Dagur - 23.06.1990, Blaðsíða 20

Akureyri, laugardagur 23. júní 1990
Skógræktarfélag EyfErðinga ★ Gróðrarstöðin í Kjama
Opið virka daga kl. 9-18. Laugardaga kl. 10-17.
• JéíS'to Leitið upplýsinga
siniuiii
24047 og 24599.
★ Póstsendum
um allt Iand.
ÓlafsQörður:
Mánabergið
faríð á
úthafskarfa
Togarinn Mánaberg ÓF-42 fór
á úthafskarfaveiðar hinn 11.
júní sl., en veiði hefur gengið
fremur rólega vegna brælu.
Miðin eru um 400 mflur suð-
vestur af Reykjanesi.
Þessar úthafskarfaveiðar eru
utan kvóta, en bæði er að mjög
langt er að sækja á miðin og svo
er verð á úthafskarfa mjög óljóst
um þessar mundir. Úthafskarfinn
er heilfrystur og hausskorinn í
pakkningar á Japansmarkað, en
þar sem gæði hans upp úr sjó eru
mjög misjöfn hefur verð verið
mjög breytilegt.
Rekstur Mánabergsins hefur
gengið mjög vel, en skipið er á
sóknarmarkskvóta, sem m.a.
annars þýðir að talsvert er sótt í
veiðar á ýsu og ufsa, en þær fisk-
tegundir eru utan kvóta hjá þeim
skipum sem eru á sóknarmarki.
Úthafskarfatúrnum lýkur
væntanlega 1. júlí nk. GG
Óslax í Ólafsfirði:
Fyrstu hafceitar-
laxamir komnir
Fyrstu hafbeitarlaxarnir á
þessu sumri komu í gær-
morgun hjá Óslaxi í Ólafs-
firði. Hafbeitarlaxarnir eru
nokkru fyrr á ferðinni nú en
í fyrra þegar þeir fyrstu
komu um mánaðamót júní
og júlí.
Að sögn starfsmanns hjá
Óslaxi er ógjörningur að segja
til um hve lengi laxinn skilar
sér í stöðina fram á haustið.
Fiskur kom síðast í október í
fyrra og þannig geti einnig
orðið nú. „En við vonum að
þetta sé að fara í gang.“
Eins og sagt var frá í Degi
fyrir skömmu hyggjast Óslax-
menn gera tilraun með slepp-
ingar nú og sieppa fiski á mis-
munandi tímum og með mis-
munandi hætti. Búið er aö
setja fyrstu seiðin sem sleppa á
í sjó í Ólafsfjarðarvatn en
búast má við að um mánaða-
mótin verði byrjað að sleppa
merktu seiðunum.
Mikil eftirspurn er eftir haf-
beitarlaxinum frá þeim aðilum
sem bjóða almenningi sport-
veiði í ám og vötnum og er
eftirspurnin umfram framboð.
JÓH
„Þessi vinna er óþægileg, þegar flugan ræður ríkjum,“ sögðu strákarnir Sævar, Viðar, Baldvin og Pétur, sem eru
í unglingavinnunni í Mývatnssveit. Mynd: kl
Helgarveðrið:
Skýjað, súld
og svalt!
- fram yfir helgi
„Nú er röðin kontin að okkur
hér fyrir sunnan,“ sagði Bragi
Jónsson, veðurfræðingur, að-
spurður um helgarveðrið á
Norðurlandi, en miklar líkur
eru á Norðlendingar sjái lítið
af sól um helgina. Norðan- og
norðaustanátt verður ríkjandi
fram yfir helgi frá Vestfjörðum
til Austfjarða með 4-5 vind-
stigum.
Skýjað, þokuloft og súld verð-
ur á miðum og annesjum norðan-
lands og heldur svalt í veðri. Inni'
í landi gæti hitastig hangið í 7-9
stigum en 5-6 stig út við strönd-
ina. Þannig að lokaorð Braga
segja meira en mörg orð: „Það
verður slæmt fyrir norðan, gott
fyrirsunnan.“ -bjb
Hráefnisverð á ferskri rækju að sliga verksmiðjurnar?
Eftírspurnin talsvert umfram framboðið
Rækjuverksmiðjurnar standa
nú í harðri innbyrðis sam-
keppni um hráefnið, og það
þykir nú nokkuð ljóst að til
langframa munu fæstar verk-
smiðjanna geta greitt það verð
sem greitt er nú.
Það mun ekki óalgengt nú að
greiddar séu rúmar 90 krónur fyr-
ir kg og ennfremur sé greitt t.d. í
botnfiskvóta 0,65 kg á móti
hverju kg af rækju, sumir bát-
anna fá ís og enn aðrir veiðar-
færi. Ef hráefnisverðið er orðið
allt að 70% af tekjunum, launa-
kostnaður 20% og vextir a.m.k.
20%, hvaða fjármuni hafa þá
verksmiðjurnar í annan rekstur?
Lárus Jónsson framkvæmda-
stjóri Félags rækju- og hörpu-
diskframleiðenda segir hráefn-
Þjóðverjar í kröppum dansi í Múlanum:
Fengu gijótskriðu yfír sig
- lögðust til svefns eftir miðnætursólargláp
happs að þeir voru aftur í svefn-
plássi bílsins þegar skriðan kom
yfir. Grjót fór í gegnum rúðu á
hliðarhurð og út um framrúðu
bílsins, auk þess sem annar
gluggakarmurinn er genginn inn.
Það hefði því farið illa ef einhver
hefði verið frammi í húsbílnum.
-bjb
Nokkrir Þjóðverjar í húsbíl
höfðu heppnina með sér í
gærmorgun í Olafsfjarðarmúl-
anum þegar grjótskriða kom
yfír bflinn. Húsbfllinn er mikið
skemmdur en Þjóðverjarnir
sluppu án meiðsla. Þeir höfðu
lagst til svefns í bílnum um
nóttina, en múlinn vakti þá
hressilega þar sem þeir höfðu
lagt bílnum á Planinu í hámúl-
anum.
Þjóðverjarnir stoppuðu á Plan-
inu í hámúlanum á fimmtudags-
kvöldið og ætluðu að fylgjast
með miðnætursólinni hníga, líkt
og margir ferðamenn gera á þess-
um árstíma. Síðan var bara lagst
til svefns. Að sögn lögreglu er
nokkuð um það á þessum árstíma
að ferðamenn stoppi á Planinu til
að fylgjast með miðnætursólinni.
Að leggjast til svefns á þeim slóð-
um er feigðarflan, en í fyrrinótt
rigndi mikið í Múlanum.
Það var Þjóðverjunum til
isverð nú mjög hátt hlutfall af
kostnaði við rækjuvinnsluna,
kvóti á úthafsrækju hefur minnk-
að að undanförnu, en það sé hins
vegar alvörumál fyrir verksmiðj-
urnar að hafa ekkert hráefni til
að vinna úr. Því hafa forráða-
menn verksmiðjanna þurft að|
taka þátt í þeim dansi, að hafi
einhver farið að greiða hærra
verð en aðrir, hefur það verð
orðið að markaðsverði, þótt allir
séu sammála um að yfirborganir
á rækju séu vandamál.
Verð á frystri rækju t.d af
verksmiðjuskipum hefur fallið
mikið frá því snemma í vor vegna
aukins framboðs, og ef til vill hef-
ur það áhrif til lækkunar þegar til
lengri tíma er litið.
Gera má ráð fyrir að allt að
helmingur alls rækjukvótans
skipti um eigendur, því margir
hverjir hafa það nauman kvóta
að ekki svarar kostnaði að útbúa
bátinn á rækjuveiðar. Því fá eig-
endurnir í hendur fjármuni sem
þeir í raun hafa ekki möguleika á
að nýta sér nema í einhvers kon-
ar skiptiverslun.
Lárus segist óttast þá þróun að
seljendur ráði of miklu á mark-
aðinum, en hins vegar skapist
ákveðið markaðsverð á frystri
skelrækju sem útlendingar hafi
verið að bjóða hérlendum verk-
smiðjum að undanförnu, en það
er rækja sem þeir hafa verið að fá
norður á 82. gráðu þar sem eru
ný og mjög gjöful mið. Til lengri
tíma litið ætti sú þróun að hafa
áhrif til almennrar lækkunar á
hráefnisverði rækju.
En á meðan eftirspurn eftir
ferskri rækju til vinnslu er meiri
en framboð eru ekki miklar líkur
á breytingum. En eftir stendur að
vandi verksmiðjanna vegna hrá-
efniskaupa stendur óbreyttur, og
því spurning hversu lengi margar
verksmiðjurnar geta haldið
áfram rekstrinum miðað við
óbreytt hráefnisverð.
í Félagi rækju- og hörpudisk-
framleiðenda eru 25 framleið-
endur. GG
Ferðamenn farnir að láta sjá sig í Herðubreiðarlindum:
Straumurinn byijar um helgina
- segir Kári Kristjánsson, landvörður
„Ferðamennirnir eru aöeins
farnir að koma og fer fjölgandi
með hverjum deginum. Eg
geri ráð fyrir að þetta fari á
fullt um helgina,“ sagði Kári
Kristjánsson, starfsmaður
Ferðafélags Akureyrar og
Náttúruverndarráðs í Herðu-
breiðarlindum.
Atvinnumálafulltrúi Norður-Þingeyjarsýslu:
Margir áhugasamir um starfið
Umsóknir hafa ekki borist til
Byggðastofnunar um starf
atvinnumálafulltrúa Norður-
Þingeyjarsýslu en margir hafa
spurt um starfíð og umsóknir
eru væntanlegar frá a.m.k.
tveimur aðilum.
Sigurður Guðmundsson hjá
Byggðastofnun sagði í samtali við
blaðið í gær að stofnunin ásamt
heimamönnum líti eftir rétta
aðilanum í þetta starf og strax og
rétti aðilinn finnist verði ráðið í
starfið.
Sigurður segir að atvinnumála-
fulltrúinn hefji störf eins fljótt og
auðið verði. Þó hefur ekki verið
frágengið enn hvar viðkomandi
mun hafa starfsaðstöðu en að lík-
indum mun það fara eftir því
hver verður ráðinn í starfið.JÓH
Vegurinn upp í Herðubreið-
arlindir var opnaður fyrir um
viku og sagði Kári að ástand
hans væri allgott. Von er á fjölda
hópa í heimsókn í sumar í rútu-
ferðum og þá leggja margir
ferðamenn í eigin bílum, bæði
erlendir og innlendir, leið sína
þarna upp eftir. Kári sagðist
búast við svipuðum fjölda ferða-
manna í sumar og sl. sumar og
samkvæmt venju yrðu útlending-
ar í miklum meirihluta, eða allt
að 80%.
Að sögn Kára verður boðið
upp á skipulagðar gönguferðir
fyrir innlenda ferðamenn í
Herðubreiðarlindum í sumar.
Þetta var reynt í fyrra og þótti
takast vel. Leiðsögumaður verð-
ur með í för og lýsir því sem fyrir
augu ber. Flokkur rnanna frá
Ferðafélagi Akureyrar var uppi í
Herðubreiðarlindum nýverið og
vann við að bæta aðstöðu við
Þorsteinsskála. Meðal annars var
rotþró stækkuð verulega og dytt-
að að skálanum.
„Hér er allt miklu þurrara en í
fyrra. Vatnsborð er um 20 senti-
metrum lægra í hrauninu. Snjór í
hlíðum Herðubreiðar er eins og
um mánaðamótin júní-júlí í
fyrra. Segja má að gróður sé tólf
til fimmtán dögum fyrr á ferðinni
en í fyrra,“ sagði Kári.
Hann sagði að í Herðubreiðar-
lindum væru um 30 heiðagæsa-
hreiður og eitt álftahreiður.
Álftaparið er búið að koma
þremur ungum á legg. „Ég skoð-
aði álftahreiðrið um daginn. Það
er 40 sm hátt og 120 sm í þver-
mál,“ sagði Kári. óþh