Dagur - 08.08.1991, Blaðsíða 6

6 - DAGUR - Fimmtudagur 8. ágúst 1991
Fimmtudagur 8. ágúst 1991 - DAGUR - 7
Lögredusamþykkt Akureyrarkaupstaðar:
„Gömul og úrelt“
- segir Ólafur Ásgeirsson, aðstoðaryfirlögregluþjónn
Samkvæmt upplýsingum Dags
hefur endurskoðun lögregiu-
samþykktarinnar staðið til í
yfir áratug.
Ólafur Ásgeirsson, aðstoðar-
yfirlögregluþjónn, sagði að vörð-
um laganna væri að sjálfsögðu
uppálagt að fara eftir öllum lög-
um og reglum hvort sem þeim
líkaði betur eða verr við þær.
„Án þess að ég vilji gagnrýna
samþykktina sem slíka þá er
hún orðin gömul og úrelt og það
þarf endilega að færa hana til
nútímahorfs," sagði Ólafur þegar
Dagur innti hann eftir því hvern-
ig væri að vinna eftir svo gömlum
reglum.
Ólafur Walter Stefánsson,
skrifstofustjóri í dóms- og kirkju-
málaráðuneyti, sagði að endur-
skoðun á lögreglusamþykktum
væri ekki í bígerð. Lögreglusam-
þykktir hafa verið gerðar fyrir
hvert sveitarfélag fyrir sig en síð-
an aðeins staðfestar í ráðuneyt-
inu.
„Það er út af fyrir sig gert ráð
fyrir því að það kunni að verða
sett lögreglusamþykkt á lands-
vísu, sem myndi gilda nema sett-
ar yrðu aðrar reglur, en það hef-
ur ekki verið gert ennþá. Það er
ekki hafinn sérstakur undirbún-
ingur að því,“ sagði Ólafur
aðspurður um hvort ekki stæði til
að endurnýja og samræma lög-
reglusamþykktir í íslenskum
sveitarfélögum.
Hreinn Pálsson, bæjarlögmað-
ur Akureyrar, sagði í samtali við
Dag að hann hefði setið í nefnd
með fulltrúa frá bæjarfógeta-
embættinu og fulltrúa úr bæjar-
stjórn, sem vann uppkast að nýrri
lögreglusamþykkt í byrjun
níunda áratugarins. Hreinn sagði
að lokaniðurstaða hefði þurft
frekari athugun og endurskoðun
hefði dagað uppi þegar ný bæjar-
stjórn tók við og síðan hefði lítið
verið aðhafst í málinu.
„Það eru 10-20 ár síðan farið
var að athuga þessi mál en nú er
engin formleg endurskoðun á
lögreglusamþykktinni í gangi.
Það má segja að málið sé og hafi
lengi verið í biðstöðu en það er
rétt að samþykktin verði endur-
skoðuð í samvinnu við bæjar-
fógetaembættið," sagði Hreinn
þegar hann var spurður um hvað
endurskoðun liði.
Hreinn sagði rétt að bæjar-
stjórn hefði forgöngu um samn-
ingu nýrrar lögreglusamþykktar
en einnig mætti hugsa sér að
dómsmálaráðuneytið hefði yfir-
umsjón með og jafnvel frum-
kvæði að samræmingu og setn-
ingu slíkra reglna enda hefði yfir-
stjórn lögreglumála verið í ráðu-
neytinu síðan 1972. Einnig mætti
hafa hliðsjón af nýlegum lög-
reglusamþykktum annarra
kaupstaða. GT
Táningar sem tálmanir:
Opminartími félags-
miðstöðva brýtur í bága
við lögreglusamþykkt
í 2. kafla lögreglusamþykktarinn-
ar, sem sagður er fjalla um varnir
við „tálmunum og hættum fyrir
umferðina," er nákvæmt yfirlit
yfir útivistartíma barna þegar
þau eru ekki í fylgd með full-
orðnum vandamönnum.
Samkvæmt 20. grein mega böm
undir 12 ára aldri ekki vera á
almannafæri eftir klukkan 20 á
veturna en frá 1. maí til 1. októ-
ber mega þau vera úti til klukkan
tíu á kvöldin.
Börn frá 12-14 ára mega hins
vegar vera á almannafæri til
klukkan 22 vetrarmánuðina sjö
og til klukkan 23 á sumrin.
Opnunartími félagsmiðstöðva
Akureyrarbæjar stangast því að
nokkru leyti á við lögreglusam-
þykkt Akureyrarkaupstaðar. Fé-
lagsmiðstöðvarnar eru opnar
unglingum, sem verða fjórtán ára
á almanaksárinu, enda er árgöng-
um þá ekki stíað sundur. Þar sem
félagsmiðstöðvarnar hafa gjarn-
an opið til klukkan 1 eftir mið-
nætti og þangað sækja táningar
allt að þrettán ára gamlir stangast
starfsemi íþrótta- og æskulýðs-
ráðs á við lögreglusamþykktina.
GT
Ökuhraði á Akureyri:
„Aldrei meiri en
25 km á klukkustund“
„Naut, sem farið er með um
bæinn, skulu ávallt leidd í
bandi,“ segir í upphafi 57.
greinar Lögreglusamþykktar
Akureyrarkaupstaðar. Eins og
sjá má er Iögreglusamþykktin,
sem er staðfest í dómsmála-
ráðuneytinu þann 28. aprfl
1954, orðin töluvert úrelt að
mörgu leyti varðandi Iifnaðar-
hætti Akureyringa og staðhætti
í bænum. Auk þess hefur lög-
gjöf á íslandi breyst mikið á
þeim 37 árum sem liðin eru frá
síðustu endurskoðun lögreglu-
samþykktarinnar. Auk þeirra
ákvæða, sem úrelt eru eða
beinlínis röng vegna nýrri
reglna, er ýmislegt í lögreglu-
samþykktinni, sem telja má
óþarfa að geta um.
Þessir annmarkar skyggja
óhjákvæmilega á það, sem staðist
- eða hægt brokk
hefur tímans tönn í Lögreglusam-
þykkt Akureyrarbæjar en hún er
samansett af 81 grein í tólf
köflum. „Almannafæri“ er skil-
greint í upphafi fyrsta kafla en
samkvæmt orðabók þýðir það
„staður þar sem almenningur fer
um.“ Auk þess „gilda ákvæði
samþykktar þessarar um almanna-
færi, eftir því sem við á“. Sem
dæmi segir 3. grein að ekki megi
blístra eða syngja né raska alls-
herjarreglu á almannafæri.
Þeir, sem eru vanir að skjóta
upp flugeldum og kveikja á blys-
um á gamlárskvöld, skulu athuga
fyrir áramót að fá leyfi lögreglu-
stjóra fyrir áramótagamninu því
það er skilyrði fyrir slíkum púður-
leikjum samkvæmt sjöttu grein
lögreglusamþykktarinnar. í sjö-
undu grein hefur ekki verið tekið
tillit til áratuga gamallar hefðar á
Akureyri fyrir því að börn klæðist
í búning á Öskudaginn og safni í
sarpinn með söng því skrifað
stendur að enginn megi ganga
dulklæddur á almannafæri.
Enginn má heldur ótilkvaddur
slökkva eða kveikja á götuljós-
kerum bæjarins samkvæmt tólftu
grein. Ef vinna hindrar umferð
má ekki telgja við, höggva grjót,
járna hesta eða gera við bifreiðar
á almannafæri eins og stendur í
sautjándu grein.
Bifreiða er víðar getið. Fyrir
nýliðna verslunarmannahelgi
hefði Óli H. Þórðarson betur vís-
að til 47. greinar lögreglusam-
þykktarinnar en þar stendur að
ökuhraði bifreiða megi „aldrei
vera meiri en 25 km á klukku-
stund“. 49. grein nefnir hægt
brokk sem aðra viðmiðun fyrir
umferðarhraða á almannafæri.
Mestur hluti sjötta kafla fjallar
um reið, hrossa- og sauðfjár-
rekstra en einnig er getið um akst-
ur bifreiða.
Sjöundi kafli fjallar um búfjár-
og alifuglahald í bæjarlandinu.
Næsti kafli er síður úreltur en
hann fjallar um hundahald. í lok
samþykktarinnar er getið á um
hegningarákvæði, kostnað o.fl.
„Brot gegn samþykkt þessari
varða sektum allt að 2000
krónum, ef ekki liggur við þyngri
hegning að lögum. Hagnaður.. .af
broti.. .skal upptækur ger. “ GT
52. grein
„Ökumenn og vagnstjórar skulu
vera nægilega þroskaðir til þess
starfa (sbr. reglugerð nr. 129 17.
nóv. 1916), enda hafi þeim verið
kennt að stýra hesti og ökutæki af
æfðum ökumanni...“
.Enginn má halda sjónleika..., nema hann fái til þess leyfi Iögreglustjóra.
p
211. ■ J Bb~ Æ 1
Háreysti bönniið í Hafnarstræti
Margt er þó góðra gjalda vert að
hafa skriflegt í reglum sem lög-
reglusamþykktinni þótt oft sé
nóg að hafa almenna skynsemi og
tillitssemi að leiðarljósi. Önnur
grein segir t.d. til um að fólk
skuli raða sér upp í biðröð þar
sem almenningur kemur saman
og bíður afgreiðslu. Skal haga sér
samkvæmt fyrirmælum lögreglu,
sem einnig getur krafið sér til
aðstoðar hvern fulltíða mann,
sem viðstaddur er.
Þrettánda grein bannar sölu á
hvers konar varningi utan sölu-
búða nema sölu á blöðum og
bæklingum og íslenskum afurð-
um samkvæmt leyfi heilbrigðis-
nefndar og að fleiri skilyrðum
uppfylltum. „Bannað er sölu-
mönnum að gera vart við sig með
ópum, köllum eða annarri há-
reysti, einkum frá náttmálum til
dagmála,“ segir í niðurlagi þrett-
ándu greinar. Þarna er sennilega
fengin langþráð skýring á því
hvers vegna blaðasalar á Akur-
eyri þrífast svo illa sem raun ber
vitni en eins og víðförlir lesendur
Dags kannast við tíðkast mikil
hróp á meðal blaðasala í miðborg
Reykjavíkur
Annar kafli fjallar ítarlega um
hvernig hátta skuli framkvæmd-
um ýmiskonar og upplýsir m.a.
húseigendur um skyldur þeirra
og ábyrgð varðandi hættu sem
stafar af húsum þeirra.
72. grein upplýsir um að leyfi
lögreglustjóra þarf til að halda
sjónleika, söngskemmtanir,
hljómleika, dansleika, íþrótta-
sýningar, myndasýningar, töfra-
sýningar eða aðrar opinberar
skemmtanir. Þetta hlýtur enn að
eiga við allar uppákomur s.s. þær
sem stundum eru haldnar í
göngugötunni í Hafnarstræti.
Samkvæmt 19. grein má ekki
kasta rusli ýmis konar á almanna-
færi og 12. grein tekur fyrir rösk-
un á póstbréfakössum og sím-
tækjum o. fl. í almannaþágu.
GT
„Enginn má ganga dulklæddur á almannafæri eða í búningi, sem misbýður almennu velsæmi eða getur raskað allsherjarreglu."
úr 7. grein. Mynd: KGA
Lögreglusamþykkt Akureyrarkaupstaðar:
Vinstrivilla
og ritskoðun
í þau þrjátíu og sjö ár, sem Lög-
reglusamþykkt fyrir Akureyr-
arkaupstað hefur gilt, hefur
mikið vatn runnið til sjávar.
Einnig hefur löggjöf breyst
töluvert. Nú er svo komið að
margt í samþykktinni stangast
á við lög lýðveldisins.
í slíkum tilvikum víkja að
sjálfsögðu reglur á borð við sam-
þykktina fyrir reglum löggjafans
en það stingur í augun þegar lesin
er önnur málsgrein 33. greinar
lögreglusamþykktarinnar: „Við
vegamót skal, ef þörf gerist, sá
bíða, sem hefur farartæki á
vinstri hönd.“ Þarna er við lýði
vinstriregla, sem breyttist í
hægri-reglu árið 1968 þegar tekin
var upp hægri umferð á íslandi.
í fyrstu málsgrein sömu greinar
er ökumönnum bent á að við
framúrakstur skal hleypt „fram
fyrir sig á hægri hönd þeim, sem
fram úr vilja fara.“
í nýjum umferðarlögum frá
1988 eru sérreglur um reiðhjól. í
39. grein laganna segir m.a.:
„Heimilt er að hjóla á gangstétt
eða gangstíg, enda valdi það ekki
gangandi vegfarendum hættu eða
óþægindum.“ Þessi regla gerir lít-
ið úr 15. grein lögreglusamþykkt-
arinnar þar sem segir að ekki
megi fara með reiðhjól m.m. eftir
stéttum fram með götum.
Einnig kveða ný lög á um að
ökumenn bifreiða skuli nota ljós
allan sólarhringinn en samkvæmt
45. grein lögreglusamþykktarinn-
ar þurfa ökumenn í lögsagnar-
umdæmi Akureyrar ekki að
kveikja ökuljós fyrr en klukkan
21.50 í kvöld og mega slökkva
þau klukkan korter yfir þrjú í
nótt.
Niðurlag 67. greinar Lögreglu-
samþykktar Akureyrarkaupstað-
ar orkar tvímælis þegar haft er í
huga ákvæði um tjáningarfrelsi í
72. grein Stjórnarskrár Lýðveld-
isins íslands. í samþykktinni er
vitnað í gömul prentfrelsislög og
það sett sem skilyrði fyrir að festa
megi upp vissar auglýsingar að
þær hafi fyrst verið sendar lög-
reglustjóra. Ákvæðinu má líkja
við ritskoðun en stjórnarskráin
bannar slíkt. GT
19. grein
„Eigi má fleygja glerbrotum, stein-
um, hálmi, ávaxtahýði, pappírsrusli
eða öðru þess konar á almannafæri,
né heldur skvetta þar vatni eða öðru,
er haft getur í för með sér hættu eða
óþægindi fyrir vegfarendur.
Gluggaþvott má ekki framkvæma
síðar en kl. 10 árdegis, og ekki nema
í frostlausu veðri, ef þvotturinn veld-
ur rennsli á gangstétt eða götu eða
getur valdið truflun á umferð á ann-
an hátt. í götubrunna og göturæsi
má ekki hella gólfskolpi né öðrum
óhreinindum, sem saurga götuna.“
8. grein
„Enginn má baða sig eða synda nak-
inn við bryggjur bæjarins eða ann-
ars staðar svo nærri landi eða skip-
um á höfninni, að hneyksli valdi.“
LITIA FRÁBÆRA
ÞVOTTAVÉLIN FYRIR ÞIG
SPARNEYTIN OG
HENTARÞÍNUMAÐSTÆÐUM
ÆUMENIAX
ENGRI LÍK
Ábyrgð - Þjónusta.
Raftækni, Óseyri 6,
sími 26383, 24223.
GLERÁRGÖTU 36
SÍMI 11500
Á söluskrá:
Vantar:
2-3 herb. íbúð á 2. hæð í Lund-
arhverfi.
Vantar:
4 herb. raðhús v/Einilund eða 3-
4 herb. neðri hæð á Suður-
Brekkunni.
Steinahlíð:
5 herb. raðhús á 2 hæðum
ásamt bílskúr samtals ca. 165
fm. Laust fljótlega.
Skarðshlíð:
3 herb. ibúð á 2. hæð ca. 87 fm.
Ástand gott. Áhvílandi langtíma-
lán ca. 3.4 millj. Laus fljótlega.
Lyngholt:
Neðri hæð ( tvíbýli ásamt
bílskúr. Eignin er í mjög góðu
lagi. Laus eftir samkomulagi.
Vantar:
4 herb. raðhús án bílskúrs í
Glerárhverfi ca. 110-120 fm.
Góð hæð í sömu stærð kemur til
greina.
FASTÐGNA&M
SKlPASAIAlfeáZ
NORÐURLANDS fl
Glerargötu 36, 3. hæð Simi 11500
Opið virka daga kl. 14.00-18.30
á öðrum tímum eftir samkomulagi
Sölustjóri:
Pétur Jósefsson
Heimasími 24485
Lögmaður:
Benedikt Óiafsson hdl.
Tvær leiðir
eru hentugar til þess
að verja ungbarn í bíl
Látið barnið annaðhvorl liggja
í bílstól fyrir ungbörn eða
barnavagni sem festur er
með beltum.
u
UMFERÐAR
RÁÐ