Dagur - 08.12.1990, Qupperneq 20

Ólafsfjarðarmúli:
Umferð hleypt á
göngiii eftir viku
Yinnu við uppsetningu kapal-
stiga og lýsingar í Ólafsfjarðar-
göngunum miöar mjög vel, aö
sögn Sigurðar Oddssonar, hjá
Vegagerð ríkisins á Akureyri,
og miðað við gang verksins
verður þessum verkhluta lokið
að viku liðinni.
Jón Birgir Jónsson, yfirverk-
fræðingur hjá Vegagerð ríkisins,
segir að strax og þessu verki ljúki
verði umferð hleypt á göngin.
„Göngin verða væntanlega
Helgarveðrið:
Vestanþræsingur
Þema helgarinnar í háloft-
um er vestan þræsingur.
Þessi úrsvali gustur mun
leika um landsmenn þá er
byggja Norðurland en á
morgun snýst hann meira til
suðvestlægrar áttar með
hlýnandi veðri.
Veðurstofan gerir ekki ráð
fyrir mikilli úrkomu á
Norðurlandi um helgina en
eitthvað gæti éljagangur látið
á sér kræla á annesjum.
Á mánudag er hins vegar
gert ráð fyrir norðan eða norð-
vestan átt með tilheyrandi
muggu og kólnandi veðri, en
þetta verður lítill hvellur og
skammvinnur því ný lægð er
væntanleg á þriðjudag. SS
Dalvík:
Útsvarspró-
sentan 7,5
á næsta árí
Kristján Þór Júlíusson,
bæjarstjóri á Dalvík, segir
að bæjaryfirvöld hafi ákveð-
ið sömu útsvarsprósentu fyr-
ir næsta ár og í ár, eða 7,5.
Hins vegar hefur ekki verið
ákveðinn stuðull fasteigna-
gjalda fyrir næsta ár. Á yfir-
standandi ári er hann 0,4 fyrir
íbúðarhúsnæði en 1,0 fyrir
atvinnuhúsnæði.
Þessi útsvarsprósenta er á
þessu ári hjá meirihluta sveit-
arféiaga á Norðurlandi. óþh
opnuð strax um aðra helgi. Ég
reikna ekki með að þeim verði
lokað aftur eftir áramót, nema
einn og einn dag þegar nauðsyn-
legt er vegna vinnu við þau. Við
reynum að hafa sem minnstar
umferðartafir,11 sagði Jón Birgir.
Vegagerðin á eftir að setja upp
hurðir fyrir gangaopin og verður
það að sögn Jóns gert strax eftir
áramót.
Hann segir að ekki standi til að
vígja göngin fyrir jól. Menn muni
setjast niður eftir áramótin og
ákveða formlegan vígsludag. All-
ir hlutaðeigandi aðilar vilji
standa veglega að vígslunni og
því þurfi hún nokkurn undirbún-
ing. óþh
Tveir lýsistankar í eigu ístess hf. á Akureyri voru fluttir ■ gær með dráttarbílum á lóð verksmiðjunnar í Krossanesi.
Tankarnir voru í viðgerð hjá Vélsmiðju Akureyrar hf. Mynd: EHB
Vatnafang - félag silungsveiðibænda:
Samið iim sölu á 30-40 tonnum af
silungi til Svíþjóðar á næsta árí
Gengið hefur verið frá samn-
ingum um sölu á 30-40 tonnum
af vatnasilungi á næsta ári til
Svíþjóðar. Það er aðili skammt
frá Stokkhólmi, sem kaupir sil-
unginn af Vatnafangi, félagi
veiðibænda. Hann greiðir 33
krónur sænskar, eða um 320
krónur fyrir kílóið, sem þýðir
að samningurinn er upp á um
eða yfir 100 milljónir króna.
Á þessu ári hefur Vatnafang
selt nálægt 15 tonnum af vatna-
silungi til Svíþjóðar og hefur
útflutningurinn gengið vel, að
sögn Bjarna Egilssonar, bónda á
Hvalnesi í Skefilsstaðahreppi.
Greiddar hafa verið 29 sænskar
krónur fyrir kílóið, sem gefur 200
króna skilaverð til bænda. Kaup-
andinn í Svíþjóð hefur fallist á
hækkun á verðjnu upp í 33 krón-
ur sænskar og gildir það verð fyr-
ir næsta ár.
Bjarni segir að langmest af
þeim tæpu 15 tonnum, sem flutt
hafa verið út á þessu ári, sé heil
bleikja. Þá er einnig svolítið um
bleikjuflök og urriða.
Svíarnir eru hrifnastir af smá-
fiskinum, mun smærri fiski en
gengur best á innanlandsmark-
aði. Bjarni segir að send hafi ver-
ið út bleikja allt niður í 140 g á
þyngd. Fiskurinn er sendur út
frystur í skipum til Gautaborgar.
Ætlunin er að breyta umbúð-
um fyrir fiskinn og pakka honum
eftirleiðis í lofttæmdar umbúðir.
Þetta verður gert að kröfu mark-
aðarins ytra.
Á bilinu 30-40 aðilar hafa veitt
fisk til útflutnings og gerir Bjarni
Akureyri:
Álagningarprósenta fast-
eignagjalda óbreytt
Álagningarprósenta fasteigna-
gjalda á Akureyri fyrir næsta
Skíðastaðir:
Gjaldskrá vetrar-
ins ákveðin
Gjaldskrá Skíðastaða í Hlíðar-
fjalli var ákveðin á fundi
bæjarráðs Akureyrar í fyrra-
dag. I meginatriðum fylgir
gjaldskrárhækkunin nú verð-
lagshækkunum milli ára.
Gjaldskrá Skíðastaða er
ákveðin einu sinni á ári, þ.e. í
byrjun vetrar. Þrátt fyrir að
hækkunin nú sé innan verðlags-
hækkana er uppbyggingu hennar
lítillega breytt þannig að hækk-
unin verður meiri hjá fullorðnum
en börnum. JÓH
ár verður sú sama og á þessu
ári. Þetta var ákveðið á bæjar-
ráðsfundi nú fyrir helgi og þar
var einnig tekin ákvörðun um
að gjaldögum fasteignagjalda
verði fjölgað í átta, og verði sá
fyrsti þann 1. febrúar en sá síð-
asti þann 1. september.
Fasteignagjöldin taka þó á sig
breytingar sem verða nú vegna
hækkunar á fasteignamati um
12% yfir landið. Þó var ákveðið í
bæjarráði að afsláttur á fasteigna-
gjöldum til aldraðra, þ.e. 75 ára
og eldri, hækkar sem nemur breyt-
ingum á fasteignamatinu.
Sigurður J. Sigurðsson formað-
ur bæjarráðs, sagði að eðlilegt
hafi þótt að fjölga gjalddögum
eftir að staðgreiðslukerfi skatta
var tekið upp. Gjalddagar voru
áður 5 á ári en með fjölgun gjald-
daganna verði léttara fyrir gjald-
endur að standa skil á sínu. JÓH
ráð fyrir að þeim muni fjölga á
næsta ári. Mest er veiðin á Mel-
rakkasléttu, í Skagafirði og
Apavatni.
Bjarni segir að fiskurinn líki
vel í Svíþjóð og kaupandinn þar
hafi í hyggju að dreifa honum til
fleiri landa.
Bjarni segir að auk útflutnings-
ins leggi silungsveiðibændur
áherslu á innanlandsmarkaðinn,
sem vill fremur stærri fiskinn.
Innanlandsmarkaðurinn gefur
bændum ívið hærra skilaverð en
útflutningurinn.
óþh
Framkvæmdir við íþróttahús Sjálfsbjargar:
Miklar umræður iim kostnað
- í bæjarráði Akureyrar
Miklar umræður urðu í bæjar-
ráði Akureyrarbæjar í fyrradag
vegna kostnaðar við fram-
kvæmdir bæjarins í íþróttahúsi
Sjálfsbjargar síðastliðið sumar.
Sem kunnugt er gerði bærinn
samning við Sjálfsbjörgu um að
taka að sér viðgerð í húsinu
sem hann notar nú til íþrótta-
kennslu fyrir Síðuskóla. Þessar
framkvæmdir fóru um 5 millj-
ónum króna fram úr áætlun.
„Það voru engar ályktanir
gerðar um þetta mál en umræður
voru miklar,“ sagði Sigurður J.
Sigurðsson, formaður bæjarráðs,
en kostnaðaráætlun við þessar
framkvæmdir nam um 10 milljón-
uni en allt stefnir í að endanlegur
kostnaður verði nálægt 15 millj-
ónum króna.
„Skýringar á þessu eru til en
þær eru því miður of margar.
Spurningin er hvenær menn sætta
sig við þær en ég vona að menn
læri eitthvað af þessu. Inn í þetta
blandast að þarna var verið að
fara inn í húsnæði sem var verið
að breyta og kostnaður við slíkt
er alltaf óljós. En það sem segja
má að skort hafi á var að grunn-
upplýsingar varðandi byggingar-
kostnaðinn þarna voru byggðar á
útreikningum áður en teikningar
lágu fyrir. Þegar síðan teikningar
voru gerðar kom strax í ljós við-
bótarkostnaður sem vitlegt hefði
þá verið að leggja fram til at-
hugasemda en var ekki gert. Þá
hefði kannski verið hægt að
draga úr lokahögginu, ef svo má
segja, þó að þetta hefði í raun litlu
breytt um niðurstöðutöluna,“
sagði Sigurður. JÓH
Rjúpnaveiðideilan:
Kæra send bæjarfógeta
Kæra á hendur rjúpnaveiði-
inönnunum tjórum, sem eftir-
litsmenn Skotveiðifélags Akra-
hrepps tóku niður nöfnin á fyr-
ir nokkrum vikum á Öxnadals-
heiði, var send til fógeta á
Akureyri núna fyrir helgi. Með
henni er farið fram á opinbera
rannsókn á málsatvikum.
Akrahreppur og Skotveiðifé-
lag hreppsins fengu lögfræðing-
inn Tryggva Gunnarsson til að
líta yfir gögn í málinu og leggja
sfðan fram kæru í framhaldi af
því. Kæran er lögð fram í nafni
hreppsins og félagsins og kært er
vegna ólöglegra fuglaveiða í
landi Akrahrepps á Öxnadals-
heiði.
Næsta skref í málinu verður
trúlega opinber málsrannsókn
SBG