Dagur - 08.05.1990, Blaðsíða 4

4 - DAGUR - Þriðjudagur 8. maí 1990
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 24222
ÁSKRIFT KR. 1000 Á MÁNUÐI
LAUSASÖLUVERÐ 90 KR.
GRUNNVERÐ DÁLKSENTIMETRA 660 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
JÓN HAUKUR BRYNJÓLFSSON (íþróttir),
KÁRI GUNNARSSON (Sauðárkróki vs. 95-35960),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, ÓLI G. JÓHANNSSON,
ÓSKAR ÞÓR HALLDÓRSSON, STEFÁN SÆMUNDSSON,
VILBORG 'GUNNARSDÓTTIR. LJÓSMYNDARI: KRISTJÁN LOGASON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRlMANN FRlMANNSSON
DREIFINGARSTJÓRI:
HAFDÍS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SIMFAX: 96-27639
Atvinnumálm efst
á baugi á Akureyri
Bæjar- og sveitarstjórnakosningar eru á næsta
leiti og ef að líkum lætur verður spennandi að
fylgjast með úrslitum þeirra. Á Akureyri hefur
kosningabaráttan farið hægt af stað og pólitísk
umræða verið í lágmarki, þótt einungis 18 dagar
séu fram að kosningum. Þetta hlýtur að fara að
breytast næstu daga en þegar er ljóst að kosn-
ingabaráttan verður stutt. Hvort hún verður
átakamikil mun tíminn leiða í ljós.
Atvinnumálin verða mál málanna í bæjar-
stjórnarkosningunum á Akureyri að þessu sinni.
Atvinnuleysi í bænum hefur verið meira undan-
farna mánuði en nokkru sinni fyrr og fátt bendir
til þess að úr rætist á næstunni. Núverandi
bæjarstjórnarmeirihluti Sjálfstæðisflokks og
Alþýðuflokks hefur sætt harðri gagnrýni fyrir
aðgerðarleysi á sviði atvinnumála á kjörtímabil-
inu, þrátt fyrir fögur fyrirheit um hið gagnstæða
í síðustu bæjarstjórnarkosningum; fyrirheit sem
vafalaust voru lykillinn að góðri útkomu þessara
flokka þá.
Mörgum finnst sem kraftar núverandi meiri-
hluta Bæjarstjórnar Akureyrar hafi um of farið í
að ræða málin og skilgreina vandann á sama
tíma og eiginlegar framkvæmdir hafi verið látn-
ar sitja á hakanum. Með öðrum orðum hafi
bæjaryfirvöld á Akureyri skort nauðsynlegt
frumkvæði í atvinnumálunum á kjörtímabilinu.
Þessi gagnrýni á við rök að styðjast og sannast
sagna hafa bæjaryfirvöld fátt aðhafst til að snúa
vörn í sókn í atvinnulífi Akureyrar á kjörtímabil-
inu. Vissulega hafa erfið ytri skilyrði í þjóðar-
búskapnum haft sín áhrif á atvinnulíf þar eins
og annars staðar. Almenn rekstrarskilyrði í
landinu skýra þó afleita stöðu atvinnulífs á
Akureyri einungis að hluta.
Jakob Björnsson, sem skipar 3. sæti á fram-
boðslista Framsóknarflokksins við bæjarstjórn-
arkosningarnar á Akureyri nú, kemst svo að orði
í grein sem birtist í blaðinu „Framsókn, Akur-
eyri“ fyrir skemmstu: „Á þessum erfiðleikatím-
um í atvinnumálum, ræða menn um hvert hlut-
verk sveitarfélagsins eigi að vera í atvinnuupp-
byggingu og hversu langt sé hægt að ganga á
þeim vettvangi. Krafa bæjarbúa hlýtur að vera
sú að meirihlutinn gefi tóninn og sýni að hann
sé tilbúinn til átaka við vandann. Það er langt
frá því að núverandi meirihluti hafi blásið bæjar-
búum bjartsýni í brjóst í atvinnumálunum, eða
sannað að að hann sé á annað borð fallinn til að
fást við vandamálin og atvinnuleysið." Þetta
eru því miður orð að sönnu. BB.
Teikning Guðmundar Ármanns, myndlistarinanns, af Grófargilinu eins og það gæti litið út þegar það væri orðið
miðstöð menningar og lista á Akureyri.
Merniingarbærimi Akureyri
„Skóla- og menningarbærinn
Akureyri.“ Þesi orð eru oft við-
höfð um höfuðstað Norðurlands,
Akureyri. En eru þessi orö rétt?
Að mínu áliti er svarið bæði já og
nei. Já, vissulega er Akureyri
skólabær cn er hann menningar-
bær? Ja, það er hann ekki, ekki í
þeim skilningi sem ég legg í orðið
menningarbær. Þar vantar tals-
vert upp á.
Öll þekkjum við skólana sem
hafa verið hornsteinar bæjarins
um lengri eða skemmri tíma,
skóla sem hafa menntað okkur
og börnin okkar. Já. Akureyri er
skólabær, Við höfurn hér há-
skóla, menntaskóla, verkmennta-
skóla, myndlistarskóla og tónlist-
arskóla. En hvar er Akureyri á
vegi stödd sem menningarbær?
Hvar er listasafn Akureyrar?
Hvar er sérhæfður sýningarsalur
fyrir stærri myndlistarsýningar?
Hvar er sérhæfður salur til tón-
listarflutnings? Ef Akureyri á að
teljast menningarbær verða þess-
ir hlutir að vera til staðar.
í viðbyggingu við Amtsbóka-
safnið er gert ráð fyrir fjölnota
sal, sem á að leysa vanda tónlist-
ar- og myndlistarmanna. En hve-
nær verður hann tilbúinn? Verð-
ur það þegar við, sem störfum að
myndlist og tónlist á Akureyri ,í
dag, verðum komin á grafar-
bakkann? Hvenær verður svo
Jónas Viðar Sveinsson.
reist veglegt listasafn hér á Akur-
eyri?
Astæðan fyrir þessari hugleið-
ingu minni um stöðu menningar-
mála hér í bæ er grein sem birtist
í blaðinu Norðurlandi í maímán-
uði síðastliðnum. Þar setur Guð-
mundur Ármann myndlistarmað-
ur fram mjög svo góða hugmvnd
í texta og teikningu um lausn á
menningarvandamálum Akur-
eyrar: Framlengjum göngugöt-
una upp Gilið og gerum gamla
Grófargilið að allsherjar lista- og
menningarmiðstöð.
„Glæðum gömlu verksmiðju-
húsin lífi“, er innihald þessarar
hugmyndar, ásamt því að leysa
menningarvandamál Akureyrar
til frambúðar. í þessuni húsum
niá koma fyrir vinnustofum lista-
manna, Listasafni Akureyrar,
sýningasal, tónlistarsal, galleríi,
litlum verslunum sem selja vand-
aða listmuni úr íslenskri ull,
birki, silfri, gulli, gleri og leir.
Þa’r gætu haft aðstöðu félags-
samtök sem tengjast menningar-
málum, eins og Menningarsam-
tök Norðlendinga, Nýlistafélag-
ið, Ólund og bókaútgáfa sem sér-
hæfði sig í útgáfu verka myndlist-
armanna og rithöfuna. Einnig
væri hægt að hugsa sér lítið kaffi-
hús í fallegu umhverfi þessarar
menningargötu Akureyringa.
Við sjáum nú þegar vísi aö
þessum breytingum efst í Gróf-
argilinu, þar sem Myndlistarskól-
inn hefur hreiðrað um sig í mjög
svo glæsilegu húsi, sem áður var
efnaverksmiðja. Glæsilegar
vinnustofur listamanna í bakhúsi
efst í Gilinu eru einnig vísir að
þessuni breytingum.
Þetta er sem sagt frábær hug-
mynd og góð lausn á svo mörgum
vandamálum Akureyrar á sviði
menningarmála. Akureyringar!
Tökum höndum saman og kom-
um þessari hugmynd í fram-
kvæmd. Geruni Akureyri að
menningarbæ sem við getum ver-
ið stolt af.
Jónas Viðar Sveinsson.
Höfundur er niyndlistarmaöur á Akur-
eyri.
Stóriðja við Faxaflóa hefur
aukna byggðaröskun í lor með sér
- segir fliréfi frá landshlutasamtökum sveitarfélaga á
Vestíjörðum, Norðurlandi og Austurlandi til ríkisstjórnarinnar
Kíkisstjórn íslands
Stjórnarráðinu
Reykjavík
„Samstarfshópur landshfutasam-
taka sveitarfélaga á Vestfjörðum,
Norðurlandi og Austurlandi vill,
eftir fund með alþingismönnum
þessara kjördæma, beina eftirfar-
andi atriðum til ríkisstjórnarinn-
ar:
Úttekt á vegum Byggðastofn-
unar sýnir að með óbreyttri bú-
setuþróun mun á næstu áratugum
verða geigvænleg búsetutilfærsla
frá landsbyggðinni til höfuðborg-
arsvæðisins.
Á sama tíma er til umræðu
staðarval nýs álvers á Islandi,
sem mun hafa gífurleg margfeld-
isáhrif í nágrannabyggðum sínum
auk þess að hafa áhrif á hagvöxt,
þjónustu og vinnumarkað í fram-
tíðinni.
Hin mikla .búseturöskun sem
fylgir uppbyggingu stóriðju og
stórvirkjana á Suður- og Suð-
vesturlandi getur orðið eitt alvar-
legasta áfallið í búsetuþróun á
Islandi síðustu áratugina.
Jarðgöng á milli byggðarlaga á
norðanverðum Vestfjörðum
tengja þjónustu- og atvinnu-
svæði, þannig að fleiri greinar
þjónustu og framleiðslu nýtast á
stækkuðum heimamarkaði. Um
leið verður tryggt að eitt þýðing-
armesta framleiðslubyggðarlag
landsins blómgist og leggi frani
aukinn skerf til þjóðarbúsins.
Stórvirkjun í Fljótsdal í sam-
ræmi við ákvörðun Alþingis um
virkjunarröð er undirstaða
margskonar uppbyggingar og
framþróunar á Áusturlandi.
Staðsetning stóriðju við
Eyjafjörð eða Reyðarfjörð er
gott tækifæri til að jafna búsetu í
landinu í samræmi við þjóðar-
hag. Margfeldisáhrif stóriðju á
landsbyggðinni ná einnig til
höfuðborgarsvæðisins. Stóriðja
viö Faxaflóa hefur hins vegar ein-
göngu margfeldisáhrif á höfuð-
borgarsvæðinu en aukna byggða-
röskun á landsbyggðinni í för
með sér. Sú þróun kemur höfuð-
borgarsvæðinu í koll um síðir.
Það er ekkert seni réttlætir
uppbyggingu stóriðju á íslandi,
þrátt fyrir að iðjuverið leiði til
aukins hagvaxtar, ef öðrum meg-
inhagsmunum þjóðarbúsins er
jafnhliða stefnt í hættu.“
Reykjavík 23. apríl 1990.
F.h. samstarfshóps landshluta-
samtaka sveitarfélaga á Vest-
fjörðum, Norðurlandi og Austur-
landi.
Kristinn Jónsson, varaformaður
Fjórðungssambands Vcstfirðinga
Björn Sigurbjörnsson, formaður
Fjórðungssambands Norðlendinga
Einar Már Sigurðarson, formaður
Sambands sveitarfélaga í Austurlandskj.