Dagur - 14.03.1990, Blaðsíða 7
Miðvikudagur 14. mars 1990 - DAGUR - 7
Þorsleinn Ólafsson, efnafræðingur hjá Sjöfn, sýnir hvernig hreingerning með litvísi fer frain. Viðfangsefnið er plast-
kassar undir fisk, sem geta vissulega reynst gróðrarstíur fyrir örverur.
Efnaverksmiðjan Sjöfn:
Kynnir byltingu við
þrif í matvælaiðnaði
Rauði liturinn vísar á óhreinindin . . .
. . . og auðvelt er að ganga úr skugga um hvort hreinlætið sé fullkomið.
Mynd: KL
Forráðamenn Efnaverksmiðj-
unnar Sjafnar á Akureyri boð-
uðu á laugardaginn til kynn-
ingarfundar til að kynna nýja
og byltingarkennda aðferð við
þrif í matvælaiðnaði. Aðferð-
ina kalla þeir „hreingerningu
með litvísi“. Margir kannast
eflaust við það þegar börn eru,
eftir tannburstun, látin tyggja
töflu með litarefni í til að sjá
hvort nægjanlega vel hefur
verið burstað. Óhreinindi á
tönnum barnanna koma þá
greinilega I Ijós sem rauðir
blettir. Hreingerning með lit-
vísi er byggð á þessu sama
fyrirbæri. Akveðnu litarefni,
sem leyfilegt er að nota í mat-
vælum, er blandað í hreingern-
ingaefnið við þrif. Þegar
þvottalausnin er skoluð burt,
sjást óhreinindin sem eftir
sitja, rauð á lit. Með því að
fjarlægja síðan rauðu óhrein-
indin samviskusamlega er
hámarks hreinlæti náð. Hér er
því komin aðferð, sem sýnir
tafarlaust og örugglega hvernig
ástand hreinlætis er á viðkom-
andi stað og auðveldar þar
með að ná hámarks gæðum.
Þessi aðferð þykir henta mjög
vel, ekki sfst í matvælaiðnaði,
þar sem síauknar kröfur eru
gerðar um fullkomið hreinlæti.
Baráttan við örverurnar hefur
reynst matvælaframleiðendum
erfið. Þær fyrirfinnast allt í kring-
um okkur en sjást ekki nerna í
smásjá. Margar tegundir þessara
örvera eru hættulegar mannslík-
amanuin og nái þær að fjölga sér
er voðinn vís. Til þess að lifa og
fjölga sér þurfa þær hins vegar
næringu, en lífræn efni, t.d. mat-
væli og óhreinindi tengd þeim,
geta einmitt verið kjörið æti fyrir
þær. Eins og örverurnar eru sum
óhreinindi þess eðlis, að þau er
erfitt að sjá með berum augum.
Til þess að fylgjast náið með
hreinlæti og fjölda örvera eru því
tekin sýni og þau ræktuð. Eftir 3-
4 daga kemur niðurstaðan í ljós-
en því miður allt of seint, ef hún
er neikvæð. Með litvísisaðferð-
inni við hreingerningar telja
menn sig hafa fundið leið til að
uppgötva óhreinindi og þar með
örverur í umhverfi matvæla
tafarlaust.
Efnin sem kynnt voru í Sjöfn á
laugardaginn eru þrjú talsins:
Vísir, Fantur m/litvísi og Afvísir.
Vísir gefur ríka kvoðu og vætir
vel, Fantur m/litvísi gefur mikla,
stöðuga kvoðu og Afvísir er mjög
virkt á erfið óhreinindi, sem vilja
sitja eftir við hefðbundin þrif.
Framkvæmdin er í stuttu máli
þannig að fyrst er það sem þrífa
á, skolað mjög vandlega með
vatni. Síðan er 1% lausn af Vísi
eða Fanti m/litvísi úðað yfir
flötinn, sem þrífa á, og látið
liggja í 5-15 mínútur, til að litar-
efnið bindist óhreinindunum.
Þessu næst er flöturinn skolaður,
helst rneð háþrýstitæki. Að lok-
um er Afvísir blandaður í ílát í
hlutfallinu 1:9 og allir rauðir
blettir burstaðir vandlega upp úr
þessari blöndu. Loks er skolað
með hreinu vatni.
Fyrirtækið Cleansolve Inter-
national í Danmörku hefur sótt
um alþjóðlegt einkaleyfi á
hreingerningum með litvísi og
veitt Efnaverksmiðjunni Sjöfn
einkarétt á framleiðslu og dreif-
ingu viðkomandi hreinlætisvara á
íslandi, Grænlandi og í Færeyj-
um.
Erindi um
sorgarferil ekkjunnar
Séra Ólöf Ólafsdóttir prestur aö Skjóli Reykjavík flyt-
ur erindi um sorgarferil ekkjunnar á vegum samtak-
anna um sorg og sorgarviöbrögö í Safnaöarheimili
Akureyrarkirkju fimmtudaginn 15. mars kl. 20.30.
Allir velkomnir. Stjórnin.
Samvinnuháskólinn
Rekstrarfræði
Samvinnuháskólapróf í rekstrarfræðum miðar að
því að rekstrarfræðingar séu undirbúnir til forystu-,
ábyrgðar- og stjórnunarstarfa í atvinnulífinu.
Inntökuskilyrði: Stúdentspróf af hagfræði- eöa viö-
skiptabrautum eöa lokapróf í frumgreinum við Sam-
vinnuháskólann eða annað sambærilegt nám.
Viðfangsefni: Öll helstu svið rekstrar, viðskipta og
stjórnunar, s.s. markaðarfræði, fjármálastjórn, starfs-
mannastjórn, stefnumótun, lögfræði; félagsmálafræði,
samvinnumál o.fl.
Námstími: Tveir vetur, frá september til maí.
Frumgreinadeild til undirbúnings rekstrarfræði-
námi.
Inntökuskilyrði: Þriggja ára nám á framhaldsskólastigi
án tillits til námsbrautar.
Viðfangsefni: Bókfærsla, hagfræði, tölvugreinar,
enska, íslenska, stærðfræði, lögfræði, félagsmálafræði
og samvinnumál. Einn vetur.
Aðstaða: Heimavist og fjölskyldubústaðir á Bifröst í
Borgarfirði ásamt vinnustofum, bókasafni, tölvubúnaði
o.fl. Barnaheimili og grunnskóli nærri.
Kostnaður: Fæði, húsnæði og fræðsla áætluð um
35.000 kr. á mánuði fyrir einstakling næsta vetur.
Umsóknir: Með bréfi til rektors Samvinnuháskólans á
Bifröst. Umsókn á að sýna persónuupplýsingar, upp-
lýsingar um fyrri skólagöngu með afriti skírteina og um
fyrri störf. Tvenn skrifleg meðmæli fylgi. Veitt er inn-
ganga umsækjendum af öllu landinu. Þeir umsækjend-
ur ganga fyrir, sem orðnir eru eldri en 20 ára og hafa
öðlast starfsreynslu í atvinnulífinu. Námið hentar jafnt
konum sem körlum.
Umsóknir verða afgreiddar 25. apríl og síðan eftir því
sem skólarými leyfir.
Samvinnuháskólanám er lánshæft.
Samvinnuháskólinn á Bifröst,
311 Borgarnes - sími: 93-50000.
BETRI KjÖR FYRIR
SELJENDUR SKULDABRÉFA
Vegna vaxtalækkunar á verðbréfamarkaði undan-
farna mánuði seljast góð veðskuldabréf nú á
12-13% ávöxtunarkröfu. Þetta þýðir hærra verð
fyrir seljendur skuldabréfa. Nú tekur aðeins
1-2 daga að selja góð veðskuldabréf.
Sölugengi verðbréfa þann 14. mars
Einingabréf 1 4.762,
Einingabréf 2 ............. 2.608,
Einingabréf 3 ............. 3.141,
Skammtímabréf ............ 1,619
KAUPÞING
NORÐURLANDS HF
Ráðhústorgi 1 • Akureyri ■ Sími 96-24700
FROÐLEIKSMOLAR