Dagur - 03.04.1991, Síða 12

£}■ - FUJÐAQ - fSGT i'nqB ,E iuQBbu>liv6iM
12 - DAGUR - Miðvikudagur 3. apríl 1991
Forræði \fir fiskimiðunum
haldist hjá íslendingum einum
Ég varð undrandi, þegar ég sá
grein Valgerðar Sverrisdóttur hér
í Degi 15. mars sl., þar sem hún
gefur í skyn, að við Sjálfstæðis-
menn séum líklegir til að afsala
yfirráðum yfir fiskveiðilandhelg-
inni til Evrópubandalagsins.
Þetta er fjarri sanni. Mér er kært
að nota þetta tilefni til að árétta
fyrirvara Sjálfstæðismanna varð-
andi sjávarútveginn í samningun-
um við Evrópubandalagið.
í landsfundarályktun Sjálf-
stæðisflokksins stendur: „Fiski-
stofnarnir eru enn sem fyrr okkar
dýrmætasta sameign og á sjávar-
útvegi byggjast lífskjör þjóðar-
innar. Yfirráðum okkar íslend-
inga yfir fiskistofnun og afrakstri
þeirra má ekki stefna í hættu og
samskiptin við Evrópubandalag-
ið verði þannig háttað að forræði
yfir fiskimiðunum og nýting
þeirra haldist hjá íslendingum
einum. Kollsteypur í skilyrðum
til rekstrar sjávarútvegsfyrirtækja
eru beinlínis hættulegar efna-
hagslegu sjálfstæði þjóðarinnar.
Sjálfstæður atvinnurekstur í
sjávarútvegi er hornsteinn okkar
útflutningsverslunar, sem ekki
má brjóta niður með innbyrðis
deilum milli landsmanna.“
Fyrirvarar okkar Sjálfstæðis-
Svalbarðsstrandar-
hreppur
Kjörskrá vegna alþingiskosninga 20. apríl 1991 ligg-
ur frammi á skrifstofu hreppsins og Landsbankanum
á Svalbaröseyri frá 2. apríl til 20. apríl 1991.
Kærur vegna kjörskrár skulu hafa borist sveitarstjórn
eigi síðar en kl. 12.00 á hádegi, þriðjudaginn 9.
apríl 1991.
Svalbarðseyri, 2. apríl 1991.
Sveitarstjóri.
manna eru skýrir og afdráttar-
lausir. Framsóknarmönnum dug-
ir ekki að láta sér sjást yfir þá.
Það dregur einungis athyglina að
því, að sú byggðastefna, sem þeir
hafa beitt sér fyrir, hefur
brugðist, eins og Steingrímur
Hermannsson forsætisráðherra
hefur rakið allra manna best.
Hitt er rétt hjá Valgerði Sverr-
isdóttir, að þær samningaviðræð-
ur, sem ríkisstjórnin hefur átt við
Evrópubandalagið með öðrum
EFTA-þjóðum hafa ekki skilað
Halldór Blöndal.
neinum árangri fyrir sjávarútveg-
inn. Þessar viðræður hafa verið í
höndum Alþýðuflokksins og á
ábyrgð forsætisráðherra. Við
Sjálfstæðismenn vorum frá upp-
hafi svartsýnir á, að þessi leið
skilaði árangri og vildum taka
upp tvíhliða viðræður við
Evrópubandalagið um fiskveiði-
hagsmuni okkar. En ríkisstjórnin
kaus að hafa samflot við EFTA-
þjóðirnar og sú er staða okkar í
dag.
Eg þekki ekki þann stjórn-
málamann íslenskan, sem ekki er
heill í því, að við íslendingar
afsölum okkur í engu yfirráð-
um yfir auðlindum okkar til
lands og sjávar. Ég vona að kosn-
ingabaráttan sýni, að frambjóð-
endur allra flokka séu svo heilir í
þessu mesta sjálfstæðismáli þjóð-
arinnar, að þeir hafi ekki uppi
getsakir um hið gagnstæða.
Halldór Blöndal.
Höfundur er alþingismaður fyrir Sjálf-
stæðisflokkinn í Norðurlandskjördæmi
eystra.
Um jarðir og vatnsréttindi
í Degi 27. mars sl. spurðist Eirík-
ur Eiríksson fyrir um ákveðið
atriði í grein, sem undirritaður
birti í sama blaði þann 24. mars.
Sá kafli í grein minni, sem Eirík-
ur gerir athugasemd við, er svo-
hljóðandi: „Fallvötnin eru að
vísu ekki nema að hluta til í eigu
þjóðarinnar. Þau fylgja að öðru
Íeyti jörðum, og þarf sá aðili, sem
viil virkja þau, að kaupa vatns-
réttindin af viðkomandi jarðeig-
anda.“ Þessi ummæli koma Eiríki
spánskt fyrir sjónir og biður hann
mig að greina frá vatnsréttinda-
kaupum og hver séu virkjanleg
Aðaifundur
Kaupfélags Eyfirðinga
verður haldinn í Félagsborg á Gleráreyrum, laugar-
daginn 6. apríl.
Fundurinn hefst kl. 9:30 árdegis.
Dagskrá:
1. Rannsókn kjörbréfa og kosning starfs-
manna fundarins.
2. Skýrsla stjórnar.
3. Skýrsla kaupfélagsstjóra.
Reikningar félagsins.
4. Afgreiðsla á reikningum og tillögum
félagsstjórnar.
5. Skýrsla stjórnar Menningarsjóðs.
6. Erindi deilda.
7. Önnur mál.
8. Kosningar.
Fulltrúar eru beðnir að athuga að KEA annast flutn-
ing á fólki sem hér segir: ★ Frá Hótel KEA kl. 09:05
★ Frá Félagsborg kl. 12:45 ★ Frá Hótel KEA kl. 14:15
★ Frá Félagsborg að Hótel KEA þegar fundi lýkur.
Stjóm Kaupfélags Eyfirðinga
fallvötn í einkaeign.
Eignarréttur er afar flókið en
jafnframt mikilvægt lagafyrir-
bæri. Eignarréttur á jörð, sem
vatn rennur um, nær til vatnsins.
Sá eignarréttur er nýtingarréttur,
sem er þó háður ýmsum tak-
mörkunum, svo sem þeim að
reynt er með ýmsum hætti að
tryggja rétt eigenda annarra
jarða, sem sama á rennur um. í
vatnalögunum svonefndu er fjall-
að um notkun vatnsorku. Þar er
tryggður réttur eiganda jarðar,
þar sem vatnsréttindi fylgja, til
að nota það vatn, sem um landar-
eignina rennur, til að vinna úr því
orku. Það var um þennan rétt,
sem ég fjallaði í grein minni.
Þessi réttindi eru takmörkuð
að því leyti, að ef réttindahafinn
ætlar sér að virkja hluta af fall-
vatni, sem hefur meira en 500
eölishestöfl, þarf hann til þess
leyfi ráðherra. Þessi ráðstöfun
löggjafans er til þess gerð að
tryggja ýmis atriði er varða
almenningshagsmuni. Þá þarf
einnig leyfi Alþingis til að reisa
stærra orkuver en 2000 kw.
Nú hefur ekki á það reynt hér-
lendis, svo mér sé kunnugt, að
einkaeigandi vatnsfalls hafi viljað
ráðast í stórvirkjun. Fræðilega
séð ætti það að vera mögulegt.
Hann þarf þá að afla sér tilskil-
inna leyfa hjá ráðherra og á
Alþingi. Vatnsréttindin á hann
hins vegar sjálfur, og þarf ekki að
afla þeirra.
Þetta er sá skilningur sem ég
hef lagt í framangreind lög. Eftir
því sem ég best veit, þurfa
virkjunaraðilar að afla sér vatns-
réttinda eða semja um þau með
einhverjum hætti. Landsvirkjun
á eftir að semja um vatnsréttindi
vegna Blönduvirkjunar. Þar hlýt-
ur að vera um mjög flókið mál að
ræða, því það nær eflaust bæði til
Tóinas Ingi Olrich.
heimajarða og afréttár, en efgn-
arréttur á afrétti getur verið afar
margslungið mál, eins og ég gat
um í grein minni.
Þess eru dæmi að jörðum fylgi
ekki vatnsréttindi. Þegar ríkið
seldi einkaaðila jörðina
Presthvamm, voru vatnsréttindi
undanskilin við söluna, væntan-
lega í þeim tilgangi að nýta þau
síðar.
í grein minni var fjallað um
vandmeðfarin hugtök eins og
eignarrétt þjóðarinnar yfir fiski-
miðunum og ýmsum öðrum
gæðum, sem nýta mætti sér til
tekna. Ef ég hef ekki fjallað nógu
skýrt um lögfræðileg hugtök, bið
ég Eirík Eiríksson velvirðingar á
því. Vonandi verður þessi stutta
athugasemd til að bæta þar úr að
einhverju leyti.
Akureyri 27.3.1991
Tómas Ingi Olrich.
Höfundur skipar annað sæti á lista Sjálf-
stæðismanna í alþingiskosningum á
Norðurlandi eystra.
Akureyri:
Danskt tríó með tón-
leika í Safiiaðar-
hcimilinu í kvöld
Damgaard-tríóið frá Dan-
mörku, sem í eru John Dam-
gaard píanóleikari, Elísabeth
Zeuthen-Schneider fiðluleikari
og Ulrikke Höst-Madsen selló-
leikari, heldur tónleika í Safn-
aðarheimili Akureyrarkirkju í
kvöld, miðvikudaginn 3. apríl,
kl. 20.30 á vegum Tónlistar-
félags Akureyrar.
Á efnisskránni eru þrjú verk.
Fyrst skal nefna Tríó fyrir píanó,
fiðlu og knéfiðlu í C-dúr eftir
Mozart. Þá flytja þau Tríó fyrir
píanó, fiðlu og knéfiðlu op. 25
eftir Niels Viggo Bentzon og að
síðustu verður flutt Tríó fyrir
píanó, fiðlu og knéfiðlu í f-moll
eftir Antonin Dvorák.
Damgaard-tríóið hefur starfað
í nokkur ár og leikið víðsvegar í
Danmörku. Meðlimir þess eru
allir í hópi virtustu tónlistar-
manna Dana. Hingað til lands
kemur tríóið í boði Tríós
Reykjavíkur og mun halda ferna
tónleika. Meðal annars heldur það
tónleika á „Dönskum dögum“ í
Reykjavík.