Dagur - 23.06.1990, Blaðsíða 7

Laugardagur 23. júní 1990 - DAGUR - 7
fþróttahátíð f.SÍ.:
Ávarp Sveins Björnssonar, forseta íþróttasambands íslands
Íþróttahátíð íþróttasambands
íslands sem fram fer á tíu ára
fresti, hófst á Akureyri s.l. vetur
og heldur áfram í Reykjavík 28.
júní til 1. júlí, er ómæld stærsti
íþróttaviðburður íslenskrar æsku
hverju sinni.
Höfuðmarkmið allrar íþrótta-
iðkunar er að ávinna sér betri
heilsu og aukna vellíðan og lífs-
gleði, að ógleymdri þeirri ánægju
sem samvistir við góða íþróttafé-
laga veita.
Pessi gleðilega þróun á sér án
efa margar orsakir, en vafalaust
vega þar þyngst auknar frístund-
ir, fjölbreyttari möguleikar til
iðkunar íþrótta og ekki síst vax-
andi skilningur á gildi íþrótta,
líkamsræktar og útivistar.
Þegar framangreind markmið
ráða ferðinni, hefur það verið
nefnt „trimm“ eða „að trimma“.
Eðli málsins samkvæmt er það og
á að vera stærsti hópurinn, sem
þannig stundar íþróttir. Sá hópur
er einnig stór, einkum meðal
yngra fólks, sem ánægju hefur af
því að sækjast eftir sem mestri
fullkomnun í íþrótt sinni og meta
hæfni sína við aðra, sem eftir
sama merki sækjast. Þetta eru
hinar svokölluðu keppnisíþróttir.
Þær laða til sín mikinn fjölda
æskufólks og skapa því holl og
góð tómstundastörf og ekki má
gleyma því, að einmitt við þessar
íþróttaiðkanir lærir fjöldi fólks
að meta gildi líkamsræktar og er
líklegra en aðrir til að halda áfram
að stunda íþróttir eftir að
keppnisferli lýkur.
Nú þegar viðamikil og glæsileg
íþróttahátíð er að hefjast, er mér
efst í huga þakklæti til allra
þeirra mörgu manna og kvenna,
sem stóðu að undirbúningi og
framkvæmd Íþróttahátíðar Í.S.I.
1990.
Íþróttahátíð þessi er sú
stærsta, sem haldin hefur verið
hérlendis fram til þessa og hafa
margir lagt hönd á plóginn til
þess að gera hana að eftirsóttu
marki til eflingar íþróttum og
sýna þar með hið mikla íþrótta-
starf, sem unnið er í landinu.
Öll þau félög, sambönd, ráð og
nefndir er starfa að velferð
íþróttahreyfingarinnar hafa lagt
sig fram í því að öll framkvæmd
íþróttahátíðarinnar muni fara
eins vel fram og hægt er.
Allar þær vinnustundir sem
fóru í undirbúning og
framkvæmd, verða aldrei metnar
til fjár.
Starfið sýnir þá fórnfýsi og
áhuga fyrir íþróttum, sem þeim
er nauðsynlegur, og skal öllu
starfsliði því sem greip í undir-
búning, ásamt því sem lagði nótt
við dag til þess að íþróttahátíð
Í.S.Í. 1990 mætti takast, þakkað-
ur stuðningur við íþróttir.
Með hátíð þessari, vill íþrótta-
samband íslands sameina alla
íþróttahreyfinguna til stórra sam-
stilltra átaka, sem vekur eftirtekt
allrar þjóðarinnar.
Verið öll hjartanlega velkom-
in. Sveinn Björnsson
forseti Í.S.Í.
SVÆÐISSTJÓRN MÁLEFNA FATLAÐRA
Á NORÐURLANDI EYSTRA
Stuöningsfjölskyldur
óskast
Við leitum að fjölskyldum sem hefðu áhuga á að
taka að sér að fóstra fatlað barn, nokkra sólar-
hringa í mánuði.
Allar nánari upplýsingar fást á skrifstofu Svæðis-
stjórnar, Stórholti 1, og í síma 26960 kl. 9-16 virka
daga.
Íþróttahátíð ÍSÍ:
Viðbót við grein
Hermanns Sigtr.
í samantekt Hermanns Sig-
tryggssonar í Degi í gær um
Íþróttahátíð íþróttasambands
íslands féllu niður nokkur
atriði sem vert er að leiðrétta.
Fyrst er til að taka að í grein-
inni er greint frá smáþjóðamóti
Blaksambands íslands og var get-
ið um þrjár erlendar þátttöku-
þjóðir, Luxemborg, Færeyjar og
San Marinó. Þarna gleymdist
nafn fjórðu erlendu þátttöku-
þjóðarinnar, Monaco.
1 öðru lagi er vert að geta þess
að Borðtennissamband íslands
fær tvo heimsfræga Japana til að
sýna listir sínar við borðtennis-
borðið.
í þriðja lagi láðist að geta
þriðju þjóðarinnar í landskeppni
í frjálsum íþróttum. Auk íslands
og írlands mæta Skotar til leiks.
í fjórða lagi fær glímusam-
bandið fjölda þátttakenda frá
Frakklandi, Englandi og Skot-
landi til keppni í axlatökum.
- en þú leggur þau samt léttilega
Reykjalundur hefur framleitt vatnsrör í 35 ár
og þau elstu eru enn eins og ný. Þegar við bætist að
lagning röranna er sérstaklega einföld er Ijóst að rörin
eru afar hagkvæmur kostur, bæði til lengri og skemmri
tíma litið.
Framleiðum rör frá 0 20 mm upp í 0 400
mm og útvegum allt upp í 0 1600 mm.
Allar grennri gerðir fást í helstu bygginga-
vöruverslunum um land allt og sölumenn okkar á
Reykjalundi eru ávallt reiðubúnir til þjónustu.
Rörin frá Reykjaiundi
- rör sem duga.
REYKJALUNDUR
Söludeild • Sími 666 200
„Stærsti íþróttavið-
burður íslenskrar æsku“