Dagur - 21.11.1990, Blaðsíða 3

Miðvikudagur 21. nóvember 1990 - DAGUR - 3
HrutaQörður:
Staðarhreppur setur skilyrði
fyrir nýja veginum
- álitsgerð send til Skipuíagsstjórnar
Á opnum hreppsnefndarfundi
í Staðarhreppi í Hrútafirði sl.
sunnudag var tekin afstaða í
vegaskipulagsmáli því sem
búið er að vera í gangi í sumar.
Um er að ræða breytingu á
vegarstæði milli Staðarskála og
Brúar í Hrútafirði. Hrepps-
nefndin tók afstöðu með lagn-
ingu hins nýja vegar, þó með
nokkrum skilyrðum.
Til stóð að hreppsnefndin skil-
aði inn sínu áliti til Skipulags-
stjórnar þann 15. október sl., en
■hún fór fram á framlengingu á
skilafresti þar sem fjalla þurfti
um fjölda athugasemda. Einnig
leitaði hún sérfræðiálits.
í álitsgerð hreppsnefndar segir
m.a.:
„Tillaga Vegagerðar ríkisins
gerir ráð fyrir verulegri breytingu
á legu vegarins, sem gæti haft
mikil áhrif á atvinnustarfsemi í
byggðarlaginu. Arðsemisútreikn-
ingar Vegagerðarinnar eru ekki
véfengdir, en gætu raskast eitt-
hvað mcð tilliti til krafna sem
settar kynnu að vcra fram af
Náttúruverndarráði. Hugsanlegt
er að framkvæmdir gætu haft
áhrif á lífríki árinnar og því
nauðsynlegt að fiskifræðingar
yrðu hafðir með í ráðum. Aug-
ljóst er hagræði umferðar af stytt-
ingu vegar milli Norður- og Vest-
urlands og Vestfjarða og umferð-
arþungi færist af Síkárbrú, sem er
einbreið, en þar er veruleg slysa-
hætta miðað við þá umferð sem
þar er nú. Bent skal á flóðahættu
sem skemmt gæti vegamannvirki,
einnig tún og girðingar. Hrepps-
nefnd gerir skýlausa kröfu til að
núverandi vegi milli Staðar- og
Brúarskála, þar með talin núver-
andi brú á Hrútafjarðará, verði
haldið við þannig að þessi leið
geti þjónað almennri umferð,
m.a. til þess að þjóna bæjum sem
liggja við þennan veg og sem
öryggisatriði vegna flóðahættu á
veglínu fjögur. Bent er á að hér
sé um einu tengingu landshluta
að ræða ef vegurinn um línu fjög-
ur rofnar. Ahersla er lögð á
mikilvægi atvinnustarfsemi sem
tengist umferð um veginn og má
þar nefna að rekstur Staðarskála
sem atvinnurekenda skiptir veru-
legu máli fyrir tekjur sveitarsjóðs
Staðarhrepps. Pví er mikilvægt
að starfsaðstaða slíks atvinnu-
rekstrar raskist sem minnst."
Álitsgerðin fer nú til Skipu-
lagsstjórnar og þar verður fjallað
málið og síðan fer það til sam-
göngumálaráðuneytisins. Bæjar-
hreppur skilaði sinni álitsgerð inn
fyrir þann 15. okt. og neitaði til-
lögu Vegagerðarinnar alfarið.
SBG
]*óruiin Bergsdóttir skólastjóri Dalvíkurskóla ásamt nokkrum nemendum sem tóku þátt í umhverfisátaki skólans.
Dalvíkurskóli:
Umhverfismálm heltaka nemendur
- dalvískir grunnskólanemar gera úttekt á ástandi umhverfis-
mála og skora á
Umhverfismálin voru í brenni-
depli á Dalvík í síðustu viku.
Fyrst var sett upp í Dalvíkur-
skóla farandsýning á vegum
Landverndar þar sem vakin er
athygli á nauðsyn þess að fólk
hugi að umhverfí sínu. Sú sýn-
ing kveikti eld í huga nem-
enda. Stundaskráin var lögð til
hliðar og unnið fram á kvöld
að undirbúningi sýningar sem
haldin var um helgina.
Á sýningunni var boðið upp á
leikþátt á föstudagskvöld og svo
gafst gestum kostur að kynna sér
ástand umhverfismála á Dalvík.
Nemendur höfðu skipt liði og
heimsótt flest fyrirtæki á
staðnum, tekið myndir, rætt við
stjórnendur og gefið fyrirtækjun-
um einkunnir fyrir framlag þeirra
til umhverfismála. Árangurinn
mátti sjá á spjöldum sem héngu á
veggjum skólans. Aðrir nemend-
ur fóru í fjöruferðir, gerðu könn-
un á viðhorfum bæjarbúa til
umhverfismála og 8-9 ára börn
bæjarstjórn að heíja
fóru í kröfugöngu um bæinn.
Undir stjórn myndmennta-
kennarans Sigurlaugar Jóhanns-
dóttur unnu nemendur sýningu
sem haldin var í tveimur skóla-
stofum. Fyrst var gengið inn í
dimman sal og drungalegan þar
sem lyktin var eins og út úr
öskubíl. Neðan úr loftinu héngu
mjólkurfernur og um gólfið flutu
umbúðir og dagblöð. Ut úr þess-
um sal lá leiðin í annan bjartan
og fagran þar sem ekkert vantaði
nema fuglasönginn.
Að sögn skólastjórans, Þór-
unnar Bergsdóttur, ætla nemend-
ur 10. bekkjar ekki að láta staðar
numið með þessari sýningu. Þeir
safna nú undirskriftum bæjarbúa
undir áskorun til bæjarstjórnar
um að farið verði að flokka sorp í
bænum og koma því í endur-
vinnslu sem hægt er að nýta. Til
að sýna hver þörfin er ætla þau
að heimsækja öll heimili og fyrir-
tæki í bænurn tvívegis í þessari
viku og safna saman öllum
,pappír og bréfarusli sem til
flokkun á sorpi
fellur. Um leið gefst fólki kostur
á að giska á hversu inikið af
pappír er fleygt á Dalvík í hverri
viku. Þeir sem vilja giska borga
250 kr. sem renna í ferðasjóð
nemenda.
Pappírnum verður safnað sam-
an í tvo gáma sem skólinn hefur
fengið að láni. Tilgangurinn er að
sýna hversu miklu af pappír er
hent. „Þetta verður marktæk
könnun sem sveitarfélagið getur
tekið mið af, og reyndar má yfir-
færa niðurstöðurnar á önnur
sveitarfélög líka. Auk þess vekur
þetta framtak fólk til umhugsun-
ar um umhverfið," sagði Þórunn.
Hún bætti því við að framtak
nemenda hefði þegar vakið mikla
athygli. „Það hittast allir í kaup-
félaginu og þar voru allir að tala
um umhverfismál þegar ég fór
þangað á föstudaginn. Margir
foreldrar hafa líka verið virkjaðir
í að vigta rusl og ræða málin.
Þetta er gott til umhugsunar,"
sagði Þórunn. -ÞH
Menntaskólinn á Akureyri:
Kymmigardagur fyrir foreldra og
forráðamenn 1. árs nemenda
Sérstakur kynningardagur fyrir
foreldra og forráðamenn 1. árs
nenta í Menntaskólanum á
Akureyri verður nk. laugar-
dag. Þetta e»- í fyrsta sinn í
sögu M.A. sem boðað er til
slíkrar kynningar.
Foreiurum og forráðamönnum
nemenda í I. bekk hefur verið
sent bréf með dagskrá kynningar-
dagsins. Kynningin hefst á Sal í
gamla skólahúsinu við Eyrar-
landsveg. Þar verður skólinr
kynntur, bæði nám, skólarcglur.
félagslíf og rekstur. Tækifæri
gefst til að ræða við starfsmenn
og kennara og bera fram fyrir-
spurnir. Boðið verður upp á
kaffiveitingar. Þeir foreldrar sem
ekki geta komiö þennan dag geta
haft símasamband síðar við
kennara eða aðra starfsmenn.
Jón Már Héðinsson, áfanga-
stjóri, og Laufey Magnúsdóttir,
námsráðgjafi, voru spurð um
kynningu þessa, en sjaldgæft er
að boðið sé upp á slíkt í fram-
haldsskólum á íslandi. Þau
greindu frá því aö markmiö skól-
ans sé að auka og cfla þjónustu
sína við nemendur og foreldra,
og kynningardagurinn sé skref á
þeirri braut. Að þessu sinni er
ekki boðið upp á einkaviðtöl við
kennara, en líta má á kynningu
þessa sem jarðveg frekari sam-
skipta síðar, ef þörf er á.
Þau Jón Már og Laufey bentu
á að óheppilegt væri aö klippa
algjörlega á allt foreldrasamstarf
eftir að 9. bekk grunnskóla lýkur.
Mörgum foreldrum finnst fram-
haldsskólar lokaðir. en hér er
verið að gera tilraun til aö opna
fyrir samstarfiö. í mörgum tilvik-
um er nauðsynlegt að halda sam-
skiptum heimilis og skóla áfram
eftir grunnskólanám, og hefur
það sýnt sig greinilega í skóla-
starfinu. Foreldrar og aðstand-
endur 1. árs nemenda eru því
eindregið hvattir til að koma og
kynna sér skólann á laugardag.
Tryggvi Gíslason, skólameist-
ari, Áytur ávarp á laugardag þar
sem hann rekur m.a. sögulegt
yfirlit um Menntaskólann á
Akureyri. Því næst talar Gunnar
Frímannsson. aðstoðarskóla-
meistari, um nám, próf og ein-
kunnir. Jón Már Héðinsson
kynnir námsskipan skólans.
Sverrir Páll Erlendsson ræðir um
félagslífið í M.A. og Laufey
Magnúsdóttir um samskipti
heimila og skóla, auk þess sem
hún kynnir starf námsráðgjafa.
I 1. bekk M.A. eru nú 190
nemendur. Umsjónarkennarar
eru átta í jafnmörgum bekkjar-
deildum. EHB
Alþýðubandalagið á Norðurlandi eystra:
Stefiit að því að ákveða listann
á kjördæmisþingi 1. og 2. des.
Stefnt er að því að ganga frá
frainboðslista Alþýðubanda-
lagsins í Norðurlandskjördæmi
eystra á kjördæmisþingi dag-
ana 1. og 2. desember nk.
Að undanförnu hefur uppstill-
ingarnefnd flokksins verið að
störfum og átt fundi með flokks-
mönnum víðsvegar í kjördæm-
inu. Leitað hefur verið til fólks
um að taka sæti á lista flokksins
og er miðað við að svör liggi fyrir
í næstu viku.
Allar líkur eru á að Steingrím-
ur J. Sigfússon, samgöngu- og
landbúnaðarráðherra, skipi
áfram efsta sæti listans. Dagur
hefur þó heimildir fyrir þvf að
töluverðrar óánægju gæti hjá
nokkrum alþýðubandalagsmönn-
um með afstöðu Steingríms til
bráðabirgðalaga ríkisstjórnarinn-
ar. Þetta atriði er þó tæplega talið
velta Steingrími úr efsta sætinu.
Um næstu sæti gæti meiri
óvissu. Svanfríður Jónasdóttir,
aðstoðarmaður fjármálaráð-
herra, sem skipaði annað sæti á
lista Alþýðubandalagsins síðast,
gefur að þessu sinni ekki kost á
sér í annað sætið. Áhugi er fyrir
því meðal margra stuðnings-
manna Alþýðubandalagsins að
kona skipi það sæti. Augu þeirra
beinast m.a. að Sigríði Stefáns-
dóttur, forseta bæjarstjórnar
Akureyrar. Sainkvæmt upplýs-
ingum Dags hefur hún ekki gefið
endanlegt svar um hvort hún gef-
ur kost á sér.
Þá er talið fullvíst að Björn
Valur Gíslason, bæjarfulltrúi
vinstri manna í Ólafsfiröi, verði í
einu af efstu sætum listans, en
hann skipaði fjórða sætið fyrir
síðustu kosningar. óþh
Tryggingarfélag
Óskum eftir að ráða starfskraft á skrifstofu hjá
tryggingarfélagi.
Um heilsdagsstarf er að ræða.
Starfssviö m.a.:
• Mat á tjónum.
• Umsjón með daglegum rekstri SKrifstofunnar.
Verslunarmenntun og/eða reynsla í skrifstofustörfum
nauðsynleg.
Umsækjandi þarf að geta hafið störf sem fyrst.
Umsóknareyðublöð og upplýsingar aðeins á skrif-
stofunni.
□□□□RÁÐNINGAR
Endurskoðun Akureyri hf., Glerárgötu 24, sími 26600