Dagur - 30.04.1991, Side 4

4 - DAGUR - Þriðjudagur 30. apríl 1991
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, S(MI: 24222
ÁSKRIFT KR. 1100 Á MÁNUÐI
LAUSASÖLUVERÐ 100 KR.
GRUNNVERÐ DÁLKSENTIMETRA 725 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
JÓN HAUKUR BRYNJÓLFSSON (fþróttir),
KÁRI GUNNARSSON (Sauðárkróki vs. 95-35960),
INGIBJÖRG MAGNÚSDÓTTIR (Húsavfk vs. 41585),
JÓHANN ÓLAFUR HALLDÓRSSON, ÓLI G. JÓHANNSSON,
ÓSKAR ÞÓR HALLDÓRSSON, STEFÁN SÆMUNDSSON,
ÞÓRÐUR INGIMARSSON, LJÓSMYNDARI: KJARTAN ÞORBJÖRNSSON
PRÓFARKALESTUR: SVAVAR OTTESEN
ÚTLITSHÖNNUN: RfKARÐUR B. JÓNASSON, ÞRÖSTUR HARALDSSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SÍMFAX: 96-27639
Sameinmgjafíiaðar-
manna á enn langt í land
Jón Baldvin Hannibalsson, formaður Alþýðuflokksins,
hefur vart haft undan síðustu daga að lýsa því frammi
fyrir alþjóð að minningin um viðreisnarstjórnina veki með
sér hlýjar tilfinningar. Þessar yfirlýsingar formannsins
virðast trúverðugar í ljósi þess hversu mikið ofurkapp
hann hefur lagt á að ríkisstjórn sömu flokka og mynduðu
viðreisnarstjórnina verði nú að veruleika. Ljóst er að ein-
hverjir forystumanna Alþýðuflokksins og Sjálfstæðis-
flokksins hafa verið farnir að stinga saman nefjum og
viðra þennan möguleika til stjórnarmyndunar nokkru fyr-
ir kosningar. Svo öruggur var formaður Alþýðuflokksins
með sig í beinni útsendingu sjónvarpsstöðvanna á kosn-
inganótt þegar lýkur virtust vera fyrir því að fráfarandi
stjórnarflokkar héldu starfhæfum meirihluta á Alþingi.
Hann taldi þá þegar langt frá því sjálfgefið að samstarf
þeirra héldi áfram. Ekki er að fullu ljóst hvað vakir fyrir
formanni Alþýðuflokksins með þeirri stefnubreytingu,
sem hann hefur tekið eða hverjum stefnumála flokks síns
hann telur betur borgið í samstarfi við Sjálfstæðisflokkinn
heldur en í samvinnu við önnur jafnaðarsinnuð stjórn-
málaöfl í landinu.
Ef litið er yfir feril Jóns Baldvins Hannibalssonar á vett-
vangi stjórnmálanna þá kemur pólitísk afstaða hans til
samstarfsflokkanna í fráfarandi ríkisstjórn verulega á
óvart. Jón Baldvin hefur ekki áður komið fram sem tals-
maður hins svonefnda viðreisnarsamstarfs. Hann hefur
mikið fremur birst landsmönnum sem hinn áhugasami
jafnaðarmaður og trúverðugur talsmaður sameiningar
jafnaðarmanna. Ólafur Ragnar Grímsson, fráfarandi
fjármálaráðherra og formaður Alþýðubandalagsins, ræðir
um samstarf sitt við Jón Baldvin í viðtali við Þjóðviljann
síðast liðinn laugardag. Þar lýsir hann meðal annars því
samstarfi er hann hefur átt við formann Alþýðuflokksins
á umliðnum árum. Ólafur bendir á að í fyrsta skipti í ára-
tugi séu söguleg deilumál Alþýðuflokksins og Alþýðu-
bandalagsins komin til hliðar. Hann rifjar upp fundaher-
ferð sína með Jóni Baldvin um landið til að hefja umræðu
um framtíð jafnaðarmannahreyfingar á íslandi og spyr
hvort hún hafi aðeins verið marklaust grín. Hann spyr
hvort nafnbreytingin í Jafnaðarmannaflokkur íslands hafi
einnig verið grín eða háðsmerki. Ólafur Ragnar varpar
þeirri spurningu einnig fram hvaða málefnum formaður
Alþýðuflokksins hyggist ná fram í viðreisnarsamstarfi og
nefnir meðal annars hvort Sjálfstæðismenn séu tilbúnir
að taka fjóra milljarða frá bændum og láta sjávarútveginn
greiða fimm milljarða í veiðileyfisgjald á næsta ári.
Morgunblaðið telur viðbrögð formanns Alþýðubanda-
lagsins við stjórnarmyndun Sjálfstæðisflokks og Alþýðu-
flokks brosleg í forystugrein á sunnudag. Líta verður á
ummæli blaðsins í ljósi þeirra pólitísku samninga sem nú
eiga sér stað á grundvelli hlýrra tilfinninga Jóns Baldvins
Hannibalssonar til þeirrar ríkisstjórnar er hér var við völd
á sjöunda áratugnum. Viðbrögð Ölafs Ragnars Grímsson-
ar eru hins vegar í fyllsta mála eðlileg ef miðað er við
samstarf þessara flokka á undanförnum árum. Pólitískur
framgangur formanns Alþýðuflokksins er hins vegar
dálítið broslegur í ljósi sömu sögu og sýnir svo ekki verð-
ur um villst að sameining íslenskra jafnaðarmanna í einn
jafnaðarmannaflokk íslands á enn þá langt í land. ÞI
Að velja og hafna
Við umræður um fjárhagsáætlun
Akureyrarbæjar 1991 lögðu
framsóknarmenn fram tillögu um
að bæjarstjórn Akureyrar skuli
fela bæjarstjóra að láta vinna
framkvæmdaáætlun vegna ný-
framkvæmda og viðhaldsverk-
efna sem ráðist verður í, og að
velja skuli verktaka að öllu jöfnu
á grundvelli útboða. Þessi tillaga
hafði þau áhrif að bæjarstjórn
samþykkti þann 14. mars sl. að
nauðsynlegt væri að gera sam-
ræmdar verkáætlanir, sem sýni
framkvæmdakostnað og verk-
tíma ásamt greiðsluáætlun.
Nýframkvæmdir skulu að jafnaði
boðnar út, og leitað eftir föstum
verðtilboðum þegar breyta á
eldra húsnæði í eigu bæjarins.
Samþykki bæjarráðs þarf að vera
fyrir hendi, áður en farið er í
meiriháttar framkvæmdir eða
viðhald, og eru mörkin sett við
500 þúsund krónur.
„Það er mikilvægt að velja
verktaka á grundvelli útboða, því
við teljum að hagkvæmni og
sparnaði megi ná fram með því
móti. Útboð leysa samt ekki all-
an vanda, þau geta verið dýr. En
með tilliti til stærðar bæjarins ætti
að vera sjálfsagt að leita tilboða í
verkin. Fleiri aðilar en bæjar-
starfsmenn eiga að hafa kost á að
taka að sér verk fyrir Akureyrar-
bæ,“ segir Kolbrún Þormóðsdótt-
ir, bæjarfulltrúi.
Málefni Síðuskóla
Kolbrún á sæti í skólanefnd, og
eru málefni Síðuskóla henni
hugstæð. Hún telur mjög alvar-
legt að skólanefnd skuli ekki hafa
verið tilkynnt breyting á fjárveit-
ingu til Síðuskóla þegar seinni
umræða um fjárhagsáætlun fór
fram í bæjarstjórn, þ.e. að
ákveðið hafi verið að verja 20
milljónum króna til hans, og ekki
eigi að ljúka við skólastofurnar
sem vantar á þessu ári. „Það kom
mjög flatt upp á bæði skólanefnd-
armenn og starfsfólk Síðuskóla,
að ekki skyldi farið út í að reisa
tvær til þrjár kennslustofur til
viðbótar, eins og búið var að ráð-
gera. Framsóknarmenn komu
með breytingartillögu sem mið-
aði við að fast yrði haldið við
fyrri ákvörðun. Þetta gerðist í
seinni umræðu um fjárhagsáætl-
un. Tillagan var sú að bygginga-
deild Akureyrarbæjar verði falið
að vinna nú þegar nýja áætlun
Kolbrún Þormóðsdóttir.
fyrir C-álmu Síðuskóla, með það
að sjónarmiði að unnt verði að
taka í notkun tvær til þrjár nýjar
kennslustofur haustið 1991. Fé til
þessa verkefnis verði tekið af
liðnum dagvistir og menningar-
mál. Þessi tillaga var felld með 6
atkvæðum gegn 4 í bæjarstjórn.
Unnið markvisst að því að
skoða hönnunarkostnað
„Síðan þetta gerðist hefur verið
unnið markvisst að því að skoða
hönnunarkostnað, en ég tel að
samt sem áður að hægt hefði ver-
ið að taka ákvörðun um að reisa
þessar kennslustofur við skólann
í haust. Tillagan var í þeim anda,
meirihlutinn hefði ætlað sér
þetta.
Rök meirihlutans gegn þessum
áformum var að framkomnar
hugmyndir væru alltof dýrar. En
ég tel nauðsynlegt að láta athuga
hvers vegna svona miklu dýrara
er að láta byggja skólastofur hér í
bænum en í Reykjavík. Þetta er í
annað skipti sem bæjarráð tekur
fram fyrir hendurnar á skóla-
nefnd, rétt um það bil þegar
seinni umræða um fjárhagsáætl-
un er að ljúka. Þetta gerðist
einnig í fyrra, þegar fjárveitingar
til skólalóða litu dagsins ljós. Við
vildum að í stað 20 milljóna fengi
Síðuskóli allt að 60 milljónum
króna.
Þetta fé hefði mátt taka af liðn-
um dagvistir. Við vildum líka
taka 10-15 milljónir af liðnum
menningarmál. Við erum alls
ekki á móti menningarmálum,
framlög til þeirra eru einmitt oft
sorglega lág, og dæmi um að illa
sé með þau farið er einmitt auð-
velt að benda á varðandi hug-
myndir að framkvæmdum við
Amtsbókasafnið. Þar eru nú þeg-
ar komnar framreiknaðar 17
milljónir króna í hönnun o.fl.
Vegna skipulagsleysis, eins og
þetta dæmi sýnir, þarf að sníða
þessum framlögum ákveðinn
stakk, þannig að fjármagnið nýt-
ist í annað en pappírsvinnu.
Skólastarfsemi er lögbundin
starfsemi. Mikil ábyrgð hvílir á
sveitarfélögum að gera hana sem
best úr garði. Þar af leiðandi
verðum við að velja og hafna,
t.d. milli menningar- og skóla-
mála, sem eru auðvitað nátengdir
málaflokkar. Góð framkvæmda-
áætlun þýðir að meira fjármagni
er veitt til færri aðila, og fjár-
magnið nýtist þá um leið betur.
En ég vil taka fram að þótt fram-
kvæmdaáætlanir séu ákveðnar og
samþykktar mega þær ekki vera
óbreytanlegar. Við viljum skipu-
leggja fyrirfram í hvað fjármun-
irnir fara, og líka að ákveðið sé
hvað hver fær. Þeir sem fá ekkert
í ár viti þá að röðin komi brátt að
þeim. í þriggja ára skipulagsáætl-
un eiga aðilar að sjá hvenær röð-
in kemur að þeim.
Staðan í Síðuskóla er þannig
að ekkert má koma uppá til að
ekki þurfi að þrísetja skólann.
Enginn flutningur fólks milli
hverfa eða fjölgun má koma til,
eins og ástandið er.
Við framsóknarmenn töldum
fyrir tveimur árum, þegar rætt
var um að breyta Síðuskóla í
safnskóla, að of mikill fjöldi
nemenda yrði í skólanum miðað
við húsnæði. Við höfum reynst
sannspá í þessú. Ég tel að núver-
andi meirihluti bæjarstjórnar hafi
gengið á bak orða sinna þá með
því að fresta framkvæmdum um
eitt ár. Við sjáum ákaflega vel
hversu erfitt ástandið er orðið, og
höfum gert tillögur um að bæta
úr því. Menntamálaráðuneytið
hvetur til þess að skólar séu ein-
setnir og að skóladagurinn verði
samfelldur. Bygging þriðju álmu
Síðuskóla fellur nú einu sinni
undir lögboðna starfsemi sveitar-
félagsins, eins og ég gat um áðan.
Að lokum vil ég taka fram að
unnið er að hönnun 3. álmu Síðu-
skóla. Það eina sem á vantar er
fjárveiting á þessu ári til að
hrinda verkinu í framkvæmd,"
segir Kolbrún Þormóðsdóttir.
EHB
lesendahornið
Endurtakið leiksýningu í Skútustaðaskóla
Birgir Fanndal hringdi í Dag
og sagði: „Við Skútustaðaskóla í
Mývatnssveit hefur skólastjórinn
Þráinn Þórisson lengi ræktað
leiklistaráhuga nemenda með
myndarlegum uppfærslum á
hverjum vetri. Venjulega er jóla-
skemmtun í iok haustannar og
skólaskemmtun á vordögum,
gjarna á sumardaginn fyrsta.
Þarna hafa nemendurnir feng-
ið að spreyta sig við ótrúlega viða-
mikil verkefni. Ánægjulegt hefur
verið að sækja þessar samkomur
og sjá hversu Þráni hefur tekist
að laða fram leikgleði og líflega
tjáningu hjá þátttakendum.
Ýmsar þessar uppfærslur verða
mér minnistæðar, en þó senni-
lega engin eins og hin síðasta sem
boðið var uppá nú um sumarmál-
in, eða föstudaginn 19. apríl. Við
þessa sýningu naut hann dyggi-
lega aðstoðar Sigurðar Hallmars-
sonar frá Húsavík, bæði við
leikæfingar og undirspil.
Boðið var upp á 3 leikverk og
var eðlilega stígandi í dagskránni.
Fyrst sýndu yngstu nemendur
„Káta Láka“ af myndarskap, þar
sem sköruleg kennslukona leiddi
hópinn sinn úti í skógi.
Næst var sýnt nútímalegt verk,
„Barnapíur“, þar sem álitlegur
hópur nemenda lék sér lipurlega
inni á nútímaheimili meðan
pabbinn og mamman fóru út að
skemmta sér. Bæði þessi verk
voru vel uppsett og snurðulaust
fram flutt. Mátti þó vel merkja
að hinir eldri hafa enn frekar
tileinkað sér tilsögn skólastjóra
og vaxið að kunnáttu.
Að loknum þessum þáttum,
var boðið upp á myndarlegar
veitingar. Síðan hófst svo há-
punktur dagskrárinnar, leikritið
„Síldin kemur síldin fer“, þar
sem elstu nemendur skólans fóru
á kostum og lifðu sig inn í þetta
bráðskemmtilega leikhúsverk,
meðan leikhúsgestir skemmtu sér
konunglega. Sviðsmynd og bún-
ingar voru sem best verður á kos-
ið og ekki spillti harmonikuleik-
ur Sigurðar. Sýningin tókst í alla
staði frábærlega vel og er
aðstandendum öllum til mikils
sóma.
Einhverra hluta vegna var
aðsókn Mývetninga verri en oft
áður og er það miður, ekki síst
vegna þess að nú stefna nemend-
ur á óvenju myndarlega skóla-
ferð í sumar og veitir ekki af
stuðningi okkar.
Um leið og ég flyt Þráni skóla-
stjóra sérstakar þakkir fyrir þessa
sýningu og margar ánægjulegar
sýningar fyrri ára, vil ég leyfa
mér að hvetja hann til að hafa að
þessu sinni aukasýningu fyrir þá
mörgu Mývetninga sem misstu af
þessari. Eftir mikinn og vel-
heppnaðan undirbúning eiga
leikararnir skilið að fá aftur að
njóta sín á sviðinu og þeir sveit-
unga okkar sem misstu af ættu þá
að láta sjá sig.“