sem hann kom á
miðnætursamkomu í tengslum við opna
daga Verkmenntaskólans.
Prófessor Ulrich Parzany, framkvæmdastjóri KFUM og K í V.-Þýskalandi.
Mynd: KL
Ulrich Parzany er prestvígður,
og hefur starfað í mörg ár fyrir
KFUM og K í Vestur-Þýska-
landi. Tildrög þess að hann kom í
heimsókn til íslands voru þau að
dr. Jónas Gíslason, formaður
Landssambands KFUM og K á
íslandi, bauð honum að koma til
landsins.
Blaðamaður spjallaði við Par-
zany um kristileg félög ungs fólks
í Vestur-Þýskalandi, þjóðfélags-
leg áhrif þeirra og stööu og stefnu
alheimssamtakanna. Talið berst
fyrst að félögunum í Pýskalandi.
„Yfir tvö þúsund KFUM og K
félög starfa í Vestur-Þýskalandi,
félagarnir eru 250 þúsund talsins.
Ég vil taka fram að Kristileg
félög ungra manna og kvenna
starfa á heimsmælikvarða, og nú
eru þau starfandi í 96 þjóðlönd-
um, með heildarfélagatölu upp á
26 milljón manns.
Margvísleg starfsemi
Starfsemi félaganna er mismun-
andi frá einu landi til annars. í
Þýskalandi snýst starfsemin eink-
um kringum unglinga á aldrinum
13 til 17 ára, og eldri hóp sem
spannar aldurinn 17 til 25 ára.
Börn á aldrinum 8 til 12 ára starfa
í sérstökum deildum.
Vikulegir fundir eru haldnir í
félögunum. Þau standa auk þess
fyrir íþróttakeppnum, félagsráð-
gjöf, tómstundanámskeiðum,
skíðaferðum á vetrum en tjald-
búðastarfi á sumrin.
Sem kristin hreyfing viljum við
deila orði Drottins hvor með öðr-
um og breiða það út meðal ungs
fólks. Líf einstaklingsins má ekki
einangrast frá orði Jesú, og við
eigum að deila því hver með öðr-
um.
Reynsla okkar er því sú að
kristileg samvinna í leik og námi
sé besti grundvöllurinn til að lifa
samkvæmt boðskap Krists.
Við gleymum ekki fötluðum,
og sérstök deild Landssambands
KFUM og K félaganna í Þýska-
landi sérhæfir sig í að aðstoða
fatlaða, veita ráðgjöf, starfsþjálf-
un og skóla fyrir þá sem eru
atvinnulausir vegna líkamlegrar
hömlunar. Þ'essu fólki reynum
við að veita andlegan styrk og
hughreystingu svo það fái yfir-
stigið takmarkanir sínar.“
Markmið hreyfíngarinnar
- Er hægt að tala um að þýska
hreyfingin vinni sem heild að
ákveðnum markmiðum?
„Félögin vinna á mismunandi
hátt, eftir því hvernig aðstæður
þeirra eru. Mikilvægast er að ein-
beita sér að þörfum fólksins og
koma boðskapnum til þess. Sem
dæmi get ég tekið að í mörg ár
bjó ég í Essen, sem er í miðju
iðnaðarhéraðsins Ruhr. Þar er
mikið um atvinnuleysi ungs fólks,
kolanámur lokast, stálverksmiðj-
ur hætta starfsemi o.s.frv. Þetta
varð kveikjan að því að KFUM á
staðnum fór að sinna þörfum
atvinnulauss, ungs fólks. Haft var
samband við eldra fólk í söfnuð-
unum, karla og konur, sem gengu
til liðs við unga fólkið, liðsinntu
því á ýmsan máta við að sækja
um störf eða benda því á leiðir til
að auka menntun sína.
í dag eru vandamálin í Þýska-
landi mörg, en eitt þeirra og það
stærsta er flóttamannastraumur-
inn. KFUM og K félög á þeim
svæðum sem mest er um flótta-
menn hafa haft samband við þá
sem eru illa staddir og hafa gert
sitt til að hughreysta þetta fólk og
veita því stuðning."
Tengslin við kirkjuna
- Hvernig eru tengslin milli mót-
mælendakirkjunnar þýsku og
KFUM og K félaganna?
„Þau eru sterk og mikil. Kristi-
leg félög ungra manna og kvenna
hafa starfað í 150 ár í Þýskalandi.
Frá upphafi hafa þau verið sjálf-
stæð leikmannasamtök innan
kirkjunnar. Ég er sjálfur prest-
vígður maður, en starfa þó alger-
lega fyrir þessa stóru leikmanna-
hreyfingu í heimalandi mínu.
Oft er málum þannig háttað að
kirkjan lætur KFUM og K alveg
eftir að sinna æskulýðsstarfinu í
sóknunum. Á öðrum stöðum er
þetta starf samhliða öðru æsku-
lýðsstarfi kirkjunnar. Aðalatriðið
er að ungliðahreyfingin boðar trú
meðal jafnaldra sinna, en unga
fólkið er oft sá hópur innan kirkj-
unnar sem er minnst virkur. Þess
vegna er nauðsynlegt fyrir kirkj-
una að hafa stuðning af KFUM
og K félögunum.“
- Er þá ekki um að ræða sam-
keppni milli kirkjunnar og fé-
lagasamtakanna um æskulýðinn?
„Nei, það tel ég ekki. Þó getur
komið upp streita þegar sam-
starfið milli KFUM-félaganna og
kirkjunnar er lítið, en þetta er
allt staðbundið eins og ég sagði
áðan og ekkert hægt að alhæfa.
Það eru undantekningar á öllu en
í heildina séð er samstarf kirkj-
unnar og KFUM og K mjög gott
í Þýskalandi.
Ég er t.d. í mjög góðu sam-
starfi við biskupa og kirkjunnar
menn á mörgum svæðum. Hlut-
verk mitt sem framkvæmdastjóra
er einmitt að halda tengslum við
kirkuna."
Félagsleg markmið
- Allir sem þekkja KFUM og K
vita að markmið félaganna er
kristilegs eðlis. En er ekki líka
félagslegt markmið nátengt því
trúarlega?
„Alheimssamtök KFUM og K
eru heildarsamtök, en þau leggja
deildum í einstökum þjóðlöndum
ekki skyldur á herðar aðrar en
þær að starfa í anda kristni og
kærleika. Hvernig félögin í hin-
um einstöku löndum útfæra kær-
leiksverk sitt er þeirra mál.
I Bandaríkjunum er eitt aðal-
markmið KFUM og K að bæta
heilbrigðisþjónustuna. Þar er
ekki mikið um heimatrúboð eða
biblíuleshringi. f Afríkuríkjum
eru allt aðrar aðstæður, eins og
menn geta ímyndað sér. Þar er
vandamálið að fólk hefur alltof
rúman tíma, atvinnuleysið sér
fyrir því. Hjá atvinnulausu fplki
er vandinn ekki sá að sjá því fyrir
tækifærum til tómstundaiðkana,
eins og víða er gert í þróuðum
iðnaðarþjóðfélögum.
í Afríkuríkjum berjast þjóðirnar
fyrir lifibrauði sínu, fyrir því að lifa
af. í Kenýa og Nígeríu og öðrum
slíkum ríkjum er aðaláhersla
KFUM og K lögð á menntun
og uppbyggingu atvinnulífsins.
Margt fólk leitar úr sveitunum til
fátækrahverfa stórborganna, þar
sem spilling ríkir og aðstæður eru
ömurlegar. Þessa þróun reyna
kristilegu leikmannasamtökin að
stöðva, og vilja því leggja mesta
áherslu á atvinnuþróun lands-
byggðarinnar.“
Hlakkar til að
ræða við ungt fólk
Parzany var spurður um boðskap
til ungs fólks á þessum tímum, og
hvaða umræðuefni hann kaus sér
á fundi með KFUM og K félög-
unum á Akureyri. „Við leggjum
mesta áherslu á það hvað Jesús
hefur að bjóða fólki í nútíman-
um. Ég hlakkaði mikið til þess að
fá tækifæri til að ræða við unga
fólkið um grundvöll kristinnar
trúar. Ég hef orðað það svo að í
heimi nútímans lifum við í veröld
þar sem flestar dyr eru lokaðar.
Með þessu á ég við að fólk ein-
angri sig vegna ótta hvort við
annað, það er hrætt við að verða
straumum og stefnum að bráð
sem muni heltaka það. Kristur
opinberaðist lærisveinum sínum
á páskadag, en þeir höfðu læst sig
inni af ótta við yfirvöldin. Þá
uppgötvuðu þeir að hann lifði, og
fylltust gleði og kjarki. Jesús
bauð lærisveinunum að ganga út
á meðal fólksins og deila blessun
trúarinnar með því.
Það er ekki markmið í sjálfu
sér að vera kristinn, trúaður
maður. Við öðlumst kærleika
Föðurins í þeim tilgangi að deila
honum með öðrum, að útbreiða
orðið. Þetta er sá boðskapur sem
ég beini til ungs fólks í dag.
Við KFUM og K fólk á Islandi
vil ég segja að ég hef tekið eftir
að meðal þeirra eru margir góðir
einstaklingar. Félögin hafa mikið
að gefa, og ættu að beina sjónum
sínum að öðrum þjóðum í því
efni. íslendingar fá það eflaust
stundum á tilfinninguna að þeir
séu langt frá öðrum þjóðum, en
við ættum ekki að líta á úthöfin
milli landanna sem hindranir,
heldur eitthvað sem tengir lönd-
in.“ EHB
1 ... . . . . ■ -—

Vantar í Grænugötu, Eií götu. mm blaðbera isvallagötu og syðri hluta Norður- m
jHg, Tilkynning
innflytjenda sem fengið hafa
greiðslufrest á virðisaukaskatti af
innfluttum vörum við tollafgreiðslu
Gjalddagi virðisaukaskatts af innfluttum vörum sem
fenginn hefur verið gjaldfrestur á við innflutning,
samkvæmt reglugerð nr. 640/1989 með áorðnum
breytingum, vegna tímabilsins janúar-febrúar 1990
er 15. mars næstkomandi. Gjalddagi er jafnframt
eindagi. Athygli skal vakin á því að viðurlög falla á
innflytjendur sem ekki greiða vegna virðisauka-
skattsins eigi síðar en á gjalddaga, samkvæmt áður-
greindri reglugerð.
Fjármálaráðuneytið, 12. mars 1990.
Iðja, félag verksmiðjufólks, Akureyri, auglýsir hér
með eftir listum varðandi kjör stjórnar og trúnaðar-
mannaráðs fyrir árið 1990 að viðhafðri allsherjarat-
kvæðagreiðslu. Ber samkvæmt því að skila listum
skipuðum fimm aðalmönnum og fjórum til vara í
stjórn og varastjórn. Átta aðalmönnum í trúnaðar-
mannaráð og fimm til vara. Fimm mönnum í samn-
inganefnd. Tveimur endurskoðendum og einum til
vara. Allt miðað við fullgilda félagsmenn. Hverjum
lista skulu fylgja skrifleg meðmæli 80 fullgildra
félagsmanna. Listunum ber að skila á skrifstofu
félagsins, Skipagötu 14, eigi síðar en kl. 17 mánu-
daginn 26. mars 1990.
Listi stjórnar og trúnaðarmannaráðs liggur frammi á
skrifstofu Iðju, Skipagötu 14.
Akureyri, 14. mars 1990.
Kjörstjórn.
Stjórnarkjör