Dagur - 18.04.1991, Blaðsíða 4

4 - DAGUR - Fimmtudagur 18. apríl 1991
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SlMI: 24222
ÁSKRIFT KR. 1100 Á MÁNUÐI
LAUSASÖLUVERÐ 100 KR.
GRUNNVERÐ DÁLKSENTIMETRA 725 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
JÓN HAUKUR BRYNJÓLFSSON (íþróttir),
KÁRI GUNNARSSON (Sauðárkróki vs. 95-35960),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, ÓLI G. JÓHANNSSON,
ÓSKAR PÓR HALLDÓRSSON, STEFÁN SÆMUNDSSON,
ÞÓRÐUR INGIMARSSON, LJÓSMYNDARI: KJARTAN ÞORBJÖRNSSON
PRÓFARKALESTUR: SVAVAR OTTESEN
ÚTLITSHÖNNUN: RlKARÐUR B. JÓNASSON, ÞRÓSTUR HARALDSSON
AUGLÝSINGASTJÓRI: FRlMANN FRlMANNSSON
DREIFINGARSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SÍMFAX: 96-27639
Stöðvum
byggðaröskuiima
Þeir sem þekkja til landbúnaðarmála og hafa inn-
sýn í þróun byggðar hér á landi vita að lands-
byggðin stendur á krossgötum. Á fyrstu áratugum
aldarinnar flutti stór hluti þjóðarinnar úr sveitum í
kaupstaði, þegar bændaþjóðfélagið tók að víkja
fyrir nýjum atvinnugreinum. Þessi þróun hefur
aldrei stöðvast síðan, hún hefur aðeins breytt um
mynd þannig að fólksstraumurinn er ekki lengur til
margra þéttbýlisstaða, þorpa og kaupstaða, held-
ur hefur hann aðallega legið til höfuðborgar-
svæðisins á síðari áratugum.
Þjóðin getur ekki horft framhjá þessum vanda,
þó svo að mörgum höfuðborgarbúanum hætti til að
gleyma því að nokkur byggð sé á landinu nema
Reykjavík og næsta nágrenni. Davíð Oddsson, for-
maður Sjálfstæðisflokksins, lýsti því oft yfir í borg-
arstjóratíð sinni að ekkert athugavert væri við það
þótt fólk kysi að flytja til Reykjavíkur, þar væri svo
gott að búa. Því miður er máhð ekki svona einfalt.
Ef þjóðin flytur smám saman á suðvesturhorn
landsins er voðinn vís. Jóhannes Geir Sigurgeirs-
son, 3. maður á framboðslista Framsóknarflokks-
ins í Norðurlandskjördæmi eystra, hefur bent á að
fólksflóttinn myndi ekki stöðvast á höfuðborgar-
svæðinu, þaðan myndi straumurinn liggja áfram til
útlanda. Það yrðu hörmuleg endalok íslenskrar
menningar, þjóðar, tungu og sögu.
Sem betur fer býr stór hluti þjóðarinnar „úti á
landi,“ eins og gjarnan er komist að orði. íbúar
landsbyggðarinnar mynda stærstan hluta þeirra
verðmæta sem þjóðin skapar. Menning þjóðarinn-
ar á rætur að rekja til sveitanna, þó það sé almennt
gleymt í dag og jafnvel lítilsvirt. Vissulega er það
rétt, að þjóðfélag sem ekki fylgist með tímanum
hlýtur að einangrast í samfélagi þjóða. Menning í
kyrrstöðu er hnignandi menning. En til að skilja
samtímann verður að hafa yfirsýn yfir það liðna, og
setja atburð líðandi stundar í samhengi við fortíð-
ina.
Nú fara Alþingiskosningar í hönd. íbúar lands-
byggðarinnar ættu að minnast þess að Framsókn-
arflokkurinn er eina stjórnmálaaflið sem veitir við-
nám gegn byggðaröskun, eini flokkurinn sem hef-
ur sýnt að hann vill beita sér fyrir velferð landsins
alls í verki. Framsóknarstefnan er sprottin upp úr
íslenskum jarðvegi. Þar hafa erlend öfl ekki mót-
andi áhrif eins og auðvelt er að sýna fram á með
aðra flokka, sér í lagi þá sem skipa sér ákveðið til
hægri eða vinstri. Um smáflokka og stundarfram-
boð þarf ekki að ræða í þessu sambandi, slík fyrir-
bæri lifna og deyja til skiptis án langtímaáhrifa. En
kjósendur sem vilja raunsæja og öfgalausa stjórn-
málastefnu, flokk sem ber hag landsbyggðarinnar
fyrir brjósti, hljóta að skipa sér undir merki Fram-
sóknar á kjördag. EHB
Fær Norðurlandskjördæmi
eystra 8 meirn á þing?
Kjördagur nálgast óðum, skoð-
anakannanir birtast hver af ann-
arri og gefa talnaglöggum mönn-
um og áhugasömum um kosn-
ingaúrslit færi á að spá í spilin og
geta sér til um, hver þau verði.
Frambjóðendur gefa könnun-
um og vísbendingum þeirra að
sjálfsögðu gaum og nota í kosn-
ingabaráttunni ef þeim hentar.
Þannig hefur ekki farið fram
hjá Steingrími J. Sigfússyni, að
samkvæmt skoðanakönnun Gall-
ups og fréttastofu Sjónvarps hér í
kjördæminu er hann með minnst
atkvæðamagn kjördæmakjörinna
þingmanna. Næstur honum að
fylgi er Jóhannes Geir Sigurgeirs-
son.
Þessari staðreynd hefur Stein-
grímur haldið á lofti í kosn-
ingabaráttunni á þann veg, að nú
megi ekki stuðla að því að
Jóhannes Geir komist að kjör-
dæmakjörinn sem 3. maður af B-
lista; því að þá falli hann sjálfur
út af þingi.
Nú ber á tvennt að líta: Næsta
Guðmundur Gunnarsson.
óbrigðult hefur reynst, að Fram-
sóknarflokkurinn uppsker meira
fylgi á kjördegi en skoðanakann-
anir úthluta honum. í ljósi þess
eru góðar horfur á, að Jóhannes
Geir hreppi þingsæti.
f annan stað verður að álíta
fylgi Steingríms svo traust að
hann sé nokkuð svo öruggur að
hreppa jöfnunarsæti kjördæmis-
ins, bíði hann lægri hlut fyrir
Jóhannesi Geir í keppninni um
atkvæðamagn.
í þessari stöðu yrði þinglið
Norðurlands eystra: einn maður
af A-lista, þrír af B-lista, D-listi
fengi tvo og G-listi með jöfn-
unarmann, alls 7 þingmenn. Vík-
ur þá sögunni að Kvennalistan-
um. Miðað við það atkvæða-
magn, sem Gallupkönnunin gef-
ur honum, er hreint ekki ósenni-
legt, að þingsæti „flakkarans“
svonefnda kæmi í hlut kvenn-
anna hér í kjördæminu. Ætti
Norðurland eystra þá 8 menn á
þingi og væntanlega fulltrúa í öll-
um þingflokkum.
Þessa stöðu ættu þeir kjósend-
ur að gaumgæfa, sem vilja veg
kjördæmisins sem mestan og hafa
ekki endanlega gert upp hug
sinn, hvern flokk þeir muni
styðja á kjördegi.
Guðmundur Gunnarsson.
Höfundur er skrifstofumaöur á Akur-
eyri.
kvikmyndorýni
Umsjón: Jón Hjaltason
Val Kilmer og Joanne Whally-Kilmer í Myrtu mig aftur.
Myrtu mig
Borgarbíó sýnir: Myrtu mig aftur.
(Kill Me Again).
Leikstjóri: John Dahl.
Aðalhlutverk: Val Kilmer og Joanna
Whalley-Kilmer.
MGM/GA Pictures 1989.
Ekki veit ég hvort þið munið eftir
kvikmyndinni Body Heat með
þeim William Hurt og Kathleen
Turner í aðalhlutverkum. Ef svo
er þá vitið þið svona nokkurn
veginn hvers konar bíómynd
Myrtu migafturer, hún er nefni-
lega í þessum sama „ofur-sam-
særisdúr“ og Body Heat. Engum
má treysta og ekkert er eins og
það sýnist. Allir sitja á svikráðum
við alla. Launráð eru brugguð og
bíófarinn veit aldrei íJivorn fót-
inn vænglegra er að stíga hverju
sinni.
Val Kilmer leikur spæjarann
Jack Andrews sem séð hefur
bjartari daga. Joanne Whalley-
Kilmer er bragðarefurinn Fay
Forrester sem er mikið í mun að
aftur
deyja opinberlega en lifa engu að
síður. Andrews einkaspæjari
flækist í neti hennar og lendir fyr-
ir vikið í hinum ótrúlegustu
hremmingum. Inn í sögurþráðinn
blandast peningaþjófnaður,
morð, elskhugi Forrester sem er
hinn mesti fantur, mafíosar og
svo auðvitað lögreglan þó í litlum
mæli sé.
Myrtu mig aftur svíkur varla
neinn er hefur dálæti á svika-
brellumyndum, svo mikið er víst.
Rocky V
Borgarbíó sýnir: Rocky V.
Lcikstjóri: John G. Avildsen.
Aðalhlutverk: Sylvester Stallone, Talia
Shire, Burt Young og Sage Stallone.
United Artists Pictures 1990.
Rocky Balboa, frægasta hetja
hvíta tjaldsins á ofanverðri 20.
öld er enn á stjái. í upphafi var
Rocky ekki annað en heldur vit-
grannur smákrimmi. Tímar liðu.
Hann fékk að berjast við heims-
meistarann í hnefaleikum en tap-
aði. Pá kom Rocky II og heims-
meistarinn tapaði fyrir lítilmagna
götunnar. í kjölfarið skrifuðu
starfsbræður mínir ljótt eitt um
Rocky. Og ekki batnaði orð-
bragðið hjá þeim þegar RockylII
birtist; „Það er vissulega kominn
tími til að Rocky Balboa sé talinn
út“, skrifaði einn og gladdist því
skiljanlega lítið þegar Rocky IV
leit dagsins ljós. Rocky V er þó
sem betur fer engin eftirlíking af
þeirri mynd. Hún stendur miklu
nær upphafi sínu, nefnilega
Rocky hinum fyrsta. Hetjan glat-
ar öllum veraldlegum auði sínum
og á aðeins konu og barn eftir.
Hann leitar á fornar slóðir og set-
ur niður bú sitt í gamla fá-
tækrahverfinu þar sem hann ólst
upp. Jafnvel gömlu fatagarmarn-
ir eru dregnir fram í dagsbirtuna
aftur.Yfirvofandi heilaskaðiveld-
ur því að Rocky er hættur að
berjast en hann heldur þó áfram
að lifa og hrærast í boxinu, en nú
sem þjálfari.
Stallone, sem sjálfur hefur
skrifað handritin að öllum
Rocky-myndunum, býður okkur
enn og aftur að horfa upp á raun-
ir hins fremur einfalda en þó heil-
steypta hnefaleikara. Hann tran-
ar sér hvergi fram, tyllir sér aldrei
á tá en er þó bestur og stendur
uppi í lokin sem sigurvegari. Með
hjálp Avildsen leikstjóra, en
hann leikstýrði einnig fyrstu
Rocky-myndinni, tekst Stallone
að hverfa á fornar slóðir og ná
aftur andblænum í Rocky. Fyrir
vikið verður Rocky V snöggtum
betri bíómynd en t.d. Rocky IV
var og raunar ágætis afþreying.