Dagur - 26.06.1990, Blaðsíða 3

Þriðjudagur 26. júní 1990 - DAGUR - 3
Krútt kökuhúsið
á Blönduósi:
„Konditori“
norður í
hafsauga
opnað aftur
„Yið opnuðum kökuhúsið 15.
júní eftir að hafa haft lokað
síðan í febrúar og fólk kemur
þarna við, bæði íslendingar og
útlendingar sem eiga leið um.
Verst er þó að vera ekki stað-
settir við þjóðveginn því að
það myndi vafalítið auka að-
sóknina,“ sagði Þorsteinn
Húnfjörð, forstjóri, þegar
Dagur spurði hann út í Krútt
kökuhúsið.
í útvarpinu er nú farin að heyr-
ast auglýsing frá Krútt kökuhús-
inu á Blönduósi. Þar getur fólk
áð og fengið sér alls kyns meðlæti
og sest niður og slappað af eins
og á besta kaffihúsi. Það var í
fyrsta sinn í vetur að kökuhúsinu
var lokað vegna lítillar aðsóknar
og kenndi Þorsteinn þar um því
leiðindaferðaveðri sem oft var.
í kökuhúsinu eru sæti fyrir 20
manns og auk þess sem þar er selt
kaffi og með því eru seldar þar
mjólkurvörur og brauð. Töluvert
er um það að ferðafólk komi við
í kökuhúsinu og að sögn Þor-
steins virðist vera að fólk sem
kemur einu sinni komi aftur. Þor-
steinn sagði líka að um daginn
hefðu komið þar Danir sem
hefðu verið alveg undrandi á því
að finna svona fínt „konditori"
úti á mörkum hins byggilega
heims.
Kökuhúsið kemur til með að
verða opið fram á haust, en síðan
verður það skoðað hvort haft
verður opið í vetur. SBG
Slys í umferðinni
á íslandi 1989:
Alls létust
28 manns
- þar af 12
á Norðurlandi
Fjölda látinna í umferðinni
árið 1989 fækkaði um einn frá
árinu áður. Alls létust 28
manns á síðasta ári í 22 dauða-
slysum, miðað við 29 látna í 24
dauðaslysum árið 1988. Slys
með meiðslum voru 514 og 803
slasaðir á síðasta ári, þar af 314
alvarlega slasaðir. Þetta er
töluverð fækkun frá árinu
áður. Þá urðu 623 slys með
meiðslum og 910 slasaðir.
Þessar tölur koma fram í nýút-
kominni skýrslu frá Umferð-
arráði um umferðarslys á ís-
landi árið 1989.
Skráð umferðarslys með eigna-
tjóni voru 4842, miðað við 7602
árið ’88. Skýringin á þessari
miklu fækkun er sú að ef ein-
göngu minniháttar eignatjón
verður í slysum, gera tjónaaðilar
sjálfir skýrslu og senda trygginga-
félögunum, en ekki lögregla eins
og áður.
Á Akureyri varð 121 slys á síð-
asta ári, þar af voru meiðsli í 26
þeirra. Ekkert dauðaslys varð í
umferðinni á Akureyri á síðasta
ári. Á Norðurlandi létust 12
manns í 8 dauðaslysum og er það
mikil aukning frá árinu áður, þá
létust þrír í jafnmörgum slysum.
Á Norðurlandi urðu 409 slys á
síðasta ári, þar af 107 með
meiðslum. Alls slösuðust 166
manns í þessum slysum. Þetta er
nokkur aukning frá árinu áður.
-bjb

STAÐGREIÐSLA 1990
PERSÓNUAFSLÁTTUR
HÆKKAR l JÚLÍ
'RÐUR 61 OKR.AD.
Þann 1. júlí nk. hækkar persónuafsláttur í 22.114 kr. á mánuði
og sjómannaafsláttur í 610 kr. á dag.
Hækkunin nemur6,06%.
Hækkunin nær ekki til launagreiðslnafyrirjúní og hefur ekki í
för með sér að ný skattkort verði gefin út til þeirra sem
þegar hafa fengið kort.
Ekki skal breyta upphæð persónuafsláttar launamanns þegar
um er að ræða:
• Persónuafslátt samkvæmt námsmannaskattkorti 1990.
• Persónuafslátt samkvæmt skattkorti með uppsöfnuðum
persónuafslætti 1990.
Ónýttur uppsafnaður persónuafsláttur sem myndast hefur á
tímabilinu 1. janúartil 30. júní 1990 og verður millifærður síðar
hækkar ekki.
Á sama hátt gildir hækkun sjómannaafsláttar ekki um
millifærslu á ónýttum uppsöfnuðum sjómannaafslætti sem
myndasthefurátímabilinu 1. janúar til 30. júní 1990. J
o
CO
O
X
<
>
X
Launagreiðendur! Munið að hœkka persónuafsiátt
vegna júlílauna.
RSK
RÍKISSKATTSTJÓRI