Dagur - 30.04.1991, Side 1
74. árgangur
Akureyri, þriðjudagur 30. apríl 1991
80. tölublað
LACOSTE
Peysur • Bolir
HERRADEILD
Gránufélagsgötu 4
Akureyri • Sími 23599
Gert ráð fyrir að Davíð
taki við völdum í dag
Gert er ráð fyrir að ný ríkis-
stjórn Sjálfstæðisflokks og
Alþýðuflokks undir forsæti
Davíðs Oddssonar, formanns
Sjálfstæðisflokksins, taki við
völdum á ríkisráðsfundi á
Bessastöðum kl. 14 í dag.
Aður mun fráfarandi ríkis-
stjórn Steingríms Hermanns-
sonar koma til síns síðasta
ríkisráðsfundar að Bessastöð-
um. Æðstu valdastofnanir
flokkanna á milli landsfunda
komu saman til fundar í gær-
kvöld og átti þar að leggja
endanlega blessun yfir rikis-
Skagafjörður:
Dráttarvélaslys
um helgina
Nokkrar annir voru hjá lög-
reglunni á Sauðárkróki um
helgina. Alvarlegt dráttar-
vélarslys varð á laugardag
við bæinn Lónkot. Einnig
var lögreglan nokkuð vör
við hraðakstur á Sauðár-
króksbraut um helgina.
Tveir ökumenn voru teknir
fyrir hraðakstur um helgina.
Mældust þeir samkvæmt radar
lögreglunnar á 121 og 112
kílómetra hraða á klukku-
stund. Einn ökumaður var
tekinn grunaður um ölvun við
akstur.
Ökumaður dráttarvélar
slasaðist alvariega við bæinn
Lónkot. Ökumaðurinn hafn-
aði undir afturhjöli vélarinnar
og mjaðmar- og riflirotnaði.
Hann var fluttur á sjúkrahúsið
á Akureyri.
Helgin var róleg hjá lögregl-
unni á Blönduósi og lítiö var
um hraðakstur. Ovanalega
mikið var þó um slagsmál og
illindi á lokadanslcik á Húna-
vöku.
Lögreglan á Blönduósi og
Sauðárkróki er um þessar
mundir að byrja að fylgjast
með hraðakstri vegna aukins
umferðarþunga í byrjun
sumars. kg
stjórnarsamstartlð.
í dag verður endanlega gengið
frá skipan tíu ráðherra í nýrri
ríkisstjórn Davíðs Oddssonar. í
gær tókst samkomulag milli
þeirra Davíðs og Jóns Baldvins
um skiptingu ráðuneyta milli
flokkanna. Eins og við mátti
búast koma fleiri ráðuneyti í hlut
Sjálfstæðisflokks. Davíð verður
forsætisráðherra og hugsanlega
einnig dóms- og kirkjumálaráð-
herra. Auk þessara ráðuneyta
koma landbúnaðar-, sjávar-
útvegs-, fjármála-, menntamála-,
samgönguráðuneyti og Hagstofa
íslands í hlut Sjálfstæðisflokks.
Alþýðuflokksmenn fá í sinn
hlut utanríkis-, iðnaðar-, við-
skipta-, félagsmála-, heilbrigðis-
°g tryggingamála-, og umhverfis-
ráðuneyti. óþh
Vor í Húsavíkurhöfn.
Mynd: IM
Útgerðarfélag Akureyringa hf:
Hagnaður af rekstri ársíns 1990
nemur 185,5 milljónum króna
- eiginíjárhlutfall var 47,6% um síðustu áramót á móti 36,4% í árslok 1989
Hagnaður af rekstri Útgerðar-
félags Akureyringa hf. á síð-
asta ári, eftir að kaupverð
hlutabréfa í Hraðfrystihúsi
Keflavíkur hf. hafði verið
gjaldfært, nam 185.5 milljón-
um króna. Til samanburðar
nam hagnaður af rekstri
Útgerðarfélagsins árið 1989
91.5 milljónum króna. Eigin-
fjárstaða félagsins var mjög
sterk um síðustu áramót. Að
meðtöldu hlutafé var eigið fé
1314 milljónir króna, sem er
47,6%. Eiginfjárhlutfallið
hækkaði um rúm 11% milli
ára.
Árið 1990 var Útgerðarfélagi
Akureyringa hf. um margt
hagstætt. Verð fyrir bæði sjó-
frystan og landfrystan afla hélst
hátt á árinu. Eins og áður eru
Bandaríkin hlutfallslega stærsti
markaðurinn fyrir framleiðslu
ÚA, þó hlutur þeirra hafi minnk-
að verulega frá fyrri árum. Á
Bandaríkin fóru rúmlega 24%
framleiðslu ÚA. í öðru sæti kem-
ur Bretland með tæplega 20% og
Frakkland í því þriðja með 18%.
Rekstrartekjur Útgerðarfélags
Akureyringa árið 1990 voru 1922
milljónir króna en 1579 milljónir
árið 1989. Hækkun milli ára nem
ur 21,8%, sem er 2,6% umfram
hækkun byggingarvísitölu á sama
tíma. Rekstrargjöld hins vegar
án fjármagnsgjalda og afskrifta
voru 1467 milljónir samanborið
við 1212 milljónir árið 1989.
Hækkun milli ára er 21,1%.
Hagnaður til ráðstöfunar eftir
eignarskatt var 185.5 milljónir
króna, eða 9,7% af rekstrartekj-
um. Árið 1989 var hagnaður 91.5
Akureyri:
Krían komin í bæinn
- er nokkuð snemma á ferðinni
Rótgróinn Innbæingur á Akur-
eyri hringdi í Dag í gærmorgun
og sagðist hafa séð, sl. sunnu-
dagsmorgun, 30-40 kríur á
móts við Gróðrarstöðina. Af
Hækkandi ávöxtunarkrafa húsbréfa:
Sala til einstaklinga tekur kipp
Jón Hallur Pétursson, fram-
kvæmdastjóri Kaupþings
Norðurlands, segir að með
hækkun ávöxtunarkröfu hús-
bréfa hafi færst mjög í vöxt að
einstaklingar nýti sér þessi bréf
fyrir sparnað sinn. Avöxtunar-
krafan fór í 8,4% fyrir helgina
og eru því afföll húsbréfa kom-
in upp undir 20%.
„Já, kaup einstaklinga á hús-
bréfum hafa stórlega aukist enda
rnunar rúmlega 2% á vaxtakjör-
um húsbréfa og spariskírteina en
þau eru eignarskattsfrjáls eins og
spariskrírteinin og því raunhæft
að bera þau saman. Það er því
skynsamlegt að kaupa húsbréf
eins og málum er háttað í dag,
sérstaklega ef fólk er með fé sem
það ætlar sér að geyma í langan
tíma,“ sagði Jón Hallur.
Hann segir að hið svokallaða
útdráttarfyrirkomulag hafi fælt
fólk frá húsbréfunum. Þetta geri
að verkum að fólk þurfi að fylgj-
ast vel með útdrætti bréfanna og
því hafi það sett þetta atriði fyrir
sig. Til að mæta þessu hafi t.d.
Kaupþing Norðurlands tekið upp
þá þjónustu að fylgjast með
útdrættinum fyrir eigendur hús-
bréfanna og létta þessari byrði
þar með af þeim.
Jón Hallur segir að þrátt fyrir
vaxandi kaup einstaklinga á
húsbréfum sé enn meira framboð
en eftirspurn á markaðnum. Því
megi búast við að ávöxtunarkraf-
an kunni enn að hækka. JÓH
Með Bakkusi
út af vegrnum
Um hclgina voru þrír teknir
grunaðir um ölvun við akstur í
umdæmi lögreglunnar á Akur-
eyri.
Að sögn varðstjóra hjá lög-
reglunni ók einn þeirra þremenn-
inga út af skammt frá Fagraskógi
í Arnarneshreppi. Hina tvo
stöðvaði lögreglan í umferðinni á
Akureyri. óþh
þessu tilefni hafði Dagur sam-
band við Þorstein Þorsteins-
son, sundlaugarstjóra á Akur-
eyri, en hann er manna fróðast-
ur um fugla.
„Ég var sjálfur um helgina að
huga að kríunni. Engan fugl sá
ég, en sé hún komin þá er það
nokkuð snemmt. Algengast er að
fyrstu fuglarnir sjáist viku af maí.
Hins vegar er jaðrakaninn kom-
inn og einnig hef ég séð flækings-
fugla svo sem bláhrafn, silkitopp
og krossnef, sem koma trú-
lega frá nyrstu svæðum Noregs.
Ég hef heyrt af snæuglu í Fnjóska-
dal og á Vaðlaheiði. Snæuglan er
talin íslenskur fugl. Kjörlendi
hennar er t.d. í Odáðarhrauni.
Fuglafræðingar og áhugamenn
um fugla hafa ekki fundið hreið-
ur snæuglu til fjölda ára og því
verður að álíta að hér sé um flæk-
ing að ræða. í fyrri viku urðu
menn varir við haförn í Svarfað-
ardal og eins sá glöggur maður
haförn yfir Akureyri í desember
sl. Haförninn sést æ oftar á
Norðurlandi og ekki er ólíklegt
að hann hyggi á landvinninga,“
sagði Þorsteinn Þorsteinsson. ój
milljónir, eða 5,8% af rekstrar-
tekjum.
Heildareignir Útgerðarfélags-
ins voru 2760 milljónir í árslok.
Skuldir námu 1445 milljónum
króna og því var eigið fé í árslok
1314 milljónir króna. Um ára-
mótin var bókfært eigið fé fyrir-
tækisins 780 milljónir króna og
hefur það því hækkað um 534
milljónir á árinu.
Fjárfestingar félagsins á síð-
asta ári námu rúmum 605 millj-
ónum króna. Stærsti liður þeirra
voru kaupin á Aðalvíkinni KE,
sem fékk nafnið Sólbakur EA-
307, og öllum hlutabréfum í
Hraðfrystihúsi Keflavíkur hf.
Á aðalfundi ÚA 23. apríl í
fyrra var ákveðið að auka hlutafé
í fyrirtækinu um röskar 100 millj-
ónir króna. í júlí voru hlutabréf
að nafnvirði 50 milljónir króna
boðin út. 131 hluthafi nýtti sér
forkaupsrétt og keypti bréf fyrir
25,7 milljónir króna. Afgangur-
inn, 24,3 milljónir, var boðinn
almenningi til kaups. Öll hluta-
bréfin seldust og v'oru kaupendur
471 talsins.
Seinni hlutinn, rúmar 50 millj-
ónir króna, var boðinn út í októ-
ber. Hluthafar, 397 að tölu, nýttu
sér forkaupsréttinn og keyptu öll
bréfin.
í desember voru síðan seld
hlutabréf Akureyrarbæjar í ÚA
að nafnvirði 33,4 milljónir. Bréf-
in seldust öll og voru kaupendur
420 talsins.
Áður en farið var af stað með
hlutafjárútboðin voru hluthafar í
ÚA 770 en nú eru þeir um 1600
talsins. Sem fyrr er Akureyrar-
bær stærsti hluthafinn með
58,34% hlutafjár.
Aðalfundur Útgerðarfélags
Akureyringa hf. verður haldinn í
húsakynnum félagsins nk. föstu-
dag. óþh