Dagur - 18.04.1991, Blaðsíða 9

Sr. Ólafur Þ. Hallgrímsson.
málinu, enda hefur Sjálfstæðis-
flokkurinn verið þekktur fyrir
annað fremur í gegnum tíðina en
standa fastur fyrir, þegar útlend-
ingar eiga í hlut.
EB gæti gleypt ísland
Afstaðan til EB er vissulega
stórmál, sem þjóðin er enn ekki
nægilega upplýst um. Miklar
hræringar eiga sér stað í Evrópu.
Gömul iðnríki sjá fram á hnign-
andi gengi og eyðingu auðlinda
sinna ásamt vaxandi mengun
o.þ.h. og reyna að tryggja fram-
tíð sína með útfærslu á yfirráðum
yfir auðlindum annarra þjóða.
Hugmynd þeirra er að stofna
stórríki. Efnahagsbandalag
Evrópu er vissulega risi, sem gæti
gleypt okkur með húð og hári.
Inngöngu í EB myndi sjálfkrafa
fylgja afnot bandalagsþjóðanna
af fiskimiðum okkar ásamt niður-
færslu landhelginnar í 12 mílur.
Einnig gæti bandalagið yfirtekið
peningamarkað okkar og stofnað
hér til fjárfestinga og fram-
kvæmda af ýmsu tagi, m.a. stór-
iðju, og flutt erlent verkafólk
óhindrað inn í landið. En þó er
ótalið það sem verst væri, því slík
umsvif erlendra þjóða myndu
fljótlega valda slíkum skaða á
lífríki landsins að óbætanlegt
yrði. Þá gæti „mörgum búand-
karlinum þótt þröngt fyrir
dyrum,“ svo vitnað sé til hinna
þekktu orða Einars Þveræings.
Við yrðum þá einhvers konar
jaðarbyggð hér norður við ysta
haf, það væri ekki eftirsóknar-
vert hlutskipti.
Því er ekki að neita, og það
virðist mér eitthvert ömurlegasta
tímanna tákn um þessar mundir,
hve vantrú margra íslendinga
virðist fara vaxandi á það sem
landið sjálft hefur upp á að
bjóða. Því miður er að verða til
verulegur hópur fólks í þjóðfé-
laginu sem hefur vantrú á
íslenskri framtíð, því sem landið
sjálft býður upp á til lífsviðurvær-
is, en sér þann kost vænstan að
leita á náðir útlendinga til efling-
ar atvinnulífi landsmanna í von
um skjótfengnari gróða. Við
heyrum jafnvel vel upplýst fólk
tala í fyrirlitningartón um
„skerið“ ísland, sein vart geti tal-
ist bjóða upp á lífvænleg kjör í
framtíðinni. í því efni horfa
margir til erlendra þjóða í von
um einhverja ölmusu, þaðan sjá
menn koma vaxtarsprotann sem
við þörfnumst í íslensku atvinnu-
lífi. Því miður er þessarar van-
trúar á íslenska bjargræðisvegi
tekið að gæta meðal stjórnmála-
manna í dag, enda eru þeir ekk-
ert annað en spegilmynd þjóðar-
innar.
Ekkert val, ekki um
neitt að semja
Hér er hætta á ferðum, því af
allri mengun er hættulegust
mengun sjálfs hugarfarsins.
Víst skulum við leita allra
mögulegra samninga við Evrópu-
ríkin til að fá hagstæðari kjör fyr-
ir útflutningsvörur okkar, en inn-
ganga í EB kemur ekki til greina
að mínum dómi, af þeirri ein-
földu ástæðu að hún myndi kosta
okkur sjálfstæðið.
Það er ekki um neitt að semja,
ekkert val. Um það ættu allir
landsmenn að geta verið sam-
mála.
Stærsti auður okkar sem sjálf-
stæðrar þjóðar er tvímælalaust
óspillt náttúra og hreint loft,
ásamt þeim auði sem landið sjálft
og fiskimiðin hafa upp á að
bjóða.
Hreint og óspilit land eru
auðæfi, sem verða dýrmætari
með hverju ári sem líður. Á því
sviði þurfum við margs að gæta
og margt að lagfæra. Við þurfum
að skipuleggja ferðamannaiðnað
þannig að hann valdi ekki óþarfa
spjöllum á viðkvæmu náttúrufari
hálendisins. Þar þurfum við að
setja strangari reglur um
umgengni alla og viðhafa mun
meira eftirlit umfram allt.
Við þurfum að viðhalda þeirri
ímynd að ísland sé hreint og
ómengað land, en þar nægja ekki
orðin tóm heldur verk. Það ger-
um við ekki með því að reisa
annað álver á Suðurnesjum,
heldur með því að efla þann iðn-
að sem lítilli eða engri inengun
veldur.
Fleiri álver munu vissulega
skaða ímynd okkar sem ferða-
mannalands. Við höfum marga
möguleika til fjölbreyttara
atvinnulífs, m.a. með meiri full-
vinnslu matvæla.
ísland gæti orðið
heilsuparadís
ísland hefur alla möguleika á að
verða í auknum mæli heilsupara-
dís, þar sem framleidd yrðu holl
og ómenguð matvæli fyrir aðrar
þjóðir, en skilyrðið fyrir því er
auðvitað að efnahagsmálin séu í
því lagi að einhver grundvöllur sé
fyrir útflutningi. Þá hljótuin við í
framtíðinni að reisa hér fleiri
heilsuhæli og nýta til þess heita
vatnið okkar, þar sem hægt væri
að bjóða útlendingum upp á dvöl
í fögru umhverfi og hreinu lofti.
Ferðamannastraumur hingað til
lands hefur farið vaxandi á síð-
ustu árum, hann getur orðið góð
búbót í þjóðarbúskapnum, ef vel
og skynsamlega er að málum
staðið. En náttúrufar landsins er
viðkvæmt, það verðum við að
vernda umfram allt, og það er
líka forsenda þess að ferðamenn
sæki okkur heim í framtíðinni.
Þeir koma ekki hingað til að
skoða verksmiðjur, heldur til
þess að njóta óspilltrar náttúru.
Hún er sá auður sem við eigum
dýrmætastan, nú þegar margar
aðrar þjóðir eru búnar að fá
meira en nóg af eiturspúandi
verksmiðjum og mengun sem
þeim er samfara.
Því eigum við að leggja til hlið-
ar allar hugmyndir um álver,
hægja á orkuframkvæmdum og
nýta þá orku sem þegar er fyrir
hendi til innlendra þarfa. Það
væri besta náttúruverndin í stöð-
unni í dag.
Framtíð okkar sem sjálfstæðr-
ar þjóðar í eigin landi byggist á
því sem landið gefur af sér.
Landið, lífbeltin tvö til lands og
sjávar, eins og dr. Kristján Eld-
járn orðaði það, er dýrmætasti
auður okkar, ásamt sögu okkar,
bókmenntum og tungu. Þetta,
ásamt kristnum menningararfi,
er það sem gerir okkur að sjálf-
stæðri þjóð. Bresti þessar stoðir
þá er frelsi okkar og sjálfstæði
einnig úr sögunni. Því getum við
ekki og megum ekki taka neina
áhættu.
Örlagaríkar kosningar fara
í hönd - valið er ekki erffltt
Ég , sem þessar línur rita, hef ver-
ið óflokksbundinn um árabil, en
kosið um menn og málefni
hverju sinni eftir því sem mér
hefur þótt falla best að mínum
skoðunum. Það ætla ég enn að
gera í þessum kosningum. Nú
þegar örlagaríkar kosningar fara
í hönd, þá fagna ég einbeittri
afstöðu Framsóknarflokksins
gagnvart spurningunni um inn-
göngu í EB. Með því er ég ekki
að segja að ég sé sammála Fram-
sóknarflokknum í öllum málum.
En hér er svo mikið alvörumál á
ferðinni að mínum dómi, að eng-
in hugsandi manneskja má sitja
hlutlaus hjá. Þar við bætist að ég
treysti Steingrími Hermannssyni
best allra íslenskra stjórnmála-
manna til að leiða næstu ríkis-
stjórn og þjóðina fram á braut
efnalegs stöðugleika og framfara.
Steingrímur hefur reynst far-
sæll stjórnandi og stjórnarsam-
starfið skilað árangri undir for-
ystu hans. Við vitum hvað við
höfum, því er valið ekki erfitt í
þessum kosningum.
Því segi ég við ykkur, ágætu
kjósendur á Norðurlandi: Tökum
enga áhættu. Kjósum stöðugleika
en ekki upplausn, framfarir en
ekki frjálshyggju, kjósum „al-
vöru“ ríkisstjórn en ekki brand-
arakarla. Kjósum þann flokka
eða flokka sem líklegastir eru til
að starfa saman undir forystu
Steingríms Hermannssonar
næsta kjörtímabil og leiða þjóð-
ina áfram á framfarabraut, gefum
hinum frí. Þá verður hér áfram
öflug þjóð í eigin landi.
Mælifelli 15. apríl,
Olafur Þ. Hallgrímsson.
Höfundur er prestur í Mælifellssókn í Skaga-
firði.
Milljarða verkeftii óiuinin
í umhverfismálum
„Mikið verk er óunnið í
umhverfismálum hér á landi og
augljóst að sveitarfélög verða
að lyfta Grettistaki í þeim
efnum,“ segir í ályktun 46.
fundar fulltrúaráðs Sambands
íslenskra sveitarfélaga. í álykt-
uninni segir enn fremur að
slíkt átak muni kosta sveitar-
félögin í landinu milljarða
króna.
í ályktuninni er bent á að mörg
þeirra verkefna sem fyrir liggja
verði ekki leyst, nema með sam-
vinnu sveitarfélaga og hvatti
fundurinn sveitarstjórnarmenn til
að beita sér fyrir slíkri samvinnu.
Einnig er bent á að hinum aukna
kostnaði verði ekki mætt nema
með nýjum tekjustofnum, svo
sem umhverfisskatti og sorp-
hirðugjaldi. Gjöld þessi verði þó
að virka hvetjandi fyrir íbúa við-
komandi svæða og að atvinnu-
rekendur telji sér hagkvæmt að
leggja eitthvað af mörkum til
umhverfisverndar. Þá er bent á
að nauðsynlegt sé að komið verði
á fót endurvinnslu á sem flestum
sviðum og áfram verði unnið
myndarlega að fegrunarfram-
kvæmdum, uppgræðslu lands og
skógrækt. ÞI
Fimmtudagur 18. apríl 1991 - DAGUR - 9
KOSNINGATILBOÐ
BAUTANS
(gildir 18/4-21/4)
Odýr matur - frí getraun
Góðir vinningar
MATARTILBOÐIÐ ER
Spergilsúpa - Salatbar
Bautasneið með frönskum kartöflum, lauk,
sveppum og bearnisesósu.
Kaffi.
kr. 990,-
Fyrir börnin
Hamborgari með frönskum kartöflum, sósu og salati.
' ; . kr. 400,-
Allir þeir sem borða á Bautanum frá
fimmtudeginum 18. apríl til kl. 22.00
laugardaginn 20. apríl geta tekið þátt í leiknum
og fá 1 getraunaseðil í hvert sinn sem snætt er.
Getraun I felst í eftirfarandi:
Geta skal rétt um heildarþingmannafjölda
hvers flokks á landsvísu.
Verðlaun eru kr. 50.000,- og verður dregið úr réttum
lausnum mánudaginn 22. apríl. Einn fær öll peninga-
verðlaunin, og 10 fá matarúttekt fyrir kr. 5.000,- á mann.
Getraun II felst í eftirfarandi:
Spá skal um þingmannafjölda hvers flokks
í Norðurlandskjördæmi eystra.
(Ath. uppbótarþingmenn og/eða flakkarinn teljast með.)
Verðlaun fyrir rétta lausn eru kr. 25.000,- og verður
dregið úr réttum lausnum mánudaginn 22. apríl.
Fær einn alla peningaupphæðina og 10
matarúttekt fyrir kr. 2.500,- á mann.
V____________________ _____________________________J
Norðurland eystra:
Kosningaskrifstofur
Framsóknarflokksins
Ul)
Aðalskrifstofa
Hafnarstræti 90, Akureyri.
Opið alla dag kl. 9.-22.
Símar: 21180 - 26025 - 26425.
Kosningastjóri:
Sigurður P. Sigmundsson.
Verið velkomin í súpu og brauð í hádeginu.
Frambjóðendur á staðnum.
Dalvík:
Skrifstofan, Hafnarbraut 5, opin alla daga kl. 20.-22.
Sími 96-63191. Kosningastjóri: Óskar Pálmason.
Húsvík:
Skrifstofan, Garðarsbraut 5, opin alla daga kl. 17.-19. og 20.-
22. Sími 96-41225. Kosningastjóri: Ævar Ákason.
Stuðningsmenn Ð-listans!
Herðum sóknina
★ Það vantar herslumuninn til að tryggja
Jóhannesi Geir þingsæti.
★ Herðum sóknina, tökum höndum saman og
vinnum vel þessa síðustu daga.
Hafið samband við kosningaskrifstofuna og takið þátt í
kosningastarfinu.
Framsóknarflokkurinn.